bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Song of Solomon 8
Song of Solomon 8
Edo ((E Baibol Ẹdo) Version 1996)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
1
Vbe ọ rrọọ nian akpawẹ ọtẹn mwẹ nokpia ọ re u khin, kevbe wẹ iye mwẹ ọ re ọ ya nuẹn wẹn, ẹghẹ nii, I gha dekun ruẹn vbe adesẹ ore I ghẹ ghi vbe mu ẹẹn unu hiẹnhiẹn ọmwa rhọkpa i ghẹ vbe zẹ yọ.
2
Te I gha rhie ruẹ gha die owa iye mwẹ; ne u do ma mwẹ emwi ne ọ re ahoẹmwọmwa. I gha te rhie ayọn ne a sa emwi ne ọ winhin yi, kevbe ayọn ighee mwẹ, ne u wọn.
3
Obọ iyọmwa ruẹn rre ototọ uhunmwu mwẹ obọ erha ọmwa ruẹn gha rra mwẹ egbe egbe.
4
Wa yan ma mwẹ, wa ne ikhuo ne Jerusalẹm, wẹ wa i ra fi ukpe ye ẹmwẹ ahoẹmwọmwa ima.
5
De ọmwa ne ọ ke uwu ẹgbo de na yi ne irẹn vbe enida ẹre gba rhie egbe obọ? Ototọ erhan otiẹn ọ re I na huẹn ruẹn vbe ehe ne a na biẹ ọọ.
6
Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.
7
Amẹ i sẹtin dọ ẹre yọ, a i miẹn orogho ne ọ sẹtin lẹ rhu ẹe sokpan ọmwa gha kha wẹ, rẹn gha ya igho ẹre dẹ ahoẹmwọmwa, amẹ isikan ne a kpe ku ọmwa ọrọre emwi ne ọ ra miẹn vbọ.
8
Ma mwẹ ọtẹn okhuo nekherhe ọkpa, te ewẹn ọnrẹn he ye giere, de emwi ne ima gha ru ne ẹẹn a deghẹ igbama okpa rre do vbu ẹe?
9
Adeghẹ egbekẹn nọ, ma gha bọ owa ọkhẹ esiliva ne ẹẹn, sokpan, adeghẹ onurho ẹvbo nọ, ma gha ya sida ne a valọe gba ogba lẹga ẹre.
10
Egbekẹn ọ re ime khin, avbe ewẹn mwẹ ọrọre owa ọkhẹ ọre. Enida mwẹ rẹnrẹn wẹ ehe ne irẹn ye ọ re I na mwẹ ọyẹnmwẹ kevbe ọfumwegbe. Okpia nii:
11
E Solomọn mwẹ ogba azara okpa vbe ehe ne a tie ẹre Bal Hamọn avbe ọgbugbo ni mu ẹẹn vbe obọ ẹre rre evba. Igho esiliva arriaisẹn ọre ọkpọkpa vbo hae.
12
E Solomọn sẹtin rhie arriaisẹn ọghọe, ne avbe ọgbugbo viọ arriaisẹn eva. Mẹ mwẹ ogba azara obọ mwẹ.
13
Gun mwẹ họn urhu ruẹ vbe u guan vbe uwu ogba, enida mwẹ. Avbe ihua mwẹ mudia, ne iran họn urhu ruẹ vbe u guan. Okhuo Nii:
14
Enida mwẹ bu mwẹ gha dee zevbe uzo, zẹ vbe ovbi ẹrhuẹ vbe avbe uhunmwu oke, ehe ne avbe emwi ni winhin na zọ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
All chapters:
1
2
3
4
5
6
7
8