bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Acts 22
Acts 22
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
“ହେ ଯିହୁଦି ବାଇମ୍ନ୍ ଆର୍ ଉବାମ୍ନ୍, ମୁଇ ତୁମାର୍ ଲ୍ଗେ ଜୁଇସ୍ବୁ ମର୍ ବିରଦି ମ୍ନ୍କେ ଉତ୍ତର୍ ଦେମ୍କେ କ୍ମ୍ଲେ, ସେରି ଶୁଣା।”
2
ସେମ୍ନ୍କାର୍ ସ୍ଙ୍ଗ୍ ଏବ୍ରୀ ବାଷାଇ ପାଉଲ୍ କ୍ତା କ୍ଉତାର୍ ଶୁଣିକ୍ରି ଲକ୍ମ୍ନ୍ ଶାନ୍ତି ଅଇଲାଇ।
3
ସେତି ପାଉଲ୍ କଇଲା, “ମୁଇ ଗଟେକ୍ ଯିହୁଦି, ମୁଇ କିଲିକିଆର୍ ସ୍ହରାର୍ ତାର୍ଷ ଜାଗାଇ ମର୍ ଜ୍ର୍ନ୍, ମ୍ତର୍ ମୁଇ ଯିରୁଶାଲମ୍ ସ୍ହରେ ବାଡ୍ଲେ ଆଚି, ଅମାର୍ ହୁର୍ବାର୍ କାଳାର୍ ଦାଦିବାବୁମ୍ନ୍ ମୋଶାର୍ ବିଦିବିଦାନାର୍ ନିୟମ୍ ହର୍ ଗମଲୀୟେଲ୍ ଗଡ୍ତ୍ଳେ ବ୍ସି ଶିକ୍ୟା ହାଇ ଆତ୍ତି। ତୁମି ସ୍ବୁଲକ୍ ଜ୍ନ୍କ୍ରି ଅବେ ଇଶ୍ଵରାର୍ ଲ୍ଗେ ସ୍ର୍ଦା ସ୍ଙ୍ଗ୍ ଆଚାସ୍, ମୁଇ ହେ ସେନ୍କାର୍ ଇଶ୍ଵରାର୍ ଲ୍ଗେ ସ୍ର୍ଦା ସ୍ଙ୍ଗ୍ ରିଲେ।
4
ମୁଇ ଯୀଶୁକେ ବିଶ୍ବାସ୍ କ୍ର୍ତା ଅଣ୍ଡ୍ରା ଆର୍ ମାଇଜି ଟକି ସ୍ବୁ ଲକ୍ମ୍ନ୍କେ ବାନ୍ଦି ଆଣି ଜେଇଲେ ସ୍ଙ୍ଗାଉତି ରିଲେ, ସେ ଲକ୍ମ୍ନ୍କେ ଅନ୍ଯାଇ କ୍ରି ସେମ୍ନ୍କେ ମ୍ର୍ନେ ଡ୍ଣ୍ତ୍ ଦେତିରିଲେ।
5
ମର୍ ଇକ୍ତା ସ୍ତ୍ ଯେ ଇରି ମୁକିଆ ଜାଜକ୍ ଆର୍ ପାରାଚିନ୍ମ୍ନ୍ ମର୍ ସାକି। ଯୀଶୁକେ ବିଶ୍ବାସ୍ କ୍ର୍ତା ଯିହୁଦି ଲକ୍ମ୍ନ୍କେ ସିକ୍ଳି ସ୍ଙ୍ଗ୍ ବାନ୍ଦିକ୍ରି ଯିରୁଶାଲମ୍ ଆଣୁକେ ମୁଇ ବ୍ଡ୍ ଜାଜକାର୍ ତ୍ଇହ୍ଣି ଆଦେଶ୍ ଚିଟି ନ୍ଇକ୍ରି ଦମେସ୍କସାର୍ ତ୍ଇରିଲା ଯିହୁଦି ବାଇମ୍ନ୍କାର୍ ଲ୍ଗେ ଜାତିରିଲେ।”
6
“ଜ୍ଡେବ୍ଳ୍ ମୁଇ ଜ୍ମ୍ ଜ୍ମ୍ ଦମେସ୍କସ୍ ସ୍ହର୍ ଲ୍ଗେ ଅଇରିଲେ, ସ୍ଡେବ୍ଳ୍ ମୁଣ୍ତେବେଳ୍ ଅଇରିଲି ହଟାତ୍ ଗଟେକ୍ ସ୍ର୍ଗେ ହ୍ଣି ଉଜାଳ୍ ମର୍ ଚାରିବାଟ୍ ଚ୍ମ୍କି ଉଟ୍ଲି।
7
ସ୍ଡେବ୍ଳ୍ ମୁଇ ବୁଏଁ ଅଦୁର୍ଲେ, ଆର୍ ମକେ ସ୍ର୍ଗେ ହ୍ଣି ଗଟେକ୍ କ୍ତା ଶୁଣ୍ଲେ, ‘ଶାଉଲ, ଶାଉଲ, ତୁଇ କାଇତାକ୍ ମକେ ଲିନ୍ଦା ତାଳ୍ନା କ୍ରୁଲିସ୍?’
