bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Matthew 7
Matthew 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
1
“Mũikasilĩle andũ ala angĩ, nĩ kana o nenyu mũikasilĩlwe nĩ Ngai.
2
O ũndũ mũsilĩlaa andũ ala angĩ, now'o o nenyu mwĩsilĩlwa nĩ Ngai, na akamwĩka o ũndũ mwĩkaa andũ ala angĩ.
3
Nĩkĩ ũkwona kaũvavathĩ ke ithonĩ ya mũnyanyau na ndũkwona kĩting'ĩ kĩla kĩ ithonĩ yaku?
4
Ũtonya ata kwĩa mũnyanyau atĩĩ, ‘Eka ngumye kaũvavathĩ kau ke ithonĩ yaku,’ o yĩla ve kĩting'ĩ kĩ ithonĩ kwaku?
5
We mũndũ wa mĩseũvyo! Amba kumya kĩting'ĩ kĩu kĩ ithonĩ yaku, na ĩndĩ nũkwĩthĩwa ũtonya kwona nesa na kumya kaũvavathĩ ithonĩ ya mũnyanyau.
6
“Mũikanenge ngitĩ syĩndũ sya Ngai, nũndũ ikeeka o kũmũvĩndũka imũũmange. O ta ũu, mũikekĩsye ngũlũe masoa menyu ma thooa mũnene nũndũ syĩĩka o kũmakinyangĩa nthĩ.
7
“Ĩtyai Ngai kĩla mũkwenda na akamũnenga; manthai na mũkakwata; vingũsyai kwake, na mũkavingũĩwa.
8
Nũndũ mũndũ ũla wĩtasya Ngai kĩndũ o na kĩva nũnengawe; ũla ũmanthaa, nũkwataa; ũla ũvingũasya kwake, nũvingũĩawa.
9
Nũũ katĩ wenyu ũtonya kũnenga mwana wake ĩvia amwĩtya mũkate?
10
Kana akamũnenga nzoka amwĩtya ĩkũyũ?
11
Ethĩwa inyw'ĩ ĩndĩ mũthũkĩte ũndũ mũthũkĩte nĩmwĩsĩ kũnenga syana syenyu syĩndũ nzeo, Ĩthe wenyu ũla wĩ ĩtunĩ akamanenga syĩndũ nzeo mũno mbeange ata andũ ala mamwĩtasya!
12
“Kwoou ĩkaai andũ ala angĩ o ũndũ mwenda mo mamwĩkae, nũndũ ũu nĩw'o Mĩao ya Mwose na momanyĩsyo ma athani mekwasya.
13
“Likĩlai kamũlomonĩ kala katheke, nũndũ mũomo wa kũlika wanangĩkonĩ nĩ mũthanthau, na nzĩa ĩla ĩendete vo yĩ laisi kwĩsĩla. Andũ aingĩ nĩmesĩlaa nzĩanĩ ĩsu.
14
Ĩndĩ kamũlomo ka kũlika thayũnĩ ũtathela nĩ katheke, na kasĩla kala kaendete vo ke vinya kũatĩĩkĩka. No andũ anini makonaa.
15
“Ĩsũvĩanei na athani ma ũvũngũ! Mokaa kũla mũĩ mevw'ĩkĩte ũa wa ĩlondu, ĩndĩ nthĩnĩ nĩ nzũi mbai.
16
Mũkamamanya kwĩsĩla mekonĩ moo. Nzavivũ syaatuwa kĩthiianĩ, kana makũyũ makatuwa kĩkondunĩ?
17
Mũtĩ mũseo wĩthĩawa na ũsyao mũseo, ĩndĩ mũtĩ mũthũku wĩthĩawa na ũsyao mũthũku.
18
Mũtĩ mũseo ndũtonya kwĩthĩwa na ũsyao mũthũku, o tondũ naw'o mũtĩ mũthũku ũtatonya kwĩthĩwa na ũsyao mũseo.
19
Mũtĩ ũla ũtasyaa ũsyao mũseo nũtemawa na kwĩkw'a mwakinĩ.
20
Kwoou mũkamanyaa athani ma ũvũngũ kwĩsĩla mekonĩ moo.
21
“Ti kĩla mũndũ ũmbĩtaa, ‘Mwĩai, Mwĩai,’ ũkalika ũsumbĩnĩ wa ĩtu, ĩndĩ no ũla wĩkaa kwenda kwa Ĩthe wakwa ũla wĩ ĩtunĩ.
22
Mũthenyanĩ wa Ũsilĩlo andũ aingĩ nĩmakambĩa atĩĩ, ‘Mwĩai, Mwĩai, ithyĩ tũnatavanasya ũvoo wa Ngai ĩsyĩtwanĩ yaku; o na nĩtũnalũngasya maimũ na kwĩka syama mbingĩ tũitũmĩa ĩsyĩtwa yaku.’
23
Ĩndĩ nakwa ngamea atĩĩ, ‘Nyie ndimwĩsĩ! Umai vaa nĩĩ inyw'ĩ andũ aa mwĩkaa maũndũ mathũku!’
24
“Kwoou ĩndĩ, mũndũ ũla wĩthukĩĩasya momanyĩsyo aa makwa na kwĩka ũndũ mekwasya, avw'ana mũndũ ũmwe waĩ mũĩ ũla waakie nyũmba yake ĩvianĩ.
25
Mbua mbingĩ nĩyauie, mbũsĩ syausũa kũvikĩa kĩw'ũ kyakĩla, na iseve syauutana syakũna ĩla nyũmba. Ĩndĩ nyũmba ĩsu ndyaavalũka, nũndũ yaakĩtwe ĩvianĩ.
26
“Nake mũndũ ũla wĩthukĩĩasya momanyĩsyo aa makwa na ailea kwĩka ũndũ mekwasya, avw'ana mũndũ ũmwe waĩ mũtumanu ũla waakie nyũmba yake kĩthangathĩnĩ.
27
Mbua mbingĩ nĩyauie, mbũsĩ syausũa kũvikĩa kĩw'ũ kyakĩla, na iseve syauutana syakũna ĩla nyũmba yavalũka. Nyũmba ĩsu nĩyavalũkile na kĩlitũko kĩnene!”
28
Yesũ amina kũmanyĩsya maũndũ asu onthe, andũ onthe ala maĩ vau nĩmaseng'iw'e mũno nĩ ũndũ ũkũmanyĩasya.
29
We amanyĩasya na ũkũmũ, na ti ũndũ amanyĩsya ma Mĩao mamanyĩasya.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28