Song of Solomon 3

Kalenjin Bible (BUKUIT NE TILIL)

← Chapter 2 Jump to: Chapter 4 →

1Kiacheng’ kemoi arue, inendet ne chamei sobondanyu: Kiacheng’ inendet, ago ma anyoru.

2Kiale, Ang’eete nguno ak awendote nganaset, Eng’ ortinwek ak eng’ ortinwek che baraen, Acheng’e inendet ne chamei sobondanyu: Kiacheng’, ago ma anyoru.

3Kinyorua ribik che bendoti eng’ nganaset: Kiateebe alenji, Kiogeer inendet ne chamei sobondanyu?

4Kiawe ne matia ko kaasiirtoe ichek, Ye kianyoru inendet ne chamei sobondanyu: Kianam, ma achamji kwo, Agoi amutu inendet konyo gotab kamennyu, Agoi got ne bo orit ne bo inendet ne kisicha.

5Kayosiewok, ee tibikab Jerusalem, Eng’ cheptirgichik ak kenyelok che kotoy, Ale, Amat otwa, anan ong’eet chamnyet, Agoi kocham.

6Ng’o ni togosu eng’ ong’atet ko u tolochikab iyeto, Ne ng’uu nyamdutiet ne bo tuguk che u igomoik ak tuguk che nyamdut, Ak busaruk tugul che bo chemung’araindet?

7Ogeero, kit ne lyeldoe Solomon; Yiemei kioto murenik tamanwogik lo che kimen, Murenik che kimen che bo Israel.

8Tinyei tugul rotokab chok, ak ko ng’omen eng’ luget: Tinyei age tugul rotwennyi bo chok eng’ suennyi, Amu kaiyweisiet ne bo kemoi.

9Kiyachigei laitoriat Solomon ng’echeret ne kilyeldoe Ne bo ketikab Lebanon.

10Kiyae tolochikyik feda, Kiyae kelunnyi tahabu, koyae ole kitebe, tuguk che arusen ne birir, Kigitete kwenunnyi chamnyet, Ne kibunu tibikab Jerusalem.

11Oba anyun, ee tibikab Sion, ak ogeer laitoriat Solomon, Kolaachi narietab laitornatet ne kiilaakyin kamennyi eng’ betut ne kiitunisie. Ak eng’ betutab boiboiyetab muguleldanyi.

← Chapter 2 Jump to: Chapter 4 →