bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Ezekiel 40
Ezekiel 40
Chin (Mara Bible RV (BSI))
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Eima seichâna kô kih nata kô pangawhna, kô thaona lâ, noh hrawhna, khihpi a rao tawhta kô hrawh hleipalihna, cha noh lia tlai ta, Abeipa ku ei chô liata vaw y ta, khihpi lâ nâ chhi ta.
2
Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.
3
Cha lâ cha nâ chhi ta, moh teh u, dawh hmia a phaopa chyhsa pakha vaw y ta, lari nata thliena chôchahrei a chabapa ta, chhikao liata a duah ta.
4
Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.
5
Achhyna o khôtho liata, Achhyna o chadôpa ta thokhy y ta, chyhsa chata dy seihpa ta dy charu seihpa thliena chôchahrei chaba ta, dy kha cha dy kha nata pazah tie chyu a seih. Thokhy chhana zie cha thlie ta, chôchahrei do kha châ ta, â sâhna lâ chhao chôchahrei do kha a châ hra.
6
Chatawhcha nochhi lâ a heihpa chhikao lâ vawh ta, kahmi kiah ta, chhikao châkeih thlie ta, chôchahrei do kha a kawh.
7
Vaituhpa chhôhpadâhpazy y ta, a doh la chôchahrei do kha, a hâ lâ chôchahrei do kha chyu a châ. Vaituhpa chhôhpadâhpazy likawh cha dy pangawh chyu kawh ta, Achhyna o chhôh lâ angiana chhikao aikah kiapâh liata a ypa chhikao châkeih cha chôchahrei do kha a châ.
8
A chhôh lâta chhikao aikah thlie ta, chôchahrei do kha a châ.
9
Chhikao aikah thlie ta, dy charie châ ta, a pâhchhô chatipazy dy no chyu châ ta, chhikao aikah cha Achhyna o chhôh chhâna liata a y.
10
Nochhi chhikao chavei chachâh ta vaituhpa chhôhpadâhpa miathôh raihrie y ta, a miathôh ta amâ kho khai. Chavei chachâh ta a ypa pâhchhô chatipazy chhao amâ kho khai.
11
Chatawhcha chhikao angiana hâ lâ thlie ta, dy hrawh châ ta, chhikao o doh lâ cha dy hrawh hleithôh a châ.
12
Vaituhpazy chhôhpadâhpa hmiakô chavei chachâh ta pâhchhô a hnaipa y ta, dy kha chyu a chha. Chavei chachâh ta a ypa vaituhpa chhôhpadâhpazy cha, dy charu chyu a châ.
13
Chhikao cha thlie ta, vaituhpa chhôhpadâhpa miakha chô tawhta hiakha lâtapa chô taihta dy kih nata dy pangawh kawh ta, ochhizy cha hmia nata hmia â chhypa ama châ.
14
Aikah thlie ta, dy sycharu a châ. Chhikao o aikah chadôpa ta tlyhmia a y.
15
Chhikao o khôtho lâta pâhchhô tawhta a chhôh lâta chhikao o aikah taihta dy sypangawh a châ.
16
Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.
17
Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.
18
Lâpi cha chhikaozy kâ lâta sie ta, chhikaozy seihna zie ta a seih hra. Cha cha lâpi a hnai viapa a châ.
19
 hnai chhikao o dady liata a ypa dôhpachhôh tlyhmia chhâna tawhta dôhpachhôh khôtho tlyhmia chhâna taihta thlie ta, nochhi lâ nata maw lâta dy za kha chyu a kawh.
20
Dôhpachhôh khôtho lâta a ypa, maw lâ a heihpa chhikao doh nata hâ thlie ta.
21
Chavei chachâh ta vaituhpa chhôhpadâhpazy miathôh chyu y ta, a pâhchhô chatipazy nata a chhikao aikah cha, chhikao miakhana nata a khopa sai ama châ. A doh dy sypangawh châ ta, a hâ dy kih nata dy pangawh a châ.
22
A opyzy, a aikahzy nata a thiahrâ kôzy cha, nochhi lâ a heihpa chhikao o liatapazy nata amâ kho khai. Kahmi chhâhchabi miasari kiapa ta, chyhsazy ta a su lâ khy aw ei ta, a aikah ama hmô tua chai aw.
23
Maw chhikao dady liata, nochhi chhikao liatapa hawhta, dôhpachhôh tlyhmia lâ angiana chhikao y ta. Chatawhcha chhikao nata chhikao likawh thlie ta, dy za kha a châ.
24
Chatawhcha chho lâ nâ chhi ta, moh teh u, chho lâ liata chhao chhikao vaw y ta. A pâhchhô chatipazy nata a aikah thlie ta, ahropazy nata amâ kho.
