Esther 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1غَا أَبُبُوَنْ دَ سُكَ ڢَرُ لُواْكَثِنْ دَ سَرْكِے أَهَسُرُسْ يَكٜىٰ مُلْكِ؞ وَنَّنْ أَهَسُرُسْ نٜىٰ يَيِ مُلْكٍ يَنْكُنَ طَرِے دَ عَشِرِنْ دَ بَݣَويْ دَغَ ڧَسَرْ إِنْدِيَ حَرْ ذُوَا ڧَسَرْ إِتِيُواْڢِيَ؞

2أَوَنَّنْ لُواْكَثِ سَرْكِے أَهَسُرُسْ يَنَ ذَمَ عَكُجٜىٰرَرْ مُلْكِ أَوُرِے مَيْ كَتَنْ‌غَ عَبِرْنِنْ شُوشَنْ؞

3عَثِكِنْ شٜىٰكَرَا تَ عُكُ تَمُلْكِنْسَ يَيِ بَبَّنْ بِكِ سَبُواْدَ دُكَنْ مَنْيَنْ مُتَنٜىٰنْسَ دَ دَتَّاوَنْسَ؞ يَكُمَ كِرَا دُكَنْ مَنْيَنْ شُوغَبَنِّنْ سُواْجُواْجِنْ ڧَسَرْ ڢَٰشِيَ دَ نَ مٜىٰدِيَ دَ ڠُومْنُواْنِ دَ مَنْيَنْ مُتَنٜىٰنْ يَنْكُنَنْ ذُوَا غَبَنْسَ؞

4أَ لُواْكَثِنْ يَايِ تَنُونَ دُوكِيَرْ مُلْكِنْسَ دَ يَوَنْ دَرَجَرْسَ دَ طَوْكَكَرْسَ ݣُونَكِے مَاسُيَوَ، حَرْ ݣُونَكِے طَرِے دَ تَمَٰنِنْ؞

5بَايَنْ وَطَنَّنْ ݣُونَكِے، سَيْ سَرْكِے يَشِرْيَ بَبَّنْ بِكِ دُواْمِنْ مُتَنٜىٰنْ دَسُكٜىٰ أَوُرِے مَيْ كَتَنْ‌غَ عَبِرْنِنْ شُوشَنْ، مَنْيَ دَ ڧَنَانَا؞ وَنَّنْ بِكِ يَطَوْكِ ݣُونَ بَݣَويْ؞ أَنْ كُوَ يِشِ أَ ڢِيلِنْ دَ عَكَ شُوكَ ڢُلَوَ عَثِكِنْ غِدَنْ سَرْكِے؞

6أَنْ رَاتَيَ لَبُلٜىٰنْ أَدُواْ كٜىٰوَيٜىٰ دَ ڢِيلِنْ غِدَنْ سَرْكِے؞ لَبُلٜىٰنْ كُوَ سُنَدَ كَلَرْ ڢَرِ دَ نَضُوً بُلَ؞ أَنْ طَوْرَ لَبُلٜىٰنْ دَ إِغِيَرْ لِيلِنْ مَيْݣَوْ، مَاسُ كَلَرْ ڢَرِ دَ نَجَرْ غَرُورَا؞ أَنْ طَوْرَ إِغِيَرْ دَ ذُواْبَّنْ أَظُرْڢَا وَطَنْدَ عَكَ رَاتَيَ أَغِنْشِڧَنْ دَ عَكَ سَسَّڧَ دَغَ دُوَڟُو مَاسُ ݣَنْ غَنِ؞ أَݣَويْ كُمَ مَنْيَنْ كُجٜىٰرُنْ دَ عَكَيِ دَ ظِينَارِيَ دَ أَظُرْڢَا؞ أَنْ أَجِيٜىٰسُ أَ ڢِيلِنْ غِدَنْ سَرْكِے دَ عَكَيِ دَٻٜىٰنْسَ دَ دُوَڟُو مَاسُ ݣَنْ غَنِ دَ عَكَ سَسَّڧَ، مَاسُ كَلَ إِرِ إِرِ؞

