Esther 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1أَنَانً أَ رَانَ تَغُواْمَشَا عُكُ غَ وَتَنْ غُواْمَشَا بِيُ، وَتُواْ وَتَنْ أَدَرْ دَيْدَيْ رَانَرْ دَ أَبُواْكَنْ غَابَنْ يَهُودَاوَا سُكَسَا ذُوثِيَا ذَاسُثِكَ عُمَرْنِنْ سَرْكِے دَ دُواْكَرْسَ سُهَلَّكَ يَهُودَاوَا، أَمَيْمَكُوانْ حَكَ سَيْ كُواْمٜىٰ يَثَنْجَ؞ يَهُودَاوَا سُكَ ڢَاطَوَ أَبُواْكَنْ غَابَنْسُ سُكَيِ نَصَرَا عَكَنْسُ؞

2سَيْ يَهُودَاوَا سُكَ تَتَّارُ عَبِرَنٜىٰنْسُ أَدُكَنْ يَنْكُنَنْ ڧَسَرْ سَرْكِے أَهَسُرُسْ، دُواْمِنْ سُيِ يَاڧِ دَ دُكْ وَطَنْدَ سُكٜىٰ دَ نِيَّ سُيِ مُسُ ٻَرْنَ؞ بَابُوَنِ وَنْدَ يَ عِيَ ڢُسْكَنْثٜىٰسُ، غَمَا ڟُواْرُوانْسُ يَڢَاطَوَ دُكَنْ ڧَبِيلُنْ ڧَسَرْ؞

3دُكَنْ مَنْيَنْ مُتَنٜىٰنْ يَنْكُنَ دَ هَكِمَنْ يَنْكُنَ دَ ڠُومْنُواْنِ دَ دَتَّاوَا سُكَ كُمَ تَيْمَكِ يَهُودَاوَا سَبُواْدَ ڟُواْرُوانْ مُوارْدٜىٰكَيْ يَكَامَسُ؞

4غَمَا مُوارْدٜىٰكَيْ يَا ذَمَ بَبَّنْ مُتُمْ أَغِدَنْ سَرْكِے؞ يَيِ تَڧَارَ يِنْ سُونَ أَدُكَنْ يَنْكُنَنْ مُلْكِ، كُمَ إِيكُوانْسَ يَيِ تَڧَارُوَ؞

5سَبُواْدَ حَكَ يَهُودَاوَا سُكَ ڢَاطَوَ دُكَنْ أَبُواْكَنْ غَابَنْسُ دَ تَكُواْبِے، سُكَ كَكَّشٜىٰسُ، سُكَ هَلَكَاسُ، سُكَ كُمَيِ أَبِنْدَ سُكَغَ دَامَ دَسُو؞

6أَوُرِے مَيْ كَتَنْ‌غَ عَبِرْنِنْ شُوشَنْ، يَهُودَاوَا سُكَ كَشٜىٰ سُكَ كُمَ هَلَّكَ مُتَنٜىٰ طَرِے بِيَرْ؞

7بَنْ دَ وَطَنَّنْ سُكَ كَشٜىٰ ڢَرْشَنْدَتَ دَ دَلْڢُوانْ دَ أَسْڢَتَ،

8دَ ڢُواْرَتَ دَ أَدَلِيَ دَ أَرِدَتَ،

9دَ ڢَرْمَشْتَ دَ أَرِسَيْ دَ أَرِدَيْ دَ بَيْظَتَ؞

10وَطَنَّنْ نٜىٰ یَیَ غُواْمَ نَ هَامَٰنَ طَنْ هَمّٜىٰدَتَ، أَبُواْكِنْ غَابَنْ يَهُودَاوَا؞ عَمَّا بَسُ ڨُوثٜىٰ كَايَنْسُبَ؞

11أَ رَانَرْ ثٜىٰ عَكَ ڢَطَا وَسَرْكِے يَوَنْ مُتَنٜىٰنْ دَ عَكَهَلَّكَ أَوُرِے مَيْ كَتَنْ‌غَ عَبِرْنِنْ شُوشَنْ؞