25
Pâhchhô chatipazy nata aikah cha, opyzy ta chadô ta, pâhchhô chatipa nata aikah hropa opyzy nata amâ lyu. A doh cha dy sypangawh châ ta, a hâ dy kih nata dy pangawh a châ.
26
A kia nawpa ta kahmi chhâhchabi miasari y ta, a aikah vaw y tua ta, chavei chachâh ta thiahrâ kôzy nata pâhchhô chatipazy miakha chyu a y.
27
Dôhpachhôh tlyhmia chhao chho lâ a heihpa chhikao hnei ta, cha chhikao nata dôhpachhôh khôtho tlyhmia liata chho lâ a heih hrapa chhikao likawh thlie ta, dy za kha a châ.
28
Chatawhcha chho chhikao lâ tawhta dôhpachhôh tlyhmia lâ nâ chhi ta. Chho chhikao cha thlie ta, chhikao hropazy nata â khopa a châ.
29
Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.
30
Dôhpachhôh tlyhmia chadôpa ta aikahzy y ta, aikah cha a doh lâ dy kih nata dy pangawh châ ta, a hâ lâ dy pangawh a châ.
31
A aikah cha dôhpachhôh khôtho tlyhmia lâ a heih ta, a pâhchhô chatipazy liata thiahrâ kôzy y ta, a kahmi cha chhâhchabi miacharie a hnei.
32
Chatawhcha dôhpachhôh tlyhmia nochhi lâ nâ chhi ta, chhikao cha thlie ta, chhikao hropazy nata â kho.
33
Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.
34
A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.
35
Chatawhcha maw chhikao lâ nâ chhi ta, chhikao cha thlie ta, chhikao hropazy nata â kho.
36
Vaituhpa chhôhpadâhpazy, a pâhchhô chatipazy nata a aikah cha, chhikao hropazy liatapazy nata a kho ei ta, opyzy ama hnei. Maw lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.
37
A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.
38
Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.
39
Raopa hlâna, moleina hlâna nata thaileichâna hlâna sazy thie nawpa ta, chhikao o aikah chavei chachâh ta tlâhkhai miano raihrie a y.
40
Khôtho thokhy chhikao o aikah kiapâh liata, maw chhikao lâ angiana kahmi nata a hniapa ta, tlâhkhai miano y ta, chhikao o aikah hiakha lâ chhao tlâhkhai miano a y hra.
41
Chhikao o chavei chachâh ta tlâhkhai miapalih chyu y ta, atheihna sa thie nawpa ta tlâhkhai miacharie a y.
42
Raopa hlâna hlâ nawpa nata atheihna sa thie nawpa nata atheihna hlâna beihphiahzy so nawpa ta, alô khaipa ta taopa tlâhkhai miapalih y ta, tlâhkhai cha a doh lâ dy kha nata khophie, a hâ lâ dy kha nata khophie, â sâhna lâ dy kha a châ.
43
Tlâhkhai pâhchhô chhôh lâta pazah tie a seihpa thuakuzy pataohpa a châ. Atheihna hlâna sazy cha tlâhkhaizy chô liata so awpa a châ.
44
Dôhpachhôh tlyhmia liata, dôhpachhôh lâta a ypa chhikao o khôtho liata chhôhpadâhpa miano y ta, miakha cha maw chhikao o thaby liata chho lâ a heihpa ta y ta, ahropa cha chho chhikao o thaby liata maw lâ a heihpa ta y ta.
45
Ano ta ei hnohta, “Chho lâ a heihpa chhôhpadâhpa he, Achhyna o a vaotuhpa theihthaipazy y nawpa châ ta,
46
maw lâ a heihpa chhôhpadâhpa he, maisâh a vaotuhpa theihthaipazy y nawpa a châ. Âmo cha Zadô sawchapawzy châ ei ta, Livai sawchapawzy hry liata âmo deita he, Abeipa chakao awpa ta Abeipa a hnia theipazy ama châ,” tah ta.
47
Dôhpachhôh tlyhmia cha thlie ta, a doh lâ dy za kha, a hâ lâ dy za kha châ ta, ki palihpa a châ. Maisâh cha Achhyna o hmia liata a y.
48
Chatawhcha Achhyna o aikah lâ nâ chhi ta, aikah pâhchhô chatipazy thlie ta, chavei chachâh ta dy pangawh a chha. Chhikao cha dy hrawh hleipalih kawh ta, chhikao kâ lâ chavei chachâh ta pâhchhô chatipazy cha, dy thôh a chhapazy a châ.
49
A aikah cha a doh la dy kih châ ta, a hâ lâ dy hrawh hleino a châ. A kiana kahmi cha chhâhchabi mia hrawh a hnei. Pâhchhô chatipazy thaby chavei chachâh ta atôhzy a y.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48