bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Acts 24
Acts 24
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
ହାଁଚ୍ ଦିନ୍ ହ୍ଚେ ହାନାନ ମୁକିଆ ଜାଜକ୍ କ୍ତିଗଟ୍ ପାରାଚିନ୍ମ୍ନ୍କେ ଆର୍ ତର୍ତ୍ତୁଲ ନାଉଁର୍ ଗଟେଲକ୍ ଓକିଲ୍କେ ଦ୍ରିକ୍ରି କାଇସରିୟା ସ୍ହରେ ଗ୍ଲାଇ, ଆର୍ ସେମ୍ନ୍ ପାଉଲାର୍ ବିରୁଦେ ଗବର୍ନର୍ ଫେଲିସ୍ ର୍ଜାର୍ ଲ୍ଗେ କଇଲାଇ।
2
ତାର୍ହ୍ଚେ ପାଉଲ୍କେ ସେତି କୁଦ୍ଲାଇ, ତର୍ତ୍ତୁଲ ଓକିଲ୍ ତାର୍ ବିରୁଦେ ରିଲା ସ୍ବୁ ଦସ୍କେ ଜାଣାଇଲା, “ହେ ମାନ୍ତି ହାଉତା ଫେଲିସ୍ ର୍ଜା, ତର୍ ଦ୍ରମେ ଅମିମ୍ନ୍ ଅବେହ୍ତେକ୍ ଶାନ୍ତି କ୍ରିଆଚୁ, ଆର୍ ଅମାର୍ ଦେଶାର୍ ବ୍ଲାର୍ ଗିନେ ତୁଇ ଗାଦା ସ୍ବୁ ବ୍ଲ୍କାମ୍ କ୍ରୁଲିସ୍,
3
ତୁଇ ଅମାର୍ ଗିନେ ବ୍ଲ୍କାମ୍ ସ୍ବୁ କ୍ରି ଆଚ୍ସି ବ୍ଲି ଅମିମ୍ନ୍ ସ୍ବୁ ଜାଗାଇ ଆର୍ ସ୍ବୁବ୍ଳ୍ ସ୍ର୍ଦା କ୍ରୁଲୁ।
4
ମ୍ତର୍ ମୁଇ ତର୍ ଦୁକ୍କ୍ଷ୍ଟ ନ୍କେରି, ସେତାର୍ଗିନେ ତୁଇ ଦ୍ର୍ମ୍ କ୍ରି ଅମାର୍ମ୍ନ୍କାର୍ କ୍ତେକ୍ କ୍ତାସ୍ବୁ ଶୁଣ୍।
5
କାଇତାକ୍ ଅମିମ୍ନ୍ ଦ୍କୁଲୁ ଯେ ଇଲକ୍ ଗଟେକ୍ ମାଡ୍ଗଳ୍ କ୍ରାଉତା ଲକ୍, ଇଲକ୍ ହୁର୍ତିବିର୍ ଚାରିହ୍କାର୍ ଯିହୁଦି ଲକ୍ମ୍ନ୍କାର୍ ବିତ୍ରେ ମାଡ୍ଗଳ୍ କ୍ରାମ୍ଲା, ଆର୍ ଇଲକ୍ ନାଜରିତିୟ ଦ୍ଳାର୍ ଗଟେକ୍ ବ୍ଡ୍ ନେତା ବ୍ଲି ଜାଣିଆଚୁ।
6
ସେ ଅମାର୍ ମନ୍ଦିର୍କେ ଅଶୁଚି କ୍ରୁକେ ଚେଷ୍ଟା କ୍ର୍ତିରିଲା, ମ୍ତର୍ ଅମିମ୍ନ୍ ତାକେ ଦ୍ର୍ଲୁ ଆଚୁ, ଆର୍ ତାକେ ଅମି ଅମାର୍ ମୋଶାର୍ ବିଦିବିଦାନ୍ ହର୍ ବିଚାର୍ କ୍ରୁନ୍ଦ୍ ବ୍ଲି ବାବ୍ଲୁ ଆଚୁ।
