Numbers 36

Hausa Arabic 2020 (أَتَّوْرَتْ دَ أَنَّبَاوَا)

← Chapter 35 Jump to:

1سَيْ شُوغَبَنِّنْ غِدَاجٜىٰنْ كَاكَنِّنْ یَیَنْ غِلٜىٰيَدْ، طَنْ مَكِرْ، جِيكَنْ مَنَسّٜىٰ، طَنْ يُوسُڢَ، سُكَذُواْ سُكَيِ مَغَنَ دَ مُوسَٰى دَ سَوْرَنْ شُوغَبَنِّنْ غِدَاجٜىٰنْ كَاكَنِّنْ إِسْرَٰٓءِيلَاوَا؞

2سُكَثٜىٰ «رَنْكَيَدَطٜىٰ! يَهْوٜىٰهْ يَعُمَرْثٜىٰكَ كَرَبَ وَ إِسْرَٰٓءِيلَاوَا غَادُوانْ ڧَسَرْ تَهَنْيَرْ جٜىٰڢَرْ ڧُرِعَ؞ يَهْوٜىٰهْ كُوَ يَعُمَرْثٜىٰكَ كَبَا وَ یَیَ مَتَ نَطَنْعُوَنْمُ ظٜىٰلُواْڢٜىٰهَدْ غَادُوانْ؞

3عَمَّا عِدَنْ سُكَ عَوْرِ مُتَنٜىٰ دَغَ وَطَنْسُ ذُرِيَرْ إِسْرَٰٓءِيلَ، تُواْ، ذَاعَ طَوْكِ غَادُوانْسُ دَغَ غَادُوانْ كَاكَنِّنْمُ عَبَا ذُرِيَرْ دَسُكَيِ عَوْرٜىٰ عَثِكِ؞ إِنْ حَكَ يَڢَرُ، كَغَنِ، أَنْ طَوْكِ غَادُوانْ دَغَ رَبُوانْ غَادُواْ نَكَاكَنِّنْمُ كٜىٰنَنْ؞

4سَعَدَّ شٜىٰكَرَا تَسَامُنْ یَنْثِ تَ إِسْرَٰٓءِيلَاوَا تَكٜىٰوَيُواْ، ذَاعَ حَطَ غَادُوانْسُ عَكَنْ غَادُوانْ ذُرِيَرْ دَسُكَيِ عَوْرٜىٰ عَثِكِ؞ تَهَكَ أَنْطَوْكِ غَادُوانْسُ دَغَ رَبُوانْ غَادُوانْ ذُرِيَرْ كَاكَنِّنْمُ كٜىٰنَنْ؞»

5مُوسَٰى كُوَ يَعُمَرْثِ إِسْرَٰٓءِيلَاوَا بِسَغَ أَبِنْدَ يَهْوٜىٰهْ يَڢَطَا مَسَ، سَيْيَثٜىٰ «أَبِنْ دَ یَیَنْ ذُرِيَرْ يُوسُڢَ سُكَ ڢَطَا دَيْدَيْنٜىٰ؞

6غَا أَبِنْدَ يَهْوٜىٰهْ يَڢَطَا غَمٜىٰدَ یَیَ مَاتَا نَ ظٜىٰلُواْڢٜىٰهَدْ، ‹عَبَرْسُ سُعَوْرِ دُكْ وَنْدَ سُكَغَ دَامَ، عَمَّا سَيْ عَثِكِنْ دَنْ‌غِنْ ذُرِيَرْ كَكَنْسُ،

7دُواْمِنْ كَدَ غَادُوانْ إِسْرَٰٓءِيلَاوَا يَيِ تَيَٰوُاْ دَغَ حَنُّنْ وَنَّنْ ذُرِيَ ذُوَا حَنُّنْ وَنْثَنْ؞ غَمَا كُواْوَثٜىٰ ذُرِيَ تَ إِسْرَٰٓءِيلَ ذَاتَ رِڧٜىٰ غَادُوانْتَ نَظُرِيَرْ كَكَنْتَ؞

8كُواْوَثٜىٰ يَارِنْيَ وَدَّ تَثِ غَادُواْ أَوَتَ ذُرِيَرْ إِسْرَٰٓءِيلَ، دُواْلٜىٰنٜىٰ تَيِ عَوْرٜىٰ عَثِكِنْ ذُرِيَرْ كَكَنْتَ، دُواْمِنْ دُكَنْ إِسْرَٰٓءِيلَاوَا سُغَاجِ غَادُوانْ كَاكَنِّنْسُ؞

9تَيِنْ حَكَ بَا وَنِ غَادُوانْ دَ ذَيْ يِتَيَٰوُاْ دَغَ حَنُّنْ وَنَّنْ ذُرِيَ ذُوَا حَنُّنْ وَنْثَنْ؞ غَمَا كُواْوَثٜىٰ ذُرِيَ تَ إِسْرَٰٓءِيلَ ذَاتَ رِڧٜىٰ غَادُوانْتَ نَظُرِيَرْ كَكَنْتَ؞› »

10یَیَ مَاتَا نَ ظٜىٰلُواْڢٜىٰهَدْ كُوَ سُكَيِ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞

11دُكَنْ یَیَ مَتَ نَ ظٜىٰلُواْڢٜىٰهَدْ، وَتُواْ مَلَ دَ تِرْظَ دَ هُواغْلَ دَ مِلْكَ دَ نُوحُ، سُكَ عَوْرِ یَیَنْ یَنْعُوَنْ بَابَنْسُ؞

12سُنْيِ عَوْرٜىٰ عَثِكِنْ دَنْ‌غُواْغِنْ ذُرِيَرْ مَنَسّٜىٰ طَنْ يُوسُڢَ؞ رَبُوانْ غَادُوانْسُ كُوَ يَكَسَنْثٜىٰ ثِكِنْ ذُرِيَرْ كَكَنْسُ؞

13وَطَنَّنْ سُونٜىٰ عُمَرْنَيْ دَ ڧَٰعِدُواْدِ وَطَنْدَ يَهْوٜىٰهْ يَبَا جَمَعَرْ إِسْرَٰٓءِيلَ تَبَاكِنْ مُوسَٰى أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞

← Chapter 35 Jump to: