Numbers 33 — Hausa Arabic 2020 (أَتَّوْرَتْ دَ أَنَّبَاوَا)

1غَا يَدَّ إِسْرَٰٓءِيلَاوَا سُكَيِ تَڢِيَرْسُ دَغَ ذَنْ‌غُواْ ذُوَا ذَنْ‌غُواْ سَعَدَّ سُكَ ڢِتَ ڧُنْ‌غِيَ ڧُنْ‌غِيَ دَغَ ڧَسَرْ مَصَرْ عَڧَرْڧَشِنْ شُوغَبَنْثِنْ مُوسَٰى دَ هَٰرُونَ؞

2بِسَغَ عُمَرْنِنْ يَهْوٜىٰهْ ، مُوسَٰى يَرُبُوتَ وُرَارٜىٰنْ تَاشِنْسُ دَ وُرَارٜىٰنْ سَوْكَرْسُ؞ غَا وُرَارٜىٰنْ دَ سُكَيِ ذَنْ‌غُوانْسُ؞

3أَ رَانَ تَغُواْمَشَا بِيَرْ غَ وَتَ نَڢَرْكُواْ، وَشٜىٰغَرِ بَايَنْ بِكٍ ڧٜىٰتَرٜىٰوَ، سَيْ إِسْرَٰٓءِيلَاوَا سُكَ ڢِتَ دَ ڧَرْڢِنْ ذُوثِيَا أَعِدُوانْ دُكَنْ مَصَرَاوَا سُكَ كَامَ حَنْيَ دَغَ رَمَسٜىٰسْ؞

4سُكَ ڢَارَ وَنَّنْ تَڢِيَ يَايِنْ دَ مَصَرَاوَا سُكٜىٰ كَنْ بِنّٜىٰ غَوَوَّكِنْ یَیَنْ ڢَارِنْسُ وَطَنْدَ يَهْوٜىٰهْ يَكَكَّشٜىٰ؞ تَوُرِنْ وَطَنَّنْ أَيُّكَنْ بَنْ مَامَاكِ يَهْوٜىٰهْ يَنُونَ إِيكُوانْسَ عَكَنْ أَلُّواْلِنْسُ؞

5إِسْرَٰٓءِيلَاوَا سُكَتَاشِ سُكَ كَامَ حَنْيَ دَغَ رَمَسٜىٰسْ، سُكَيِ ذَنْ‌غُواْ أَ سُكُّواتْ؞

6سُكَتَاشِ سُكَ كَامَ حَنْيَ دَغَ سُكُّواتْ، سُكَيِ ذَنْ‌غُواْ أَ عٜىٰتَمْ، وَدَّ تَكٜىٰ أَغٜىٰڢٜىٰنْ دَاجِنْ دَ بَا كُواْوَ؞

7سُكَتَاشِ سُكَ كَامَ حَنْيَ دَغَ عٜىٰتَمْ، سَيْ سُكَ جُويَا ذُوَا ڢِ هَهِرُواتْ وَدَّ تَكٜىٰ غَبَسْ دَ بَعَلْ ظٜىٰڢُوانْ، سُكَيِ ذَنْ‌غُواْ كُسَدَ مِغْدُوالْ؞

8سُكَتَاشِ سُكَ كَامَ حَنْيَ دَغَ ڢِ هَهِرُواتْ، سَيْ سُكَ ڧٜىٰتَرٜىٰ تٜىٰكُ ذُوَا ثِكِنْ دَاجِنْ دَ بَا كُواْوَ؞ سُكَيِ تَڢِيَ ݣُونَ عُكُ أَ دَاجِنْ عٜىٰتَمْ، سُكَيِ ذَنْ‌غُواْ أَ مَرَ؞

9سُكَتَاشِ سُكَ كَامَ حَنْيَ دَغَ مَرَ سُكَذُواْ عٜىٰلِمْ، عِنْدَ أَݣَويْ مَٻُٻُّغَرْ ضُوَ غُدَا غُواْمَشَا بِيُ دَ عِتَتُوَنْ دَبِينُواْ غُدَا سَبَعِنْ؞ سَيْ سُكَيِ ذَنْ‌غُواْ عَثَنْ؞

