bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Matthew 10
Matthew 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Yesũ nĩwametie amanyĩw'a make ĩkũmi na elĩ moke vala ũĩ, na amanenga ũkũmũ wa kũlũngya maimũ, na kũvosya andũ mowau ma kĩla mũthemba, o vamwe na iema sya mĩthemba yonthe.
2
Masyĩtwa ma atũmwa asu ĩkũmi na elĩ nĩmo aa: Wa mbee nĩ Simioni, ũla wĩtawa Vetelo, na Endelea mwana-a-inyia; Yakovo na Yoana mwana-a-inyia ala nĩ ana ma Nzevetii;
3
Vilivũ na Mbatholomiũ; Tomasi na Mathayo ũla waĩ mumĩthya wa koti. Yakovo mwana wa Aveasi na Thateũsi;
4
Simioni Mũkanaani na Yutasi Ĩsikalioti ũla wesie kũmũthoosya Yesũ.
5
Yesũ nĩwatũmie atũmwa asu ĩkũmi na elĩ na ameaĩa aimea atĩĩ, “Mũikatate kũthi ndũanĩ sya Andũ-ma-mbaĩ-ingĩ, kana kũlika ndũanĩ sya Asamalia.
6
Endai kwa andũ ma Ĩsilaeli ala mailyĩ ta ndĩthya ya malondu mau.
7
Mũendete matavasyei mũimea atĩĩ, ‘Ũsumbĩ wa ĩtu nĩ mũthengeeu!’
8
Vosyai andũ ala awau, na mũisyũkya ala akw'ũ. O ta ũu vosyai andũ ala mawaĩte mangũ na mũilũngya maimũ. Mwanengwa ũkũmũ ũsu mana, kwoou ĩkai maũndũ asu mũtekũĩvĩthya kĩndũ.
9
Mũikakue mbesa sya mũthemba o na wĩva ngusunĩ syenyu;
10
o na mũikakue mũvuko wa kũthi kyalo kana ngũa ya ũkũany'a, kana iatũ, kana ndata. Mũthũkũmi nĩwaĩlĩte kũnengwa kĩla wĩ na vata nakyo.
11
“Mwathi mĩsyĩnĩ kana ndũanĩ o na yĩva, manthaai mũndũ mũseo ũla wĩyũmbanĩtye kũmũthokya, na mũyĩkala kwake kũvika yĩla mwĩuma vau.
12
Yĩla mũũlika mũsyĩ, kethasyai ene ma mũsyĩ ũsu ngethi ya mũuo.
13
Ethĩwa nĩmeũmũthokya, mũuo wenyu ũkatiawa namo, ĩndĩ malea kũmũthokya, mũuo ũsu ũkamũsyokeaa.
14
Ethĩwa ve andũ ma mũsyĩ kana ma ndũa matakamũthokya, mwĩuma vo na mũitia mwatuanga kĩtoo kĩla kĩ maũũnĩ menyu.
15
Nĩmũtavya w'o, Mũthenyanĩ wa Ũsilĩlo, andũ ma Sondomu na Ngomola makakwata ũsilĩlo mũninangi kũte andũ ma ndũa ĩsu.
16
“Ĩthukĩĩsyei! Nyie nĩmũtũma ta malondu katĩ wa nzũi. Ĩthĩwai mwĩsũvĩĩte ta nzoka, na mwĩ auu ta ĩvũĩ.
17
Ĩsũvĩanei na andũ, nũndũ makamũkwata na kũmũtwaa kotinĩ, na makamũvũĩa na mĩsalisa nyũmbanĩ syoo sya kũthaithĩa na kũmbanĩa.
18
O ta ũu, nũndũ wa kwĩthĩwa mwĩ aatĩĩi makwa, mũkatwawa mbee wa makavana na asumbĩ. Nĩvo ĩndĩ mwĩmatavya Ũvoo Mũseo me na Andũ-ma-mbaĩ-ingĩ.
19
Yĩla memũtwaa kotinĩ, mũikaatinde mũithĩnĩka nĩ kĩla mwĩthi kũneena na ũndũ mwĩkĩneena. Ĩvinda yĩu yavika, mũkanengwa kĩla mwĩneena.
20
Nũndũ ndeto ila mwĩneena iikethĩwa syĩ syenyu; Veva kuma kwa ĩthe wenyu nĩwe ũkethĩwa aineena kwĩsĩla vala mũĩ.
21
“Mũndũ akanengane mwana-a-inyia oawe, ĩthe wa mwana akanengane mwana wake oawe. O ta ũu syana ikookĩla ilee asyai masyo na kũmanengane moawe.
22
Nenyu mũkamenwa nĩ kĩla mũndũ nũndũ wakwa, ĩndĩ ũla ũkomĩĩsya kũvika mũminũkĩlyo akatangĩĩwa.
23
Yĩla mambĩĩa kũmũthĩnĩsya ndũanĩ ĩmwe, kĩaai mũkathi ĩngĩ. Nĩmũtavya w'o, mũikakomany'a kũtavany'a ndũanĩ syonthe sya Ĩsilaeli Mwana wa Mũndũ atanamba kũka.
24
“Vai mũmanyĩw'a mũnene kwĩ mũmanyĩsya wake, na vai mũthũkũmi wĩthĩwa e mũnene kwĩ mũnene wake.
25
Mũmanyĩw'a nĩwaĩlĩte kwĩanĩwa nĩ kwĩkala ta mũmanyĩsya wake, na mũthũkũmi ayĩanĩwa nĩ kwĩkala ta mũnene wake. Kwoou, ethĩwa andũ makeeta mwene wa mũsyĩ Mbeelisevuli, andũ ala angĩ ma mũsyĩ ũsu makeetwa masyĩtwa mathũku mbeange!
26
“Kwoou mũikakĩe andũ! Vai ũndũ mũvithe ũtakaumbũwa, kana kĩmbithĩ kĩtakamanyĩka.
27
Kĩla ngũmũtavya twĩ kĩvindunĩ, tavany'ai kwĩ kyeni, na kĩla ngũmũtavya na kĩwe, tavanĩsyai kĩtaanĩ.
28
Mũikakĩe andũ, nũndũ mo matonya o kũmũaa, ĩndĩ maitonya kwananga thayũ. Mwaĩlĩte kũkĩa Ngai e weka nũndũ nĩwe ũtonya kũmũaa na kwanangĩa mathayũ menyu ĩianĩ ya mwaki.
29
O na kau tũsũni twĩlĩ tũthooawa tũvesa tũnini, vai kamwe katw'o kakusaa Ĩthe wenyu atekwenda.
30
Inyw'ĩ o nenyu, Ngai nĩwĩsĩ ũtalo wa nzw'ĩĩ syenyu.
31
Kwoou mũikakĩe; mwĩ vata mũno kwĩ tũsũni o na twingĩvĩte ata!
32
“Mũndũ ũla ũkũsĩĩaa andũnĩ kana nĩ mũatĩĩi wakwa, o nakwa ngamũkũsĩĩa vala ve Ĩthe wakwa ũla wĩ ĩtunĩ nasye kana nĩ mũatĩĩi wakwa.
33
Ĩndĩ ũla wĩkaĩa mbee wa andũ asye ndambĩsĩ, o nakwa ngamũkaĩa mbee wa Ĩthe wakwa ũla wĩ ĩtunĩ nasye ndimwĩsĩ.
34
“Mũikasũanĩe ta nũkĩte kũũ ĩũlũ wa nthĩ kũete mũuo. Aiee, ndyũkĩte kũete mũuo katĩ wa andũ, nĩetete kaũ.
35
Nũkĩte kũtuma mwana akwatya kaũ na ĩthe, na mwĩĩtu akwatya kaũ na nyinyia, na mũka-a-mwana akwatya kaũ na inyia wa mũũme.
36
Amaitha ma mũndũ ala anene makeethĩwa ne o andũ ma mũsyĩ.
37
“Mũndũ ũla ũmwendaa ĩthe kana nyinyia kũthonoka ũndũ ũmbendete, ndaĩlĩtwe nĩ kwĩthĩwa mũmanyĩw'a wakwa. Na ũla ũmwendaa mwana wake kana mwĩĩtu wake kũthonoka ũndũ ũmbendete, ndaĩlĩtwe nĩ kwĩthĩwa mũmanyĩw'a wakwa.
38
O ta ũu, ũla ũtakuaa ngelany'o yake na kũngatĩĩa ndaĩlĩtwe nĩ kwĩthĩwa mũmanyĩw'a wakwa.
39
Mũndũ ũla wendaa kũsũvĩa thayũ wake, akawasya, ĩndĩ ũla ũkasya thayũ wake kwondũ wakwa, akawona ĩngĩ.
40
“Mũndũ ũla ũmũthokasya, ethĩawa anthokya; na ũla ũnthokasya, ethĩawa athokya ũla ũndũmĩte.
41
Ũla ũthokasya mwathani nũndũ wa kwĩthĩwa nĩ mwathani, akanengwa ĩtuvi yĩana o ya mwathani. Nake ũla ũthokasya mũndũ mũlũngalu nũndũ wa kwĩthĩwa nĩ mũndũ mũlũngalu, akakwata ĩtuvi ya mũndũ mũlũngalu.
42
Nĩmũtavya w'o, mũndũ o na wĩva ũla ũkanenga ũmwe wa amanyĩw'a aa makwa kĩndũ, o na ethĩwa no kĩw'ũ kya ũnyw'a nũndũ wa kwĩthĩwa nĩ mũmanyĩw'a wakwa, ũsu Ngai akamũnenga ĩtuvi.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28