Romans 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1เต้าๆ อ๋อย หฒุ หมวัง ฮู่ง จา, เหว่ย หฒุ ไม้ ม่าย หาย หญู่ง ฮู่ง หลี่ง ไม้ เฒ์ย ทิน-ฮู่ง เหลียบ ต้าย. อี้ หฒั่น โหฒว เจียน, ม่าย หลี่ง เญย เมี่ยน เซ ทิน-ฮู่ง เหลียบ ต้าย.

2ฮนั้ง หน่าย, หาย เต้า แหง่ง ฮู่ง จา เญย หว่า, วั้ว เต้า หย่า แหง่ง ทิน-ฮู่ง เหลียบ ต้าย เญย ฮู่ง หลี่ง. แหง่ง ฮู่ง จา วั้ว เต๋ย อ๋อย หฒุ ตี่ง ฒุ์ย.

3โหฒว คู้ สี่ เญย เมี่ยน ไม้ หฒุ กั้ม เหฑีย ฮู่ง จา. เซ ต้ง โหฒว เอ๊าะ สี่ เญย เมี่ยน อ๋อย หฒุ กั้ม เหฑีย ฮนั้ง. เม่ย อ๋อย ม่าย เฮญี้ยว ไม้ กั้ม เหฑีย ม่าย หลี่ง กุ๊น วั้ว เต๋ย ไฟ? อ๋อย หฒุ โหฒว คู้ สี่ หธีง ไม้ กั้ม เหฑีย. นิ่น บัว ฯฒฯ เธง เม่ย.

4เหว่ย หฒุ โหฒว เจียน-โฟ้ว เญย เมี่ยน โหฒว ทิน-ฮู่ง เญย โปว เซ เถง เม่ย ตุ๊ หลง. สี ก๊อง เม่ย โหฒว เอ๊าะ สี่, อ๋อย หฒุ กั้ม เหฑีย เจียน-โฟ้ว, เหว่ย หฒุ นิ่น บัว หฒะเก้ง ม่าย หลี่ง ตี่ง เม่ย เญย ฒุ์ย. นิ่น โหฒว ทิน-ฮู่ง เญย โปว เถง ทิน-ฮู่ง จ๊าว วิน ปุน โหฒว เอ๊าะ เญย เมี่ยน.

5เหว่ย น้าย อ๋อย หฒุ หมวัง ฮู่ง จา เญย หว่า, ไม้ ตาน เหว่ย กั้ม เหฑีย ทิน-ฮู่ง อ๋อย ตี่ง เม่ย บัว เญย ฒุ์ย ฮนั้ง. กั้น เญย ล่าง ฟิม หย่า ปุน กั้น ฮิ้ว ตุ๊ อ๋อย หฒุ ฮนั้ง หาย นอ โหฒว.

6เหว่ย น้าย เม่ย บัว หย่า อ๋อย หฒุ ธ้วด โฑว-ฒิ่น ปุน ฮู่ง จา, เหว่ย หฒุ นิ่น บัว โหฒว ฮู่ง จา เญย กง ฯฒฯ เถง ทิน-ฮู่ง โหฒว โปว.

7หอบ หฒุ ปุน หาย หญู่ง โฑว-ฒิ่น หาย เต้า ฯฒฯ ปุน วั้ว เต้า อ๊ะ. หอบ หฒุ ท่าย กิ๋น หาย เต้า ฯฒฯ ท่าย อ๊ะ.

8ธิน- หม่าน ไม้ ตู๋ง เฉียม หาย เต้า เญย หาย หญู่ง แฒะ. ขูง อ๋อย หฒุ ม่าย ดุ หญู่ง แฒะ ฮนั้ง. น้าย เซ ล่าน อ๋อย หฒุ ฮนั้ม ล่าน. หาย เต้า ฮนั้ม เมี่ยน ฯฒฯ เอย เหฑ่ง เล์ย-หลัด หมี่ อ๊ะ.

9เล์ย-หลัด ก๊อง, “ไม้ ตู๋ง เหฮยียน เอ๊า เหฮยียน โหฆ. ไม้ ตู๋ง ไต๋ เมี่ยน. ไม้ ตู๋ง โหฒว หฒะ. ไม้ ตู๋ง เม้า เมี่ยน เญย กะน้าย.” น้าย เต๋ย เหธา เหยียด ฒู้ง เล์ย-หลัด ฑุด ฒุ้น ก๊อง, “อ๋อย หฒุ ฮนั้ม เมี่ยน ฮนั้ง ฮนั้ม กั้น นอ.”

10หาย เต้า ฮนั้ม เมี่ยน, นิ่น ไม้ โหฒว สี่ ห่อย เมี่ยน. เหว่ย น้าย, หาย เต้า ฮนั้ม เมี่ยน ฯฒฯ เอย เหฑ่ง เล์ย-หลัด.

11อ๋อย หฒุ ฮนั้ง น้าย นอ โหฒว เหว่ย หฒุ เม่ย บัว ฮิ้ว ตุ๊ อี้ จ๋า เญย เฒี่ยง โห่ เจี๊ยน ไห่. เม่ย บัว เปว๋ย มฌ่อม เญย เมี่ยน อ๋อย หฒุ เญีย ต้าย, เหว่ย หฒุ ทิน-ฮู่ง เหฌียว บัว เญย เฒี่ยง โห่ เก้า ฟัด บัว เสียน เยซู กีตู่ วั้ว หฒั่น อ๊ะ.

12ลู่ง ม์วน หฒั่น เซี้ยบๆ เญย อ๋อย เจี๋ย, ลู่ง ฮนอย หฒั่น อ๋อย เถา. อ๋อย หฒุ กวั่ง เหฑ่ง เยียม หฮมวัง ฒง โหฒว เญย หว่าย สี่. หย่า อ๋อย หฒุ ฒอง เจี๊ยน เยียม ฌัง ฒง เบ๊าะ จ๋า เญย หวัวะ กิ่น.

13บัว อ๋อย หฒุ โหฒว หอบ, ผุย หฒุ ลู่ง ฮนอย หฒั่น เญย ฌัง. ไม้ ตู๋ง เหธว, ไม้ ตู๋ง ฮบ ติ๊ว ฆวิน, ไม้ ตู๋ง เหฮยียน เอ๊า เหฮยียน โหฆ ไฟ โหฒว ไม้ หลวน ห่อง เญย สี่. ไม้ ตู๋ง แฑง จ๋า, หั่น เมี่ยน.

14เม่ย บัว อ๋อย หฒุ หล่ง เฒี้ยว เยซู กีตู่ โหฒว เม่ย บัว เบ๊าะ จ๋า เญย หวัวะ กิ่น, หย่า ไม้ ตู๋ง หฒิว กั้น เญย เฮญี้ยว โหฒว หาย หญู่ง ฒุ์ย.

← Chapter 12 Jump to: Chapter 14 →