bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Corinthians 12
2 Corinthians 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
1
Mũvaka nĩkathĩĩe, o na kau ti ũndũ waĩle; ĩndĩ ngaweta mawoni na movuan’yo ma Mwĩaĩi.
2
Nĩnĩsĩ mũndũ nthĩnĩ wa Klĩsto, yu nĩvĩtĩte myaka ĩkumi na ĩna (ethĩwa aĩ nthĩnĩ wa mwĩĩ, ndyĩsĩ; kana ethĩwa ndaĩ nthĩnĩ wa mwĩĩ, ndyĩsĩ; Ngai nĩwĩsĩ), ũsu ambatiw’e kũvika ĩtunĩ ya katatũ.
3
Nakwa nĩnĩmwĩsĩ mũndũ ũsu (ethĩwa aĩ nthĩnĩ wa mwĩĩ, kana ndaĩ nthĩnĩ wa mwĩĩ, ndyĩsĩ; Ngai nĩwĩsĩ),
4
ũndũ wambatiw’e alikw’a Ũseonĩ, na eew’a ndeto ila itaweteka, na ila itaĩle mũndũ kwineena.
5
Kwondũ wa mũndũ ũtilyĩ ta ũsu ngeekathĩĩa; ĩndĩ kwondũ wakwa ndiĩkathĩĩa, ate o mawonzunĩ makwa.
6
Nũndũ o na ngethĩwa ngyenda kwĩkathĩĩa, ndikethĩwa nĩ mũtumanu; nũndũ nganeena w’o: ĩndĩ nĩngũeka, nĩ kana mũndũ o na wĩva ndakandalĩle mbee wa ũndũ wonaa niilyĩ, kana ũla wĩw’aa kuma kwakwa.
7
Na kwondũ wa movuan’yo asu manene mũno mavĩtũku, nĩ kana ndikethĩwe ngĩnenevya mbee wa ũndũ naĩlwe, nanengiwe mwĩw’a mwĩĩnĩ wakwa, mũtũmwa wa Satani wa kũnumangya, nĩ kana ndikenenevye mbee wa ũndũ naĩlwe.
8
Kwondũ wa kindũ kyu navoya Ngai katatũ, ni kana kyume kwakwa.
9
Nake ambĩa, Mumo wakwa nũkwĩanĩe: nĩkwĩthĩwa vinya wakwa wĩanĩe vala ve wonzu. Ngeekathĩĩa ĩndĩ wonzunĩ wakwa na ũtanu mwingĩ, nĩ kana vinya wa Klĩsto wĩkalae ĩũlũ wakwa.
10
Kwondũ wa ũu nĩtanaa mawonzunĩ, na mbũthyanĩ, na mavatanĩ, na mathĩnanĩ, na monyamaonĩ, kwondũ wa Klĩsto: nĩkwĩthĩwa yĩla nĩ mwonzu, nĩvo nĩ na vinya.
11
Nĩtw’ĩkĩte mũtumanu: nĩ inyw’ĩ mwatumie nĩka ũu; nũndũ nyie naĩle kũkathwa nĩ inyw’ĩ: nũndũ ndyaĩ ĩtina wa atũmwa ala me mbee kwa ũndũ o na ũmwe, o na kau nyie ti kĩndũ.
12
Nĩ w’o, maũndũ ala monanasya mũtũmwa nĩmeekiwe kwenyu na wũmĩĩsyo w’onthe, na syama na maũndũ ma ũseng’ya na mavinya.
13
Nũndũ nĩ ũndũnĩ mwaũ mũnyivĩwe kwĩ makanisa ala angĩ, ate o kana nyie ndyaĩ mũio kwenyu? Ndekeai ĩvĩtyo yĩu.
14
Sisyai, yĩĩ nĩ ya katatũ nĩyũmbanĩtye kũka kwenyu; na ndikethĩwa nĩ mũio kwenyu: nũndũ ndiũmantha syĩndũ syenyu, ĩndĩ nĩ inyw’ĩ: nũndũ syana ityaĩlwe nĩ kũmbanĩsya asyai, ĩndĩ asyai nĩmaĩlwe nĩ kũmbanĩsya syana.
15
Nakwa nyie nganengane na ũtanu mwingi na kwĩnengane vyũ kwondũ wenyu. Ethĩwa nyie nĩmwendaa mũno mbee, nĩw’o ũtuma mũnyivya kũmbenda?
16
Ĩndĩ o na ethĩwa nĩ ũu, nyie mwene ndyaamwilĩĩla mũio; ĩndĩ kwa kwĩthĩwa nĩ mũĩ, namũkwatie na ũseleke.
17
Nĩmũsesengetwe nĩ ũmwe o na wĩva wa ala natũmie kwenyu?
18
Namũtaie Tito, na natũmie ũla mwana‐a‐asa vamwe nake. Tito nĩwamũsesengie? Tũiaendaa na Veva o ũmwe? Na matambya o amwe?
19
Na ĩvinda yĩĩ yonthe mwaasya kana nĩtũkwĩmila kwenyu. Mbee wa Ngai tũneenaa nthĩnĩ wa Klĩsto. Ĩndĩ maũndũ onthe, endwa, nĩ kwondũ wa kũmwaka.
20
Nũndũ nĩngũkĩa, kũikethĩwe kwa ũndũ o na wĩva, yĩla nĩũka, nĩmwone mũilyĩ ũndũ ndekwenda, nakwa mwene noneke nĩ inyw’ĩ nĩilyĩ ũndũ mũtekwenda; kũikethĩwe kwa undũ o na wĩva ĩteta, na kĩwĩu, na mothiliku, na ngananĩo, na nzukũ, na kũwetana na kĩwe, na mĩyimbyo na ituu;
21
nakwa yĩla nĩũka ĩngĩ Ngai wakwa ndakese kũnyivya mbee wenyu, nise kwĩthĩwa na kĩmako ũndũ wa aingĩ ala meekie naĩ, na matyaalyũla ngoo ũndũ wa ũvuku na ũlaalai na mĩmeo mĩthũku ala meekie.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
All chapters:
1
2
3
4
5
6
7
8
9
10
11
12
13