Numbers 32

Hausa Arabic 2020 (أَتَّوْرَتْ دَ أَنَّبَاوَا)

1ذُرِيَرْ رَعُبَيْنُ دَ تَ غَدْ كُوَ سُنَدَ دَبُّواْبِے دَيَوَ ڨُورَيْ؞ سُكَغَ ڧَسَرْ يَظٜىٰرْ دَ تَ غِلٜىٰيَدْ وُرِے نٜىٰ مَيْݣَوْ دُواْمِنْ كِيوُانْ شَانُو؞

2سَبُواْدَ حَكَ سَيْ سُكَ تَڢِے وُرِنْ مُوسَٰى دَ عٜىٰلٜىٰيَظَرْ ڢِرِسْتِ دَ شُوغَبَنِّنْ جَمَعَرْ دَ وَنَّنْ ضُواْڧُواْ؞

3سُكَثٜىٰ «أَتَرُواتْ دَ دِبُوانْ دَ يَظٜىٰرْ دَ نِمْرَ دَ هٜىٰشْبُوانْ دَ عٜىٰلٜىٰيَلٜىٰ دَ سِبْمَ دَ نٜىٰبُواْ دَ بٜىٰيُوانْ،

4وَتُواْ ڧَسَرْدَ يَهْوٜىٰهْ يَثِ دَ يَاڧِ أَغَبَنْ جَمَعَرْ إِسْرَٰٓءِيلَ، ڧَسَاثٜىٰ مَيْݣَوْ دُواْمِنْ دَبُّواْبِے؞ غَاشِ كُوَ، بَايِنْكَ سُنَدَ دَبُّواْبِے دَيَوَ؞

5عِدَنْ مُنْ سَامِ ڢَضٍ جِنِ أَغَبَنْكَ، بَرِ وَنَّنْ ڧَسَا تَذَمَ مَلَّكَرْمُ تَغَادُواْ؞ كَدَ كَكَيْمُ أَوَنْثَنْ ڧٜىٰتَرٜىٰنْ يُواْدَنْ؞»

6عَمَّا مُوسَٰى يَأَمْسَ وَمُتَنٜىٰنْ رَعُبَيْنُ دَ مُتَنٜىٰنْ غَدْ يَثٜىٰ «وَتُواْ كُنَ سُواْ یَنْعُوَنْكُ سُيِ تَيَاڧِ، كُو كُوَ كُيِ ذَمَنْكُ أَنَنْ، كُواْ؟

7دُوانْمٜىٰ ذَاكُ كَرْيَ ذُوثِيَارْ جَمَعَرْ إِسْرَٰٓءِيلَ دَغَ حَيٜىٰوَ ذُوَا ڧَسَرْدَ يَهْوٜىٰهْ يَبَاسُ؟

8حَكَ كَاكَنِّنْكُ سُكَيِ سَعَدَّ نَ عَيْكٜىٰسُ دَغَ كَدٜىٰشْ بَرْنٜىٰيَ دُواْمِنْ سُدُوبِے ڧَسَرْ؞

9غَمَا سَعَدَّ سُكَ تَڢِے ݣُورِنْ عٜىٰشْكُوالْ سُكَغَ ڧَسَرْ، سَيْ سُكَ كَرْيَ ذُوثِيَارْ جَمَعَرْ إِسْرَٰٓءِيلَ دَغَ شِغَرْ ڧَسَرْدَ يَهْوٜىٰهْ يَبَاسُ؞

10سَبُواْدَ حَكَ يَهْوٜىٰهْ يَيِ ڢُشِے مَيْ ڟَنَنِ أَ رَانَرْ نَنْ، حَرْ يَيِ ضَنْڟُوَا يَثٜىٰ،

11‹حَڧِيڧَ دَغَ ثِكِنْ مُتَنٜىٰنْ دَ سُكَ ڢِتُواْ دَغَ مَصَرْ، تُنْدَغَ مَيْ شٜىٰكَرَا عَشِرِنْ ذُوَا غَبَ، بَاوَنْدَ ذَيْ غَا ڧَسَرْدَ نَرَنْڟٜىٰ ذَنْبَا إِبْرَٰهِيمْ دَ إِسْحَٰڧَ دَ يَعْڧُوبَ، غَمَا بَسُ بِے نِے دَ ذُوثِيَا طَيَبَ؞