12سَيْ سَرْكِے يَثٜىٰ وَ سَرَوْنِيَ عٜىٰسْتَا «عَثِكِنْ وُرِے مَيْ كَتَنْ‌غَ أَ شُوشَنْ كَطَيْ، يَهُودَاوَا سُنْ كَشٜىٰ سُنْ كُمَ هَلَّكَ مُتَنٜىٰ طَرِے بِيَرْ دَ كُمَ یَیَنْ هَامَٰنَ غُدَا غُواْمَ؞ تُواْ، وَ يَسَنْ أَبِنْدَ سُكَيِ عَثِكِنْ سَوْرَنْ يَنْكُنَنْ مُلْكٍ؟ مٜىٰ كُمَ كِكٜىٰ بُڧَاتَ؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ ذَنْ بَاكِ؞»

13عٜىٰسْتَا كُوَ تَأَمْسَ تَثٜىٰ «عِدَنْ يَا غَمْشٜىٰكَ، يَا سَرْكِے، بَرِ عَيَرْدَ وَ يَهُودَاوَنْ دَسُكٜىٰ ثِكِنْ بِرْنِنْ شُوشَنْ سُڧَارَ يِنْ حَكَ غُواْبٜىٰ، كَمَرْ يَدَّ عَكَ بَادَ دُواْكَا سُكَيِ يَوْ؞ بَرِ كُمَ عَبَادَ دُواْكَا أَ رَاتَيٜىٰ غَوَوَّكِنْ یَیَنْ هَامَٰنَ غُدَا غُواْمَنَّنْ عَكَنْ دُواْغَيٜىٰنْ كَتَكَنْ رَاتَيَ مُتَنٜىٰ؞»

14سَبُواْدَ حَكَ سَرْكِے يَبَادَ عُمَرْنِ عَيِ حَكَ؞ سَيْ عَكَيِ شٜىٰلَرْ دُواْكَرْ نَنْ عَثِكِنْ بِرْنِنْ شُوشَنْ؞ عَكَ كُمَ رَاتَيٜىٰ غَوَوَّكِنْ یَیَنْ هَامَٰنَ نَنْ غُدَا غُواْمَ؞

15سَيْ يَهُودَاوَنْ دَسُكٜىٰ عَثِكِنْ بِرْنِنْ شُوشَنْ، سُكَسَاكٜىٰ تَارُوَ أَ رَانَ تَغُواْمَشَا حُطُ غَ وَتَنْ غُواْمَشَا بِيُ، وَتُواْ وَتَنْ أَدَرْ؞ يَهُودَاوَنْ كُوَ سُكَ هَلَّكَ مُتَنٜىٰ طَرِے عُكُ عَبِرْنِنْ؞ عَمَّا بَسُ ڨُوثٜىٰ كَايَنْسُبَ؞

16أَنَ ثِكِنْ حَكَ سَيْ سَوْرَنْ يَهُودَاوَا نَثِكِنْ يَنْكُنَنْ مُلْكٍ سُكَ تَتَّارُ دُواْمِنْ سُكَارٜىٰ رَايُكَنْسُ سُكُمَ سَامِ هُوتُ دَغَ ڢَطَ دَ أَبُواْكَنْ غَابَنْسُ؞ سُكَ كُوَ كَشٜىٰ أَبُواْكَنْ غَابَنْسُ، مُتَنٜىٰ دُبُو سَبَعِنْ دَ بِيَرْ؞ عَمَّا بَسُ ڨُوثٜىٰ كَايَنْسُبَ؞

17وَنَّنْ يَڢَرُ أَ رَانَ تَغُواْمَشَا عُكُ غَ وَتَنْ غُواْمَشَا بِيُ، وَتُواْ وَتَنْ أَدَرْ؞ وَشٜىٰغَرِ، وَتُواْ رَانَ تَغُواْمَشَا حُطُ، سُكَ هُوتَ دَغَ ڢَطَ دَ أَبُواْكَنْ غَابَنْسُ؞ سُكَ مَيْدَ رَانَرْ تَذَمَ رَانَرْ مُرْنَ دَ رَانَرْ بِكِ؞

18عَمَّا يَهُودَاوَنْ دَسُكٜىٰ ثِكِنْ بِرْنِنْ شُوشَنْ كُوَ سُكَ تَارُ أَ رَانَ تَغُواْمَشَا عُكُ دَ كُمَ تَغُواْمَشَا حُطُ، سَيْ سُكَ هُوتَ دَغَ ڢَطَ دَ أَبُواْكَنْ غَابَنْسُ أَ رَانَ تَغُواْمَشَا بِيَرْ؞ سُكَ مَيْدَ عِتَ تَذَمَ رَانَرْ مُرْنَ دَ رَانَرْ بِكِ؞

