Esther 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1سَعَدَّ مُوارْدٜىٰكَيْ يَجِ دُكَنْ أَبِنْدَ عَكَيِ، يَيَيَّاغٜىٰ رِيغُنَنْسَ، يَسَا رِغَا تَنُونَ بَڧِنْ ثِكِ، يَظُبَ تُواْكَ عَكَيْ؞ يَكُمَ ڢِتَ يَبِے ثِكِنْ بِرْنِ يَنَ إِيهُ يَنَ كُوكَا مَيْ سُواْسَيْ؞

2دَ يَ إِسُواْ بَاكِنْ ڧُواْڢَرْ غِدَنْ سَرْكِے، بَيْ شِغَ بَ، غَمَا دُكْ وَنْدَ يَسَا رِغَا تَنُونَ بَڧِنْ ثِكِ، بَعَيَرْدَ مَسَ يَشِغَ؞

3عَكُواْعِنَ دَ عَكَجِ عُمَرْنِنْ سَرْكِے دَ دُواْكَرْسَ ثِكِنْ يَنْكُنَنْ ڧَسَرْ، يَهُودَاوَا سُكَيِ بَڧِنْ ثِكِ سُواْسَيْ دَ أَظُمِ دَ كُوكَا دَ إِيهُ؞ دَ يَوَ عَثِكِنْسُ سُكَسَا رِيغُنَنْ نُونَ بَڧِنْ ثِكِ سُكَ ݣُونْتَ ثِكِنْ تُواْكَ؞

4سَعَدَّ مَتَ مَاسُيِ وَ سَرَوْنِيَ عٜىٰسْتَا حِدِمَ تَرٜىٰدَ بَابَانِّنْتَ سُكَ ڢَطَا وَ عٜىٰسْتَا أَبِنْدَ مُوارْدٜىٰكَيْ يَكٜىٰيِ، سَيْ تَدَامُ ڨُورَيْ؞ تَا كُمَ عَيْكَ وَ مُوارْدٜىٰكَيْ رِيغُنَ يَسَا أَمَيْمَكُوانْ رِغَا تَنُونَ بَڧِنْ ثِكِ، عَمَّا يَڧِ كَرْٻَ؞

5سَيْ عٜىٰسْتَا تَكِرَا هَتَكْ، طَيَ دَغَ ثِكِنْ بَابَانِّ وَنْدَ سَرْكِے يَسَا يَيِ مَتَ حِدِمَ، تَعُمَرْثٜىٰشِ يَجٜىٰ وُرِنْ مُوارْدٜىٰكَيْ يَبِنْثِكَ أَبِنْدَ يَڢَرُ دَ كُمَ أَبِنْدَ يَسَا يَكٜىٰيِنْ حَكَ؞

6سَيْ هَتَكْ يَتَڢِے وُرِنْ مُوارْدٜىٰكَيْ أَ ڢِيلِنْ غَرِ أَغَبَنْ ڧُواْڢَرْ غِدَنْ سَرْكِے؞

7مُوارْدٜىٰكَيْ كُوَ يَڢَطَا مَسَ دُكَنْ أَبِنْدَ يَڢَرُ دَشِ دَ كُمَ دَيْدَيْ كُطِنْ دَ هَامَٰنَ يَيِ أَلْڧَوَرِ ذَيْبِيَ أَ مَعَجِنْ سَرْكِے دُوانْ أَ هَلَّكَ يَهُودَاوَا؞

8مُوارْدٜىٰكَيْ كُوَ يَبَا هَتَكْ رُبُوتَثِّيَرْ دُواْكَرْ دَ عَكَيِ أَ شُوشَنْ، وَدَّ ذَاتَسَا أَ هَلَّكَ يَهُودَاوَا؞ مُوارْدٜىٰكَيْ كُمَ يَضُواْڧِ هَتَكْ يَنُونَاوَ عٜىٰسْتَا وَنَّنْ تَكَرْدَرْ دُواْكَا يَبَيَّنَ مَتَ يَكُمَسَا تَتَڢِے وُرِنْ سَرْكِے تَاضُواْڧٜىٰشِ، تَيِ تَنَاثٜىٰوَ دُواْمِنْ يَجِ تَوْسَيِنْ مُتَنٜىٰنْتَ؞

