bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Luke 14
Luke 14
Kamba (MBIVILIA ŨVOO MŨSEO)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Mũthenyanĩ ũmwe wa Savato, Yesũ nĩwaendie kũathĩw'a mũsyĩ kwa ũmwe wa atongoi ma Avalisi, na andũ ala maĩ vau mekala mamũsyaĩtye mũno.
2
Mũndũ ũmwe waĩ na ũwau wa kwimba mwĩĩ nĩwaũngamie mbee wa Yesũ,
3
nake Yesũ amakũlya amanyĩsya ma Mĩao na Avalisi atĩĩ, “Nĩ waĩlu kũvosya mũndũ mũthenyanĩ wa Savato?”
4
Ĩndĩ mayaasũngĩa ũndũ. Yesũ nĩwoosie mũndũ ũsu amũvosya, na amũeka athi.
5
Nĩvo ĩndĩ wamakũlilye atĩĩ, “Nũũ katĩ wenyu ũla mwana wake kana ng'ombe yake ĩlikĩte ĩimanĩ ĩliku, ũtamĩkusya akamyumya o vau kwa vau mũthenyanĩ wa Savato?”
6
Namo mayaaĩthĩwa na ndeto mamũsũngĩa.
7
Yesũ nĩwoonie ũndũ andũ amwe katĩ wa ala mathoketw'e maendie kwĩkala ivĩlanĩ sya mbee, na kwoou amatavya ngelekany'o ĩno asya atĩĩ,
8
“Wathokw'a nĩ mũndũ mbokanĩ ya mũtwaano, ndũkaaĩkale ivĩlanĩ ila sya mbee; nĩvatonyeka vakethĩwa mũndũ ũngĩ mũnene kwĩ ue ũthoketw'e.
9
Mũndũ ũsu akoka, ũla eĩmũthoketye mwĩ elĩ oka akakwĩa atĩĩ, ‘Ũkĩlĩĩla ũũ kĩvĩla kĩu,’ Nĩvo ĩndĩ we wuma vau wĩw'ĩte nthoni ũkathi kwĩkala naku ĩtina.
10
Kwoou wathokw'a, ĩkalaa ivĩlanĩ sya ĩtina, nĩ kana mũndũ ũla eĩkũthoketye ooka akwĩe, ‘Ũka kũũ mbee.’ Vau ũkeethĩwa wanengwa ndaĩa mũno andũnĩ ala wĩĩthoketw'e namo.
11
Nũndũ ũla wĩnenevasya akanyivw'a, nake ũla wĩnyivasya akanenevw'a.”
12
Nĩvo ĩndĩ Yesũ weeie mũndũ ũla wamũthoketye atĩĩ, “Yĩla waseũvya lĩu wa kũĩsanĩa na andũ, ndũkathokasye anyanyau, kana ana-a-au, kana andũ ma mũsyĩ wenyu, kana o na atũi ala athwii. Nũndũ onamo nĩmatonya ũkũthokya, na kwa nzĩa ĩsu mayĩthĩwa makũĩva.
13
Ĩndĩ thokasya ala ngya na ala au mamutha, ala me na maũũ mathũku na ilalinda.
14
Kwa nzĩa ĩsu ũkakwata ũathimo nũndũ mo maikũĩvĩkya, ĩndĩ ũkaĩvwa ĩvinda yĩla andũ ala mekaa ũla waĩlu makathayũũka kuma kwa akw'ũ.”
15
Ũmwe wa aeni ala maĩ vau eew'a ũu, nĩwamwĩie Yesũ atĩĩ, “Nĩ mũathime mũndũ ũla ũkaya lĩu ũsumbĩnĩ wa Ngai!”
16
Ĩndĩ Yesũ amwĩa atĩĩ, “Kwaĩ mũndũ ũmwe waseũvĩtye mboka nene, na akathokya andũ aingĩ.
17
Yĩla ĩvinda ya mboka yavikie, nĩwatũmie mũthũkũmi ũmwe wake akatavye aeni ala mathoketw'e amee atĩĩ, ‘Ũkai, kĩla kĩndũ yu nĩkyũmbany'e.’
