bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Corinthians 5
2 Corinthians 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 6 →
1
Nũndũ nĩtwĩsĩ kana ethĩwa wĩkalo ũũ witũ wa ĩeema wa kũũ nthĩ ũkaanangĩka, twĩ na mwako ũngĩ wumaa kwa Ngai, nyũmba ĩtakĩtwe na moko, ya tene na tene, ĩtunĩ.
2
Nũndũ nĩ w’o, wĩkalonĩ ũũ nĩtũlumaa, tũkyenda mũno mbee kũvw’ĩkwa wĩkalo ũla wumaa ĩtunĩ:
3
nĩ kana twavw’ĩkwa tũtikoneka twĩ athei.
4
Nũndũ nĩ w’o, ithyĩ ala twĩ wĩkalonĩ ũũ nĩtũlumaa, naw’o nĩ kũitavĩwa; ti kwĩthĩwa nĩtũkwenda kũvuũwa, ĩndĩ twĩenda mũno kũvw’ĩkwa, nĩ kana ũsu ũkusaa ũmelw’e nĩ thayũ.
5
Na ũla watũseũvisye kwondũ wa ũndũ ũsu nĩ Ngai, ũla watũnengie ngwatĩlĩlyo, nayo nĩ Veva.
6
Na ĩndĩ nĩkwĩthĩwa matukũ onthe twĩ na ũkũmbaũ, na kũmanya kana, yĩla twĩ vaa nthĩnĩ wa mwĩĩ, tũti kwa Mwĩaĩi:
7
(nũndũ tũkinyaa kwa kũĩkĩĩa, ti kwa kwona;)
8
nĩngwasya twĩ na ũkũmbaũ mũnene, naitũ nĩtwĩtĩkĩle kavaa tũikethĩwe vo nthĩnĩ wa mwĩĩ, twĩthĩwe vamwe na Mwĩaĩi.
9
Kwondũ wa ũu naitũ nĩtũkwĩthangaasya, ethĩwa twi mwĩĩnĩ kana ethĩwa tũti nthĩnĩ waw’o, twĩthĩwe twĩ andũ ma kũmwendeeasya we.
10
Nũndũ ithyĩ ithyonthe nĩtũkaumĩlw’a mbee wa kĩvĩla kya sila kya Klĩsto; nĩ kana kĩla mũndũ ose maũndũ ala meekiwe e nthĩnĩ wa mwĩĩ, kwĩanana na ũndũ wekie, o na ethĩwa nĩ ũseo kana ũthũku.
11
Ĩndĩ tũkĩmanya kũmũkĩa Mwĩaĩi, twĩmanzanza andũ, ĩndĩ nĩtwonanĩtw’e kwa Ngai; nakwa nĩnĩkwatĩtye kana nĩtwonanĩtw’e naw’o nthĩnĩ wa mawasya ma ngoo menyu.
12
Tũikwĩĩkĩĩthya ene ĩngĩ mbee wenyu, ĩndĩ nĩtũũmũnenga ũthei wa kwĩkathĩĩa kwondũ witũ, nĩ kana mwĩthĩwe na ũndũ wa ũmasũngĩa ala mekwĩkathĩĩa maũndũnĩ ala monekaa nĩ andũ, na ti ala ma ngoonĩ.
13
Nũndũ o na ethĩwa kĩlĩko kitũ nĩkyaĩte, nĩ kwondũ wa Ngai; kana ethĩwa twĩ nakyo, nĩ kwondũ wenyu.
14
Nũndũ wendo wa Klĩsto nũũtũthing’ĩĩsya; nĩkwĩthĩwa twĩona atĩ ũmwe nĩwakwie kwondũ wa onthe, kwondũ wa ũu onthe nĩmakwie;
15
nake nĩwamakwĩĩe onthe, nĩ kana ala me thayũ maikethĩwe naw’o ĩngĩ kwondũ woo ene, ĩndĩ no kwondũ wake ũla wakwie na athayũũka ĩngĩ kwondũ woo.
16
Na kwa ũu kuma yu tũimwĩsĩ mũndũ kĩ‐mwĩĩ: o na ethĩwa nĩtwamũmanyĩte Klĩsto kĩ‐mwĩĩ, ĩndĩ yu tũtiũmũmanya ũu ĩngĩ.
17
Na kwa ũu ethĩwa mũndũ o na wĩva e nthĩnĩ wa Klĩsto, nĩ kyũmbe kyeũ: maũndũ ala makũũ nĩ mavĩtu; sisyai, nĩmatw’ĩkĩte meũ.
18
Ĩndĩ maũndũ onthe nĩ ma Ngai, ũla watwĩw’anĩthye nake mwene kwondũ wa Klisto, na watũnengie ũthũkũmi wa wĩw’anĩthyo;
19
naw’o nĩ ũũ, Ngai aĩ nthĩnĩ wa Klĩsto, aimĩw’anĩthya nthĩ nake Klĩsto, aimĩw’anĩthya nthĩ nake mwene, ateũmatalĩla andũ mavĩtyo moo, na nũtwĩkĩĩte nthĩnĩ waitũ ĩla ndeto ya kwĩw’anĩthya.
20
Na ĩndĩno twĩ atũmwa kwondũ wa Klĩsto, o ta Ngai ũnũkwĩsũvanĩla kwitũ: nitũũmwĩsũva kwondũ wa Klisto, mwĩw’anithw’e na Ngai.
21
Ũla ũtaamanya naĩ amũtwie kwĩthĩwa naĩ kwondũ witũ; nĩ kana ithyĩ tũtw’ĩke ũlũngalu wa Ngai nthĩnĩ wake.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 6 →
All chapters:
1
2
3
4
5
6
7
8
9
10
11
12
13