10سُكَتَاشِ سُكَ كَامَ حَنْيَ دَغَ عٜىٰلِمْ، سُكَيِ ذَنْ‌غُواْ عَبَاكِنْ تٜىٰكُنْ ثِيَوَرْ إِوَ؞

11سُكَتَاشِ سُكَ كَامَ حَنْيَ دَغَ تٜىٰكُنْ ثِيَوَرْ إِوَ، سُكَيِ ذَنْ‌غُواْ أَ دَاجِنْ سِنْ؞

12سُكَتَاشِ سُكَ كَامَ حَنْيَ دَغَ دَاجِنْ سِنْ، سُكَيِ ذَنْ‌غُواْ أَ دُواڢْكَ؞

13سُكَتَاشِ سُكَ كَامَ حَنْيَ دَغَ دُواڢْكَ، سُكَيِ ذَنْ‌غُواْ عَ أَلُشْ؞

14سُكَتَاشِ سُكَ كَامَ حَنْيَ دَغَ أَلُشْ، سُكَيِ ذَنْ‌غُواْ أَ رٜىٰڢِدِمْ، عِنْدَ بَابُ ضُوً شَا دُواْمِنْ مُتَنٜىٰ؞

15سُكَتَاشِ سُكَ كَامَ حَنْيَ دَغَ رٜىٰڢِدِمْ، سُكَيِ ذَنْ‌غُواْ أَ دَاجِنْ سِنَيْ؞

16سُكَتَاشِ سُكَ كَامَ حَنْيَ دَغَ دَاجِنْ سِنَيْ، سُكَيِ ذَنْ‌غُواْ أَ كِبِرُواتْ هَتَّعَوَا؞

17سُكَتَاشِ سُكَ كَامَ حَنْيَ دَغَ كِبِرُواتْ هَتَّعَوَا، سُكَيِ ذَنْ‌غُواْ أَ هَظٜىٰرُواتْ؞

18سُكَتَاشِ سُكَ كَامَ حَنْيَ دَغَ هَظٜىٰرُواتْ، سُكَيِ ذَنْ‌غُواْ أَ رِتِمَ؞

19سُكَتَاشِ سُكَ كَامَ حَنْيَ دَغَ رِتِمَ، سُكَيِ ذَنْ‌غُواْ أَ رِمُّوانْ ڢٜىٰرٜىٰظْ؞

20سُكَتَاشِ سُكَ كَامَ حَنْيَ دَغَ رِمُّوانْ ڢٜىٰرٜىٰظْ، سُكَيِ ذَنْ‌غُواْ أَ لِبْنَ؞

21سُكَتَاشِ سُكَ كَامَ حَنْيَ دَغَ لِبْنَ، سُكَيِ ذَنْ‌غُواْ أَ رِسَّ؞

22سُكَتَاشِ سُكَ كَامَ حَنْيَ دَغَ رِسَّ، سُكَيِ ذَنْ‌غُواْ أَ كٜىٰهٜىٰلَتَ؞

23سُكَتَاشِ سُكَ كَامَ حَنْيَ دَغَ كٜىٰهٜىٰلَتَ، سُكَيِ ذَنْ‌غُواْ عَبَبَّنْ تُدُنْ شِڢٜىٰرْ؞

24سُكَتَاشِ سُكَ كَامَ حَنْيَ دَغَ بَبَّنْ تُدُنْ شِڢٜىٰرْ، سُكَيِ ذَنْ‌غُواْ أَ هَرَدَ؞

25سُكَتَاشِ سُكَ كَامَ حَنْيَ دَغَ هَرَدَ، سُكَيِ ذَنْ‌غُواْ أَ مَكٜىٰلُواتْ؞

26سُكَتَاشِ سُكَ كَامَ حَنْيَ دَغَ مَكٜىٰلُواتْ، سُكَيِ ذَنْ‌غُواْ أَ تَهَتْ؞

27سُكَتَاشِ سُكَ كَامَ حَنْيَ دَغَ تَهَتْ، سُكَيِ ذَنْ‌غُواْ عَتَرَ؞

28سُكَتَاشِ سُكَ كَامَ حَنْيَ دَغَ تَرَ، سُكَيِ ذَنْ‌غُواْ أَ مِتْكَ؞

29سُكَتَاشِ سُكَ كَامَ حَنْيَ دَغَ مِتْكَ، سُكَيِ ذَنْ‌غُواْ أَ هَشْمُواْنَ؞

30سُكَتَاشِ سُكَ كَامَ حَنْيَ دَغَ هَشْمُواْنَ، سُكَيِ ذَنْ‌غُواْ أَ مُواْسٜىٰرُواتْ؞

31سُكَتَاشِ سُكَ كَامَ حَنْيَ دَغَ مُواْسٜىٰرُواتْ، سُكَيِ ذَنْ‌غُواْ عَبٜىٰنٜىٰ يَعَكَنْ؞

32سُكَتَاشِ سُكَ كَامَ حَنْيَ دَغَ بٜىٰنٜىٰ يَعَكَنْ، سُكَيِ ذَنْ‌غُواْ أَ هُوارْ هَغِدْغَدْ؞

33سُكَتَاشِ سُكَ كَامَ حَنْيَ دَغَ هُوارْ هَغِدْغَدْ، سُكَيِ ذَنْ‌غُواْ أَ يُواتْبَتَ؞

34سُكَتَاشِ سُكَ كَامَ حَنْيَ دَغَ يُواتْبَتَ، سُكَيِ ذَنْ‌غُواْ أَعَبْرُواْنَ؞

35سُكَتَاشِ سُكَ كَامَ حَنْيَ دَغَ أَبْرُواْنَ، سُكَيِ ذَنْ‌غُواْ أَ عٜىٰظِيُوانْ‌غٜىٰبٜىٰرْ؞

36سُكَتَاشِ سُكَ كَامَ حَنْيَ دَغَ عٜىٰظِيُوانْ‌غٜىٰبٜىٰرْ، سُكَيِ ذَنْ‌غُواْ أَ دَاجِنْ ظِنْ، وَتُواْ كَدٜىٰشْ؞

37سُكَتَاشِ سُكَ كَامَ حَنْيَ دَغَ كَدٜىٰشْ، سُكَيِ ذَنْ‌غُواْ عَبَبَّنْ تُدُنْ هُوارْ عَكَنْ إِيَاكَرْ ڧَسَرْ عٜىٰدُوامْ؞

38بِسَغَ عُمَرْنِنْ يَهْوٜىٰهْ ، هَٰرُونَ ڢِرِسْتِ يَهَوْ بَبَّنْ تُدُنْ هُوارْ؞ يَمُتُ عَثَنْ، أَ رَانَ تَڢَرْكُواْ غَ وَتَنْ بِيَرْ أَ شٜىٰكَرَا تَأَرْبَعِنْ بَايَنْ ڢِتُواْوَرْ جَمَعَرْ إِسْرَٰٓءِيلَ دَغَ ڧَسَرْ مَصَرْ؞

39هَٰرُونَ يَنَدَ شٜىٰكَرَا طَرِے دَ عَشِرِنْ دَ عُكُ سَعَدَّ يَمُتُ عَبَبَّنْ تُدُنْ هُوارْ؞

40سَرْكِے أَرَدْ، مُتُمِنْ كَنْعَنَ وَنْدَ يَكٜىٰ ظَوْنٜىٰ أَ نٜىٰغٜىٰبْ عَڧَسَرْ كَنْعَنَ كُوَ يَجِ لَابَرِنْ ذُوَانْ إِسْرَٰٓءِيلَاوَا؞

41إِسْرَٰٓءِيلَاوَا سُكَتَاشِ سُكَ كَامَ حَنْيَ دَغَ بَبَّنْ تُدُنْ هُوارْ، سُكَيِ ذَنْ‌غُواْ أَ ظَلْمُواْنَ؞

42سُكَتَاشِ سُكَ كَامَ حَنْيَ دَغَ ظَلْمُواْنَ، سُكَيِ ذَنْ‌غُواْ أَ ڢُنُوانْ؞

43سُكَتَاشِ سُكَ كَامَ حَنْيَ دَغَ ڢُنُوانْ، سُكَيِ ذَنْ‌غُواْ أَ عُواْبُواتْ؞

44سُكَتَاشِ سُكَ كَامَ حَنْيَ دَغَ عُواْبُواتْ، سُكَيِ ذَنْ‌غُواْ أَ عِيٜىٰ أَبَرِمْ عَيَنْكِنْ مُواْوَبْ؞

