bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Chronicles 7
2 Chronicles 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
1
Mũsumbĩ Solomoni amina kũvoya, mwaki nĩwatheeie kuma ĩtunĩ na wavĩvya nthembo ĩla yaĩ ĩnathembwa, na ũtheu mũtisu wa Mwĩai Ngai wausũa Ĩkalũnĩ.
2
Athembi mayaatonya kũlika vau Ĩkalũnĩ, nũndũ ũtheu ũsu mũtisu nĩwausũĩte vo.
3
Yĩla andũ ma Ĩsilaeli moonie mwaki ũsu watheea kuma ĩtunĩ, na moona ũtheu mũtisu wa Mwĩai Ngai wausũa Ĩkalũnĩ, nĩmatulilye ndu vandũ vaseũvye na mavia, mothyũ moo matinĩte nthĩ, mathaitha Mwĩai Ngai na mamũtũngĩa mũvea mayasya atĩĩ, “Mwĩai Ngai nĩ mũseo, na wendo wake ũtaolekaa nĩwĩkalaa tene na tene.”
4
Nĩvo ĩndĩ Mũsumbĩ Solomoni vamwe na andũ ala angĩ onthe mathembeie Mwĩai Ngai nthembo.
5
Solomoni nĩwathembie ng'ombe ngili mĩongo ĩlĩ na ilĩ, na malondu ngili ĩana na mĩongo ĩlĩ. Ũu nĩw'o mũsumbĩ na andũ onthe ma Ĩsilaeli mavathie Ĩkalũ ya Ngai.
6
Athembi nĩmaũngamie kũndũnĩ kũla mavangĩĩwe kũũngama, namo Alivai maũngama masyaanĩtye namo, makwete mĩio ya mbathi ĩla Mũsumbĩ Ndeviti waseũvĩtye kwondũ wa kũtũngĩa Mwĩai Ngai mũvea. Mainaa mayasya atĩĩ, “Wendo wake ũtaolekaa nĩwĩkalaa tene na tene,” o tondũ Ndeviti wameaĩĩte. Athembi maendee kũvuva masoo, andũ ma Ĩsilaeli onthe nĩmaũngamĩte.
7
Mũthenya o ũsu, Solomoni nĩwavathie kĩsio kya katĩ kya kĩwanza kĩla kyaĩ mbee wa Ĩkalũ ya Mwĩai Ngai, na athembea vo nthembo sya kũvĩvw'a na mathunya ma nthembo sya ngwatanĩo. Eekie ũu nũndũ kĩthembeo kya mbulonzi kĩla waseũvĩtye, kyaĩ kĩnini ũkethĩa kĩitonya kwĩanĩa nthembo sya kũvĩvw'a, nthembo sya ngetha ya mbaa mbeke, na mathunya ma nthembo sya ngwatanĩo.
8
Kwoou Solomoni na andũ onthe ma Ĩsilaeli, nĩmatanĩie Mboka ya Tũsũmba twa matũ ĩvinda ya mĩthenya mũonza. Vaĩ nguthu nene mũno ya andũ maumĩte kũndũ kũasa, ta Ũlikĩlonĩ wa Amathi ũla wĩ ngalĩko ya ĩũlũ, na mũvakanĩ wa Misili ũla wĩ ngalĩko ya Ĩtheo.
9
Mũthenyanĩ wa nyanya, nĩmeethĩiwe na wũmbano wa ũthaithi, nũndũ maĩ maneethĩwa na mboka ya kũvathwa kwa kĩthembeo vandũ va mĩthenya mũonza, na mboka ya Tũsũmba twa Matu vandũ va mĩthenya ĩngĩ mũonza.
10
Mũthenyanĩ wa mĩongo ĩlĩ na itatũ wa mwei wa mũonza, Solomoni nĩwaekie andũ menũka mĩsyĩnĩ kwoo, me na mũyo na ũtanu ngoonĩ nũndũ wa moseo ala Mwĩai Ngai weekĩte Ndeviti, Solomoni na andũ make ma Ĩsilaeli.
