Numbers 4

Hausa Arabic 2020 (أَتَّوْرَتْ دَ أَنَّبَاوَا)

1سَيْ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ

2«كُڧِرْغَ یَیَنْ كُواْهَتْ دَبَمْ دَ سَوْرَنْ لَوِيَاوَا، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞

3كُڧِرْغَ وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

4عَيْكِنْ یَیَنْ كُواْهَتْ عَتٜىٰنْتِنْ سَدُوَ يَشَاڢِ أَبُبُوَنْ دَ عَكَڢِے كٜىٰٻٜىٰ دَ ڟَرْكِے؞

5«سَعَدَّ كُكٜىٰ شِرِنْ تَاشِ دَغَ ذَنْ‌غُواْ، هَٰرُونَ دَ یَیَنْسَ ذَاسُ شِغَ تٜىٰنْتِنْ، سُكُنْثٜىٰ لَبُلٜىٰنْ وُرِے مَڢِے ڟَرْكِے سُرُڢٜىٰ عَݣُوتِنْ شَيْدَرْ يَرْجٜىٰجٜىٰنِيَ دَشِ؞

6سَعَنً سَيْ سُرُڢٜىٰشِ دَ ڢَتُ مَاسُ ݣَوْ، سُكُمَ شِمْڢِطَا ذَانِ مَيْ كَلَرْ ضُوً بُلَ؞ ذَاسُسَا وَ عَݣُوتِنْ سَنْدُنَنْ دَ عَكٜىٰ طَوْكَرْسَ دَسُو؞

7«عَكَنْ تٜىٰبُرْ نَغُرَاسَرْ دَ عَكَ كٜىٰٻٜىٰ، ذَاسُ شِمْڢِطَا ذَانِ مَيْ كَلَرْ ضُوً بُلَ؞ عَكَنْسَ ذَاسُسَا ڢَرَنْتَيْ دَ تَاسُواْشِنْ رِڧٜىٰ تُرَارٜىٰ دَ ݣُونُواْنِ دَ بُتُواْثِ دُواْمِنْ هَدَايَ تَأَبِنْ شَا؞ غُرَاسَرْ دَ عَكَ كٜىٰٻٜىٰ كُمَ ذَاعَ سَا عَكَيْ؞

8ذَاسُ رُڢٜىٰ دُكَنْ كَايَنَّنْ دَ جَنْ ذَانِ، سُكُمَ رُڢٜىٰسُ دَ ڢَتُ مَاسُ ݣَوْ؞ ذَاسُ سَا وَتٜىٰبُرِنْ سَنْدُنَنْ دَ عَكٜىٰ طَوْكَرْسَ دَسُو؞

9«ذَاسُ طَوْكِ ذَانِ مَيْ كَلَرْ ضُوً بُلَ، سُرُڢٜىٰ سَنْدَا مَيْ رِڧٜىٰ ڢِتِلُ دَ ڢِتِلُنْسَ دَ أَبُبُوَنْ كَشٜىٰ وُتَادَ مَنْيَنْ ڢَرَنْتَنْسَ دَ دُكَنْ تُلُنَ نَمَنْ ظَيْتُنْ وَطَنْدَ عَكَنْ ظُبَ مُسُ مَيْ؞

10ذَاسُ نَطَ سَنْدَا مَيْ رِڧٜىٰ ڢِتِلُ تَرٜىٰدَ دُكَنْ كَايَنْ عَيْكِنْسَ دَ ڢَتُ مَاسُ ݣَوْ، سُكُمَ سَاسُ عَكَنْ ڢِرَمْ نَطَوْكَرْسَ؞

11«ذَاسُ رُڢٜىٰ بَغَدٜىٰنْ ظِينَارِيَ دَ ذَانِ مَيْ كَلَرْ ضُوً بُلَ، سُكُمَ رُڢٜىٰشِ دَ ڢَتُ مَاسُ ݣَوْ؞ ذَاسُسَا وَبَغَدٜىٰنْ سَنْدُنَنْ دَ عَكٜىٰ طَوْكَرْسَ دَسُو؞