9سَيْ هَتَكْ يَكُواْمَ، يَڢَطَا وَ عٜىٰسْتَا أَبِنْدَ مُوارْدٜىٰكَيْ يَڢَطَا مَسَ؞

10عٜىٰسْتَا كُوَ تَعُمَرْثِ هَتَكْ يَكَيْ وَ مُوارْدٜىٰكَيْ سَڧُواْ يَثٜىٰ،

11«دُكَنْ دَتَّاوَنْ سَرْكِے دَ مُتَنٜىٰنْ ڧَسَرْ نَنْ سُنْ سَنْ ثٜىٰوَ عِدَنْ وَنِ يَتَڢِے وُرِنْ سَرْكِے أَ ذَوْرٜىٰ نَثِكِ بَاتَرٜىٰدَ سَرْكِے يَكِرَا شِيبَ، دُواْكَا تَثٜىٰ عَكَشٜىٰ مُتُمِنْ؞ حَنْيَ طَيَ كَطَيْ دَ وَنَّنْ بَذَيْ ڢَرُبَ عِتَثٜىٰ إِنْ سَرْكِے يَمِيڧَوَ مُتُمِنْ سَنْدَنْ ظِينَارِيَ نَمُلْكِ دُواْمِنْ يَرَايُ؞ غَاشِ يَوْ ݣُونَ تَلَاتِنْ كٜىٰنَنْ سَرْكِے بَيْ كِرَنِ إِنْجٜىٰ وُرِنْسَبَ؞»

12عَكَ ڢَطَا وَ مُوارْدٜىٰكَيْ أَبِنْدَ عٜىٰسْتَا تَثٜىٰ؞

13دَ يَجِ حَكَ سَيْ يَعَيْكَ هَتَكْ وُرِنْ عٜىٰسْتَادَ سَڧُواْنَّنْ ثٜىٰوَ «كَدَ كِيِ ڟَمَّنِ ثٜىٰوَ ذَاكِ ڟِيرَا سَبُواْدَ كِنَ غِدَنْ سَرْكِے أَ سَعَدَّ سَوْرَنْ يَهُودَاوَا سُكَ مُتُ؞

14غَمَا عِدَنْ كِنْيِ شِضُ أَوَنَّنْ لُواْكَثِ، تُواْ، تَيْمَكُواْ دَ ثٜىٰتُوانْ يَهُودَاوَا ذَيْذُواْ دَغَ وَتَ حَنْيَ دَبَمْ، عَمَّا كٜىٰ دَ غِدَنْ إِيَايٜىٰنْكِ ذَاكُ هَلَّكَ؞ وَيَسَنِ، كُواْ سَبُواْدَ لُواْكَثِنْ بُڧَاتَ كَمَرْ وَنَّنْ نٜىٰ كِكَ سَامِ وَنَّنْ مَڟَيِ نَذَمَنْ سَرَوْنِيَ؟»

15سَعَنً عٜىٰسْتَا تَعَيْكَ وَ مُوارْدٜىٰكَيْ وَنَّنْ أَمْسَ تَثٜىٰ،

16«جٜىٰكَ، كَتَتَّارَ دُكَنْ يَهُودَاوَا وَطَنْدَ سُكٜىٰ أَ شُوشَنْ؞ كُيِ أَظُمِ دُواْمِنَ؞ كَدَ كُثِ كُواْ كُشَا دَرٜىٰ دَ رَانَ حَرْ ݣُونَ عُكُ؞ نِے كُمَ دَ یَنْ مَاتَا مَاسُ يِمِنِ حِدِمَ ذَامُيِ أَظُمِ كَمَرْ يَدَّ ذَاكُيِ؞ بَايَنْ عَكَيِ حَكَ، ذَنْتَڢِے وُرِنْ سَرْكِے، كُواْدَيَكٜىٰ دُواْكَا تَحَنَ؞ عِدَنْ نَمُتُ، نَامُتُ كٜىٰنَنْ؞»

17سَيْ مُوارْدٜىٰكَيْ يَتَڢِے يَعَيْكَتَ دُكْ أَبِنْدَ عٜىٰسْتَا تَعُمَرْثٜىٰشِ؞

← Chapter 3 Jump to: Chapter 5 →