7
ମ୍ତର୍ ହ୍ଜାର୍ ଗଟ୍ ସେନାର୍ ମୁକିଆ ଲୁସିୟା ଆସିକ୍ରି ଅମାର୍ ତ୍ଇହ୍ଣି ତାକେ ଚାଡାଇକ୍ରି ଆନ୍ଲା,
8
ଆର୍ ଜୁଇସ୍ବୁ ଇଲକାର୍ ବିରୁଦେ କ୍ମ୍ଲାଇ, ସେମ୍ନ୍କେ ତର୍ଲ୍ଗେ ଆସୁକେ ଆଦେଶ୍ ଦିଲା। ସ୍ବୁ ବିଷୟେ ଅମିମ୍ନ୍ ଇଲକାର୍ ବିରୁଦେ କ୍ମ୍ଲୁ, ତ୍ବେ ତୁଇ ନିଜେ ତାକେ ପରିକ୍ୟା କ୍ଲେକ୍ ସେ ସ୍ବୁକ୍ତା ଜାଣୁହାର୍ସି।”
9
ସେ କଇରିଲା ସ୍ବୁକ୍ତା ସ୍ତ୍ବ୍ଲି ଯିହୁଦି ଲକ୍ମ୍ନ୍ ହେଁ ମିସିକ୍ରି ଦାବି କ୍ଲାଇ।
10
ତାର୍ହ୍ଚେ ଗବର୍ନର୍ ଫେଲିସ୍ ର୍ଜା ପାଉଲ୍କେ କ୍ତା କ୍ମ୍କେ ଆଦେଶ୍ ଦିଲାକେ ସେ କଇଲା, “ମୁଇ ଜାଣୁଲେ ଯେ ବେସି ବର୍ଷ ଅଇଲି ଦେଶାର୍ ବିଚାର୍ କ୍ର୍ତା ଅଇ ଆଚ୍ସି ବ୍ଲି, ସେତାର୍ଗିନେ ମୁଇ ତର୍ଲ୍ଗେ ମର୍ ନିଜାର୍ କ୍ତା କ୍ମ୍କେ ନିଜ୍କେ ସାସ୍ କ୍ରୁଲେ।
11
ତୁଇ ନିଜେ ବିଚାର୍ କ୍ଲେକ୍ ଜାଣୁହାର୍ସି ଯେ ବାର ଦିନ୍ ଆଗ୍ତୁ ମୁଇ ଯିରୁଶାଲମ୍ ସ୍ହରେ ଆରାଦନା କ୍ରୁକେ ଜାଇରିଲେ।
12
ମନ୍ଦିରେ କାର୍ ସ୍ଙ୍ଗ୍ ମାଡ୍ଗଳ୍ କ୍ରାଉତାର୍ ଯିହୁଦିମ୍ନ୍ ମକେ ନ୍ଦେକ୍ତି, ଆର୍ ପାର୍ତେନା ଗ୍ରେ କି ବିନ୍ ଜାଗାଇ ଲକ୍ମ୍ନ୍କେ ମୁଇ କ୍ତା ଅଉତି ରିଲାର୍ ନ୍ଦେକ୍ତି,
13
ଆର୍ ଅବେ ଏମ୍ନ୍ ମର୍ ବିରୁଦେ ଜୁଇସ୍ବୁ ଦସାର୍ କ୍ତା ସେମ୍ନ୍ କ୍ମ୍ଲାଇ, ସେ ସ୍ବୁ ତର୍ଲ୍ଗେ ହ୍ର୍ମାଣ୍ ସ୍ଙ୍ଗ୍ ସ୍ତ୍ବ୍ଲି ଦ୍କାମ୍ ନ୍ହାର୍ତି।
14
ମ୍ତର୍ ମୁଇ ତର୍ଲ୍ଗେ କ୍ମ୍ଲେ ଯେ ଜୁଇ ନ୍ଉଁଆ ବିଶ୍ବାସ୍କେ ସେମ୍ନ୍ ମିଚ୍ବ୍ଲି କ୍ମ୍ଲାଇ। ସେ ର୍ସ୍ତାଇ ମୁଇ ଜ୍ମ୍ଲେ ଆର୍ ଅମାର୍ ହୁର୍ବାର୍ କାଳାର୍ ଇଶ୍ଵରାର୍ ଆରାଦନା ହର୍ କ୍ରୁଲେ। ଜୁଇ ଜୁଇରି ମୋଶାର୍ ବିଦିବିଦାନ୍ ଆର୍ ବବିଶତ୍ କ୍ତା କ୍ଉତା ଲକ୍ମ୍ନ୍କାର୍ ସ୍ବୁ ଶାସ୍ତର୍ ବିଶ୍ବାସ୍ କ୍ରୁଲେ।