12بَابُوَنِنْ دَ ذَيْ شِغَ سَيْدَيْ كَلٜىٰبْ طَنْ يٜىٰڢُنّٜىٰ مُتُمِنْ كٜىٰنِظْ دَ يُواْشُوَ طَنْ نُنْ، غَمَا سُونٜىٰ كَطَيْ سُكَبِينِ دَ ذُوثِيَا طَيَ؞›

13سَبُواْدَ يَهْوٜىٰهْ يَيِ ڢُشِے مَيْ ڟَنَنِ دَ إِسْرَٰٓءِيلَاوَا، يَكُمَسَا سُكَيِ تَيَٰوُاْ أَدَاجِ حَرْ شٜىٰكَرَا أَرْبَعِنْ، سَيْ دَ ڟَارَرْ نَنْ وَدَّ تَعَيْكَتَ مُغُنْتَا أَعِدَانُنْ يَهْوٜىٰهْ تَڧَارٜىٰ؞

14غَاشِ، كُو دَ كُكٜىٰ ڧُنْ‌غِيَرْ مَاسُ ذُنُوبِ، كُنْ تَاشِ كُنْ طَوْكِ حَلِنْ كَاكَنِّنْكُ، كُنَ سُواْ كُڧَارَ ڟَنَنِنْ ڢُشِنْ يَهْوٜىٰهْ عَكَنْ إِسْرَٰٓءِيلَاوَا!

15عِدَنْ كُنْڧِ بِنْسَ، ذَيْسَاكٜىٰ يَرْ دَ مُتَنٜىٰنَّنْ أَدَاجِ؞ كُونٜىٰ كُوَ ذَاكُ جَٰوُاْ هَلَّكَ عَكَنْسُ دُكَ؞»

16سَيْ سُكَ مَڟُواْ كُسَدَ مُوسَٰى سُكَثٜىٰ «كَبَرْمُ مُغِنَ وُرَارٜىٰنْ دَ ذَامُ أَجِيٜىٰ دَبُّواْبِنْمُ دَ غَرُرُوَ دُواْمِنْ مَاتَنْمُ دَ یَیَنْمُ؞

17مَاتَنْمُ دَ یَیَنْمُ ذَاسُ ذَوْنَ أَغَرُرُوَ مَاسُ كَتَنْ‌غَ دُواْمِنْ أَڟَرٜىٰسُ دَغَ مَذَوْنَنْ ڧَسَرْ؞ عَمَّا مُو ذَامُ طَوْكِ كَايَنْ يَاڧِ مُجَغُواْرَنْثِ سَوْرَنْ إِسْرَٰٓءِيلَاوَا ثِكِنْ يَاڧِ، حَرْ سَيْ مُنْ كَيْسُ وُرَارٜىٰنْ دَ ذَاسُ ذَوْنَ؞

18مُو كُوَ بَذَامُ كُواْمَ غِدَاجٜىٰنْمُبَ، سَيْ لُواْكَثِنْ دَ كُواْوَنٜىٰ مُتُمِنْ إِسْرَٰٓءِيلَ يَسَامِ غَادُوانْسَ؞

19غَمَا بَذَامُثِ غَادُواْ تَرٜىٰدَسُو أَوَنْثَنْ ڧٜىٰتَرٜىٰنْ كُواْغِنْ يُواْدَنْ بَ، غَمَا مُنْ رِغَا مُنْ سَامِ غَادُوانْمُ أَنَنْ غَبَشِنْ كُواْغِنْ يُواْدَنْ؞»

20سَيْ مُوسَٰى يَثٜىٰ مُسُ «حَڧِيڧَ، ذَاكُيِ كَمَرْ يَدَّ كُكَ ڢَطَا أَغَبَنْ يَهْوٜىٰهْ ، وَتُواْ ذَاكُ طَوْكِ كَايَنْ يَاڧِ كُتَڢِے يَاڧِ، كُواْ؟

