Numbers 31

Hausa Arabic 2020 (أَتَّوْرَتْ دَ أَنَّبَاوَا)

1يَهْوٜىٰهْ يَيِ مَغَنَ دَ مُوسَٰى يَثٜىٰ،

2«كَحُكُنْتَ مِدِيَنَاوَا عَكَنْ أَبِنْدَ سُكَيِ وَ إِسْرَٰٓءِيلَاوَا؞ بَايَنْدَ كَيِ وَنَّنْ ذَاكَ مُتُ كَبِے كَاكَنِّنْكَ؞»

3مُوسَٰى كُوَ يَيِ مَغَنَ دَ جَمَعَ يَثٜىٰ «كُسَا وَطَنْسُ سُيِ شِرِ دُواْمِنْ يَاڧِ، سُڢَاطَوَ مِدِيَنَاوَا دَ يَاڧِ بِسَغَ رَامُوَرْ يَهْوٜىٰهْ عَكَنْسُ؞

4سَيْ كُعَيْكِ مُتُمْ دُبُو طَيَ دَغَ كُواْوَثٜىٰ ذُرِيَرْ إِسْرَٰٓءِيلَ ذُوَا وُرِنْ يَاڧِنْ؞»

5سَيْ عَكَ ذَاٻِ مُتُمْ دُبُو غُواْمَشَا بِيُ، عَكَ شِرْيَسُ دُواْمِنْ يَاڧِ دَغَ دُبَّنْ إِسْرَٰٓءِيلَاوَا، وَتُواْ مُتُمْ دُبُو طَيَ دَغَ كُواْوَثٜىٰ ذُرِيَ؞

6مُوسَٰى يَتُورَسُ أَ ڢِيلِنْ يَاڧِ تَرٜىٰدَ ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ، وَنْدَ ذَيْ لُورَ دَ كَايَنْ دَ عَكَ كٜىٰٻٜىٰ دَ ڟَرْكِے دَغَ وُرِے مَيْ ڟَرْكِے دَ كُمَ كَكَكِ دُواْمِنْ كِرَنْ يَاڧِ أَ حَنُّنْسَ؞

7سُكَيِ يَاڧِ دَ مِدِيَنَاوَا بِسَغَ يَدَّ يَهْوٜىٰهْ يَعُمَرْثِ مُوسَٰى، سُكَ كُمَ كَكَّشٜىٰ كُواْوَنٜىٰ نَمِجِ؞

8بَنْدَ حَكَ سُكَ كَشٜىٰ سَرَاكُنَ بِيَرْ نَ مَدْيَنَ، وَتُواْ عٜىٰوِ دَ رٜىٰكٜىٰمْ دَ ظُرْ دَ هُرْ دَ رٜىٰبَ؞ سُكَ كُمَ كَشٜىٰ بَلَعَمْ طَنْ بٜىٰيُوارْ دَ تَكُواْبِے؞

9إِسْرَٰٓءِيلَاوَا سُكَ ڨُوثٜىٰ مَاتَادَ يَارَا ڧَنَانَا نَ مِدِيَنَاوَا سُذَمَ بَايِ؞ سُكَ ݣُوشِ شَانُنْسُ دَ تُمَكِنْسُ دَ دُكَنْ دُوكِيَرْسُ عَيَاڧِ؞

10سُكَ كُمَ ڧُواْنٜىٰ دُكَنْ غَرُضُوً مِدِيَنَاوَا دَ دُكَنْ سَنْسَنِنْسُ،

11عَمَّا دَ مُتُمْ دَ دَبَّ دُكَ سُنْ ݣُوشٜىٰسُ عَيَاڧِ؞

12سُكَ كَٰوُاْ وَطَنْدَ سُكَ كَامَ بَايِ دَ كَايَنْ دَ سُكَ ݣُوشٜىٰ عَيَاڧِ ذُوَا وُرِنْ مُوسَٰى دَ عٜىٰلٜىٰيَظَرْ ڢِرِسْتِ دَ تَارُوانْ جَمَعَرْ إِسْرَٰٓءِيلَ أَ ذَنْ‌غُوانْسُ أَ ڢِيلَيٜىٰنْ مُواْوَبْ عَبَاكِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞

13سَيْ مُوسَٰى دَ عٜىٰلٜىٰيَظَرْ ڢِرِسْتِ دَ دُكَنْ شُوغَبَنِّنْ تَارُوانْ جَمَعَرْ إِسْرَٰٓءِيلَ سُكَ ڢِتَ دَغَ ذَنْ‌غُواْ دُواْمِنْ سُتَرْيٜىٰسُ؞

