bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Song of Solomon 5
Song of Solomon 5
Edo ((E Baibol Ẹdo) Version 1996)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 6 →
1
I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.
2
I rhe vbiẹ, orhiọn mwẹ rhiọrre I keghi mina wẹ enida mwẹ gha sobọ vbe urho Gunmwẹ la owa enida mwẹ ikpẹ amiẹnmiẹn mwẹ, idu mwẹ evbu wa tuo yọmwẹ uhunmwu ighogho amẹ gba mwẹ uhunmwu hia
3
I kuọ ukpọn ye otọ nẹ vbe I a ghi ra vbe he ọ re ye egbe baa? I kpe owẹ mwẹ nẹ, vbe I a ghi ra vbe yae gbe iruẹn hẹ?
4
Enida mwẹ rhie obọ ye urho egbe kegha mu mwẹ wẹ ọ sẹ emwa fo nẹ.
5
I mu egbe ne I gie ẹe la owa oziya keghi gba obọ mwẹ hia oziya ne ọ re amẹ keghi gba ikpinhianbọ mwẹ vbe I ya rhie obọ ye emwi ne a ya kie urho.
6
I keghi kie urho ne enida mwẹ sokpan ọ kpao nẹ usin. U miẹn vbene I te ho ne I họn urhu ẹre hẹ. I gualọ ẹe sokpan, I ma miẹn ọẹn, I datie ẹre sokpan I ma miẹn ewanniẹn rhọkpa.
7
Avbe iran ni khẹ ore ẹvbo keghi miẹn mwẹ, iran kinmwi mwẹ, iran kevbe yi mwẹ ama, iran ni khẹ onurho ẹvbo keghi kie ẹwu oni mwẹ mu fua.
8
Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.
9
Olose ne ọ sẹre vbe uwu avbe ikhuo hia enida ruẹ vbe lughaẹn ne emwa ọvbehe hia ra? De ọsughe ne ọ rre ọ re egbe yi ne ima gha na gha yan ma ruẹn?
10
Enida mwẹ mose, ọ vbe wegbe, a i miẹn egbe irẹn gberra okpa vbe uwu arhin arriaisẹn igbe.
11
Uharo ẹre yevbe ẹrọnmwọ, ọ vbe rriẹ, eto ẹre keghi ki rre ọ siere vbe etitibiti.
12
Aro ẹre ye mose mose vbe idu ni rre ọkpẹn ẹzẹ avbe idu ne a ye ewẹn khue, iran na mudia ye ọkpẹn ẹzẹ.
13
Irho ẹre ye mose mose vbe ogba obobo ne ọ vuọn ne ebe vbe irunmwu kevbe oziya akhuarhamwunu ẹnrẹn yevbe iyokho ẹzẹ ne a ya oziya gbe amẹ khakha.
14
Obọ ẹre mudia ẹse, ọ keghi vbe viọ oroka ne a hẹ ikpẹrọnmwọ yi ye obọ egbe ẹre yevbe akọn eni ne kpẹghẹ, ne a vbe viọ okuta ne wainwain yi.
15
Ekuawẹ ọre keghi re orre alabasta ne a viọ ye ako igoru ọ ye gbangbangban vbe Oke Lebanọn deba sida ni taẹn ni rrọọ
16
Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 6 →
All chapters:
1
2
3
4
5
6
7
8