15
ଇ ମାନାଇ ହର୍ ମର୍ ହେଁ ଇଶ୍ଵରାର୍ ଲ୍ଗେ ବିଶ୍ବାସ୍ ଆଚେ। ଦ୍ର୍ମ୍ ଲକ୍ ଆର୍ ଅଦ୍ର୍ମ୍ ଆରେକ୍ ଜୀବନ୍ ହାଇକ୍ରି ଉଟ୍ତି ବ୍ଲି ଏମ୍ନ୍ ବିଶ୍ବାସ୍ କ୍ରୁଲାଇ ମୁଇ ହେଁ ସେନ୍କ୍ରି ବିଶ୍ବାସ୍ କ୍ରୁଲେ।
16
ସେତାର୍ଗିନେ ମୁଇ ହେଁ ନିଜେ ଇଶ୍ଵରାର୍ ଲ୍ଗେ, ଆର୍ ମାନାଇମ୍ନ୍କାର୍ ଲ୍ଗେ ବ୍ଲ୍ବାବେ ଜୀବନ୍ ବାଚାମ୍କେ ସ୍ବୁବ୍ଳ୍ ଚେଷ୍ଟା କ୍ରୁଲେ।
17
ବେସି ବର୍ଷ ହ୍ଚେ ମୁଇ ମର୍ ଯିହୁଦି ଜାତିର୍ ଗିନେ ଯିରୁଶାଲମ୍ ସ୍ହରେ ହ୍ଣି ଅଲ୍ଗା ରିଲା ହ୍ଚେ ମର୍ ନିଜାର୍ ଇନସ୍ତା ଲକ୍ମ୍ନ୍କାର୍ ଗିନେ କ୍ତେକ୍ ଡାବୁ ନ୍ଇ ହୁଜା ଦେମ୍କେ ମୁଇ ସେତିକେ ଆସିରିଲେ।
18
ମୁଇ ଶୁଚିର୍ ବିଦିବିଦାନ୍ ସ୍ର୍ଲା ହ୍ଚେ ସେମ୍ନ୍ ମକେ ମନ୍ଦିରେ ଦ୍କ୍ଲାଇ। ସ୍ଡେବ୍ଳ୍ ମର୍ଲ୍ଗେ ଲକ୍ମ୍ନ୍ ନ୍ରିଲାଇ କି ମାଡ୍ଗଳ୍ ନ୍ଉତି ରିଲାଇ, ମ୍ତର୍ ଆସିଆ ଦେଶାର୍ କ୍ତେକ୍ ଯିହୁଦିମ୍ନ୍ ସେତି ରିଲାଇ।
19
ଯଦି ସେମ୍ନ୍ ମର୍, ବିରୁଦେ କାଇକ୍ତା କ୍ଉତାର୍ ରିଲେକ୍ ସେମ୍ନ୍ ନିଜେ ତର୍ଲ୍ଗେ କଇଲାଇ ହ୍ଣି।
20
ଜ୍ଡେବ୍ଳ୍ ମକେ ମିଟିଙ୍ଗ୍ ବ୍ସ୍ଲା ଜାଗାଇ ବିଚାର୍ କ୍ରୁକେ ନ୍ଇରିଲାଇ, ସ୍ଡେବ୍ଳ୍ ମୁଇ କାଇ ଦସ୍ କ୍ରିରିଲେ ଯେ ମକେ ବିଚାର୍ କ୍ର୍ତି ରିଲାଇ, ଇତି ଆସିରିଲାଇ ସ୍ବୁ ଲକ୍ମ୍ନ୍ ହ୍କା ସେରି କ୍ଉଅତ୍,
21
ମ୍ତର୍ ମୁଇ ଗଟେକ୍ କ୍ତା କଇରିଲେ ବ୍ଲି ମୁଇ ମାନୁଲେ ସେରି ଅଇଲି, ମ୍ଲା ଲକ୍ମ୍ନ୍ ଆରେକ୍ ଉଟ୍ତି ବ୍ଲି ମୁଇ ବିଶ୍ବାସ୍ କ୍ରୁଲେ ଲାଗି ଆଜି ମୁଇ ତୁମାର୍ ଲ୍ଗେ ବିଚାର୍ ଅମ୍ଲେ।”