12ذَاسُ طَوْكِ دُكَنْ كَايَنْ عَيْكِنْ دَ عَكٜىٰيِنْ أَمْڢَانِ دَسُو أَ وُرِے مَيْ ڟَرْكِے، سُنَطٜىٰسُ دَ ذَانِ مَيْ كَلَرْ ضُوً بُلَ، سُرُڢٜىٰسُ دَ ڢَتُ مَاسُ ݣَوْ، سُكُمَ سَاسُ عَكَنْ ڢِرَمْ نَطَوْكَرْسُ؞

13ذَاسُ ݣُوشِ تُواْكَ دَغَ بَغَدٜىٰنْ، سَعَنً سُرُڢٜىٰ بَغَدٜىٰنْ دَ ذَانِ مَيْ كَلَرْ جَرْ غَرُورَا؞

14عَكَنْسَ ذَاسُسَا دُكَنْ كَايَنْ عَيْكِنْ دَ عَكٜىٰيِنْ أَمْڢَانِ دَسُو عَبَغَدٜىٰنْ، وَتُواْ ݣُونُواْنِ نَݣُوشِ غَرْوَشِنْ وُتَادَ ثُواْكُلَ مَاسُ يَڟُ دَ شٜىٰبُرْ دَ مَنْيَنْ ݣُونُواْنِ، وَتُواْ دُكَنْ كَايَنْ عَيْكِنْ بَغَدٜىٰنْ، سُكُمَ رُڢٜىٰشِ دَ ڢَتُ مَاسُ ݣَوْ؞ ذَاسُسَا وَبَغَدٜىٰنْ سَنْدُنَنْ طَوْكَرْسَ؞

15سَعَدَّ كُكٜىٰ شِرِنْ تَاشِ دَغَ ذَنْ‌غُواْ، سَعَدَّ هَٰرُونَ دَ یَیَنْسَ سُكَ غَمَ رُڢٜىٰ وُرِے مَيْ ڟَرْكِے دَ دُكَنْ كَايَنْسَ، سَيْ یَیَنْ كُواْهَتْ سُذُواْ سُطَوْكٜىٰسُ؞ عَمَّا كَدَ سُتَٻَ أَبُ مَيْ ڟَرْكِے دُواْمِنْ كَدَ سُمُتُ؞ وَطَنَّنْ سُونٜىٰ كَايَنْ تٜىٰنْتِنْ سَدُوَ وَطَنْدَ یَیَ مَظَا نَ كُواْهَتْ ذَاسُدِنْ‌غَ طَوْكُواْوَ؞

16«عٜىٰلٜىٰيَظَرْ طَنْ هَٰرُونَ ڢِرِسْتِنٜىٰ ذَيْ لُورَ دَ مَنْ ڢِتِلُ دَ تُرَارٜىٰ مَيْ ڧَنْشِ دَ هَدَايَ تَهَڟِ تَكُواْوَثٜىٰ رَانَ دَ مَنْ كٜىٰٻٜىٰوَ؞ شِينٜىٰ ذَيْ دِنْ‌غَ لُورَ دَ تٜىٰنْتِنْ غَبَاطَيَ دَ دُكَنْ أَبِنْدَ يَكٜىٰ عَثِكِنْسَ دَ دُكَنْ كَايَنْ عَيْكِنْسَ وَطَنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ ؞»

17يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ

18«كَدَ كُبَرْ دَنْ‌غِنْ كُواْهَتْ سُهَلَّكَ دَغَ ثِكِنْ ذُرِيَرْ لَوِ؞

19غَا يَدَّ ذَاكَيِ مُسُ دُواْمِنْ كَدَ سُمُتُ سَعَدَّ سُكَذُواْ كُسَدَ كَايَنْ دَ عَكَ كٜىٰٻٜىٰ دَ ڟَرْكِے؞ هَٰرُونَ دَ یَیَنْسَ ذَاسُ شِغَ تٜىٰنْتِنْ تَرٜىٰدَسُو، سُبَا كُواْوَ إِرِنْ عَيْكِنْ دَ ذَيْ يِدَ كَايَنْ دَ ذَيْ طَوْكَ؞

20عَمَّا عِدَنْ یَیَنْ دَنْ‌غِنْ كُواْهَتْ سُنْ شِغَ تٜىٰنْتِنْ كَسَنْثٜىٰوَ سُكَغَ أَبُبُوَنْ دَ عَكَ كٜىٰٻٜىٰ دَ ڟَرْكِے، كُواْ دَمَا دَ ڨِڢْتَوَرْ عِدُواْ نٜىٰ، كَاڢِنْ عَبُوطٜىٰسُ، ذَاسُمُتُ؞»

21سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

22«ڧِرْغَ یَیَ مَظَا نَ غٜىٰرْشُوانْ، بِسَغَ غِدَاجٜىٰنْ كَاكَنِّنْسُ دَ عِيَلَنْسُ؞

23ذَاكَ لِسَّڢْتَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

24وَنَّنْ نٜىٰ عَيْكِنْ دَنْ‌غِنْ غٜىٰرْشُوانْ وَجٜىٰنْ حِدِمَ دَ طَوْكَرْ كَايَ؞

25سُونٜىٰ ذَاسُ طَوْكِ لَبُلٜىٰنْ تٜىٰنْتِنْ كَسَنْثٜىٰوَرْ يَهْوٜىٰهْ دَ بَبَّنْ تٜىٰنْتِنْ دَ أَبِنْ رُڢٜىٰوَرْسَ دَ أَبِنْ رُڢٜىٰوَرْسَ نَڢَتُ مَاسُ ݣَوْ دَ لَبُلٜىٰ نَڧُواْڢَرْ شِغَ تٜىٰنْتِنْ سَدُوَ،

26دَ لَبُلٜىٰنْ ڢِيلِنْ بَبَّنْ تٜىٰنْتِ دَ لَبُلٜىٰنْ ڧُواْڢَرْ شِغَ ڢِيلِنْ دَيَكٜىٰ كٜىٰوَيٜىٰ دَ تٜىٰنْتِنْ دَ بَغَدٜىٰنْ، تَرٜىٰدَ إِغِيُواْيِنْسُ دَ دُكَنْ كَايَنْ عَيْكِنْسُ؞ یَیَنْ غٜىٰرْشُوانْ ذَاسُيِ دُكَنْ أَبِنْدَ يَكَمَاتَ عَيِدَسُو؞

27دُكَنْ حِدِمَرْ یَیَنْ غٜىٰرْشُوانْ ذَاتَ كَسَنْثٜىٰ عَڧَرْڧَشِنْ هَٰرُونَ دَ یَیَنْسَ مَظَا، وَتُواْ دُكَنْ أَبِنْدَ ذَاسُ طَوْكَ دَ دُكَنْ عَيْكِنْ دَ ذَاسُيِ؞ سَيْ كُبَا كُواْوَ عَيْكِنْ دَ ذَيْ يِ؞

28وَنَّنْ شِينٜىٰ عَيْكِنْ دَنْ‌غِنْ غٜىٰرْشُوانْ وَنْدَ يَشَاڢِ حِدِمَ عَتٜىٰنْتِنْ سَدُوَ؞ عِتَمَرْ طَنْ هَٰرُونَ ڢِرِسْتِنٜىٰ يَذَمَ مَيْ لُورَ دَ عَيْكِنْسُ؞»

29يَهْوٜىٰهْ يَيِ مَغَنَ دَ مُوسَٰى ثٜىٰوَ «يِلِسَّڢِنْ دَنْ‌غِنْ مٜىٰرَرِ بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞

30ذَاكَ ڧِرْغَ یَیَ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

31وَنَّنْ شِينٜىٰ أَبِنْدَ عَكَ عُمَرْثٜىٰسُ سُدِنْ‌غَ طَوْكَ وَجٜىٰنْ حِدِمَرْسُ عَتٜىٰنْتِنْ سَدُوَ؞ ذَاسُ طَوْكَ ڢِرَمْ نَتٜىٰنْتِنْ كَسَنْثٜىٰوَرْ يَهْوٜىٰهْ دَ سَنْدُنَنْسَ دَ غِنْشِڧَنْسَ دَ غِنْدِنْ ذَمَنْسُ،