21عِدَنْ كُواْوَنٜىٰ سُواْجَنْكُ ذَيْ ڧٜىٰتَرٜىٰ كُواْغِنْ يُواْدَنْ كَمَرْ يَدَّ كُكَ ڢَطَا أَغَبَنْ يَهْوٜىٰهْ ، حَرْ لُواْكَثِنْ دَ يَهْوٜىٰهْ يَكُواْرِ أَبُواْكَنْ غَابَنْسَ دَغَ غَبَنْسَ،

22حَرْ لُواْكَثِنْ دَ ڧَسَرْ تَكُواْمَ عَڧَرْڧَشِنْ يَهْوٜىٰهْ ، تُواْ، ذَاكُ كُواْمَ وُرِنْكُ؞ تَهَكَ ذَاكُ كُٻُتَ دَغَ حَكِّنْ أَلْڧَوَرِنْكُ دَ كُكَيِ أَغَبَنْ يَهْوٜىٰهْ دَ جَمَعَرْ إِسْرَٰٓءِيلَ؞ إِنْ كُنْيِ حَكَ، تُواْ، وَنَّنْ ڧَسَا ذَاتَ ذَمَ مَلَّكَرْكُ تَغَادُواْ أَغَبَنْ يَهْوٜىٰهْ ؞

23عَمَّا عِدَنْ كُوَ بَ كُيِ حَكَبَ، كُنْيِ وَ يَهْوٜىٰهْ ذُنُوبِ؞ حَڧِيڧَ أَلْحَكِنْ ذُنُوبِنْكُ ذَيْ كَامَكُ!

24تُواْ، سَيْ كُغِنَ وَمَاتَانْكُ دَ یَیَنْكُ غَرُرُوَ، كُغِنَ وَدَبُّواْبِنْكُ وُرَارٜىٰنْ دَ ذَاعَ أَجِيٜىٰسُ، عَمَّا كُتَبَّتَا كُنْ عَيْكَتَ أَبِنْدَ كُكَيِ أَلْڧَوَرِ دَ بَاكِنْكُ؞»

25سَيْ مُتَنٜىٰنْ غَدْ دَ نَ رَعُبَيْنُ سُكَ أَمْسَوَ مُوسَٰى، سُكَثٜىٰ «رَنْكَيَدَطٜىٰ! بَايِنْكَ ذَاسُيِ كَمَرْ يَدَّ كَاعُمَرْتَ؞

26یَیَنْمُ دَ مَاتَنْمُ دَ تُمَكِنْمُ دَ شَانُنْمُ ذَاسُ ذَوْنَ أَغَرُرُوَ عَيَنْكِنْ غِلٜىٰيَدْ؞

27عَمَّا كُواْوَنٜىٰ سُواْجَ عَثِكِنْمُ ذَيْ ڧٜىٰتَرٜىٰ كُواْغِنْ يُواْدَنْ يَيِ يَاڧِ دُواْمِنْ يَهْوٜىٰهْ بِسَغَ يَدَّ شُوغَبَنْمُ يَڢَطَا؞»

28سَيْ مُوسَٰى يَبَا عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ شُوغَبَنِّنْ غِدَاجٜىٰنْ كَاكَنِّنْ ذُرِيَرْ إِسْرَٰٓءِيلَ عُمَرْنِ غَمٜىٰدَ مُتَنٜىٰنْ رَعُبَيْنُ دَ غَدْ؞

29يَثٜىٰ «عِدَنْ كُواْوَنٜىٰ سُواْجَ نَ غَدْ دَ نَ رَعُبَيْنُ ذَيْ ڧٜىٰتَرٜىٰ كُواْغِنْ يُواْدَنْ تَرٜىٰدَكُو يَيِ يَاڧِ دُواْمِنْ يَهْوٜىٰهْ حَرْ سَيْ ڧَسَرْ تَكُواْمَ عَڧَرْڧَشِنْكُ، تُواْ، سَيْ كُبَاسُ يَنْكِنْ غِلٜىٰيَدْ تَذَمَ مَلَّكَرْسُ تَغَادُواْ؞

30عَمَّا عِدَنْ بَسُ ڧٜىٰتَرٜىٰ تَرٜىٰدَكُو دَ شِرِنْ يَاڧِبَ، تُواْ، سَيْ كُبَاسُ غَادُواْ تَرٜىٰدَكُو عَثِكِنْ ڧَسَرْ كَنْعَنَ؞»