14مُوسَٰى كُوَ يَيِ ڢُشِے مَيْ ڟَنَنِ دَ شُوغَبَنِّنْ سُواْجُواْجِ دَ شُوغَبَنِّنْ دُبُو دُبُو دَ شُوغَبَنِّنْ طَرِے طَرِے، وَطَنْدَ سُكَ دَاوُاْ دَغَ وُرِنْ يَاڧِ؞

15يَتَمْبَيٜىٰسُ يَثٜىٰ «دُوانْمٜىٰ كُكَ بَرْ دُكَنْ مَاتَانْ مِدِيَنَاوَا دَ رَيْ؟

16كُتُنَ ڢَا، تَوُرِنْ شَوَرَرْ بَلَعَمْ، مَاتَنَّنْ سُكَسَا إِسْرَٰٓءِيلَاوَا سُكَثِ أَمَانَرْ يَهْوٜىٰهْ ثِكِنْ أَبِنْدَ يَڢَرُ أَ ڢٜىٰيُوارْ، حَرْ بَلَعِ يَڢَاطُواْ عَكَنْ جَمَعَرْ يَهْوٜىٰهْ ؞

17يَنْذُ، سَيْ كُكَشٜىٰ دُكَنْ يَارَا مَظَا دَ كُواْوَثٜىٰ مَثٜىٰ وَدَّ تَسَنْ نَمِجِ؞

18عَمَّا دُكَنْ یَنْ مَاتَا وَطَنْدَ بَسُ سَنْ نَمِجِ بَ، سَيْ كُبَرْ وَكَنْكُ؞

19عَثِكِنْكُ دُكْ وَنْدَ يَكَشٜىٰ مُتُمْ كُواْ يَتَٻَ غَاوَا ذَيْ ذَوْنَ عَبَايَنْ ذَنْ‌غُوانْ حَرْ ݣُونَ بَݣَويْ؞ أَ رَانَ تَ عُكُ دَ تَبَݣَويْ ذَاكُ ڟَبْتَثٜىٰ كَنْكُ تَرٜىٰدَ بَايِنْ دَ كُكَ كَامَ؞

20ذَاكُ ڟَبْتَثٜىٰ كُواْوَثٜىٰ رِغَا دَ كُواْوَنٜىٰ أَبِنْدَ عَكَيِ دَ ڢَتَ دَ كُواْوَنٜىٰ أَبِنْدَ عَكَيِ دَ غَاشِنْ أَوَكِ دَ كُواْوَنٜىٰ أَبِنْدَ عَكَيِ دَ إِتَاثٜىٰ؞»

21عٜىٰلٜىٰيَظَرْ ڢِرِسْتِ كُوَ يَثٜىٰ وَسُواْجُواْجِنْ دَ سُكَ تَڢِے يَاڧِ «وَطَنَّنْ سُونٜىٰ ڧَٰعِدُواْدِنْ دَ يَهْوٜىٰهْ يَعُمَرْثِ مُوسَٰى؞

22ظِينَارِيَ دَ أَظُرْڢَا دَ تَغُلَّ دَ بَڧِنْ ڧَرْڢٜىٰ دَ كُظَ دَ دَرْمَ،

23دَ دُكَنْ أَبِنْدَ وُتَا بَاتَ عِيَثِ، سُونٜىٰ ذَاكُ ڟَبْتَثٜىٰسُ تَثِكِنْ وُتَا، ذَاسُ كَسَنْثٜىٰ مَرَسَ ڧَظَنْتَا؞ دُكْدَهَكَ ذَاعَ كُمَ ڟَبْتَثٜىٰسُ تَثِكِنْ ضُوً ڟَبْتَثٜىٰوَ؞ عَمَّا أَبِنْدَ وُتَا تَكَنْثِ، سَيْ أَڟَبْتَثٜىٰشِ تَثِكِنْ ضُوً ڟَبْتَثٜىٰوَ كَوَيْ؞

24ذَاكُ وَنْكٜىٰ رِيغُنَنْكُ أَ رَانَ تَبَݣَويْ دُواْمِنْ كُذَمَ مَرَسَ ڧَظَنْتَا؞ بَايَنْ حَكَ سَيْ كُكُواْمَ ثِكِنْ ذَنْ‌غُوانْ؞»

25يَهْوٜىٰهْ كُمَ يَڢَطَا وَ مُوسَٰى ثٜىٰوَ

26«دَ كَيْ دَ عٜىٰلٜىٰيَظَرْ ڢِرِسْتِ دَ شُوغَبَنِّنْ غِدَاجٜىٰنْ كَاكَنِّنْ تَارُوانْ جَمَعَ، كُلِسَّڢْتَ كَايَنْ دَ عَكَ ڨُوثٜىٰ عَيَاڧِ، نَمُتَنٜىٰ دَ دَبُّواْبِے دُكَ؞

27كُرَبَ كَايَنْدَ كُكَ ڨُوثٜىٰ عَيَاڧِ كَشِ بِيُ؞ كُبَا سُواْجُواْجِنْ دَ سُكَ تَڢِے يَاڧِ كَشِ طَيَ، كَشِ طَيَنْ كُمَ كُبَا تَارُوانْ جَمَعَ؞

28دَغَ ثِكِنْ كَايَنْ دَ عَكَ ڨُوثٜىٰ عَيَاڧِ نَسُواْجُواْجِنْ دَ سُكَ تَڢِے يَاڧِ، سَيْ كَكٜىٰٻٜىٰ كَشِ نَمُسَمَّنْ يَذَمَ هَرَاجِ غَ يَهْوٜىٰهْ ؞ كَطَوْكِ أَبُ طَيَ دَغَ ثِكِنْ كُواْوَنٜىٰ طَرِے بِيَرْ دُواْمِنْ هَرَاجِنْ، كُواْ نَمُتَنٜىٰ، كُواْ نَشَانُو، كُواْ نَجَاكُنَ، كُواْ نَتُمَكِ، كُواْ نَأَوَكِ؞

29كَطَوْكِ هَرَاجِنَّنْ دَغَ كَشِ طَيَ نَسُواْجُواْجِ، سَيْكَبَا عٜىٰلٜىٰيَظَرْ ڢِرِسْتِ، يَذَمَ بَايَرْوَ تَمُسَمَّنْ غَ يَهْوٜىٰهْ ؞

30دَغَ ثِكِنْ كَايَنْ دَ عَكَ ڨُوثٜىٰ عَيَاڧِ وَنْدَ يَذَمَ نَتَارُوانْ جَمَعَ، سَيْ كَطَوْكِ أَبُ طَيَ دَغَ ثِكِنْ كُواْوَنٜىٰ حَمْسِنْ، كُواْ نَمُتَنٜىٰ، كُواْ نَشَانُو، كُواْ نَجَاكُنَ، كُواْ نَتُمَكِ، كُواْ نَأَوَكِ؞ كَبَادَسُو غَ لَوِيَاوَا وَطَنْدَ سُكٜىٰ لُورَ دَ تٜىٰنْتِنْ كَسَنْثٜىٰوَرْ يَهْوٜىٰهْ ؞»

31سَيْ مُوسَٰى دَ عٜىٰلٜىٰيَظَرْ ڢِرِسْتِ سُكَيِ يَدَّ يَهْوٜىٰهْ يَعُمَرْثِ مُوسَٰى؞

32غَا يَوَنْ كَايَنْدَ سُواْجُواْجِ سُكَ ڨُوثٜىٰ عَيَاڧِ، تُمَكِ دُبُو طَرِے شِدَ دَ دُبُو سَبَعِنْ دَ بِيَرْ،

33شَانُو دُبُو سَبَعِنْ دَ بِيُ،

34جَاكُنَ دُبُو سِتِّنْ دَ طَيَ،

35یَنْ مَاتَا وَطَنْدَ بَسُ سَنْ نَمِجِبَ دُبُو تَلَاتِنْ دَ بِيُ؞

36غَا سَاشٜىٰنْ دَ عَكَبَا سُواْجُواْجِ وَطَنْدَ سُكَ تَڢِے يَاڧِ، تُمَكِ دُبُو طَرِے عُكُ دَ دُبُو تَلَاتِنْ دَ بَݣَويْ دَ طَرِے بِيَرْ؞

37دَغَ ثِكِنْ وَطَنَّنْ، عَكَ طَوْكِ تُمَكِ دَ أَوَكِ طَرِے شِدَ دَ سَبَعِنْ دَ بِيَرْ دُواْمِنْ هَرَاجِ غَ يَهْوٜىٰهْ ؞

38شَانُو كُمَ دُبُو تَلَاتِنْ دَ شِدَ؞ دَغَ ثِكِنْسُ عَكَ طَوْكِ شَانُو سَبَعِنْ دَ بِيُ دُواْمِنْ هَرَاجِ غَ يَهْوٜىٰهْ ؞

39جَاكُنَ كُمَ دُبُو تَلَاتِنْ دَ طَرِے بِيَرْ؞ دَغَ ثِكِنْسُ عَكَ طَوْكِ جَاكُنَ سِتِّنْ دَ طَيَ دُواْمِنْ هَرَاجِ غَ يَهْوٜىٰهْ ؞

40یَنْ مَاتَا كُمَ دُبُو غُواْمَشَا شِدَ؞ دَغَ ثِكِنْسُ عَكَ طَوْكِ یَنْ مَاتَا تَلَاتِنْ دَ بِيُ دُواْمِنْ هَرَاجِ غَ يَهْوٜىٰهْ ؞

