bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Matthew 16
Matthew 16
Kamba (MBIVILIA ŨVOO MŨSEO)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Amwe ma Avalisi na Asatũkai nĩmaendie vala ve Yesũ, na maimantha nzĩa ya kũmũkwatya mamwĩa nĩeke kyama kuma kwa Ngai.
2
Ĩndĩ Yesũ amasũngĩa amea atĩĩ, “Yĩla syũa yathũa, ĩtu yeethĩwa yĩ ĩtune, inyw'ĩ nĩmwaasya, ‘Ũnĩ kũkeethĩwa kwĩ kũkenũku.’
3
Na kũitheatheana, ĩtu yeethĩwa yĩ ĩtune na kwĩ matu maiũ, mũyasya, ‘Ũmũnthĩ nĩkũkua.’ Inyw'ĩ nĩmũtonya kũmanya ũndũ nzeve ĩkwĩthĩwa ĩilyĩ o kwa kũsisya matu, ĩndĩ mũitonya kũmanya maũndũ ala yu maendee ũndũ makaumya mũthya!
4
Andũ ma ĩvinda yĩĩ mwĩ athũku mũno na mũi na kĩkĩo kya Ngai. Mwĩkũlya mwĩkĩwe kyama, ĩndĩ vai kyama mwĩonw'a ate o kĩla kyeekĩkie kwa Yona.” Nĩvo ĩndĩ Yesũ wamatiie vau athi.
5
Yĩla amanyĩw'a mainganĩisye ngalĩko ĩla ĩngĩ ya ĩia nĩmeethĩie moolwa nĩ kũkua mĩkate.
6
Yesũ nĩwameie atĩĩ, “Ĩsũvĩei na mũyĩsianĩa na mbota ya Avalisi na ya Asatũkai.”
7
Namo mambĩĩa kwĩana mo ene atĩĩ, “Eneena ũu nũndũ tũtanakua mĩkate.”
8
Yesũ nĩwamanyie ũndũ mekwasya na kwoou amakũlya atĩĩ, “Nĩkĩ mũũneenany'a ĩũlũ wa kwĩthĩwa mũte na mĩkate? Ko mwĩ na mũĩkĩĩo ũnyivĩte ata?
9
O nayu mũikũelewa? Mũililikene ĩla mĩkate ĩtano natilangile yaĩwa nĩ andũ mbee wa ngili itano, na ũtalo wa ikavũ ila mwoombanisye syusũĩte ilungu ila syatialile?
10
O na mũililikene ĩla mĩkate mũonza nĩnatilangile yaĩwa nĩ andũ ngili inya, na ũtalo wa ikavũ ila mũnoombanisye syusĩe ilungu ila inatialile?
11
Mũtonya ata kwĩthĩwa mũtesĩ kana ndiũneenaa ĩũlũ wa mĩkate? Ĩsũvĩanei na mbota ya Avalisi na ya Asatũkai.”
12
Nĩvo ĩndĩ amanyĩw'a maeleiwe kana Yesũ ndeũmakanasya mesũvĩane na mbota ĩla yĩkĩawa mũtunĩ wa mĩkate nĩ kana wimbe. Emakanasya mesũvĩane na momanyĩsyo ma Avalisi na ma Asatũkai.
13
Yesũ na amanyĩw'a make nĩmaendie kĩsionĩ kĩla kĩthyũlũlũkĩte ndũa yĩtawa Kaisalea Vilivi. Me kũu nĩwamakũlilye amanyĩw'a make atĩĩ, “Kwa ndavyei, mo andũ maasya nyie Mwana wa Mũndũ ninyie ũũ?”
14
Namo mamwĩa atĩĩ, “Andũ amwe maasya nue Yoana Mũvatisi na angĩ mayasya nue Eliya. O na angĩ maasya nue Yelemia kana o ũmwe wa athani.”
15
Yesũ amakũlya atĩĩ, “Inyw'ĩ nenyu mwĩasya ninyie ũũ?”
16
Simioni Vetelo amũsũngĩa, “We nue Klĩsto, Mwana wa Ngai ũla wĩ thayũ.”
17
Yesũ amwĩa atĩĩ, “Wĩ mũathime we Simioni mwana wa Yona. Ũvuany'o ũsu wĩ naw'o ndumĩte mũndũnĩ, ĩndĩ ũnengetwe nĩ Ĩthe wakwa ũla wĩ ĩtunĩ.
18
Nakwa nĩngũkwĩa nue Vetelo, na ĩũlũ wa ĩvia yĩĩ ngaaka ĩkanisa yakwa, na o na mavinya ma kĩkw'ũ maikethĩwa matonya kũyananga.
19
Ngakũnenga mbungũo sya ũsumbĩ wa ĩtu: Ũndũ o na wĩva ũla ũkova kũũ ĩũlũ wa nthĩ, ũkoovwa ĩtunĩ. Na ũndũ o na wĩva ũla ũkathasya kũũ ĩũlũ wa nthĩ, ũkathaw'a ĩtunĩ.”
20
Nĩvo ĩndĩ Yesũ weeaĩie amanyĩw'a make amea atĩĩ, “Mũikatate kũtavya mũndũ o na ũmwe kana ninyie Klĩsto.”
21
Kuma ĩvindanĩ yĩu, Yesũ nĩwambĩĩie kũmatavya amanyĩw'a make ateũvithany'a kĩndũ amea atĩĩ, “No nginya nĩthi Yelũsalemu, na vau atumĩa, athembi anene, na amanyĩsya ma Mĩao makanthĩny'a mũno. Ngooawa, ĩndĩ ĩtina wa mĩthenya ĩtatũ ngathayũũka.”
22
Nĩvo ĩndĩ Vetelo wamwĩtie Yesũ mathi nzama na amũkany'a aimwĩa atĩĩ, “Ũu ndũtonyeka! Ngai ndaketĩkĩle ũndũ ũsu wĩkĩke kwaku.”
23
Yesũ nĩweethyũũie amũsisya na amwĩa atĩĩ, “Uma vaa nĩĩ we Satani! Wĩnziĩĩa kwĩka kwenda kwa Ngai. Mosũanĩo maku nĩ ma kĩ-mũndũ na ti mosũanĩo ma Ngai.”
24
Nĩvo ĩndĩ Yesũ weeie amanyĩw'a make atĩĩ, “Ethĩwa mũndũ nũkwenda kũtw'ĩka mũatĩĩi wakwa, no nginya elee mwene, akue ngelany'o yake na aingatĩĩa.
25
Nũndũ ũla wendaa kũsũvĩa thayũ wake akawasya, ĩndĩ ũla waasya thayũ wake nũndũ wakwa akawona ĩngĩ.
26
Ve ũtethyo mwaũ, mũndũ akamesya nthĩ yonthe na ayasya thayũ wake? Kana mũndũ atonya kũnengane kyaũ akakũany'a na thayũ wake?
27
“Mwana wa Mũndũ akooka ĩngĩ kũũ nthĩ e na alaĩka na ũtonyi mũnene wa Ĩthe wake. Nĩvo ĩndĩ ũkatuva kĩla mũndũ kwĩanana na meko make.
28
Nĩmũtavya w'o, andũ amwe maũngyĩ o vaa maikakw'a matanamba kwona Mwana wa Mũndũ ayũka nthĩnĩ wa ũsumbĩ wake.”
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28