Song of Solomon 5

Kalenjin Bible (BUKUIT NE TILIL)

← Chapter 4 Jump to: Chapter 6 →

1Kaanyo mbarennyu, chepkamennyu, murerennyu: Kaayum tugukyuk che u igomoik, ak tuguk che ng’uu ne anyiny: Kaamde masamekyuk kumikyuk; Kaaee divaikyuk ak alu chekyuk. Ee choronok, oamisie; Oeeise, ee oeeise mising’, ee chamanikyuk.

2Kianuuchi, ago king’eet muguleldanyu: Kutitab chamanennyu ne igongong’isiei, kolen, Yatwa, chepkamennyu, chamanennyu, cheptugennyu, nenyu ne libwob: Amu nyiitat metinnyu rewot, Ak nyiitat sumeekyuk che iletotin, rewotab kemoi.

3Kaareegu kotinnyu; ta alaaktoi ano kogeny? Kaaun kelyekyuk; ta andoitoi ano simdo kogeny?

4Kiyogoune chamanennyu eunnyi konda ne mi kurget, Ak kiigasgei muguleldanyu agobo inendet.

5Kiang’eet alen ayatyi chamanennyu; Kisaitae eunekyuk tuguk che u igomoik, Kisaitae morikyuk tuguchoto u igomoik che u beek, Eng’ eunekab karnet ne kigiige.

6Kiayatyi chamanennyu; Ago kiwelelgei chamanennyu ak kwo. Kitanui sobondanyu ye kingotwekwa: Kiacheng’ inendet, ago ma amuch anyor; Kiaguur inendet, ago ma wolwa.

7Kinyorua ribik che bendoti eng’ nganaset, Kibira, kiiguotena; Kiibena ribikab irimoik ngoriennyu ne bo barak.

8Kayosiewok, ee tibikab Jerusalem, ale, ngot onyoru chamanennyu, Omwachi inendet olenji, amiani agobo emostab chamnyet.

9Siirei eng’ nee chamaneng’ung’ chamanet age, Inye ne i kararan isiir tibik tugul? Siirei eng’ nee chamaneng’ung’ chamanet age, Kot iyosiewech ko u noto?

10Leel chamanennyu ago tilial ne birir, Toogunet inendet eng’ elfusiek taman.

11U metinnyi tahabu ne kararan mising’, Koen sumeekyik che iletotin, ak ko tuuen ko u kororikab chepkugit.

12U konyekyik che bo cheptugenik eng’ ngegusiekab kererusiek; Che kiune chego, che tetotin komie.

13U matong’oikyik mbaretab nyamdutik, u mbarenikab ngwek che anyiny: U kutinnyi taptok che biriren, ne saitoe tuguk che u igomoik che u beek.

14U eunekyik peteinikab tahabu che kigitetyi berulo: U bortanyi kelekab belek che kigiliige sapire.

15U kelyekyik tolochikab koik che leelach, che kigitetyi kelongonikab tahabu ne kararan: U itondanyi Lebanon, kararan ko u taragonik.

16Anyiny ng’alekyik mising’: ee, kararan kot inendet eng’ kiy age tugul. Nito ko chamanennyu, nito ko choruennyu, Ee, tibikab Jerusalem.

← Chapter 4 Jump to: Chapter 6 →