Song of Solomon 1

Kalenjin Bible (BUKUIT NE TILIL)

Jump to: Chapter 2 →

1Tiendo ne siirei tugul, ne bo Solomon.

2Ingong’ututena kutinnyi: Amu siirei chamnyeng’ung’ divaik.

3Tinyei nyamdutiet ne mie mwaniguk; U kaineng’ung’ mwaita ne kirong’un; Chamin anyun bergeinik amu noto.

4Ichuuta; si keruou, kisubun: Kagomutwa anyo gorikyik che bo orit: Kigasige ak kiboiboitu eng’ inye, Kimwaitoi achek chamnyeng’ung’ kosiir divaik: Chamin ichek eng’ iman.

5A tuui ak ko a kararan, Ee, tibikab Jerusalem, Ko u emaisiekab Kedar, Ko u angokab Solomon.

6Amegeera, amu kiatuuitu, Amu kibeela asista. Kinerekya werikab kamennyu, Kiindea aek ribindetab mbarenikab sabibuk. Ago ma arib mbarennyu ne bo sabibuk.

7Mwawa anyun, ee inye ne chamin sobondanyu, Ole iyage akwetab kechireguk, ole igochine komuung’e ko katelel asis: Amu nee si aige ne tugot met Eng’ ole negite akwotisiekab choronoguk?

8Ngo mengen, ee inye ne i kararan isiir tibik tugul, Ui isub merendusiekab akwetab kechirek, Ak iyage areguk che bo ng’oror eng’ ole negite emaisiekab mestowek.

9Ee chamanennyu, kaarogenden Mbartanyit ne bo karisiekab Parao.

10Kororon matong’oik koboto lelestang’ung’, Ak kaating’ung’ koboto sonoek che kororon.

11Kiyaun achek tugukab tahabu che kigila, Koboto tugukab lelesta che bo feda.

12Ye kitebyei laitoriat eng’ mesennyi, Kong’uu ketinnyu ne bo nyamdutik.

13U chamanennyu loletab tuguk che u igomoik, Ne rue kwenutab kinaikyuk.

14U chamanennyu temet ne mi taptokab biribirinik Che mi mbarenikab sabibuk che bo En-gedi.

15Keero, i kararan mising’ inye chamanennyu; keero, i kararan; U konyeguk che bo cheptugenik.

16Keero, i kararan, chamanennyu, ee, iboiboi bich: Nyalil agine itogunnyo.

17Bambanikab gonnyo ko taragonik, Kureiywekyok ko biribirinik.

Jump to: Chapter 2 →