Esther 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1بَايَنْ وَطَنَّنْ أَبُبُوَ سَرْكِے أَهَسُرُسْ يَطَوْكَكَ هَامَٰنَ طَنْ هَمّٜىٰدَتَ مُتُمِنْ ذُرِيَرْ أَغَغْ؞ يَطَغَ شِ، يَسَا شِ أَمَڟَيِنْ دَيَكٜىٰ بِسَ دُكَنْ سَوْرَنْ مَنْيَنْ مُتَنٜىٰنْسَ؞

2سَرْكِے يَبَادَ عُمَرْنِ غَ دُكَنْ دَتَّاوَنْ دَسُكٜىٰ عَڧُواْڢَرْ غِدَنْ سَرْكِے سُدُرْڧُسَ سُبَا هَامَٰنَ غِرْمَ؞ دُكَنْسُ سُكَنْيِ حَكَ عَمَّا مُوارْدٜىٰكَيْ نٜىٰ كَطَيْ يَڧِ يَدُرْڧُسَ يَبَاشِ غِرْمَ؞

3سَيْ دَتَّاوَنْ دَسُكٜىٰ عَڧُواْڢَرْ غِدَنْ سَرْكِے سُكَ تَمْبَيِ مُوارْدٜىٰكَيْ سُكَثٜىٰ «دُوانْمٜىٰ كَڧِ بِيَيَّ دَ دُواْكَرْ سَرْكِے؟»

4سُنْيِتَيِ مَسَ مَغَنَ كُواْوَثٜىٰ رَانَ، شِيكُوَ يَڧِ جِنْسُ؞ سَيْ سُكَ ڢَطَا وَ هَامَٰنَ دُواْمِنْ سُغَ كُواْ أَبِنْدَ مُوارْدٜىٰكَيْ يَكٜىٰيِ ذَيْ ڟَيَ، غَمَا مُوارْدٜىٰكَيْ يَا رِغَا يَا ڢَطَا مُسُ ثٜىٰوَ شِ مُتُمِنْ يَهُودَ نٜىٰ؞

5هَامَٰنَ يَثِكَ دَ ڢُشِے سُواْسَيْ سَعَدَّ يَغَانٜىٰ ثٜىٰوَ مُوارْدٜىٰكَيْ بَيْ دُرْڧُسَ بَيْ مَا رُسُنَ يَبَاشِ غِرْمَبَ؞

6سَعَدَّ هَامَٰنَ يَجِ ثٜىٰوَ مُوارْدٜىٰكَيْ مُتُمِنْ يَهُودَ نٜىٰ، سَيْ هَامَٰنَ يَغَ ثٜىٰوَ عَكَشٜىٰ مُوارْدٜىٰكَيْ كَطَيْ بَذَيْ عِسَابَ؞ أَ مَيْمَكُوانْ حَكَ، سَيْ يَنٜىٰمِ حَنْيَرْ هَلَّكَ دُكَنْ مُتَنٜىٰنْ مُوارْدٜىٰكَيْ، وَتُواْ يَهُودَاوَا غَبَاطَيَ دَسُكٜىٰ ڧَرْڧَشِنْ مُلْكٍ سَرْكِے أَهَسُرُسْ؞

7عَثِكِنْ وَتَ نَڢَرْكُواْ، وَتُواْ وَتَنْ نِسَنْ، نَشٜىٰكَرَا غُواْمَشَا بِيُ تَمُلْكٍ سَرْكِے أَهَسُرُسْ، عَكَ جٜىٰڢَ ڢُرْ وَتُواْ ڧُرِعَ، أَعِدُوانْ هَامَٰنَ دُواْمِنْ أَ سَامِ رَانَ دَ كُمَ وَتَنْ دَ ذَيْ دَاثٜىٰ دَ ڧُلّٜىٰ ڧُلّٜىٰنْ؞ سَيْ ڧُرِعَ تَڢَاطِ عَكَنْ رَانَ تَغُواْمَشَا عُكُ غَ وَتَنْ أَدَرْ؞

8سَيْ هَامَٰنَ يَثٜىٰ وَ سَرْكِے أَهَسُرُسْ «أَݣَويْ وَتَ ڧَبِيلَ أَوَرْوَڟٜىٰ عَثِكِنْ ڧَبِيلُنْ دُكَنْ يَنْكُنَنْ مُلْكِنْكَ؞ أَلْعَادَرْسُ دَبَمْ ثٜىٰ دَ نَسَوْرَنْ مُتَنٜىٰ، بَاسَ كُمَ كِيَايٜىٰ دُواْكَرْ سَرْكِے؞ دُواْمِنْ حَكَ بَيْ كَمَاتَ سَرْكِے يَيِ حَڧُرِ دَسُوبَ؞

