bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Luke 13
Luke 13
Kamba (MBIVILIA ŨVOO MŨSEO)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Ĩvindanĩ o yĩu, andũ amwe maĩ vau nĩmatavisye Yesũ ĩũlũ wa Akalilii mooaiwe nĩ Vilato maendee na kumya nthembo.
2
Yesũ nĩwamasũngĩie amea atĩĩ, “Mwĩsũanĩa kana Akalilii asu mooaiwe ũu maĩ avĩtany'a kũvĩtũka Akalilii ala angĩ?
3
Aiee, ũu ti w'o! Mwoona mwalea kwĩlila kwondũ wa naĩ syenyu, o nenyu mũkakw'a ta mo.
4
Kana mwĩsũanĩa ala andũ ĩkũmi na nyanya matumbiwe nĩ nyũmba ndũlu ĩla yaĩ Siloamu makw'a, maĩ avĩtany'a kũvĩtũka andũ onthe ala mekalaa kũu Yelũsalemu?
5
Aiee, ũu ti w'o! Mwoona mwalea kwĩlila kwondũ wa naĩ syenyu, o nenyu mũkakw'a ta mo.”
6
Nĩvo ĩndĩ Yesũ wamatavisye ngelekany'o ĩno: “Ve mũndũ ũmwe waĩ na mũkũyũ wavandĩte mũũndanĩ wake wa mĩsavivũ. Nĩwaendie akatw'e makũyũ, ĩndĩ eethĩa ndwĩ kĩndũ.
7
Kwoou eea mũthũkũmi wake ũla wasũvĩaa mũũnda ũsu atĩĩ, ‘Kwa sisya, vandũ va myaka ĩtatũ nĩthĩĩtwe ndyũka kũtw'a makũyũ mũkũyũnĩ ũũ, ĩndĩ ndivethĩaa o na yĩmwe. Ũteme! Wĩanangĩa mũthanga kĩ?’
8
Ĩndĩ mũthũkũmi wake amwĩa, ‘Mũnene! Wũeke vandũ va mwaka ũngĩ ũmwe, nambe kũwũĩmĩa na kũwĩkĩa vũũ.
9
Wasyaa mwaka ũsu ũngĩ, ũkeethĩwa ne ũndũ ũseo; waema kũsyaa, ĩvinda yĩu wĩasya nũtemwe.’ ”
10
Mũthenyanĩ ũmwe wa Savato, Yesũ nĩwamanyĩasya nyũmbanĩ ya Ayuti ya kũthaithĩa na kũmbanĩa.
11
Vau vaĩ mũndũ mũka ũmwe walikĩtwe nĩ ĩimũ yĩkamũtw'a kyonze vandũ va myaka ĩkũmi na nyanya. Aendaa akunguutĩtye, na ndaĩ atonya kũũngalala.
12
Yĩla Yesũ wamwonie nĩwamwĩtie amwĩa atĩĩ, “Mũndũ mũka, nĩwathaw'a kuma ũwaunĩ waku!”
13
Nĩwamwilĩĩile moko na o vau kwa vau aũngalala na amũkatha Ngai.
14
Mũtongoi wa nyũmba ĩsu ya Ayuti ya kũthaithĩa na kũmbanĩa nĩweewie woo mũno, nũndũ wa Yesũ kũvosya mũndũ mũthenyanĩ wa Savato, na kwoou ookĩla atavya andũ amea atĩĩ, “Ve mĩthenya ĩla andũ maĩlĩte kũtethya wĩa; ũkai mĩthenyanĩ ĩsu mũvow'e, ĩndĩ ti mũthenyanĩ wa Savato.”
15
Nĩvo ĩndĩ Mwĩai wamũsũngĩie amwĩa atĩĩ, “Inyw'ĩ andũ ma mĩseũvyo! Kĩla ũmwe wenyu ndathaasya ng'ombe yake kana ĩng'oi yake mũthenyanĩ wa Savato, akaumya vala indo inengeawe lĩu akathi kũnyithya?
16
Mũndũ mũka ũũ, ũla nĩ nzyawa ya Avalaamu, ekalĩte ovetwe nĩ Satani vandũ va myaka ĩkũmi na nyanya. Nĩkũlya, we o nake ndaĩlĩte kũthaw'a mũthenyanĩ wa Savato?”
17
Ndeto isu sya Yesũ nĩsyatumie amaitha make mew'a nthoni mũno, ĩndĩ andũ ala angĩ onthe matana mũno nũndũ wa maũndũ manene ala weeka.