41سَيْ مُوسَٰى يَبَا عٜىٰلٜىٰيَظَرْ ڢِرِسْتِ رَبُوانْ دَيَكٜىٰ هَرَاجِ غَ يَهْوٜىٰهْ ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

42غَا سَاشٜىٰنْ دَ عَكَبَا تَارُوانْ جَمَعَرْ إِسْرَٰٓءِيلَ، وَنْدَ عَكَ وَارٜىٰ دَغَ سَاشٜىٰنْ سُواْجُواْجِنْ دَ سُكَ تَڢِے يَاڧِنْ،

43تُمَكِ دُبُو طَرِے عُكُ دَ دُبُو تَلَاتِنْ دَ بَݣَويْ دَ طَرِے بِيَرْ؞

44شَانُو كُمَ دُبُو تَلَاتِنْ دَ شِدَ؞

45جَاكُنَ كُمَ دُبُو تَلَاتِنْ دَ طَرِے بِيَرْ؞

46یَنْ مَاتَا كُمَ دُبُو غُواْمَشَا شِدَ؞

47دَغَ ثِكِنْ كَايَنْ دَ عَكَ ڨُوثٜىٰ عَيَاڧِ وَنْدَ يَذَمَ نَتَارُوانْ جَمَعَرْ إِسْرَٰٓءِيلَ، مُوسَٰى يَطَوْكِ أَبُ طَيَ دَغَ ثِكِنْ كُواْوَنٜىٰ حَمْسِنْ نَیَنْ مَاتَادَ نَدَبُّواْبِے، يَبَا لَوِيَاوَنْ دَسُكٜىٰ لُورَ دَ تٜىٰنْتِنْ كَسَنْثٜىٰوَرْ يَهْوٜىٰهْ ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

48سَيْ شُوغَبَنِّنْ سُواْجُواْجِ دَ شُوغَبَنِّنْ دُبُو دُبُو دَ شُوغَبَنِّنْ طَرِے طَرِے سُكَذُواْ وُرِنْ مُوسَٰى،

49سُكَثٜىٰ مَسَ «رَنْكَيَدَطٜىٰ! مُو بَايِنْكَ مُنْ ڧِرْغَ سُواْجُواْجِنْ دَ سُكَ تَڢِے يَاڧِنْ عَڧَرْڧَشِنْ إِيكُوانْمُ، كُمَ بَابُوَنْدَ يَٻَثٜىٰ دَغَ ثِكِنْمُ؞

50غَاشِ كُوَ مُنْ كَٰوُاْ وَ يَهْوٜىٰهْ بَيٜىٰ بَيٜىٰ دَغَ ثِكِنْ أَبُبُوَنْ دَ كُواْوَنّٜىٰنْمُ يَسَامُ، كَايَنْ ظِينَارِيَ دَ ذُواْبَّنْ حَنُّ دَ وَرْوَرُوانْ حَنُّ دَ ذُواْبَّنْ هَاتِمِ دَ یَنْ كُنّٜىٰ دَ سَرْڧُواْڧِنْ وُيَ، مُنْ كَٰوُاْسُ هَرَاجِ غَ يَهْوٜىٰهْ دُواْمِنْ ڢَنْسَرْ رَنْمُ؞»

51مُوسَٰى دَ عٜىٰلٜىٰيَظَرْ ڢِرِسْتِ سُكَ كَرْٻِ ظِينَارِيَ دَغَ حَنُّنْسُ، دُكَنْ كَايَنْ ظِينَارِيَ كُوَ أَنْڧٜىٰرَسُ؞

52دُكَنْ ظِينَارِيَرْ دَ دُكَنْ شُوغَبَنِّنْ سُكَ بَايَرْ هَرَاجِ غَ يَهْوٜىٰهْ ، نَوْيِنْتَ يَكَيْ وَجٜىٰنْ كِلُواْ طَرِے بِيُ؞

53كُواْوَنٜىٰ سُواْجَ كُوَ يَݣُوشِ رَبُوانْسَ نَكَايَنْ دَ عَكَ ڨُوثٜىٰ عَيَاڧِ؞

54مُوسَٰى دَ عٜىٰلٜىٰيَظَرْ ڢِرِسْتِ سُكَ كَرْٻِ ظِينَارِيَ دَغَ شُوغَبَنِّنْ دُبُو دُبُو دَ نَطَرِے طَرِے، سُكَ كَيْسُ ثِكِنْ تٜىٰنْتِنْ سَدُوَ دُواْمِنْ سُذَمَ أَبِنْ تُنَاوَا غَ يَهْوٜىٰهْ ثٜىٰوَ جَمَعَرْ إِسْرَٰٓءِيلَ نَاسَنٜىٰ؞

← Chapter 30 Jump to: Chapter 32 →