7عَكَ بَادَ أَبِنْ شَا عَثِكِنْ ݣُوڢْ نَظِينَارِيَ مَاسُ صِڢُّواْڢِ إِرِ إِرِ؞ عَكَيِ تَبَادَ ضُوً إِنَبِے إِرِنْ نَسَرَاكُنَ عَيَلْوَثٜىٰ بِسَغَ أَرْزِڧِنْ سَرْكِے؞

8عَكَ كُمَ يَرْدَ وَ كُواْوَ يَشَا يَدَّ يَكٜىٰسُواْ، بَ دُواْلٜىٰنٜىٰ يَشَا يَدَّ سَرْكِے يَكٜىٰ شَا بَ، غَمَا سَرْكِے يَبَادَ دُواْكَا غَ مَاسُ يِمَسَ حِدِمَ سُيِ وَكُواْوَ يَدَّ يَكٜىٰسُواْ؞

9سَرَوْنِيَ بَشْتِ عِتَمَا تَا شِرْيَ وَمَاتَا بَبَّنْ بِكِ عَثِكِنْ غِدَنْ سَرْكِے أَ لُواْكَثِ غُدَا دَ نَسَرْكِنْ؞

10أَ رَانَ تَبَݣَويْ نَبِكٍ، سَعَدَّ سَرْكِے أَهَسُرُسْ يَكٜىٰ جِنْ دَاطِے سَبُواْدَ ضُوً إِنَبِنْدَ يَشَا، سَيْ يَكِرَا بَابَانِّ بَݣَويْ مَاسُ يِنْ مَسَ حِدِمَ، وَتُواْ مٜىٰهُمَنْ دَ بِظْتَ دَ هَرْبُواْنَ دَ بِغْتَ دَ أَبَغْتَ دَ ظٜىٰتَرْ دَ كَرْكَسْ؞

11سَيْ يَثٜىٰ مُسُ سُكَٰوُاْ سَرَوْنِيَ بَشْتِ وُرِنْسَ، سَنْيٜىٰ دَ هُولَرْ مُلْكِنْتَ؞ يَسُواْ يَنُونَ وَ مَنْيَنْ مُتَنٜىٰنْسَ دَ بَڧِنْسَ ݣَنْتَ، غَمَا عِتَ ݣَكْݣَاوَا ثٜىٰ؞

12عَمَّا سَعَدَّ بَابَانِّنْ سَرْكِے سُكَجٜىٰ دُواْمِنْ سُكَٰوُاْتَ، سَيْ تَڧِے ذُوَا؞ وَنَّنْ يَا سَا سَرْكِے يَٻَاتَ رَيْ، يَيِ ڢُشِے سُواْسَيْ؞

13سَرْكِے كُوَ يَنٜىٰمِ شَوَرَا دَغَ مَاسُ حِكِمَ وَطَنْدَ سُكٜىٰ دَ عِلِمٍ سَنِنْ دُواْكُواْكِ دَ شَرِيعَ؞ يَيِ حَكَ كَمَرْ يَدَّ يَسَابَايِ؞

14سُونَيٜىٰنْ وَطَنَّنْ دَسُكٜىٰ كُسَدَ سَرْكِے سُونٜىٰ كَرْشٜىٰنَ دَ شٜىٰتَرْ دَ أَدْمَتَ دَ تَرْشِشْ دَ مٜىٰرٜىٰسْ دَ مَرْسٜىٰنَ دَ مٜىٰمُكَنْ؞ سُونٜىٰ مَنْيَنْ مُتَنٜىٰ بَݣَويْ دَغَ ڢَٰشِيَ دَ مٜىٰدِيَ، وَطَنْدَ سُكٜىٰ دَ یَنْثِ نَمُسَمَّنْ نَغَنِنْ سَرْكِے؞ سُنَ رِڧٜىٰ دَ مَڟَيِ نَڢَرْكُواْ عَثِكِنْ مُلْكِنْسَ؞

15سَرْكِے يَثٜىٰ «تُواْ، بِسَغَ دُواْكَا، مٜىٰ ذَاعَيِ وَ سَرَوْنِيَ بَشْتِ؟ غَاشِ كُوَ تَا ڧِيِنْ بِيَيَّ دَ عُمَرْنِنْ دَنِے سَرْكِے أَهَسُرُسْ نَيِ مَتَ تَبَاكِنْ بَابَانِّنْسَ؟»