8
ମୁଇ ହ୍ଚାର୍ଲେ, ‘ମାପ୍ରୁ, ତୁଇ କେ?’ ସେ ମକେ କଇଲା, ‘ଜାକେ ତୁଇ ଲିନ୍ଦା ତାଳ୍ନା କ୍ରୁଲିସ୍, ମୁଇ ସେ ନାଜରିତୀୟ ଯୀଶୁ।’
9
ଜୁଇ ଲକ୍ମ୍ନ୍ ମର୍ସ୍ଙ୍ଗ୍ ରିଲାଇ, ସେମ୍ନ୍ ହେଁ ଉଜାଳ୍ ଦ୍କ୍ଲାଇ ସେରି ସ୍ତ୍, ମ୍ତର୍ ଯେ ମକେ କ୍ତା କଇଲା ସେମ୍ନ୍ ତାର୍ କ୍ତାକେ ବୁଜୁ ନାହାର୍ଲାଇ।
10
ସେତାକ୍ ମୁଇ କଇଲେ, ‘ମାପ୍ରୁ ମୁଇ କାଇରି କ୍ରିନ୍ଦ୍?’ ଆରେକ୍, ମାପ୍ରୁ ମକେ କଇଲା, ତୁଇ ଉଟ୍ ଦମେସ୍କସ୍ ସ୍ହର୍କେ ଜା, ‘ଇଶ୍ୱର୍ ତର୍ଗିନେ ଜୁଇକାମ୍ କ୍ରୁକେ ବାଚିଆଚେ, ସେ ସ୍ବୁ ତୁମୁକେ ସେତି ଜାଣା ଅଇଦ୍।’
11
ମୁଇ ବେସି ଉଜାଳ୍ ଅଇଲି ଲାଗି ମୁଇ ଦ୍କୁ ନାହାର୍ଲେ, ସେତାର୍ଗିନେ ମର୍ସ୍ଙ୍ଗ୍ ଜାତିରିଲା ଲକ୍ମ୍ନ୍ ମକେ ଆତେ ଦ୍ରିକ୍ରି ଦମେସ୍କସ୍ ସ୍ହର୍କେ ନିଲାଇ।
12
ସେ ସ୍ହରେ ହନନୀୟ ନାଉର୍ ଗଟେକ୍ ଦାର୍ମିକ୍ ଲକ୍ରିଲା, ସେ ମୋଶାର୍ ବିଦିବିଦାନ୍ ବେସି ମାନ୍ତି ରିଲା, ଆର୍ ସେତି ବାସାକ୍ରିରିଲା ଯିହୁଦିମ୍ନ୍ ତାକେ ବେସି ମାନ୍ତି ରିଲାଇ,
13
ସେ ମର୍ଲ୍ଗେ ଆସି ଟିଆ ଅଇକ୍ରି ମକେ କଇଲା, ‘ବାଇ ଶାଉଲ, ତର୍ ଆକି ଆରେକ୍ ଦ୍କୁକେ ଶ୍କ୍ତି ହାଉ।’ ସ୍ଡେବ୍ଳ୍ ମୁଇ ଆରେକ୍ ଦ୍କୁ ହାର୍ଲେ ଆର୍ ତାକେ ଦ୍କ୍ଲେ।
14
ଆରେକ୍ ସେ କଇଲା, ଅମାର୍ମ୍ନ୍କାର୍ ହୁର୍ବାର୍ କାଳାର୍ ଲକ୍ମ୍ନ୍କାର୍ ଇଶ୍ୱର୍ ତାର୍ ଇଚା ଜାଣୁକେ, ଆର୍ ସେ ଗଟେକ୍ ଦ୍ର୍ମ୍ ଲକ୍କେ ଦ୍କୁକେ ଆର୍ ତାର୍ ଟଣ୍ତାର୍ କ୍ତା ଶୁଣୁକେ ସେ ତକେ ବାଚ୍ଲା ଆଚେ।
15
କାଇତାକ୍ ତୁଇ ଜୁଇ ଜୁଇରି ଦ୍କି ଆଚ୍ସି ଆର୍ ଶୁଣିଆଚ୍ସି, ସେ ସ୍ବୁ ବିଷୟ୍ ଲକ୍ମ୍ନ୍କେ କ୍ଉ ଆର୍ ମର୍ ସାକି ଅଉଆ।
16
ଆରେକ୍ ତୁମି ଏବେ କାଇକ୍ରୁକ୍ ବେଳ୍ କ୍ରୁଲିସ୍? ଉଟ୍ ଡୁବେନ୍ ନେ, ଆର୍ ମାପ୍ରୁ ତ୍ଇ ପାର୍ତେନା କ୍ରି ନିଜାର୍ ପାପ୍ସ୍ବୁ ଦୟ୍ ଦେସ୍।
17
ମୁଇ ଯିରୁଶାଲମ୍ ହ୍ଣି ବାଉଳି ଗ୍ଲେ ଆର୍ ମନ୍ଦିରେ ପାର୍ତେନା କ୍ର୍ତିରିଲାବ୍ଳ୍ ଜାକ୍ ଅଇକ୍ରି ମାପ୍ରୁକେ ଦ୍କ୍ଲେ।