19شِيَسَا يَهُودَاوَنْ دَسُكٜىٰ ذَمَ ثِكِنْ ڧَوْيُكَ دَ كَرْكَرَ سُكَ كٜىٰٻٜىٰ رَانَ تَغُواْمَشَا حُطُ غَ وَتَنْ غُواْمَشَا بِيُ، وَتُواْ وَتَنْ أَدَرْ، تَذَمَ رَانَرْ هُوتُ؞ رَانَرْ تَكَسَنْثٜىٰ رَانَرْ بِكِ دَ مُرْنَ دَ رَانَرْ عَيْكَ وَ جُونَ ݣَوْتَنْ عَبِنْثِ؞

20مُوارْدٜىٰكَيْ كُوَ يَرُبُوتَ وَطَنَّنْ أَبُبُوَ، يَكُمَ عَيْكَ دَ وَسِيڧُ ذُوَاغَ يَهُودَاوَا نَكُسَ دَ نَنٜىٰسَ وَطَنْدَ سُكٜىٰ ذَمَ عَيَنْكُنَنْ مُلْكٍ سَرْكِے أَهَسُرُسْ؞

21يَ عُمَرْثٜىٰسُ سُكٜىٰٻٜىٰ رَانَ تَغُواْمَشَا حُطُ دَ كُمَ تَغُواْمَشَا بِيَرْ غَ وَتَنْ غُواْمَشَا بِيُ، وَتُواْ وَتَنْ أَدَرْ، سُذَمَ رَانَكُنْ هُوتُ عَكُواْوَثٜىٰ شٜىٰكَرَا،

22دُواْمِنْ أَوَطَنَّنْ رَانَكُو نٜىٰ يَهُودَاوَا سُكَ هُوتَ دَغَ ڢَطَ دَ أَبُواْكَنْ غَابَنْسُ؞ أَوَنَّنْ وَتَنْ نٜىٰ بَڧِنْ ثِكِنْسُ يَكُواْمَ ڢَضٍ ثِكِ، رَانَرْ كُوكَنْسُ كُمَ تَكُواْمَ رَانَرْ بِكِ؞ عَكَ عُمَرْثٜىٰسُ سُكِيَايٜىٰ رَانَكُنَّنْ سُذَمَ مُسُ رَانَكُنْ بِكِ دَ نَمُرْنَ، رَانَكُو نَعَيْكَ وَجُونَ عَبِنْثِ دَ نَعَيْكَ ݣَوْتَيْ غَ مَتَلَوْتَ؞

23سَيْ يَهُودَاوَا سُكَ يَرْدَ سُثِيغَبَدَ أَلْعَادَرْ بِكٍ كُواْوَثٜىٰ شٜىٰكَرَا، كَمَرْ يَدَّ مُوارْدٜىٰكَيْ يَعُمَرْثٜىٰسُ؞

24سُنْيِ حَكَ غَمَا هَامَٰنَ طَنْ هَمّٜىٰدَتَ، مُتُمِنْ أَغَغْ، أَبُواْكِنْ غَابَنْ دُكَنْ يَهُودَاوَا، دَا يَا شِرْيَ مُغُنْتَا عَكَنْ يَهُودَاوَا دُواْمِنْ عَكَكَّشٜىٰسُ عَكُمَ هَلَكَاسُ أَ رَانَرْ، تَوُرِنْ جٜىٰڢَ ڧُرِعَ وَدَّ عَكٜىٰ ثٜىٰ دَ عِتَ «ڢُورِمْ»؞

25عَمَّا سَعَدَّ سَرْكِے يَجِ مُغُنْتَارْ دَ هَامَٰنَ يَشِرْيَ، سَيْ سَرْكِے يَبَادَ عُمَرْنِ أَرُبُوثٜىٰ ثٜىٰوَ دُكْ مُغُنْتَارْ دَ هَامَٰنَ يَشِرْيَ عَكَنْ يَهُودَاوَا يَكُواْمَ كَنْسَ، كُمَ أَ رَاتَيٜىٰشِ دَ یَیَنْسَ مَظَا عَكَنْ دُواْغَيٜىٰنْ كَتَكَنْ رَاتَيَ مُتَنٜىٰ؞