11
Mũsumbĩ Solomoni amina kwaka Ĩkalũ ya Mwĩai Ngai na nyũmba ya kĩ-ũsumbĩ, vamwe na maũndũ onthe ala wavangĩte kwĩka kwondũ wa Ĩkalũ ya Mwĩai Ngai na nyũmba yake ya kĩ-ũsumbĩ,
12
Mwĩai Ngai nĩwamumĩlĩĩle ũtukũ na amwĩa atĩĩ, “Nĩnĩw'ĩte mboya yaku, na nĩnĩvathĩte Ĩkalũ yĩĩ yĩthĩwe vandũ vala nĩthembeawa nthembo.
13
Yĩla nalea kusya mbua, kana neeaĩa ngie iye mĩmea, kana yĩla naeka andũ makwa makwatwe nĩ ũwau mũthũku,
14
ethĩwa andũ makwa, ala metanĩaw'a na ĩsyĩtwa yakwa, makeenyivya na maivoya na mayĩthyũũa matie naĩ syoo na mainzyokea, nĩvo ĩndĩ nĩmasũngĩa nĩ ĩtunĩ. Ngamaekea naĩ syoo na ngĩtuma nthĩ yoo ĩendeea nesa ĩngĩ.
15
Ngasyaĩĩasya Ĩkalũ yĩĩ na ngĩthukĩĩasya mboya syonthe ila syĩvoyeawa vo.
16
Nĩnĩnyuvĩte na nĩnĩvathĩte Ĩkalũ yĩĩ, nĩ kana nĩthaithĩawe vo tene na tene. Ngayendaa na kũyĩsũvĩaa mavinda onthe.
17
Ethĩwa ũkambĩw'aa o ũndũ Ndeviti ĩthe waku weekaa, na ũyĩkaa maũndũ onthe ala nĩkwĩaĩe, na kwĩanĩsya motw'ĩo na myamũlo yakwa,
18
ngalũlũmĩĩlya kĩvĩla kyaku kya kĩ-ũsumbĩ, o ũndũ natianĩie na Ndeviti ĩthe waku namwĩa atĩĩ, ‘Vai ĩvinda Ĩsilaeli ĩkethĩwa ĩte na mũsumbĩ kuma nzyawanĩ syaku.’
19
Ĩndĩ ethĩwa we na andũ maku mũkaeka kũngatĩĩa, kwa kũlea kwĩanĩsya motw'ĩo na mĩao ĩla nĩmwĩaĩĩte, na mũithi kũthũkũma na kũthaitha ngai ingĩ,
20
nĩvo ĩndĩ nĩmũvetanga inyw'ĩ kuma nthĩ yakwa, ĩla namũnengie. O ta ũu Ĩkalũ yĩĩ nĩvathĩte nĩthaithĩawe vo ngayananga, na ngĩtuma yĩvũthw'a na kũvũĩwa ngũĩ nĩ andũ onthe.
21
“O na vala yu Ĩkalũ yĩĩ nĩ ĩnene na yanake, kĩla mũndũ esĩlĩte vakuvĩ nayo akatelemaa na aikũlya atĩĩ, ‘Mwĩai Ngai ekĩte nthĩ ĩno na Ĩkalũ yĩĩ ũu nĩkĩ?’
22
Nĩvo ĩndĩ andũ mesũngĩaa na kwasya atĩĩ, ‘Ekĩte ũu nũndũ andũ aa nĩmatiĩte Mwĩai Ngai, Ngai wa aaũmae moo, ũla wamaumisye nthĩ ya Misili. Nĩmakwatanĩte na ngai ingĩ, makaithaitha na kwithũkũma. Kĩu nĩkyo kĩtumĩte Mwĩai Ngai amaetee ũthũku ũnenevete ũu.’ ”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36