Romans 16

Mien Bible (Thai Script) © Thailand Bible Society, 2007

← Chapter 15 Jump to:

1เยีย อ๋อย เม่ย บัว ฮิ้ว ตุ๊ บัว เญย หมั่ว, เฟบี. นิ่น เถง เคนเคเลีย จิว-ปาง โหฒว กง ฟู-สู.

2โท้ เม่ย บัว หฒิว เม่ย บัว เสียน เฒี้ยว, หลงๆ ฒิบ นิ่น ฮนั้ง หอบ หฒุ ฒิบ ทิน-ฮู่ง เญย เมี่ยน นอ. นิ่น เฉียม หฒุ หาย หญู่ง, โท้ เม่ย บัว เถง, เหว่ย หฒุ นิ่น เถง เจี๋ย เมี่ยน ธั้ม หย่า เลี่ยม เยีย เถง.

3เยีย จั๋ง เถา ปิดสินลา เหธา อาควินลา, เหธา เยีย จวั่ง กีตู่ เยซู เญย กง โหฒว เญย เมี่ยน.

4นิ่น บัว ไม้ หล่ง แหม่ง เญย เหฌียว เยีย. เยีย หฒะเก้ง แล์ง ฒี่ง นิ่น บัว. หย่า ไม้ ตาน เยีย ฮนั้ง. จั๋น เญย หฒวัง จิว-ปาง หย่า แล์ง ฒี่ง นิ่น บัว.

5เยีย หย่า จั๋ง เถา เยียม นิ่น บัว เญย เปย๊า กั๊บ ฒุ้น โหฒว เล์ย-ป๋าย วั้ว นอม จิว-ปาง. หย่า จั๋ง เถา เยีย ฮนั้ม เญย ต่อย เอเปเนทัด. เยียม เอเซีย แซ้ง นิ่น เสียน กีตู่ ด่าง เจี๋ย.

6เยีย หย่า จั๋ง เถา เถง เม่ย บัว โหฒว กง โค้ว เญย วั้ว เต้า มาลียา.

7เยีย หย่า จั๋ง เถา เหธา เยีย จวั่ง ยิวไท ฝีง หย่า เหธา เยีย หฒุ หววน เจี๋ย โล่ วั้ว เต๋ย อันโดนิคัด เหธา ยูนีอัด. หฒวัง กง-โฒ่ ฮิ้ว ตุ๊ นิ่น บัว เม่ง เต้า หลง เญย. นิ่น บัว เสียน กีตู่ ด่าง เยีย.

8เยีย หย่า จั๋ง เถา เยีย ฮนั้ม ไห่ เสียน เฒี้ยว เญย ก๋อ-โย์ว ต่อย อัมพะลีอาทัด.

9เยีย หย่า จั๋ง เถา อูบานัด, เหธา บัว จวั่ง กีตู่ เญย กง โหฒว วั้ว เต้า. หย่า จั๋ง เถา เยีย ฮนั้ม เญย ก๋อ-โย์ว ต่อย สะทาคิด.

10เยีย หย่า จั๋ง เถา หฒุ เสย เจี๋ย หย่า โหฒว ตุ๊ หอบ กีตู่ เญย เฮญี้ยว วั้ว เต้า อาเปนเล้ด. หย่า จั๋ง เถา อาลิดโทบูลัด เหยียด เปย๊า เมี่ยน.

11เยีย หย่า จั๋ง เถา เหธา เยีย จวั่ง ยิวไท ฝีง วั้ว เต้า เฮโลดิโอน. หย่า จั๋ง เถา นาซิดสัด เปย๊า ฒง เสียน เยซู เญย ก๋อ-โย์ว.

12เยีย จั๋ง เถา ชะ เถง เฒี้ยว โหฒว กง วั้ว เต๋ย อี เต้า มเซียะ ตอน, ตีเฟนา เหธา ตีโฟสา. หย่า จั๋ง เถา เยีย ฮนั้ม เญย ต่อย เปสิด, ต้ง เถง เฒี้ยว โหฒว กง โค้ว วั้ว เต้า ต่อ.

13เยีย หย่า จั๋ง เถา เฒี้ยว เยซู เหล่ง เจ๊ย เญย กิ๊น ต้าย โหฒว นิ่น เญย กง วั้ว เต้า ลูฟัด, หย่า จั๋ง เถา ลูฟัด เญย มา. นิ่น โก๋ว เยีย ฮนั้ง โก๋ว นิ่น กั้น เญย ตอน นอ.

14เยีย หย่า จั๋ง เถา อาสินคีทัด, ฟะเลโกน, เฮเม้ด, ปัดโลบัด, เฮม้าด แอ๋ง เหธา นิ่น บัว เยียม เญย เหยียด ฒู้ง ก๋อ-โย์ว.

15เยีย หย่า จั๋ง เถา ฟีโลโลกัด, ยูเลีย, เนเลอัด เหธา นิ่น เญย หมั่ว, หย่า จั๋ง เถา โอลิมปัด แอ๋ง เหธา นิ่น บัว เยียม เหยียด ฒู้ง เสียน เยซู เญย เมี่ยน.