31سَيْ مُتَنٜىٰنْ غَدْ دَ نَ رَعُبَيْنُ سُكَ أَمْسَ سُكَثٜىٰ «كَمَرْ يَدَّ يَهْوٜىٰهْ يَڢَطَا وَبَايِنْكَ، حَكَ ذَامُيِ؞

32ذَامُ ڧٜىٰتَرٜىٰ دَ شِرِنْ يَاڧِ أَغَبَنْ يَهْوٜىٰهْ ذُوَا ثِكِنْ ڧَسَرْ كَنْعَنَ، عَمَّا ذَامُ سَامِ غَادُوانْمُ أَنَنْ غَبَشِنْ كُواْغِنْ يُواْدَنْ؞»

33سَعَنً مُوسَٰى يَبَامُتَنٜىٰنْ غَدْ دَ مُتَنٜىٰنْ رَعُبَيْنُ دَ رَبِنْ مُتَنٜىٰنْ مَنَسّٜىٰ طَنْ يُوسُڢَ يَنْكِنْ مُلْكٍ سَرْكِے سِهُوانْ نَ أَمُواْرِيَاوَا دَ يَنْكِنْ مُلْكٍ سَرْكِے عُواغْ نَ بَشَنْ، تَرٜىٰدَ غَرُرُوَنْسُ دَ يَنْكُنَنْ دَ دَا سُكٜىٰ ڧَرْڧَشِنْسُ؞

34سَيْ مُتَنٜىٰنْ غَدْ سُكَسَاكٜىٰ غِنَا غَرِنْ دِبُوانْ دَ أَتَرُواتْ دَ أَرُواْوٜىٰرْ،

35دَ أَتَرُواتْ شُواْڢَنْ دَ يَظٜىٰرْ دَ يُواغْبٜىٰهَ،

36دَ بٜىٰتْ نِمْرَ دَ بٜىٰتْ هَرَنْ، سُذَمَ بِرَنٜىٰ مَاسُ كَتَنْ‌غَ؞ سُكَ كُمَ غِنَا وُرَارٜىٰنْ دَ عَكٜىٰ أَجِيٜىٰ دَبُّواْبِے؞

37سَيْ مُتَنٜىٰنْ رَعُبَيْنُ سُكَسَاكٜىٰ غِنَا غَرِنْ هٜىٰشْبُوانْ دَ عٜىٰلٜىٰيَلٜىٰ دَ كِرِيَتَيِمْ،

38دَ نٜىٰبُواْ دَ بَعَلْ مٜىٰيُوانْ دَ سِبْمَ؞ سُكَ ثَنْجَ سُونَيٜىٰنْ وَطَنْسُ غَرُضُوً دَ سُكَثِ دَ يَاڧِ سُكَ كُمَ سَاكٜىٰ غِنَاوَا؞

39سَيْ مُتَنٜىٰنْ دَنْ‌غِنْ مَكِرْ طَنْ مَنَسّٜىٰ سُكَ تَڢِے غِلٜىٰيَدْ، سُكَثِتَ دَ يَاڧِ، سُكَ كُواْرِ أَمُواْرِيَاوَنْ دَسُكٜىٰ ثِكِنْتَ؞

40سَيْ مُوسَٰى يَبَامُتَنٜىٰنْ مَكِرْ طَنْ مَنَسّٜىٰ غِلٜىٰيَدْ، سُكَ ذَوْنَ عَثِكِ؞

41مُتَنٜىٰنْ يَايِرْ طَنْ مَنَسّٜىٰ سُكَ تَڢِے سُكَثِ ڧَوْيُكَنْ يَنْكِنْ غِلٜىٰيَدْ دَ يَاڧِ، سُكَ ثَنْجَ سُونَيٜىٰنْسُ ذُوَا «ڧَوْيُكَنْ يَايِرْ»؞

42سَيْ وَنِ مَيْ سُونَ نُواْبَ يَتَڢِے يَثِ كٜىٰنَتْ دَ ڧَوْيُكَنْتَ دَ يَاڧِ، يَثَنْجَ سُونَنْتَ ذُوَا «نُواْبَ» بِسَغَ سُونَنْسَ؞

← Chapter 31 Jump to: Chapter 33 →