Esther 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1أَوَنَّنْ دَرٜىٰ كُوَ سَرْكِے يَكَاسَ بَرْثِ؞ سَيْ يَعُمَرْتَ عَكَٰوُاْ لِتَّڢِنْ تَارِيحِ، وَتُواْ لِتَّڢِنْ دَ عَكَ رُبُوتَ أَلْعَمُرَنْ دَسُكٜىٰ ڢَرُوَ دُوانْ تُنَاوَا دَ مُلْكِنْسَ؞ عَكَ كُوَ كَرَنْتَ مَسَ؞

2سَيْ عَكَ تَرَرْ أَنْرُبُوتَ ثِكِنْ تَارِيحِ يَدَّ مُوارْدٜىٰكَيْ يَتُواْنَ أَسِيرِنْ بِغْتَنَ دَ تٜىٰرٜىٰشْ، وَتُواْ بِيُ دَغَ ثِكِنْ بَابَانِّنْ سَرْكِے مَاسُ غَادِنْ ڧُواْڢَرْ غِدَنْ سَرْكِے، وَطَنْدَ سُكَيِ نِيَّ سُكَشٜىٰ سَرْكِے أَهَسُرُسْ؞

3سَرْكِے يَيِ تَمْبَيَ يَثٜىٰ «وَثٜىٰ إِرِنْ غِرْمَ دَ لَادَ عَكَبَا مُوارْدٜىٰكَيْ سَبُواْدَ وَنَّنْ؟» مَاسُيِ وَسَرْكِے حِدِمَ سُكَ أَمْسَ سُكَثٜىٰ «بَا أَبِنْدَ عَكَيِ دُواْمِنْسَ كُواْ كَطَنْ؞»

4أَنَ ثِكِنْ حَكَ سَيْ هَامَٰنَ يَشِغَ ذَوْرٜىٰ نَوَجٜىٰ نَغِدَنْ سَرْكِے دُواْمِنْ يَيِ مَغَنَ دَ سَرْكِے أَ رَاتَيٜىٰ مُوارْدٜىٰكَيْ عَكَنْ دُواْغُوانْ كَتَكُوانْ رَاتَيَ مُتَنٜىٰنْ دَ يَا رِغَا يَا شِرْيَ؞ سَيْ سَرْكِے يَيِ تَمْبَيَ يَثٜىٰ «وَنٜىٰنٜىٰ أَ ذَوْرٜىٰ؟»

5سَيْ مَاسُيِ وَسَرْكِے حِدِمَ سُكَ أَمْسَ سُكَثٜىٰ «أَيْ، هَامَٰنَ نٜىٰ يَكٜىٰ ڟَيٜىٰ أَ ذَوْرٜىٰ؞» سَيْ سَرْكِے يَثٜىٰ «أَ شِغَرْ دَشِ؞»

6سَيْ هَامَٰنَ يَشِغَ؞ سَرْكِے كُوَ يَثٜىٰ مَسَ «مٜىٰ ذَاعَيِ وَمُتُمِنْ دَ سَرْكِے يَكٜىٰ مُرْنَ يَغِرْمَمَشِ؟» سَيْ هَامَٰنَ يَيِ تُنَانِ أَ رَنْسَ يَثٜىٰ «وَنٜىٰنٜىٰ وَنَّنْ دَ سَرْكِے يَكٜىٰ مُرْنَ يَغِرْمَمَ شِ إِنْ بَنِيبَ؟»

7سَيْ هَامَٰنَ يَأَمْسَ وَ سَرْكِے يَثٜىٰ «غَا أَبِنْدَ ذَاعَيِ وَمُتُمِنْ دَ سَرْكِے يَكٜىٰ مُرْنَ يَغِرْمَمَ؞

8بَرِ عَكَٰوُاْ رِيغُنَنْ مُلْكٍ دَ سَرْكِے يَتَٻَ سَاوَا دَ كُمَ دُواْكِ دَ سَرْكِے يَتَٻَ هَوَ، وَنْدَ يَكٜىٰدَ أَدُواْ إِرِنْ نَسَرْكِے عَكَنْسَ،