45سُكَتَاشِ سُكَ كَامَ حَنْيَ دَغَ إِيٜىٰ أَبَرِمْ، سُكَيِ ذَنْ‌غُواْ أَ دِبُوانْ غَدْ؞

46سُكَتَاشِ سُكَ كَامَ حَنْيَ دَغَ دِبُوانْ غَدْ، سُكَيِ ذَنْ‌غُواْ عَ أَلْمُوانْ دِبِلَتَيِمْ؞

47سُكَتَاشِ سُكَ كَامَ حَنْيَ دَغَ أَلْمُوانْ دِبِلَتَيِمْ، سُكَيِ ذَنْ‌غُواْ أَ مَنْيَنْ تُدَّنْ أَبَرِمْ كُسَدَ نٜىٰبُواْ؞

48سُكَتَاشِ سُكَ كَامَ حَنْيَ دَغَ مَنْيَنْ تُدَّنْ أَبَرِمْ، سُكَيِ ذَنْ‌غُواْ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞

49سُكَيِ ذَنْ‌غُواْ عَبَاكِنْ كُواْغِنْ يُواْدَنْ، سُكَ كَكَّڢَ تٜىٰنْتُنَنْسُ تُنْدَغَ بٜىٰتْ يٜىٰشِمُواتْ حَرْ ذُوَا أَبٜىٰلْ شِتِّمْ أَ ڢِيلَيٜىٰنْ مُواْوَبْ؞

50أَوُرِنْ دَ إِسْرَٰٓءِيلَاوَا سُكَيِ ذَنْ‌غُواْ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ، يَهْوٜىٰهْ يَيِ مَغَنَ دَ مُوسَٰى ثٜىٰوَ

51يَبَا جَمَعَرْ إِسْرَٰٓءِيلَ وَطَنَّنْ عُمَرْنَيْ؞ «سَعَدَّ كُكَ ڧٜىٰتَرٜىٰ كُواْغِنْ يُواْدَنْ ذُوَا ڧَسَرْ كَنْعَنَ،

52سَيْ كُكُواْرِ دُكَنْ مَذَوْنَنْ ڧَسَرْدَغَ غَبَنْكُ؞ سَيْ كُرُرُّشٜىٰ دُووَڟُنْسُ وَطَنْدَ سُكَ سَسَّڧَ دَ صِڢُّواْڢِنْ ظُبِنْسُ دَ وُرَارٜىٰنْ سُجَّدَرْسُ عَكَنْ تُدَّيْ؞

53سَيْ كُمَلَّكِ ڧَسَرْ، كُذَوْنَ عَثِكِنْتَ، غَمَا نَا بَاكُ ڧَسَرْ تَذَمَ مَلَّكَرْكُ تَغَادُواْ؞

54ذَاكُ رَرَّبَ وَكَنْكُ غَادُوانْ ڧَسَرْ بِسَغَ دَنْ‌غِ دَنْ‌غِ تَهَنْيَرْ جٜىٰڢَرْ ڧُرِعَ؞ ذَاكُبَا بَبَّنْ دَنْ‌غِ بَبَّنْ رَبُواْ، ڧَرَمِنْ دَنْ‌غِ كُمَ كُبَاتَ ڧَرَمِنْ رَبُواْ؞ دُكْ عِنْدَ ڧُرِعَ تَيَنْكَ وَمُتُمْ، وُرِنْ نٜىٰ ذَيْ ذَمَ غَادُوانْسَ؞ بِسَغَ دَنْ‌غِنْ كَاكَنِّنْكُ ذَاكُ غَاجِ ڧَسَرْ؞

55عَمَّا عِدَنْ بَكُ كُواْرِ مَذَوْنَنْ ڧَسَرْدَغَ غَبَنْكُ بَ، تُواْ، وَطَنْدَ كُكَ بَرِ سُكَ رَغُ عَثِكِنْتَ ذَاسُ ذَمَ مُكُ أَلُّورَيْ أَعِدَنُونْكُ دَ ڧَيُواْيِ أَجِكِنْكُ؞ ذَاسُيِ تَدَامُنْكُ عَڧَسَرْدَ ذَاكُ ذَوْنَ؞

56سَعَنً ذَنْيِ مُكُ أَبِنْدَ دَا نَيِ شِرِ إِنْيِ مُسُ؞»