22
ମ୍ତର୍ ଫେଲିସ୍ ର୍ଜା ଇ ର୍ସ୍ତାର୍ ବିଷୟେ ବ୍ଲ୍କ୍ରି ଜାଣିରିଲା ଲାଗି ବିଚାର୍ ବ୍ନ୍ଦ୍କ୍ଲା ଆର୍ କଇଲା, “ହ୍ଜାର୍ ଗଟ୍ ସେନାର୍ ମୁକିଆ ଲୁସିୟା ଆଇଲା ହ୍ଚେ ମୁଇ ତର୍ ବିଚାର୍ କ୍ରିନ୍ଦ୍।”
23
ଆର୍ ସେ ପାଉଲ୍କେ ବାନ୍ଦିକ୍ରି ର୍କୁକେ ସେ ଶଏଗଟ୍ ଶଇନ୍ମ୍ନ୍କେ ଆଦେଶ୍ ଦିଲା, ମ୍ତର୍ ତାକେ ବେସି ଡ୍ଣ୍ତ୍ ନ୍ଦେଇକ୍ରି ବ୍ଲ୍ବାବେ କାଦି ଦେମ୍କେ ତାର୍ ସାଙ୍ଗମ୍ନ୍କେ ଆଦେଶ୍ ଦେମ୍କେ ସେ କଇଲା।
24
କ୍ତେକ୍ ଦିନ୍ ହ୍ଚେ ଫେଲିସ୍ ତାର୍ ଯିହୁଦି ଡକୁର୍ସି ଦ୍ରୁସିଲ୍ଲା ସ୍ଙ୍ଗ୍ ଆଇଲା, ସେ ପାଉଲ୍କେ କୁଦିକ୍ରି ଯୀଶୁ ଖ୍ରୀଷ୍ଟ ଲ୍ଗେ ବିଶ୍ବାସ୍ କ୍ର୍ତା ବିଷୟେ ତାର୍ ତ୍ଇହ୍ଣି ଶୁଣ୍ଲା।
25
ମ୍ତର୍ ସେ ଜ୍ଡେବ୍ଳ୍ ପାଉଲ୍କେ ଦ୍ର୍ମ୍ ବିଷୟେ, ନିଜେ କ୍ନ୍କ୍ରି ବ୍ଲ୍ ରେମ୍କେ ଲ୍ଡା ସେ ବିଷୟେ, ଆର୍ ଆସ୍ତା ଦିନାର୍ ବିଚାର୍ ବିଷୟେ କଇଲା, ସ୍ଡେବ୍ଳ୍ ଫେଲିସ୍ ର୍ଜା ଡିର୍ଲା ଆର୍ କଇଲା, “ତୁଇ ଅବେ ଜା ସୁବିଦା ସ୍ମୟ୍ ହ୍ଳ୍ଲେକ୍ ମୁଇ ତକେ ଆରେକ୍ କୁଦାଇନ୍।”
26
ସ୍ଡେବ୍ଳ୍ ପାଉଲ୍ ତାକେ କ୍ତେକ୍ ଲାଚ୍ ଡାବୁ ଦ୍ଇଦ୍ ବ୍ଲି ସେ ଆଶାକ୍ରିରିଲା, ସେତାର୍ଗିନେ ସେ ପାଉଲ୍କେ ଆରେକ୍ କୁଦିକ୍ରି ତାର୍ସ୍ଙ୍ଗ୍ କ୍ତାବାର୍ତା କ୍ର୍ତିରିଲା।
27
ଅନ୍କ୍ରି ଦୁଇ ବର୍ଷ ଗ୍ଲାହ୍ଚେ ପର୍କୀୟ ଫେଷ୍ଟସ୍ ଦେଶ୍ ଚାଲାଉତା ହ୍ଦ୍ ହାଇଲା, ଫେଲିସ୍ ର୍ଜା ଯିହୁଦିମ୍ନ୍କାର୍ ଲ୍ଗେ ବ୍ଲ୍ ବ୍ଲି ଦ୍କାଇ ଅମ୍କେ ପାଉଲ୍କେ ମୁକ୍ଳାଇ କ୍ରି ଜ୍ଇଲେ ର୍କି ଦ୍ଇ ସେ ହ୍ଳାଇରିଲା।
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28