9عَبَا طَيَ دَغَ ثِكِنْ مَنْيَنْ مُتَنٜىٰ مَڢِے غِرْمَ؞ وَنَّنْ بَبَّنْ مُتُمْ كُوَ يَسَا وَمُتُمِنَّنْ دَ سَرْكِے يَكٜىٰ مُرْنَ يَغِرْمَمَ رِيغُنَنْ مُلْكِ؞ يَكُمَ سَاشِ عَكَنْ دُواْكِنْ، يَذَاغَيَ دَشِ أَ ڢِيلِ نَثِكِنْ بِرْنِ، يَيِ تَشٜىٰلَ أَغَبَنْ مُتُمِنَّنْ يَنَ ثٜىٰوَ ‹دُوبَ أَبِنْدَ عَكٜىٰيِ غَ مُتُمِنْ دَ سَرْكِے يَكٜىٰ مُرْنَ يَغِرْمَمَ!› »

10سَيْ سَرْكِے يَثٜىٰ وَ هَامَٰنَ «كَيِسَوْرِ كَطَوْكِ رِيغُنَنْ دَ دُواْكِنْ، كَتَڢِے وُرِنْ مُوارْدٜىٰكَيْ مُتُمِنْ يَهُودَ وَنْدَ يَكَنْ ذَوْنَ عَبَاكِنْ ڧُواْڢَرْ غِدَنْ سَرْكِے، كَيِ مَسَ كَمَرْ يَدَّ كَڢَطَا؞ كَدَ كَضَغٜىٰ كُواْمٜىٰ؞»

11سَيْ هَامَٰنَ يَجٜىٰ يَطَوْكِ رِيغُنَنْ دَ دُواْكِنْ؞ يَسَا وَ مُوارْدٜىٰكَيْ رِيغُنَنْ، يَكُمَسَا مُوارْدٜىٰكَيْ يَهَوْ دُواْكِنْ، سَعَنً يَوُثٜىٰ غَبَنْسَ؞ هَامَٰنَ يَذَاغَيَ دَشِ أَ ڢِيلِ نَثِكِنْ بِرْنِنْ، يَنَ شٜىٰلَ وَمُتَنٜىٰ يَنَ ثٜىٰوَ «دُوبَ أَبِنْدَ عَكٜىٰيِ غَ مُتُمِنْ دَ سَرْكِے يَكٜىٰ مُرْنَ يَغِرْمَمَ!»

12بَايَنْ وَنَّنْ مُوارْدٜىٰكَيْ يَكُواْمَ ڧُواْڢَرْ غِدَنْ سَرْكِے، عَمَّا هَامَٰنَ يَتَڢِے غِدَنْسَ أَغُجٜىٰ ثِكٜىٰ دَ بَڧِنْ ثِكِ؞ كُنْيَا كُوَ تَرُڢٜىٰشِ؞

13سَيْ يَڢَطَا وَمَاتَرْسَ ظٜىٰرٜىٰشْ دَ كُمَ دُكَنْ أَبُواْكَنْسَ، دُكَنْ أَبِنْدَ يَڢَرُ دَشِ؞ سَيْ مُتَنٜىٰنْسَ مَاسُ بَاشِ شَوَرَا دَ مَاتَرْسَ ظٜىٰرٜىٰشْ سُكَثٜىٰ «عِدَنْ دَيْ مُوارْدٜىٰكَيْ دَ كَڢَارَ ڢَاطُوَ أَغَبَنْسَ مُتُمِنْ يَهُودَ نٜىٰ، تُواْ، بَذَاكَثِ نَصَرَا عَكَنْسَبَ، لَلَّيْ ذَاكَ ڢَاطِ!»

14يَايِنْ دَسُكٜىٰ ثِكِنْ مَغَنَ، سَيْغَا وَطَنْسُ بَابَانِّنْ سَرْكِے سُكَ إِسُواْ سُكَ تَڢِے دَ هَامَٰنَ دَ سَوْرِ ذُوَا وُرِنْ ثِنْ عَبِنْثِ نَمُسَمَّنْ دَ عٜىٰسْتَا تَشِرْيَ؞

← Chapter 5 Jump to: Chapter 7 →