16سَيْ مٜىٰمُكَنْ يَأَمْسَ أَغَبَنْ سَرْكِے دَ مَنْيَنْ مُتَنٜىٰنْسَ يَثٜىٰ «أَيْ، بَسَرْكِے كَطَيْ نٜىٰ سَرَوْنِيَ بَشْتِ تَيِ وَ لَيْڢِے بَ، عَمَّا تَيِ لَيْڢِے غَ دُكَنْ مَنْيَنْ مُتَنٜىٰ دَ سَوْرَنْ جَمَعَرْ دَسُكٜىٰ ثِكِنْ دُكَنْ مُلْكِنْكَ، يَا سَرْكِے أَهَسُرُسْ؞

17بَاشَكَّ مَاتَا نَوَنَّنْ مُلْكِ ذَاسُ جِلَابَرِ ثٜىٰوَ سَرَوْنِيَ بَشْتِ تَا ڧِ تَكَسَنْثٜىٰ أَغَبَنْ سَرْكِے سَعَدَّ يَكِرَتَ؞ وَنَّنْ كُوَ ذَيْسَا سُرٜىٰنَ مَذَنْسُ؞

18يَوْ طِنَّنْ، عِدَنْ مَاتَانْ مَنْيَنْ مُتَنٜىٰنْ ڢَٰشِيَ دَ مٜىٰدِيَ سُكَجِ إِرِنْ حَلِنْ دَ سَرَوْنِيَ بَشْتِ تَنُونَ وَسَرْكِے، سُو مَا ذَاسُ ڢَارَ نُونَاوَ مَذَنْسُ إِرِنْ حَلِنَّنْ؞ وَنَّنْ ذَيْ كَٰوُاْ رٜىٰنِ دَ رَشِنْ ذَمَنْ لَاڢِيَ سُواْسَيْ؞

19سَبُواْدَ حَكَ عِدَنْ سَرْكِے يَيَرْدَ، بَرِ يَيِ دُواْكَا عَكُمَ رُبُوتَ تَذَمَ طَيَ دَغَ ثِكِنْ دُواْكُواْكِنْ ڢَٰشِيَ دَ مٜىٰدِيَ وَطَنْدَ بَذَاعَ ثَنْجَبَ، ثٜىٰوَ سَرَوْنِيَ بَشْتِ بَذَاتَ سَاكٜىٰ ذُوَا غَبَنْ سَرْكِے بَ كُواْ كَطَنْ؞ سَعَنً أَنٜىٰمِ وَتَ دَبَمْ وَدَّ تَدَاثٜىٰ دَ وَنَّنْ مَڟَيِ، وَدَّ كُمَ تَڢِيتَ حَنْكَلِ، أَنَطَتَ سَرَوْنِيَ؞

20تَهَكَ ذَاعَيِ شٜىٰلَرْ وَنَّنْ دُواْكَا حَرْ إِيَاكَرْ ڢَاطِنْ مُلْكِنْكَ، كُمَ دُكَنْ مَاتَا ذَاسُيِ بِيَيَّ دَ لَدَبِے غَ مَذَنْسُ، مَنْيَ دَ ڧَنَانَا؞»

21سَيْ سَرْكِے دَ سَوْرَنْ مَنْيَنْ مُتَنٜىٰنْسَ سُكَجِ دَاطِنْ وَنَّنْ شَوَرَا؞ سَرْكِے يَيِ أَبِنْدَ مٜىٰمُكَنْ يَغَيَ مَسَ؞

22سَيْ يَعَيْكَ دَ سَڧُواْ ذُوَا كُواْوَنٜىٰ يَنْكِ نَمُلْكٍ ڧَسَرْ؞ عَكَ عَيْكَ دَ سَڧُواْ غَ كُواْوَنٜىٰ يَنْكِ أَعِرِنْ رُبُوتُنْسُ، غَ كُواْوَثٜىٰ ڧَبِيلَ كُمَ عَيَرٜىٰنْتَ، ثٜىٰوَ كُواْوَنٜىٰ نَمِجِ يَكَسَنْثٜىٰ شُوغَبَنْ غِدَنْسَ، يَذَمَ مَيْ ڢَطَا أَجِ؞

Jump to: Chapter 2 →