Romans 14

Mien Bible (Thai Script) © Thailand Bible Society, 2007

← Chapter 13 Jump to: Chapter 15 →

1อ๋อย หฒุ ฒิบ ต้ง เสียน ไม้ เฮ้น เญย เมี่ยน, หย่า ไม้ ตู๋ง แฑง นิ่น เสียน เญย เจ๊า.

2ม่าย เต้า เสียน นิ่น หญู่งๆ หญั่น ตุ๊ เญย, มป่า เสียน ไม้ เฮ้น วั้ว เต้า ขูง หญั่น ไล ฮนั้ง, ไม้ หญั่น อ๊อ.

3หญั่น หญู่งๆ วั้ว เต้า ไม้ ตู๋ง หมั่ง เผีย ไม้ หญั่น วั้ว เต้า. ขูง หญั่น ไล ไม้ หญั่น อ๊อ วั้ว เต้า ไม้ ตู๋ง ตี่ง หญั่น หญู่งๆ วั้ว เต้า โหฒว ต่อง, เหว่ย หฒุ ทิน-ฮู่ง ฒิบ นิ่น หมี่ อ๊ะ.

4เม่ย ต้ง หาย เต้า หธีง ต้าย ไฮ่ ตี่ง กั้น เต้า เญย โปว? นิ่น กั้น เญย เฒี้ยว อ๋อย หฒุ ตี่ง นิ่น โหฒว หอบ ไฟ ไม้ หอบ. นิ่น หย่า โหฒว ตุ๊ หอบ เหว่ย หฒุ เฒี้ยว อ๋อย เถง นิ่น โหฒว.

5ม่าย เต้า ฝุน ม่าย นอม ฮนอย เก้า หล่ง เจี๊ยน. แอ๋ง ม่าย เต้า ฝุน ฮนอยๆ ฟี่ ฮนั้ง เญย. เก๊าะ-เมี่ยน อ๋อย หฒุ เอย เก๊าะ-เมี่ยน เญย เฮญี้ยว ตี่ง น้าย เต๋ย สี่.

6หาย เต้า ฝุน เหยียด นอม ฮนอย เก้า หลง เจี๋ย เญย ฮนอย, นิ่น โหฒว เหว่ย ท่าย เฒี้ยว. หาย เต้า เสียน หญู่งๆ หญั่น ตุ๊ เญย หย่า หญั่น เหว่ย ท่าย เฒี้ยว, เหว่ย หฒุ นิ่น แล์ง ฒี่ง ทิน-ฮู่ง. หาย เต้า เก่ ไม้ หญั่น, วั้ว เต้า เก่ เหว่ย ท่าย เฒี้ยว. นิ่น หย่า แล์ง ฒี่ง ทิน-ฮู่ง.

7บัว หาย เต้า ไม้ เหว่ย กั้น เฒี่ยง หย่า ไม้ เหว่ย กั้น ไต่.

8บัว เฒี่ยง เซ เหว่ย เฒี้ยว เฒี่ยง. ไต่ เซ เหว่ย เฒี้ยว ไต่. ฮนั้ง หน่าย, ไม้ กุ๊น บัว นั่ง ไฟ ไต่ บัว เป๋น เฒี้ยว เญย เมี่ยน.

9เหว่ย น้าย กีตู่ ไต่ มี่ง แอ๋ง นั่ง ต้าย เหว่ย อ๋อย โหฒว เฒี่ยง เจี๊ยน เญย เมี่ยน เหธา ไต่ มี่ง เญย เมี่ยน เญย เฒี้ยว.

10วั้ว หญู่ง, เม่ย โหฒว หาย หญู่ง ตี่ง เม่ย เญย ก๋อ-โย์ว โหฒว ต่อง? เม่ย เหว่ย หาย ติ่ว หมั่ง เผีย เม่ย เญย ก๋อ-โย์ว? บัว เหยียด ฒู้ง อ๋อย หฒุ โซ้ว เจี๊ยน ทิน-ฮู่ง เญย หฑะเฮมียน หฒุ เซี้ยม ฒุ์ย.

11เหว่ย หฒุ กีง-โซว ก๊อง, “เฒี้ยว ก๊อง, ‘เยีย เฒี้ยง เจี๊ยน เยีย กั้น เญย แหม่ง แล์ง หว่า ก๊อง, นอมๆ ธี่ง เบาะ อ๋อย เกว่ย เหฌี่ย ป๋าย เยีย. ซูงๆ ฑุ่ย อ๋อย เหญี่ยม เยีย เซ ทิน-ฮู่ง.’”

12ฮนั้ง หน่าย, บัว เต้าๆ เมี่ยน โหฒว เญย เหยียด ฒู้ง อ๋อย หฒุ ปิ๊น เม่ง บั๋ว ทิน-ฮู่ง.

