Matthew 4

Welsh 1567 (Testament Newydd a'r Salmau 1567 (William Salesbury))

← Chapter 3 Jump to: Chapter 5 →

1YNo yr aethpwyt a’r Iesu i vyny ir diffaithwch, y’w demptio can ddiavol.

2A gwedy iddaw vmprytiaw dd’augain diernot a dau’gain nos, yn ol hynny y newynawdd.

3Yno y daeth y temptiwr atto, ac a ddyvot, A’s ti yw Map Duw, arch ir ceric hynn vod, yn vara.

4Ac yntef atepawdd ac a ddyuod, Mae yn escrivenedic, Nid trwy vara yn vnic y bydd byw dyn, anid trwy pop gair a ddaw o enae Duw.

5Yno y cymerth diavol ef ir dinas sanctaidd, ac ei gossodes ar binnacul y templ,

6ac addyvot wrthaw, A’s Map Duw wyt, bwrw dy hun i lawr: can ys yscrivenedic yw, Y rhydd ef orchymyn yw Angelion am danat, ac wy ath dducant yn ei dwylaw, rhac taro o hanot dy droet wrth garec.

7Yr Iesu a ddyvot wrthaw, Y mae yn escrivenedic trachefyn, Na themptia yr Arglwydd dy Dduw.

8Trachefyn y cymerth diavol ef i vynyth tra vchel, ac a ddangosodd iddaw oll deyrnasoedd y byt, a’ ei gogoniant,

9ac a ddyvot wrthaw, Hynn oll a roddaf y ty, a’s cwympy i lawr, a’m addoli i.

10Yno y dyvot yr Iesu wrthaw, Tynn ymaith Satan: can ys scrivenedic yw, Yr Arglwydd dy Dduw a addoly, ac efe yn vnic a wasanaethy.

11Yno y gadawdd diavol ef: a’ nycha, Angelion a ddaethant, ac a wnaethant wasanaeth ydd-aw.

12A’ phan glybu ’r Iesu ry roddi Ioan, ef a ymchoelawdd i Galilaea,

13ac a adawodd Nazaret, ac aeth ac a drigodd yn‐Capernaum, yr hon ’sydd wrth y mor yn cyffinydd Zabulon a’ Nephthalim:

14yn y chyflawnit hyn a ddywetpwyt trwy Esaias brophwyt, gan ddywedyt,

15Tir Zabulon, a ’thir Nephthalim vvrth ffordd y mor, tros Iorddonen Galilaea y Cenetloedd:

16Y popul a oedd yn eistedd yn‐tywyllwch, a welawdd oleuni mawr: ac ir ei a eisteddent ym‐bro a’ gwascot angae, y cyfododd goleuni.

17O’r pryd hyny y dechreuawdd yr Iesu precethy, a dywedyt, Gwellewch eich bychedd: erwydd bot teyrnas nefoedd yn dynesay.

18Mal ydd oedd yr Iesu yn rhodiaw wrth vor Galilea, e ganvu ddau vroder, Simon, yr hwn a elwir Petr, ac Andreas ei vrawt, yn bwrw rhwyt i’r mor (can ys pyscotwyr oeddent)

19ac ef a ddyvot wrthwynt, Dewch ar vy ol i, a mi a’ch gwnaf yn pyscotwyr dynion.

20Ac wy yn y van gan ady y rhwytae, y dilynesont ef.

21A gwedy y vynet ef o ddynaw, ef a welawdd ddau vroder ereill, Iaco vap Zebedeus, ac Ioan ei vrawt mewn llong gyd a Zebedeus ei tat, yn cyweiriaw ei rhwytae, ac ei galwodd wy.

22Ac wy eb ohir gan adael y llōg a’ ei tat, y canlynesant ef.

23Ac yno ydd aeth yr Iesu o amgylch oll Galilaea, gan ei dyscy yn ei Synagogae, a’ phregethy Euangel y deyrnas, ac iachay pop haint, a’ phob nychtot, ymplith y popul.

24Ac aeth son am danaw trwy oll wlad Syria: ac a ddugesont ataw yr oll gleifion, ar oedd yn adwythus o amryw heintiae a chnofeydd, a’r ei cythraulic, ar ei lloeric ar sawl oedð ar parlys arnyn, ac ef ai iachaodd wy.

25Ac y canlynawdd ef dyrva vawr o Galilea, ac Decapolis ac o Gaerusalem ac Iudea, ac or gvvledydd tuhwnt i Iorddonen.

← Chapter 3 Jump to: Chapter 5 →