Numbers 34

Hausa Arabic 2020 (أَتَّوْرَتْ دَ أَنَّبَاوَا)

← Chapter 33 Jump to: Chapter 35 →

1يَهْوٜىٰهْ يَيِ مَغَنَ دَ مُوسَٰى ثٜىٰوَ

2يَبَا جَمَعَرْ إِسْرَٰٓءِيلَ وَطَنَّنْ عُمَرْنَيْ؞ «غَا يَدَّ إِيَاكَرْ ڧَسَرْكُ تَغَادُواْ ذَاسُ كَسَنْثٜىٰ سَعَدَّ كُكَ شِغَ ڧَسَرْ كَنْعَنَ؞

3إِيَاكَرْ ڧَسَرْكُ تَوَجٜىٰنْ كُدُ ذَاتَ مِيڧٜىٰ تُنْدَغَ وَجٜىٰنْ دَاجِنْ ظِنْ، ذَاتَبِے تَ إِيَاكَرْ عٜىٰدُوامْ؞ إِيَاكَرْكُ تَوَجٜىٰنْ كُدُ ذَاتَ كَسَنْثٜىٰ دَغَ ڧَرْشٜىٰنْ تٜىٰكُنْ غِشِرِ عَتَغَبَسْ؞

4إِيَاكَرْ ذَاتَ جُويَا تَنُڢَ كُدُ عَتَهَوَنْ عَكْرَبِّمْ، تَڧٜىٰتَرٜىٰ ذُوَا ظِنْ؞ إِيَاكَرْتَ تَكُدُ عِتَثٜىٰ كَدٜىٰشْ بَرْنٜىٰيَ، سَعَنً ذَاتَ مِيڧٜىٰ ذُوَا هَظَرْ أَدَّرْ، تَوُثٜىٰ تَبِے ذُوَا أَظْمُوانْ؞

5دَغَ أَظْمُوانْ إِيَاكَرْ ذَاتَ جُويَا ذُوَا ݣُورِنْ إِيَاكَرْ مَصَرْ، تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞

6«تٜىٰكُنْ مٜىٰدِتٜىٰرٜىٰنِيَ نٜىٰ ذَيْ كَسَنْثٜىٰ إِيَاكَرْكُ عَتَغٜىٰڢٜىٰنْ يَمَّ؞

7«إِيَاكَرْكُ تَأَرٜىٰوَ ذَاتَ ڢَارَ دَغَ تٜىٰكُنْ مٜىٰدِتٜىٰرٜىٰنِيَ تَبِے لَيِ ذُوَا بَبَّنْ تُدُنْ هُوارْ؞

8دَغَ بَبَّنْ تُدُنْ هُوارْ إِيَاكَرْ ذَاتَ بِے ذُوَا مَشِغِنْ يَنْكِنْ هَمَتْ؞ ذَاتَبِے تَ ظٜىٰدَدْ،

9ذَاتَ مِيڧٜىٰ حَرْ ذُوَا ظِڢْرُوانْ تَڧَارٜىٰ أَ هَظَرْ عٜىٰنَنْ؞ وَنَّنْ عِتَثٜىٰ إِيَاكَرْكُ تَأَرٜىٰوَ؞

10«إِيَاكَرْكُ تَغَبَسْ ذَاتَ ڢَارَ دَغَ هَظَرْ عٜىٰنَنْ تَبِے ذُوَا شٜىٰڢَمْ؞

11ذَاتَ غَنْ‌غَرَ دَغَ شٜىٰڢَمْ ذُوَا رِبْلَ عَتَغَبَشِنْ أَيِنْ؞ ذَاتَ كُمَ غَنْ‌غَرَ حَرْ تَكَيْ بَاكِنْ تٜىٰكُنْ غَلِيلِ عَتَغَبَسْ؞

12إِيَاكَرْ ذَاتَ غَنْ‌غَرَ حَرْ ذُوَا كُواْغِنْ يُواْدَنْ تَڧَارٜىٰ عَتٜىٰكُنْ غِشِرِ؞ وَنَّنْ عِتَثٜىٰ ڧَسَرْكُ دَ إِيَاكَرْتَ كٜىٰوَيٜىٰ دَ عِتَ؞»