32دَ غِنْشِڧَنْ ڢِيلِنْ بَبَّنْ تٜىٰنْتِ تَرٜىٰدَ غِنْدِنْ ذَمَنْسُ دَ يَڟُنْسُ دَ إِغِيُواْيِنْسُ دَ دُكَنْ كَايَنْ عَيْكِنْسُ دَ دُكَنْ أَبِنْدَ يَشَاڢٜىٰسُ؞ ذَاعَبَا كُواْوَ دَلَّ دَلَّ عَيْكِنْ دَ ذَيْ يِدَ أَبِنْدَ ذَيْ طَوْكَ؞

33وَنَّنْ شِينٜىٰ عَيْكِنْ دَنْ‌غِنْ مٜىٰرَرِ، وَنْدَ يَشَاڢِ حِدِمَ عَتٜىٰنْتِنْ سَدُوَ؞ عِتَمَرْ طَنْ هَٰرُونَ ڢِرِسْتِنٜىٰ يَذَمَ مَيْ لُورَ دَ عَيْكِنْسُ؞»

34سَيْ مُوسَٰى دَ هَٰرُونَ دَ شُوغَبَنِّنْ جَمَعَرْ إِسْرَٰٓءِيلَ سُكَ لِسَّڢْتَا یَیَنْ كُواْهَتْ بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞

35أَنْ ڧِرْغَ دُكَنْ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

36لِسَّڢِنْسُ يَكَيْ دُبُو بِيُ دَ طَرِے بَݣَويْ دَ حَمْسِنْ؞

37وَنَّنْ لِسَّڢِ نٜىٰ نَ عِيَلَنْ كُواْهَتْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ، مُوسَٰى دَ هَٰرُونَ سُنْيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞

38عَكَيِ لِسَّڢِنْ یَیَنْ غٜىٰرْشُوانْ، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞

39أَنْ ڧِرْغَ دُكَنْ مَذَنْ دَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

40لِسَّڢِنْسُ يَكَيْ دُبُو بِيُ دَ طَرِے شِدَ دَ تَلَاتِنْ؞

41وَنَّنْ لِسَّڢِ نٜىٰ نَ عِيَلَنْ غٜىٰرْشُوانْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ، مُوسَٰى دَ هَٰرُونَ سُنْيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞

42عَكَيِ لِسَّڢِنْ یَیَنْ مٜىٰرَرِ، بِسَغَ عِيَلَنْسُ دَ غِدَاجٜىٰنْ كَاكَنِّنْسُ؞

43أَنْ ڧِرْغَ دُكَنْ مَذَنْ دَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ عَتٜىٰنْتِنْ سَدُوَ؞

44لِسَّڢِنْسُ يَكَيْ دُبُو عُكُ دَ طَرِے بِيُ؞

45وَنَّنْ لِسَّڢِ نٜىٰ نَ عِيَلَنْ مٜىٰرَرِ، مُوسَٰى دَ هَٰرُونَ سُكَيِشِ بِسَغَ يَدَّ يَهْوٜىٰهْ يَعُمَرْثِ مُوسَٰى؞

46سَيْ مُوسَٰى دَ هَٰرُونَ دَ شُوغَبَنِّنْ جَمَعَرْ إِسْرَٰٓءِيلَ سُكَ لِسَّڢْتَا دُكَنْ یَیَنْ لَوِيَاوَا بِسَغَ دَنْ‌غُواْغِنْسُ دَ غِدَاجٜىٰنْ كَاكَنِّنْسُ؞

47أَنْ ڧِرْغَ دُكَنْ مَظَا وَطَنْدَ شٜىٰكَرُنْسُ سُكَ كَيْ تَلَاتِنْ ذُوَا حَمْسِنْ، وَتُواْ دُكْ وَنْدَ يَ إِسَ يِنْ عَيْكِ دَ حِدِمَرْ دَ تَشَاڢِ تٜىٰنْتِنْ سَدُوَ؞

48لِسَّڢِنْسُ يَكَيْ دُبُو تَݣُوسْ دَ طَرِے بِيَرْ دَ تَمَٰنِنْ؞

49عَكَ رَبَ وَ كُواْوَنٜىٰ مُتُمْ عَيْكِنْسَ دَلَّ دَلَّ دَ كَايَنْ دَ ذَيْ طَوْكَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ تَهَكَ عَكَ غَمَ لِسَّڢْتَاسُ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞

← Chapter 3 Jump to: Chapter 5 →