Esther 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1أَنَانً عَكَنْ رَانَ تَ عُكُ، سَيْ عٜىٰسْتَا تَسَا رِيغُنَنْ مُلْكِنْتَ، تَشِغَ ذَوْرٜىٰ نَثِكِ نَغِدَنْ سَرْكِے، تَنَ ڢُسْكَنْتَرْ طَاكِنْ دَ كُجٜىٰرَرْ مُلْكِ تَكٜىٰ؞ سَرْكِے كُوَ يَنَ ظَوْنٜىٰ عَكَنْ كُجٜىٰرَرْ مُلْكِنْسَ يَنَ ڢُسْكَنْتَرْ ڧُواْڢَرْ شِغَ؞

2سَعَدَّ يَغَ سَرَوْنِيَ عٜىٰسْتَا تَنَ ڟَيٜىٰ أَڟَكِيَرْ ذَوْرٜىٰ نَثِكِ نَغِدَنْ سَرْكِے، سَيْ يَمِيڧَ مَتَ سَنْدَنْ ظِينَارِيَ نَمُلْكِ دَيَكٜىٰ أَ حَنُّنْسَ، غَمَا تَا سَامِ ڢَضٍ جِنِ دَغَ غَرٜىٰشِ؞ سَيْ عٜىٰسْتَا تَمَاڟَ كُسَ تَتَٻَ كَنْ سَنْدَنْ مُلْكٍ؞

3سَرْكِے يَتَمْبَيٜىٰتَ يَثٜىٰ «مٜىٰكِكٜىٰ بُڧَاتَ، يَا سَرَوْنِيَ عٜىٰسْتَا؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ كُواْ دَمَا رَبِنْ مُلْكِنَ نٜىٰ، ذَنْبَاكِ؞»

4سَيْ عٜىٰسْتَا تَأَمْسَ تَثٜىٰ «عِدَنْ يَا غَمْشٜىٰكَ سَرْكِے، بَرِ كَيْ سَرْكِے كَذُواْ يَوْ تَرٜىٰدَ هَامَٰنَ أَ شِرِنْ ثِنْ عَبِنْثِ نَمُسَمَّنْ دَنَيِ مَكَ؞»

5سَرْكِے كُوَ يَبَادَ عُمَرْنِ عَكَٰوُاْ هَامَٰنَ دَ سَوْرِ دُواْمِنْ سُيِ يَدَّ عٜىٰسْتَا تَڢَطَا؞ سَيْ سَرْكِے دَ هَامَٰنَ سُكَ تَڢِے بِكٍ ثِنْ عَبِنْثِ نَمُسَمَّنْ وَنْدَ عٜىٰسْتَا تَشِرْيَ؞

6سَعَدَّ سُكٜىٰ ثِكِنْ شَنْ ضُوً إِنَبِے، سَيْ سَرْكِے يَتَمْبَيِ عٜىٰسْتَا يَثٜىٰ «مٜىٰكِكٜىٰ بُڧَاتَ؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ كُواْ دَمَا رَبِنْ مُلْكِنَ نٜىٰ، ذَنْبَاكِ؞»

7عٜىٰسْتَا تَأَمْسَ تَثٜىٰ «بُڧَاتَتَ دَ ضُواْڧُواْنَ شِينٜىٰ

8عِدَنْ نَا سَامِ ڢَضٍ جِنِ أَغَبَنْكَ، يَا سَرْكِے، عِدَنْ كُمَ يَغَمْشٜىٰكَ، يَا سَرْكِے، كَبِيَ مِنِ بُڧَاتَ كَكُمَجِ ضُواْڧُواْنَ، بَرِ كَيْ سَرْكِے دَ هَامَٰنَ كُذُواْ بِكٍ ثِنْ عَبِنْثِ نَمُسَمَّنْ دَ ذَنْ شِرْيَ مُكُ غُواْبٜىٰ؞ سَعَنً ذَنْ أَمْسَ وَسَرْكِے تَمْبَيَرْسَ؞»