26شِيَسَا عَكَثٜىٰ دَ رَانَكُو طِنَّنْ ڢُورِمْ دَغَ كَلْمَرْ نَنْ «ڢُرْ»، وَتُواْ ڧُرِعَ؞ بِسَغَ دُكَنْ أَبُبُوَنْ دَ عَكَ رُبُوتَ أَوَسِيڧَرْ مُوارْدٜىٰكَيْ دَ كُمَ بِسَغَ أَبُبُوَنْ دَ سُكَ غَنِ دَ كُمَ أَبُبُوَنْ دَ سُكَ سَامٜىٰسُ،

27سَيْ يَهُودَاوَا سُكَغَ يَذَمَ دُواْلٜىٰ بِكٍ يَذَمَ أَلْعَادَا أَغَرٜىٰسُ؞ سُو دَ ذُرِيَرْسُ دَ كُمَ دُكْ وَطَنْدَ ذَاسُ ذَمَ يَهُودَاوَا ذَاسُ ثِيغَبَدَ كِيَايٜىٰ وَطَنَّنْ رَانَكُو بِيُ بَا ڢَاسَوَ أَ لُواْكَثِنْ دَ عَكَ شِرْيَ عَكُواْوَثٜىٰ شٜىٰكَرَا؞ ذَاعَ دِنْ‌غَ يِنْتَ كَمَرْ يَدَّ مُوارْدٜىٰكَيْ يَعُمَرْتَ؞

28ذَاعَكُمَ دِنْ‌غَ تُنَاوَا دَ وَطَنَّنْ رَانَكُو عَكُمَ كِيَايٜىٰسُ دَغَ ڟَارَا ذُوَا ڟَارَا دَ كُمَ ثِكِنْ كُواْوَنٜىٰ عِيَلِ دَ ثِكِنْ كُواْوَنٜىٰ يَنْكِ دَ كُمَ كُواْوَنٜىٰ بِرْنِ؞ كَدَ يَهُودَاوَا سُدَيْنَ كِيَايٜىٰ رَانَكُنْ بِكٍ ڢُورِمْ، كُواْ سُبَرْ جِيكُواْكِنْسُ سُمَنْتَا سُ كِيَايٜىٰ وَطَنَّنْ رَانَكُو بِيُ؞

29سَعَنً سَرَوْنِيَ عٜىٰسْتَا یَرْ أَبِهَيِلْ، تَرٜىٰدَ مُوارْدٜىٰكَيْ مُتُمِنْ يَهُودَ، تَرُبُوتَ دَ ثِكَكّٜىٰنْ إِيكُواْ دُواْمِنْ تَتَبَّتَرْ دَ وَسِيڧَ تَبِيُ غَمٜىٰدَ ذَنْثٜىٰنْ بِكٍ ڢُورِمْ؞

30عَكَ كُوَ عَيْكَ دَ وَسِيڧُنَّنْ ذُوَاغَ دُكَنْ مُتَنٜىٰنْ يَهُودَ عَيَنْكُنَ طَرِے دَ عَشِرِنْ دَ بَݣَويْ نَمُلْكٍ سَرْكِے أَهَسُرُسْ؞ عَثِكِنْ وَسِيڧُنْ أَنْيِ وَ يَهُودَاوَا ڢَتَنْ سَلَمَ دَ تَبَّتَرْ دَ لَاڢِيَرْسُ؞

31عَكَ كُمَ عُمَرْثٜىٰسُ، سُو دَ ذُرِيَرْسُ، سُكِيَايٜىٰ رَانَكُنْ بِكٍ ڢُورِمْ أَ لُواْكَثِنْ دَ عَكَ شِرْيَ؞ عَكَ كُمَ عُمَرْثٜىٰسُ سُكِيَايٜىٰ رَانَكُنْ أَظُمِ دَ نَبَڧِنْ ثِكِ وَطَنْدَ سُكَ كَڢَ وَكَنْسُ، كَمَرْ يَدَّ مُوارْدٜىٰكَيْ مُتُمِنْ يَهُودَ دَ سَرَوْنِيَ عٜىٰسْتَا سُكَ عُمَرْتَ؞

32دُواْكَرْ عٜىٰسْتَا كُوَ تَتَبَّتَرْ دَ ڧَٰعِدُواْدِنْ بِكٍ ڢُورِمْ، عَكَ كُمَ رُبُوتَسُ عَثِكِنْ نَطَطّٜىٰنْ لِتَّڢِنْ تَارِيحِ؞

← Chapter 8 Jump to: Chapter 10 →