18
ସେ ମକେ କଇଲା, ବେଗି ଯିରୁଶାଲମ୍ ସ୍ହର୍ ଚାଡିକ୍ରି ଜା, କାଇତାକ୍ ଜୁଇ ଲକ୍ମ୍ନ୍ ଇତି ଆତ୍ତି, ସେମ୍ନ୍ ଅମାର୍ ବିଷୟେ ତୁଇ କଇଲା ସାକ୍ଯ ମ୍ନ୍ ନ୍କେର୍ତି।
19
ସେତାର୍ଗିନେ ମୁଇ କଇଲେ, ‘ମାପ୍ରୁ, ପାର୍ତେନା ଗ୍ର୍ମ୍ନ୍କେ ଜାଇକ୍ରି ତର୍ଲ୍ଗେ ବିଶ୍ବାସ୍ କ୍ର୍ତିରିଲା ସ୍ବୁଲକ୍କେ ମୁଇ କ୍ନ୍କ୍ରି ବାନ୍ଦିକ୍ରି ଜେଇଲେ ହୁରାଉତି ରିଲେ ଆର୍ ମାଡ୍ ମାର୍ତି ରିଲେ, ଇରି ସେମ୍ନ୍ ନିଜେ ଜାଣ୍ତି।
20
ଜ୍ଡେବ୍ଳ୍ ତର୍ ସାକି ସ୍ତିଫାନ୍କେ ମ୍ର୍ନେ ମାର୍ଲାଇ, ସ୍ଡେବ୍ଳ୍ ମୁଇ ନିଜେ ସେତିରିଲେ। ଆର୍ ତାକେ ମ୍ର୍ନେ ମାର୍ଲା ଲକ୍ମ୍ନ୍କାର୍ ହ୍ଚିଆ ମୁଇ ଜାଗ୍ତି ରିଲେ।’”
21
ମାପ୍ରୁ ମକେ କଇଲା, “ଜା ମୁଇ ତକେ ବେସି ଦୁରିକେ ଯିହୁଦି ଚାଡି ବିନ୍ଜାତି ଲକ୍ମ୍ନ୍କାର୍ ଲ୍ଗେ ହ୍ଟାଇନ୍।”
22
ଲକ୍ମ୍ନ୍ ଇ ସ୍ବୁକ୍ତା କ୍ଉତା ହ୍ତେକ୍ ମ୍ନ୍ ଦିଆନ୍ କ୍ରି ଶୁଣ୍ତି ରିଲାଇ, ତାର୍ହ୍ଚେ ଲକ୍ମ୍ନ୍ ବ୍ଡ୍ ଟଣ୍ତ୍କ୍ରି ବେଲ୍କି ଅଇ କଇଲାଇ, ଅନ୍କା ଲକ୍କେ ମ୍ର୍ନେ ମାରି ଦିଆସ୍, କାଇତାକ୍ ସେ ବାଚି ରେତା ଦ୍ର୍କାର୍ ନାଇ।
23
ଆରେକ୍ ଜ୍ଡେବ୍ଳ୍ ସେମ୍ନ୍ ବ୍ଡ୍ ଟଣ୍ତ୍କ୍ରି ବେଲ୍କି ଅଇଲାଇ, ଆର୍ ବାନ୍ଦି ଅଇରିଲା ନିଜାର୍ ନିଜାର୍ ହ୍ଚିଆକେ ଚିର୍ତି ରିଲାଇ, ଆର୍ ଦୁଳି ଉହ୍ରେ ହିଙ୍ଗ୍ତି ରିଲାଇ।
24
ପାଉଲ୍କେ ସେନାମନ୍ ରେତା ଗ୍ରେ ବିତ୍ରେ ନେମ୍କେ ହ୍ଜାର୍ ଗଟ୍ ସେନାର୍ ମୁକିଆ ରୋମୀୟ ଶଇନ୍ମ୍ନ୍କେ ଆଦେଶ୍ ଦିଲା, ଯିହୁଦିମ୍ନ୍ କାଇତାକ୍ ତାର୍ ବିରୁଦେ ଅନ୍କ୍ରି ବ୍ଡ୍ ଟଣ୍ତ୍କ୍ରି କ୍ମ୍ଲାଇ, ସେରି ଜାଣ୍ତାର୍ ଗିନେ ସେ ପାଉଲ୍କେ କର୍ଡା ସ୍ଙ୍ଗ୍ ମାରୁକେ ଆଦେଶ୍ ଦିଲା।
25
ସେମ୍ନ୍ ତାକେ ବାନ୍ଦ୍ଲା ହ୍ଚେ, ପାଉଲ୍ ଶଏଗଟ୍ ସେନାର୍ ମୁକିଆକେ କଇଲା, “କାଇ ଦସ୍ କ୍ରି ନ୍ରିଲା ଗଟେକ୍ ରୋମୀୟ ସ୍ହରାର୍ ଲକ୍କେ କର୍ଡା ସ୍ଙ୍ଗ୍ ମାର୍ତାର୍ ତୁମାର୍ ଲ୍ଗେ କାଇରି ନିୟମ୍ କି?”
26
ଇରି ଶୁଣିକ୍ରି ଶଏଗଟ୍ ସେନାପତିର୍ ମୁକିଆ ହ୍ଜାର୍ ଗଟ୍ ସେନାର୍ ମୁକିଆକେ ଜାଇକ୍ରି କଇଲା, “ତୁଇ କାଇରି କ୍ରୁଲିସ୍, ଇ ମାନାଇ ଗଟେକ୍ ରୋମୀୟ ସ୍ହରେ ବାସାକ୍ରିରିଲା ଲକ୍।”
27
ସେତାକ୍ ହ୍ଜାର୍ ଗଟ୍ ସେନାପତିର୍ ମୁକିଆ ଆସିକ୍ରି ପାଉଲ୍କେ କଇଲା, “ମକେ କ୍ଉ, ତୁଇ ଗଟେକ୍ ରୋମୀୟ ଲକ୍ କି?” ସେ କଇଲା “ହେଁ।”
28
ସେତାକ୍ ହ୍ଜାର୍ ଗଟ୍ ସେନାର୍ ମୁକିଆ କଇଲା, “ବେସି ଡାବୁ କ୍ର୍ଚ କ୍ରି ମୁଇ ରୋମୀୟ ସ୍ହରାର୍ ଲକ୍ ଅଇଲେଆଚି।” ପାଉଲ୍ କଇଲା, “ମୁଇ ଜ୍ଲମେହ୍ଣି ଗଟେକ୍ ରୋମୀୟ ଦେଶାର୍ ଲକ୍।”
29
ତ୍ବେ ଜୁଇସ୍ବୁ ଲକ୍ମ୍ନ୍ ପାଉଲ୍କେ ହ୍ଚାରୁକେ ଜାତିରିଲାଇ, ସେମ୍ନ୍ ସେମାଡେ ହ୍ଚାରୁକେ ବ୍ନ୍ଦ୍ କ୍ଲାଇ, କାଇତାକ୍ ପାଉଲ୍ ଗଟେକ୍ ରୋମୀୟ ସ୍ହରେ ବାସାକ୍ରିରିଲା ଲକ୍ବ୍ଲି ଜାନ୍ଲାଇ, ସେ ଯେ ତାକେ ସିକ୍ଳି ସ୍ଙ୍ଗ୍ ବାନ୍ଦୁକେ ଆଦେଶ୍ ଦିଲାଆଚେ, ଇରି ଜାଣିକ୍ରି ହ୍ଜାର୍ ଗଟ୍ ସେନାର୍ ମୁକିଆ ବେସି ଡିର୍ଲା।
30
ମ୍ତର୍ ଯିହୁଦିମ୍ନ୍ ପାଉଲାର୍ କାଇ ଦସ୍ ଆଣୁଲାଇ ସେରି ବ୍ଲ୍କ୍ରି ଜାଣ୍ତାର୍ ଗିନେ ହ୍ଜାର୍ ଗଟ୍ ସେନାର୍ ମୁକିଆ ତାର୍ ଆରେଗଟ୍ ଦିନ୍ ପାଉଲ୍କେ ବାନ୍ଦି ରିଲାର୍ ସ୍ବୁ ଇଟାଇକ୍ରି ଜାଜକ୍ମ୍ନ୍ ଆର୍ ସେ ସ୍ବୁ ମିଟିଙ୍ଗ୍ ବ୍ସିତି ରିଲା ଲକ୍ମ୍ନ୍କେ କୁଦୁକେ ଆଦେଶ୍ ଦିଲା, ଆର୍ ପାଉଲ୍କେ ଆଣିକ୍ରି ସେମ୍ନ୍କାର୍ ମୁଏ ଟିଆ କ୍ଲାଇ।
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28