9أَ رَانَرْ نَنْ هَامَٰنَ يَڢِتَ دَ ڢَضٍ ثِكِ دَ مُرْنَ سُواْسَيْ؞ دَ يَنَ وُثٜىٰوَ عَبَاكِنْ ڧُواْڢَرْ غِدَنْ سَرْكِے، يَكُوَ لُورَ ثٜىٰوَ مُوارْدٜىٰكَيْ بَيْ تَاشِ كُواْ يَنُونَ عَلَمَرْ ڟُواْرُواْ يَايِنْ دَيَكٜىٰ وُثٜىٰوَ بَ، هَامَٰنَ يَثِكَ دَ ڢُشِے سُواْسَيْ غَمٜىٰدَ مُوارْدٜىٰكَيْ؞

10دُكْدَهَكَ، هَامَٰنَ يَتَڢِے غِدَا بَاتَرٜىٰدَ يَنُونَ ڢُشِنْسَبَ؞ سَيْ يَعَيْكَ وَ أَبُواْكَنْسَ دَ مَاتَرْسَ ظٜىٰرٜىٰشْ سُذُواْ؞

11سَيْ يَبُغَ ڧِرْجِ غَمٜىٰدَ يَوَنْ دُوكِيَرْسَ دَ يَوَنْ یَیَنْسَ مَظَا دَ كُمَ يَدَّ سَرْكِے يَڧَارَ طَوْكَكَ يَكُمَ طَغَ شِ ذُوَا مَڟَيِنْ شُوغَبَنْ مَنْيَنْ مُتَنٜىٰ دَ دَتَّاوَنْ سَرْكِے؞

12هَامَٰنَ كُوَ يَثِيغَبَدَ يَبُوانْ كَنْسَ يَنَ ثٜىٰوَ «حَرْ سَرَوْنِيَ عٜىٰسْتَا مَا بَتَيَرْدَ كُواْوَ يَتَڢِے تَرٜىٰدَ سَرْكِے ذُوَا بِكٍ ثِنْ عَبِنْثِنْ مُسَمَّنْ دَ تَشِرْيَبَ، سَيْ نِے كَطَيْ دَسَرْكِے؞ غُواْبٜىٰ مَا تَسَاكٜىٰ غَيَّثٜىٰنِ تَرٜىٰدَ سَرْكِے؞

13دُكْدَهَكَ دُكَنْ وَطَنَّنْ بَسُسَا نِے نَا جِ دَاطِے بَ، تُنْدَ نَغَ مُوارْدٜىٰكَيْ مُتُمِنْ يَهُودَ نَنْ ظَوْنٜىٰ عَبَاكِنْ ڧُواْڢَرْ غِدَنْ سَرْكِے؞»

14سَيْ مَاتَرْسَ ظٜىٰرٜىٰشْ دَ كُمَ دُكَنْ أَبُواْكَنْسَ سُكَ بَاشِ شَوَرَا ثٜىٰوَ «بَرِ كَسَا عَتَادَ كَتَكُوانْ رَاتَيَ مُتَنٜىٰ مَيْ ڟَيِنْدَ يَكَيْ وَجٜىٰنْ ڧَڢَا سَبَعِنْ دَ بِيَرْ؞ غُواْبٜىٰ دَ سَڢٜىٰ كَيِ مَغَنَ دَ سَرْكِے أَ رَاتَيٜىٰ مُوارْدٜىٰكَيْ عَكَيْ؞ سَعَنً كَتَڢِے ثِنْ عَبِنْثِ نَمُسَمَّنْ تَرٜىٰدَ سَرْكِے ڢُسْكَرْكَ أَ سَكٜىٰ؞» سَيْ هَامَٰنَ يَجِ دَاطِنْ وَنَّنْ شَوَرَا أَ رَنْسَ؞ سَيْ يَسَا عَكَ تَادَ دُواْغُوانْ كَتَكُوانْ رَاتَيَ مُتَنٜىٰ؞

← Chapter 4 Jump to: Chapter 6 →