bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Luke 17
Luke 17
Kamba (MBIVILIA ŨVOO MŨSEO)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Yesũ nĩwasyokie atavya amanyĩw'a make amea atĩĩ, “Matatwa mailea kũka mũndũnĩ, ĩndĩ kyeva nĩ kwa mũndũ ũla ũtumaa moka.
2
Nĩ kavaa mũndũ ũsu akoveewa ĩvia ĩnene ngingo na kwĩkw'a ũkanganĩ, kwĩ kũtuma ũmwe wa aa anini eka naĩ!
3
Kwoou ĩsũvĩei mũno maũndũnĩ ala mũkwĩka! “Ethĩwa mwana-a-au nĩwakũvĩtĩsya mũkany'e, na akwĩtya ũekeo mũekee.
4
O na ethĩwa akũvĩtĩsya mavinda mũonza kwa mũthenya na kĩla ĩvinda ayũka aikw'ĩa, ‘Nĩngũvĩtĩsye, ndekee,’ no nginya ũmũekee.”
5
Atũmwa nĩmeeie Mwĩai atĩĩ, “Twongeleele mũĩkĩĩo!”
6
Nake Mwĩai amea atĩĩ, “Kethĩwa mwĩ na mũĩkĩĩo wĩana o mbeke ĩla nini ya mũtĩ nĩkwĩa mũkũyũ ũũ, ‘Kũka vau ũkevande ũkanganĩ,’ na ũyĩka ũu mwasya.
7
“Nũũ katĩ wenyu mũthũkũmi wake ekũĩmaa kana ekũĩthasya malondu asyoka mũsyĩ aumĩte wĩanĩ ũmwĩa, ‘Ĩkalaate wĩkale nthĩ ũathĩw'e?’
8
Vandũ va ũu amwĩaa atĩĩ, ‘Enda ũnzeũvĩsye lĩu wa wĩoo, na ũyĩyova kĩkoi wũke ũnthũkũme nambe kũathĩw'a. We nũkwĩsa kũya ĩtina.’
9
Mũthũkũmi ũsu ndatũngĩawa mũvea nũndũ wa kwĩanĩsya ũndũ weewa eke.
10
Kwoou o nenyu, yĩla mweanĩsya kĩla mwĩĩtwe mwĩke aasyai, ‘Ithyĩ twĩ o athũkũmi, na tweeka kũtethya o wĩa ũla witũ.’ ”
11
Yesũ o aendete Yelũsalemu, nĩwesĩlile mũvakanĩ wa Samalia na Kalilii.
12
Aendete akalike ndũanĩ ĩmwe, nĩwakomanie na aũme ĩkũmi mawaĩte mangũ. Nĩmaũngamie vaasa,
13
na meetana na wasya mũnene mayasya atĩĩ, “Yesũ! Mũmanyĩsya, twĩw'ĩe tei!”
14
Yĩla Yesũ wamonie nĩwameie atĩĩ, “Endai mũkeyonany'e kwa athembi maĩkĩĩthye kana mwĩ avou.” Me nzĩanĩ maendete nĩmavoiw'e.
15
Yĩla ũmwe woo woonie kana nĩwavow'a, nĩwasyokie aimũkatha Ngai na wasya mũnene.
16
Nĩwakomie nthĩ na ĩvu vakuvĩ na Yesũ na amũtũngĩa mũvea; mũndũ ũsu aĩ Mũsamalia.
17
Yesũ nĩwakũlilye atĩĩ, “Andũ ala mavow'a ti ĩkũmi? Ala angĩ kenda maĩva?
18
Mbona mũeni ũũ e weka nowe wasyoka amũtũngĩe Ngai mũvea?”
19
Yesũ amwĩa atĩĩ, “Ũkĩla ũthi, nĩwavow'a nũndũ wa mũĩkĩĩo waku.”
20
Avalisi amwe nĩmamũkũlilye Yesũ yĩla ũsumbĩ wa Ngai ũkoka. Nake amasũngĩa amea atĩĩ, “Ũsumbĩ wa Ngai ti kĩndũ kya kwoneka kyũkĩte.
21
Vai mũndũ ũkethĩwa atonya kwasya, ‘Kwa sisyai nĩ ũũ vaa,’ kana, ‘Nĩ ũya vaya,’ nũndũ ũsumbĩ wa Ngai wĩ katĩ wenyu.”
22
Nĩvo ĩndĩ weeie amanyĩw'a make atĩĩ, “Ĩvinda nĩyũkĩte yĩla mũkenda kwona ũmwe wa mĩthenya ya Mwana wa Mũndũ, ĩndĩ mũikawona.
23
Ve andũ makokĩla mamwĩe, ‘Sisyai e vaya,’ kana ‘Sisyai e vaa!’ Mũikaamaatĩĩe.
24
Mwana wa Mũndũ akaumĩla ta ũtisi, ũla ũtisaa ũkathesya ĩtu yonthe.
25
Ĩndĩ mbee wa ũu, akamba kũthĩnw'a mũno na kũlewa nĩ andũ ma ĩvinda yĩĩ.
26
O ũndũ kwailyĩ ĩvindanĩ ya Noa, now'o kwĩĩthĩwa kũilyĩ ĩvindanĩ ya Mwana wa Mũndũ.
27
Ĩvindanĩ yĩu, andũ nĩmaĩsaa na kũnyw'a, na nĩmatwaanaa na kũtwawa, kũvika mũthenya ũla Noa walikile ngalawanĩ, na kwooka kĩla kĩw'ũ kingĩ kyamoaa.
28
Yĩkeethĩwa yĩilyĩ ũndũ kwailyĩ ĩvindanĩ ya Loto. Andũ nĩmaĩsaa na kũnyw'a, na nĩmathooaa syĩndũ na kũthoosya, na nĩmavandaa na kwaka myako.
29
Ĩndĩ mũthenya ũla Loto waumie Sondomu, mwaki wa lavuti nĩwatheeie kuma ĩtunĩ wamavĩvya andũ onthe makw'a.
30
Ũu now'o kwĩĩthĩwa kũilyĩ mũthenya ũla Mwana wa Mũndũ wĩumĩla.
31
“Mũthenyanĩ ũsu, mũndũ ũla ũkethĩwa nyũmbanĩ yake ĩũlũ, ndakaatinde aitheea ose mĩio kuma nyũmbanĩ yake, na o ta ũu, ũla ũkethĩwa mũũndanĩ ndakaatinde aisyoka mũsyĩ.
32
Lilikanai kĩla kyeekĩkie kwa mũka wa Loto!
33
Mũndũ ũla wendaa kũsũvĩa thayũ wake akawasya; ĩndĩ ũla waasya thayũ wake akawona ĩngĩ.
34
Ekai nĩmũtavye, ũtukũ ũsu andũ elĩ nĩmakethĩwa makomete kĩtandanĩ kĩmwe; ũmwe nũkoswa, na ũla ũngĩ aitiwa.
35
Aka elĩ nĩmakethĩwa maithiĩa ĩvianĩ yĩmwe; ũmwe nũkoswa na ũla ũngĩ aitiwa.” [
36
O ta ũu, aũme elĩ makeethĩwa mũũndanĩ; ũmwe nũkoswa na ũla ũngĩ aitiwa.]
37
Amanyĩw'a ma Yesũ nĩmamũkũlilye atĩĩ, “Mwĩai ũndũ ũũ ũkeethĩwa va?” Nake Yesũ amasũngĩa, “Vandũ vala ve kimba nĩvo ndei syũmbanĩlĩĩlaa.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24