13سَيْ مُوسَٰى يَعُمَرْثِ إِسْرَٰٓءِيلَاوَا ثٜىٰوَ «وَنَّنْ عِتَثٜىٰ ڧَسَرْدَ ذَاكُ غَادَ تَهَنْيَرْ جٜىٰڢَرْ ڧُرِعَ؞ ڧَسَرْ دَ يَهْوٜىٰهْ يَعُمَرْتَ عَبَا ظُرِيُواْيِ تَرَ دَ رَبِنْ ذُرِيَرْ مَنَسّٜىٰ؞

14غَمَا ذُرِيَرْ رَعُبَيْنُ دَ تَ غَدْ دَ تَسَوْرَنْ رَبِنْ ذُرِيَرْ مَنَسّٜىٰ سُنْ رِغَا سُنْ كَرْٻِ نَاسُ غَادُواْ بِسَغَ غِدَاجٜىٰنْ كَاكَنِّنْسُ؞

15وَطَنَّنْ ظُرِيُواْيِ بِيُ دَ رَبِنْ ذُرِيَرْ مَنَسّٜىٰ سُنْ رِغَا سُنْ كَرْٻِ نَاسُ غَادُواْ أَوَنْثَنْ ڧٜىٰتَرٜىٰنْ كُواْغِنْ يُواْدَنْ عَتَغَبَشِنْ يٜىٰرِكُواْ تَوَجٜىٰنْ ڢِتُواْوَرْ رَانَ؞»

16يَهْوٜىٰهْ كُمَ يَيِ مَغَنَ دَ مُوسَٰى ثٜىٰوَ

17«غَا سُونَيٜىٰنْ مُتَنٜىٰنْ دَ ذَاسُ تَيْمَكٜىٰكَ أَ عَيْكِنْ رَبَ غَادُوانْ ڧَسَرْ، عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ؞

18ذَاكَ كُمَ طَوْكِ شُوغَبَا طَيَ دَغَ كُواْوَثٜىٰ ذُرِيَ دُواْمِنْ سُتَيْمَكٜىٰكَ أَ عَيْكِنْ رَبَ غَادُوانْ ڧَسَرْ؞

19غَا سُونَيٜىٰنْ سَوْرَنْ مُتَنٜىٰنْ، «دَغَ ذُرِيَرْ يَهُودَ، كَلٜىٰبْ طَنْ يٜىٰڢُنّٜىٰ؞

20دَغَ ذُرِيَرْ سِمٜىٰيُوانْ، شٜىٰمُوٜىٰلْ طَنْ أَمِّهُدْ؞

21«دَغَ ذُرِيَرْ بِلِيَامِنُ، عٜىٰلِدَدْ طَنْ كِسْلُوانْ؞

22دَغَ ذُرِيَرْ دَنْ، بُكِّ طَنْ يُواغْلِ؞

23«دَغَ ذُرِيَرْ مَنَسّٜىٰ طَنْ يُوسُڢَ، هَنِيٜىٰلْ طَنْ عٜىٰڢُوادْ؞

24دَغَ ذُرِيَرْ إِڢْرَيِمْ، كٜىٰمُوٜىٰلْ طَنْ شِڢْتَنْ؞

25«دَغَ ذُرِيَرْ ظٜىٰبُلُنْ، عٜىٰلِظَڢَنْ طَنْ ڢَرْنَكْ؞

26دَغَ ذُرِيَرْ إِسَّكَرْ، ڢَلْتِيٜىٰلْ طَنْ أَظَّنْ؞

27«دَغَ ذُرِيَرْ أَشٜىٰرْ، أَهِهُدْ طَنْ شٜىٰلُواْمِ؞

28دَغَ ذُرِيَرْ نَڢْتَلِ، ڢٜىٰدَهٜىٰلْ طَنْ أَمِّهُدْ؞»

29وَطَنَّنْ سُونٜىٰ مُتَنٜىٰنْ دَ يَهْوٜىٰهْ يَعُمَرْتَ سُرَرَّبَ وَ جَمَعَرْ إِسْرَٰٓءِيلَ غَادُوانْ ڧَسَرْ كَنْعَنَ؞

← Chapter 33 Jump to: Chapter 35 →