16เม่ย บัว อ๋อย หฒุ โหฒว เฮญี้ยว ธีง-เหฑ่ง, ล่าน เหธา ล่าน ฒม เฮมียน หน่าย แป้ง ออน. กีตู่ เญย หฒวัง จิว-ปาง หย่า จั๋ง เถา เม่ย บัว.

17ก๋อ- โย์ว อ่า, เยีย โท้! เม่ย บัว บู้ง เจี๊ยน ต้ง ดั๊ว เมี่ยน ปุน ฆอย วั้ว เต๋ย เมี่ยน. นิ่น บัว อ๋อย ดั๊ว เม่ย บัว เสียน ต่อง, ไม้ ต๋อย เม่ย บัว โหะ เจี๋ย เญย เล์ย. อ๋อย หฒุ ซิ้ม ฆอย นิ่น บัว,

18เหว่ย หฒุ น้าย หญู่ง เมี่ยน ไม้ ฟู-สู บัว เญย เฒี้ยว กีตู่. นิ่น บัว ขูง โต้ว กั้น ตุ๊ หลง ฮนั้ง. นิ่น บัว ก๊อง หว่า บย่าง, หว่า กาม, ดั๊ว หฒุ เฮญี้ยว เลี้ยง เญย เมี่ยน.

19หฒวัง เมี่ยน ไฮ์ ก๊อง เม่ย บัว เอย คู้ เฝียน โหฒว, เยีย ฯฒฯ อะเฮน้ย ไห่ เม่ย บัว. เยีย อ๋อย เม่ย บัว ม่าย ธง-เม่ง ฮิ้ว ตุ๊ หาย หญู่ง หลง. มป่า หว่าย เญย เจ๊า, เม่ย บัว อ๋อย หฒุ โหฒว ฮนั้ง เมี่ยน หฮงง เมี่ยน นอ.

20เหธย แป้ง ออน เญย ทิน-ฮู่ง เซี้ยบๆ เญย อ๋อย ดั่ม ซาตาน เยียม เม่ย บัว เญย เหฒา-เดี๊ย ฮู้ เหฑ่ง. โท้ เฒี้ยว เยซู กีตู่ หฒั่นๆ เหธย เอน ปุน เม่ย บัว.

21เหธา เยีย จวั่ง กง โหฒว วั้ว เต้า ทิโมไท หย่า จั๋ง เถา เม่ย บัว. เหธา เยีย จวั่ง ยิวไท ฝีง เญย ลูสิอัด, ยาโสน เหธา โสสิปาเท หย่า จั๋ง เถา เม่ย บัว.

22เยีย, เททิอัด, เถง เปาโล เฟี้ย น้าย เฒ้ย เฝียน. บัว ล่ม ฑ่อย เสียน กีตู่, เยีย ฯฒฯ จั๋ง เถา เม่ย บัว.

23ฒิบ เยีย หย่า ปุน หฒวัง จิว-ปาง เยียม นิ่น เญย เปย๊า กั๊บ ฒุ้น วั้ว เต้า กายอัด จั๋ง เถา เม่ย บัว. โก๋ว น้าย นอม ฒี่ง เญย ญ่าน วั้ว เต้า เอลัดทัด เหธา บัว เญย ก๋อ-โย์ว, คานทัด, หย่า จั๋ง เถา เม่ย บัว.

24โท้ บัว เญย เฒี้ยว เยซู กีตู่ หฒั่นๆ เหธย เอน ปุน เม่ย บัว หฒวัง เมี่ยน. อาเมน.

25บัว อ๋อย หฒุ ล่ม ฑ่อย เธง ทิน-ฮู่ง. เยีย ฒุ่น คู้ เฝียน ก๊อง เยซู กีตู่ เญย เจ๊า-โหล่ว. เอย น้าย คู้ เฝียน, ทิน-ฮู่ง ไฮ่ ปุน เม่ย บัว เสียน ตุ๊ ว้วน. น้าย คู้ เฝียน เกม เจี๊ยน เหฒีย กิ๊ด ลู่ง เดี๊ย,

26มป่า อี้ หฒั่น เหยียด ลิ์ว เฒี่ยง เจี๊ยน เญย ทิน-ฮู่ง บั๋ว นิ่น เญย โต่ว หว่า เมี่ยน เฟี้ย ต้าย ก๊อง บย๋าง ย่าง เหฑ่ง ปุน หม่าน กั๊วะ เมี่ยน ฮิ้ว. ฮนั้ง หน่าย, นิ่น บัว ไฮ่ เสียน หย่า ไฮ่ เอย เจี๊ยน นิ่น เญย หว่า โหฒว.

27เหว่ย น้าย บัว อ๋อย หฒุ เธง ธง-เม่ง เจี๋ย เญย ดุ เต้า ทิน-ฮู่ง. เซ เยซู กีตู่ ปุน บัว เหยียด ลิ์ว เธง เถา หม่าน โก๊ว หม่าน ต่อย. อาเมน.

← Chapter 15 Jump to: