bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Matthew 5
Matthew 5
Kamba (MBIVILIA ŨVOO MŨSEO)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Yĩla Yesũ woonie makomano asu ma andũ aingĩ mũno, nĩwambatie kĩĩmanĩ ĩũlũ na ekala nthĩ vo. Amanyĩw'a make nĩmaendie mekala vakuvĩ nake,
2
na ambĩĩa kũmamanyĩsya ayasya:
3
“Nĩ aathime ala me na ũkya wa kĩ-veva, nũndũ ũsumbĩ wa ĩtu nĩ woo!
4
Nĩ aathime ala me na kĩĩo, nũndũ Ngai akamakiakisya!
5
Nĩ aathime ala auu, nũndũ makakwata kĩla Ngai wathanĩte.
6
Nĩ aathime ala mekwenda mũno kwĩka ũla waĩlu, nũndũ Ngai akamatonyethya kwĩka ũu!
7
Nĩ aathime ala mew'ĩaa andũ ala angĩ tei, nũndũ Ngai akamew'ĩa tei!
8
Nĩ aathime ala atheu ngoo, nũndũ makamwona Ngai.
9
Nĩ aathime ala maetae mũuo katĩ wa andũ, nũndũ Ngai akameta syana syake!
10
Nĩ aathime ala mathĩnaw'a nũndũ wa kwĩka ũla waĩlu, nũndũ ũsumbĩ wa ĩtu nĩ woo!
11
“Mwĩ aathime inyw'ĩ yĩla andũ meũmũumanga, na kũmũthĩny'a na kũmwilĩĩla ndeto nthũku sya kĩla mũthemba kwondũ wa kwĩthĩwa mwĩ aatĩĩi makwa.
12
Tanai na kwĩw'a mũyo, nũndũ nĩmwiĩwe ĩtuvi ĩnene mũno ĩtunĩ. Ũu now'o athani ala maĩ kw'o mbee wenyu mathĩniw'e nĩ andũ.
13
“Inyw'ĩ mwĩ ta mũnyũ kwa andũ onthe ĩũlũ wa nthĩ. Ĩndĩ ethĩwa mũnyũ nĩwaasya mũsamo, vai kĩndũ kĩtũngĩĩa mũsamo waw'o. Ũtw'ĩkaa wa mana na kwoou ũyĩkw'a ĩtheka na kũkinyangĩawa nthĩ nĩ andũ.
14
“Inyw'ĩ mwĩ ta kyeni kwa andũ onthe ĩũlũ wa nthĩ. Ndũa yakĩtwe kĩĩmanĩ ĩũlũ ndĩvithĩka.
15
Vai mũndũ ũkwatasya taa na aiũkunĩkĩlya mbisũ. Ĩndĩ nũwilĩĩlaa vandũ vatũlu, nĩ kana ũmulĩkĩle andũ onthe ala me nyũmba.
16
O ta ũu, kyeni kyenyu kyaĩlĩte kũmulĩkĩlaa andũ, nĩ kana mone mawĩa menyu maseo ala mwĩkaa, na maimũkumya ĩthe wenyu ũla wĩ ĩtunĩ.
17
“Mũikasũanĩe kana nookie kũvetanga Mĩao ya Mwose na momanyĩsyo ma athani. Aiee, ndyaaũka kũiveta, ĩndĩ nookie kũsyĩanĩĩsya.
18
Nĩmũtavya w'o, ĩtu na nthĩ ikathela, ĩndĩ vai kateto kana kaũmanyĩsyo ka Mĩao kakavetwa, nginya kĩla ũndũ ũwetetwe nthĩnĩ wa Mĩao wĩanĩw'e.
19
Kwoou ũla ũtũlaa kamwe ka mĩao ĩla yonekaa ta ate kĩndũ na kũmanyĩsya andũ angĩ mekae o take, ũsu akeethĩwa e mũnini ũsumbĩnĩ wa ĩtu. Ĩndĩ mũndũ ũla ũkwataa mĩao na kũmanyĩsya andũ angĩ mekae o take, ũsu akeethĩwa e mũndũ mũnene ũsumbĩnĩ wa ĩtu.
20
Ekai nĩmũtavye, mwaema kwĩthĩwa na mwĩkalo mũseo ũthonokete ũla wa amanyĩsya ma Mĩao na wa Avalisi, mũikalika ũsumbĩnĩ wa ĩtu.
21
“Nĩmwĩw'ĩte kana ĩvinda ya tene andũ nĩmeeiwe atĩĩ, ‘Ndũkoae mũndũ; na ũla wĩũaana akatwawa akasilĩlwe.’
22
Ĩndĩ nakwa nĩmũtavya kana ũla wĩw'ĩaa mũndũ ũngĩ woo akasilĩlwa, na mũndũ ũla wĩaa ũngĩ, ‘Wĩ wa mana mũno we!’ Akasilĩlwa nĩ nzama ya atumĩa, na ũla wĩtaa ũngĩ, ‘Ndia,’ akatw'ĩĩwa kũthi ĩianĩ ya mwaki.
23
Kwoou ethĩwa wĩ kĩthembeonĩ ũyumya nthembo na ũililikana kana wĩ na ũndũ na mũndũ,
24
tia nthembo yaku vau kĩthembeonĩ na ũithi ũkambe kwĩw'ana na mũndũ ũsu. Wamina kwĩka ũu, syoka ĩndĩ ũkaumye nthembo yaku.
25
“Ethĩwa ve mũndũ wĩ na ĩkoani nake na nũkũsikatĩte kotinĩ, tata wĩw'ane nake mũtanamba kũvika kotinĩ. Walea kwĩka ũu, mwavika kotinĩ nũkũũnengane kwa mũsili wa makoani, nake mũsili aikũnengane kwa asikalĩ makũvingĩe yela.
26
Nĩkũtavya w'o, ndũkauma vau ũtaĩvĩte kĩla ũtw'ĩĩwe kyonthe.
27
“Nĩmũmanyĩĩtw'e mwĩao ũkwasya atĩĩ, ‘Ndũkalaalae.’
28
Ĩndĩ nakwa nĩmũtavya kana mũndũ o na wĩva ũla ũmũsiasya mũndũ mũka na kũmwĩw'ĩa mũmeo, ngoonĩ ethĩawa alaalaa nake.
29
Kwoou ethĩwa itho yaku yĩkatuma wĩka naĩ, yĩthong'olye ũyĩkye ĩtheka! Nĩ kavaa kwaku kwasya ĩmutha yĩmwe ya mwĩĩ, kũte mwĩĩ waku w'onthe kwĩkw'a ĩianĩ ya mwaki.
30
Ethĩwa kw'oko kwaku kũkatuma wĩka naĩ, kũtile ũkwĩkye ĩtheka! Nĩ kavaa kwaku kwasya ĩmutha yĩmwe ya mwĩĩ, kũte mwĩĩ waku w'onthe kũtwawa ĩianĩ ya mwaki.
31
“O ĩngĩ nĩkwĩĩtwe atĩĩ, ‘Mũndũ o na wĩva amũlea mũka, nĩamũandĩkĩe valũa wa kwonany'a kana nĩwamũlea.’
32
Ĩndĩ nakwa nĩmũtavya kana ethĩwa mũndũ nĩwamũlea mũka kwondũ wa kĩtumi kĩngĩ eka ũlaalai, atumaa mũndũ mũka ũsu atw'ĩka kĩlaalai kwa kũtwawa nĩ mũndũ ũngĩ. Nake mũndũ atwaa mũndũ mũka ũleetwe nĩ mũũme, ethĩawa akĩlaalaa.
33
“Nĩmwĩw'ĩte o ĩngĩ kana ĩvinda ya tene andũ nĩmeeiwe atĩĩ, ‘Ndũkevĩte mana, ĩndĩ no nginya wĩanĩĩsye kĩla weevĩta kwa Ngai kana nũkwĩka.’
34
Ĩndĩ nakwa nĩmũtavya kana mũikevĩte na kĩndũ o na kĩva yĩla mũkwathana kĩndũ. Mũikevĩte na ĩtu, nũndũ nĩvo Ngai ũsumbĩkaa ailyĩ.
35
Mũikevĩte na nthĩ, nũndũ nĩvo Ngai ũkinyĩthasya maũũ make. O na mũikevĩte na Yelũsalemu, nũndũ nĩ mũsyĩ wa Ngai ũla nĩ Mũsumbĩ mũnene.
36
O ta ũu, mũndũ ndakevĩte na mũtwe wake, nũndũ nde na ũtonyi wa kũalyũla ũsw'ĩĩ ũmwe ũkeũva kana ũkaia.
37
Kwoou ethĩwa kĩla ũũneena nĩ kya, ‘Ĩĩ,’ asya o, ‘Ĩĩ,’ na ethĩwa nĩ kya, ‘Aiee,’ asya o, ‘Aiee.’ Ũndũ ũla wĩ mbee wa vau, wumaa kwa Ũla Mũthũku.
38
“Nĩmwĩw'ĩte kana nĩkwĩĩtwe atĩĩ, ‘Mũndũ akũtonya itho, o naku mũtonye yake; na mũndũ akũkũa ĩeo, o naku mũkũe yake.’
39
Ĩndĩ nakwa nĩmũtavya kana mũndũ ndakeyĩĩvanĩsye eekwa naĩ nĩ ũngĩ. Ethĩwa mũndũ nĩwaũkũna ĩtaunĩ ya kw'oko kwa aũme, mũthyũũĩe yĩla yĩngĩ o nayo.
40
Ethĩwa mũndũ akakũtwaa kotinĩ ayenda ũkũvena sati, mũnenge ĩkoti yaku o nayo.
41
O ta ũu, ethĩwa mũndũ akakũlasimĩthya ũmũkuĩe mĩio vandũ va kĩlomita kĩmwe, mũkuĩe kĩlomita ilĩ.
42
Mũndũ akũvoya kĩndũ mũnenge, na yĩla mũndũ ũkwenda ũkũkova kĩndũ, ndũkamũvate.
43
“O ĩngĩ nĩmwĩw'ĩte kana nĩkweeiwe atĩĩ, ‘Mwende mũtũi waku, na mũmene mũmaitha waku!’
44
Ĩndĩ nakwa nĩmũtavya kana nĩmwaĩlĩte kũmenda amaitha menyu na kũvoyeaa ala mamũthĩnasya.
45
Kwa kwĩka ũu, mũkeethĩwa mwĩ syana sya Ĩthe wenyu ũla wĩ ĩtunĩ. We aumasya syũa yake kwa andũ athũku na kwa andũ aseo o ũndũ ũmwe. O ta ũu, auasya mbua yake kwa andũ ala mekaa ũla waĩlu o na kwa avĩtany'a.
46
Ethĩwa mũkamenda o andũ ala mamwendete, mũkakwata ĩtuvi yaũ? Ũu tyo w'o aumĩthya ma koti mekaa?
47
Ethĩwa mũkethasya anyanyae menyu oka, mwĩona ta mwĩkĩte ũndũ ũthonokete ũla andũ ala angĩ mekaa? Ũu tyo w'o Andũ-ma-mbaĩ-ingĩ mekaa?
48
Kwoou no nginya mwĩthĩwe mwĩ ethĩanu, o tondũ Ĩthe wenyu ũla wĩ ĩtunĩ mwĩthĩanu.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28