18
Nĩvo ĩndĩ Yesũ wamakũlilye atĩĩ, “Ũsumbĩ wa Ngai w'o ũilyĩ ata? Ndonya kũũvw'anany'a na kyaũ?
19
No ũvw'ananw'e na mũndũ ũmwe ũla woosie mbeũ ĩla niini vyũ, amĩvanda mũũndanĩ wake. Nĩyameie na yeana yatw'ĩka mũtĩ, o na nyũnyi syooka syaaka ndala mbongenĩ syaw'o.”
20
O ĩngĩ Yesũ nĩwamakũlilye atĩĩ, “Ndonya kũvw'anany'a ũsumbĩ wa Ngai na kyaũ?
21
No ũvw'ananw'e na mũndũ mũka ũmwe ũla woosie mbota na amĩkĩa mũtunĩ wa maleve elĩ na nyusu na w'onthe waimba.”
22
Yesũ o aendee na kyalo kya kũthi Yelũsalemu nĩwesĩlile ndũanĩ syĩ kĩvathũkany'o aimanyĩsya andũ.
23
Mũndũ ũmwe nĩwamũkũlilye atĩĩ, “Mwĩai, andũ ala metangĩĩwa makeethĩwa me anini?”
24
Nake Yesũ amea atĩĩ, “Ĩkĩai kĩthito mũlikĩle kamũlomonĩ kala katheke, nũndũ andũ aingĩ makenda kũlika ĩndĩ maikatonya.
25
Ĩvinda nĩyũkĩte yĩla mwene wa nyũmba wĩũkĩla avinge mũomo. Nĩvo ĩndĩ nenyu mũũngyĩ nza mwĩambĩĩa kũkũnanga mũomo mũyasya, ‘Mwĩai, tũvingũĩe.’ Ĩndĩ nake akamũsũngĩa, ‘Nyie ndyĩsĩ vala mumĩte.’
26
Nĩvo ĩndĩ nenyu mwĩmwĩa atĩĩ, ‘Mbona twaĩsaa na kũnyw'a vamwe naku, na nĩwamanyĩasya ndũanĩ kwitũ!’
27
Ĩndĩ nake akamwĩa, ‘Ekai nĩmũtavye, nyie ndyĩsĩ vala mumĩte. Umai vaa nĩĩ andũ aa mwĩkaa maũndũ mathũku!’
28
Vau nĩvo mũkaĩa na kũvevetany'a maeo, yĩla mwĩmwona Avalaamu, Isaka, Yakovo na athani onthe me ũsumbĩnĩ wa Ngai, nenyu mwĩkĩtw'e nza!
29
Andũ nĩmakoka kuma wumĩlonĩ wa syũa na ũthũĩlonĩ wayo, na kuma ngalĩko ya ĩũlũ na ya ĩtheo, na makaya ũsumbĩnĩ wa Ngai.
30
Kwoou ala yu matongoew'e nĩmakatongosya, na ala yu matongoetye nĩmakatongoew'a.”
31
Ĩvindanĩ yĩu Avalisi amwe nĩmookie vala ve Yesũ na mamwĩa atĩĩ, “Uma vaa ũthi, nũndũ Elote nũkwenda ũkũwaa.”
32
Ĩndĩ Yesũ amea atĩĩ, “Endai mũkatavye mbĩwa ĩsu, ‘Nĩlũngya maimũ na kũvosya awau ũmũnthĩ na ũnĩ, na aũke ngĩmina wĩa wakwa.
33
Ĩndĩ ũu wĩ o vo, no nginya nĩendee na kyalo kyakwa ũmũnthĩ, ũnĩ na aũke, nĩkwĩthĩwa ti ũseo mwathani kũaĩwa nza wa Yelũsalemu.’
34
“We Yelũsalemu, Yelũsalemu! Wũaa athani na ũikimanga na mavia andũ ala ũtũmĩawa nĩ Ngai! Nĩ mavinda meana nendie kũmbany'a andũ maku o ũndũ ngũkũ yũmbanasya tũswii twayo na ĩivw'ĩkĩa, ĩndĩ walea kũmbĩtĩkĩlya!
35
Kwoou yu, Ĩkalũ yenyu yĩkatiwa yĩ ĩthei. Ekai nĩmũtavye, mũikambona ĩngĩ kũvika ĩvinda yĩla mũkasya, ‘Nĩ mũathime ũla wũkĩte ĩsyĩtwanĩ ya Mwĩai!’ ”
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24