9رَنْكَيَدَطٜىٰ! عِدَنْ يَا غَمْشِ سَرْكِے، بَرِ عَيِ دُواْكَا دُوانْ أَ هَلَكَاسُ؞ نِے كُمَ ذَنْبَادَ أَظُرْڢَا وَجٜىٰنْ كِلُواْ دُبُو طَرِے عُكُ دَ دُبُو أَرْبَعِنْ غَ حَنُّنْ مَاسُ يِنْ عَيْكِنْ سَرْكِے سُأَجِيٜىٰ عَثِكِنْ مَعَجِنْ سَرْكِے؞»

10دُواْمِنْ حَكَ سَرْكِے يَثِرٜىٰ ذُواْبٜىٰنْسَ، وَنْدَ عَكَنْ بُغَ هَاتِمِنْ سَرْكِے دَشِ، يَبَا هَامَٰنَ طَنْ هَمّٜىٰدَتَ مُتُمِنْ أَغَغْ، أَبُواْكِنْ غَابَنْ مُتَنٜىٰنْ يَهُودَ؞

11سَيْ سَرْكِے يَثٜىٰ وَ هَامَٰنَ «كَرِڧٜىٰ كُطِنْ، كَكُمَيِ دَ مُتَنٜىٰنْ يَدَّ كَغَ دَامَ؞»

12أَ رَانَ تَغُواْمَشَا عُكُ غَ وَتَ نَڢَرْكُواْ، عَكَ كِرَا مَرُبُوتَنْ سَرْكِے؞ سُكَ رُبُوتَ دُكَنْ أَبِنْدَ هَامَٰنَ يَعُمَرْتَ؞ عَكَ جُويَا عُمَرْنِنْ ذُوَا كُواْوَنٜىٰ يَرٜىٰ دَ حَنْيَرْ رُبُوتُنْ دَ عَكٜىٰيِنْ أَمْڢَانِ دَسُو عَكُواْوَنٜىٰ يَنْكِنْ مُلْكٍ؞ عَكَ كُمَ عَيْكَ شِ ذُوَا دُكَنْ هَكِمَنْ مُلْكِ دَ ڠُومْنُواْنِنْ يَنْكُنَ دَ مَنْيَنْ مُتَنٜىٰ نَڧَبِيلُنْ؞ أَنْ رُبُوتَ شِ دَ سُونَنْ سَرْكِے أَهَسُرُسْ، عَكَ كُمَ بُغَ هَاتِمِنْسَ عَكَيْ؞

13عَكَبَا یَنْ كَدَتَݣُونَ وَسِيڧُنْ ذُوَاغَ كُواْوَنٜىٰ يَنْكِ نَمُلْكٍ؞ عَثِكِنْ وَسِيڧُنْ أَنْرُبُوتَ ثٜىٰوَ عَكَنْ رَانَ تَغُواْمَشَا عُكُ غَ وَتَنْ أَدَرْ، ذَاعَ هَلَّكَ دُكَنْ مُتَنٜىٰنْ يَهُودَ، عَكَكَّشٜىٰسُ عَكُمَ كَوَرْدَسُو، مَنْيَ دَ ڧَنَانَا، مَاتَادَ يَارَا، عَكُمَ ڨُوثٜىٰ كَايَنْسُ؞

14أَبِنْ دَيَكٜىٰ ثِكِنْ وَسِيڧُنْ أَنْسَا يَذَمَ دُواْكَا عَكُواْوَنٜىٰ يَنْكِ، عَكُمَيِ شٜىٰلَرْسَ غَ دُكَنْ ڧَبِيلُنْ ڧَسَرْ، دُوانْ كُواْوَ يَكَسَنْثٜىٰ دَشِرِ دُواْمِنْ وَنَّنْ رَانَ؞

15سَيْ یَنْ كَدَتَݣُونَ سُكَتَاشِ أَغُجٜىٰ بِسَغَ عُمَرْنِنْ سَرْكِے؞ عَكَ سَنَرْدَ دُواْكَرْ عَثِكِنْ وُرِے مَيْ كَتَنْ‌غَ عَبِرْنِنْ شُوشَنْ؞ سَرْكِے دَ هَامَٰنَ سُكَ ذَوْنَ سُنَثِ سُنَشَا، بِرْنِنْ شُوشَنْ كُوَ تَنَ ضِكِثِيوَ؞

← Chapter 2 Jump to: Chapter 4 →