13ฮนั้ง หน่าย, ล่าน ไม้ ตู๋ง ตี่ง ล่าน โหฒว ต่อง. ต๋าว หฑวน อ๋อย หฒุ ตี่ง เฮญี้ยว ไม้ โหฒว หาย หญู่ง ปุน เม่ย เญย ก๋อ-โย์ว โหฒว ต่อง ดั๊ว นิ่น ป์าม ฒุ์ย.

14เยีย เหธา เยซู จวั่ง แหม่ง เฒี่ยง ฯฒฯ ฮิ้ว ตี่ง ไม้ ม่าย หาย หญู่ง หญั่น ฮบ เญย กะน้าย นิ่น กั้น ไฮ่ ม่าย หวุย. มป่า หาย เต้า ฝุน หาย หญู่ง ม่าย หวุย นอ, วั้ว หญู่ง เหว่ย นิ่น ม่าย หวุย อ๊ะ.

15สี ก๊อง เม่ย หญั่น เญย กะน้าย ปุน เม่ย เญย ก๋อ-โย์ว เฮญี้ยว มุน, เม่ย โหฒว เญย สี่ ปุน ธีง เม่ย ไม้ ฮนั้ม ก๋อ-โย์ว. เยซู เหว่ย วั้ว ล่าน เมี่ยน ไต่ หมี่ อ๊ะ. ไม้ ตู๋ง ปุน นิ่น หลาย เม่ย หญั่น เญย กะน้าย หฒุ เหมียด.

16ฮนั้ง หน่าย, เม่ย บัว ฝุน เซ หลง เญย มป่า ไม้ ตู๋ง ปุน เมี่ยน หล่ง โหฒว กอน ต้าน เม่ย บัว.

17เหว่ย หฒุ เมี่ยน หญั่น เญย ฮบ เญย ไม้ เฒ์ย ปุน ธีง ทิน-ฮู่ง โหฒว เฒี้ยว กุ๊น นิ่น บัว. สีง ลี่ง ปุน เมี่ยน โหฒว ตุ๊ หอบ ทิน-ฮู่ง เญย เฮญี้ยว, ตุ๊ แป้ง ออน, หย่า ตุ๊ เฌียน-โย่ว. ต้ง น้าย ปุน ธีง ทิน-ฮู่ง โหฒว เฒี้ยว กุ๊น เมี่ยน.

18หาย เต้า ฮนั้ง น้าย นอ ฟู-สู กีตู่, วั้ว เต้า หอบ ทิน-ฮู่ง เญย เฮญี้ยว. เมี่ยน หย่า เธง นิ่น.

19ฮนั้ง หน่าย, บัว โหฒว หาย หญู่ง อ๋อย หฒุ หฒั่นๆ โหฒว เหว่ย ปุน ล่าน เหธา ล่าน แป้ง ออน เญย เยียม, ล่าน เถง ล่าน เหธย เจี์ย ต้าย.

20ไม้ ตู๋ง หลาย หญั่น ฮบ โหฒว หว่าย ทิน-ฮู่ง เญย กง. หญู่งๆ หญั่น เญย กะน้าย ไม้ ม่าย หวุย. มป่า หาย หญู่ง ไฮ่ ดั๊ว เมี่ยน ป์าม ฒุ์ย ไม้ หอบ หฒุ หญั่น.

21เก้า หลง เจี๋ย เซ ไม้ ตู๋ง หญั่น อ๊อ ไฟ ฮบ ติ๊ว ไฟ โหฒว หาย หญู่ง ไฮ่ ดั๊ว เม่ย บัว เญย ก๋อ-โย์ว ป์าม ฒุ์ย.

22น้าย ปั๊วะ สี่ เม่ย บัว ฮนั้ง หาย นอ เสียน, เม่ย บัว กั้น เหธา ทิน-ฮู่ง อ๋อย หฒุ ฮิ้ว ฮนั้ง. หาย เต้า ตี่ง เฮญี้ยว ฮนั้ง หาย นอ โหฒว, นิ่น โหฒว เญย เฒี่ยง โห่ ไม้ ไฮ์ ต่อง นอ, วั้ว เต้า เฌียน-โย่ว อ๊ะ.

23สี ก๊อง หญั่น เญย เฒี่ยง โห่ ไฮ์ ต้า ซี่ ไม้ โต๊ นอ, หญั่น วั้ว หฒั่น ทิน-ฮู่ง ฯฒฯ ตี่ง นิ่น ม่าย ฒุ์ย, เหว่ย หฒุ นิ่น ไม้ เอย นิ่น เสียน เญย หญั่น. สี ก๊อง บัว โหฒว หาย หญู่ง หย่า ไม้ เสียน ตี่ง บัว โหฒว ตุ๊ หอบ นอ, เป๋น ฒุ์ย อ๊ะ.

← Chapter 13 Jump to: Chapter 15 →