18
Ĩndĩ me onthe masya maitonya kũthi, na kĩla ũmwe anengane itumi syake: Wa mbee nĩweeie mũthũkũmi ũsu atĩĩ, ‘Nĩnĩũie kĩtheka, na no nginya nĩthi ngakyone; kwoou mwa, thi ũkee mũnene waku nandekee.’
19
Mũndũ wa kelĩ nake amwĩa atĩĩ, ‘Nĩnĩũie nzaũ ĩkũmi sya mũlaũ na nĩendete kũsisya kana nĩsyĩsĩ kũĩma; kwoou mwa, thi ũkee mũnene waku nandekee.’
20
Mũndũ wa katatũ nĩwamwĩie atĩĩ, ‘Nĩnĩnatwaanie mĩtũkĩ na kwoou nditonya kũka.’ ”
21
“Mũthũkũmi ũsu nĩwasyokie na atavya mũnene wake maũndũ asu onthe. Mũnene wake nĩwathatie mũno na eea mũthũkũmi wake atĩĩ, ‘Enda mĩtũkĩ kũya nzĩanĩ na malelũnĩ ma ndũa ũkete ngya na ala au mamutha, ilalinda na ala me na maũũ mathũku.’
22
O mĩtũkĩ mũthũkũmi ũsu nĩwookie na asya, ‘Mũnene, nĩneeka ũndũ wambĩa w'onthe, ĩndĩ nyũmba yĩ o na mwanya ũlika andũ angĩ.’
23
Nĩvo ĩndĩ mũnene ũsu wamwĩie atĩĩ, ‘Enda malelũnĩ na nzĩanĩ ila syĩ naku nza wa ndũa, ũkathing'ĩĩsye andũ moke nĩ kana nyũmba yakwa yusũe.
24
Ekai nĩmũtavye, vai mũndũ katĩ wa ala nĩĩthoketye wĩsama mboka ĩno yakwa!’ ”
25
Ĩkomano ĩnene ya andũ nĩyaendanĩtye na Yesũ nake amathyũũkĩa amea atĩĩ,
26
“Vai mũndũ ũtonya kũtw'ĩka mũmanyĩw'a wakwa atambendete mbee wa ĩthe wake, nyinyia, mũka, syana syake, ana-a-inyia, na eĩtu-a-inyia. Ĩĩ, ndatonya kũtw'ĩka mũmanyĩw'a wakwa atambendete mbee wa ũndũ wĩyendete we mwene.
27
O ta ũu, ũla ũtakuaa ngelany'o yake na kũngatĩĩa ndatonya kũtw'ĩka mũmanyĩw'a wakwa.
28
“Nũũ katĩ wenyu ayenda kwaka nyũmba ndũlu, ũtambaa kwĩkala nthĩ eke masavu mayo, na aisisya kana e na mbesa mbĩanu?
29
Ethĩwa akambĩĩa mwako ũsu na ũyĩemela katĩ, andũ mawona mambĩĩa kũmũthekeea
30
mayasya, ‘Mũndũ ũũ ambĩlĩĩlye mwako na waemela katĩ!’
31
“O ta ũu, nĩ mũsumbĩ wĩva ũtambaa kwĩkala nthĩ, asisye kana e na vinya mwĩanu wa kũthi kũkita na mũsumbĩ ũngĩ wĩ na asikalĩ ngili mĩongo ĩlĩ, ethĩwa we e o na asikalĩ ngili ĩkũmi?
32
Ethĩwa nde na vinya mwĩanu, nũtũmanaa kũla kwĩ mũsumbĩ ũsu ũngĩ e o kũasa, athi akakũlw'e ũndũ matonya kwĩthĩwa na mũuo.
33
Kwoou vai ũmwe katĩ wenyu ũtonya kũtw'ĩka mũmanyĩw'a wakwa ethĩwa ndatia syĩndũ syake syonthe.
34
“Mũnyũ nĩ mũseo, ĩndĩ ethĩwa nĩwaasya mũsamo, vai kĩndũ kĩtũngĩĩa mũsamo waw'o.
35
Ndwĩ vata kwĩkĩwa mũũndanĩ kana vũũnĩ, na kwoou nĩwĩkaw'a ĩtheka. Ũla wĩ kũtũ nĩew'e!”
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24