bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 13
1 Kings 13
Krio (Krio Fɔs Oli Baybul)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
As Jɛroboam de ɔfa di sakrifays, PAPA GƆD tɛl wan prɔfɛt na Juda fɔ go na Bɛthɛl.
2
I yuz PAPA GƆD in nem ala pan di ɔlta. I se, “Yu ɔlta, yu ɔlta! PAPA GƆD se wan bɔbɔ go bɔn na Devid in layn we go nem Josaya, ɛn na pantap yu i go sakrifays ɔl dɛn man we de mek sakrifays fɔ pipul sin na dɛn il, ɛn i go bɔn mɔtalman bon dɛn pan yu.”
3
Da sem de de di prɔfɛt gi wan sayn. I se PAPA GƆD go mek di ɔlta plit tu dɔn ɔl di ashis pan am go skata.
4
Wɛn kiŋ Jɛroboam yɛri di prɔfɛt de ala pan di ɔlta na Bɛthɛl, i pɔynt to am ɛn gi ɔda se lɛ dɛn kech am. As i du dat so nain in an day ɛn nɔ gri muf igen
5
Dɔn di ɔlta insɛf plit tu ɛn ɔl di ashis skata jɛs lɛkɛ aw di prɔfɛt bin se PAPA GƆD tɛl am.
6
Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.
7
I beg di prɔfɛt fɔ fala am go nain os go it ɛn se in gɛt gift fɔ am.
8
Bɔt i ansa am se i lɛk sɛf i se in go gi am af pan ɔl wetin i gɛt, i nɔ go go wit am, ɛn i nɔ go it ɔ drink wata de sɛf.
9
PAPA GƆD bin dɔn tɛl am se i nɔ fɔ it ɔ drink wata de, ɛn i nɔ fɔ yuz di sem rod we i yuz fɔ go de tɔn bak.
10
Di prɔfɛt yuz ɔda rod fɔ go na Bɛthɛl.
11
Wan olpa prɔfɛt bin de na Bɛthɛl da tɛm de. In bɔypikin dɛn go tɛl am aw di prɔfɛt ɛn di kiŋ pas da de de ɛn ɔl wetin i tɛl di kiŋ.
12
Dɛn papa aks dɛn usay dis prɔfɛt yaso pas, nain dɛn sho di rod we i yuz.
13
I tɛl in bɔypikin dɛn se lɛ dɛn rɛdi in dɔŋki fɔ am. I jomp pantap di dɔŋki,
14
ɛn fala di rod usay di prɔfɛt pas te i kech am. I mit am sidɔm ɔnda wan ok tik, nain i aks am if nain na di prɔfɛt we kɔmɔt Juda. Di prɔfɛt insɛf ansa se yɛs nain.
15
Di olpa prɔfɛt tɛl am se lɛ i fala am go nain os lɛ dɛn go it.
16
I ansa am se in nɔ de go, ɛn i nɔ go it ɔ drink wata de sɛf.
17
I se PAPA GƆD bin dɔn wɔn am se lɛ i nɔ it ɔ drink wata de, ɛn i nɔ fɔ yuz di sem rod fɔ go bak.
18
Di olpa prɔfɛt tɛl am se in na prɔfɛt lɛkɛ insɛf, ɛn na PAPA GƆD in enjɛl tɛl am se lɛ i go mit am na rod ɛn kɔl am fɔ go it bred ɛn drink smɔl wata. Bɔt na lay dis olpa prɔfɛt bin de lay.
19
Di prɔfɛt insɛf gri fɔ go wit am, ɛn i it ɛn drink.
20
As dɛn sidɔm na tebul de it, PAPA GƆD tɔk to di olpa prɔfɛt we kɔnvins am fɔ tɔn bak.
21
I ala tɔk to di prɔfɛt we kɔmɔt Juda se PAPA GƆD tɛl am se fɔ we i dɔn du wetin PAPA GƆD se nɔ fɔ du,
22
bɔt tɔn bak go it bred ɛn drink wata na di ples we i tɛl am se nɔ fɔ it ɛn drink; fɔseka dat dɛn nɔ go bɛr in dedebɔdi usay dɛn bɛr in pipul dɛn.
23
Wɛn di prɔfɛt we kɔmɔt Juda dɔn it ɛn drink dɔn, di olpa prɔfɛt we mek am ful rɛdi in dɔŋki fɔ am fɔ mek i go.
24
As i de na rod de go so nain wan layɔn atak am na di rod ɛn kil am. Dɔn di layɔn ɛn di dɔŋki tinap de wach di dedebɔdi na grɔn.
25
Dɛn wan dɛn we bin de pas si in dedebɔdi lidɔm na di grɔn wit di layɔn nia am. Dɛn rɔn go na siti go tɛl di olpa prɔfɛt.
26
Wɛn di olpa prɔfɛt we nain mek i tɔn bak yɛri di nyuz, i se na di prɔfɛt dat we nɔ yɛri PAPA GƆD wɔd, so PAPA GƆD mek layɔn kech am ɛn kil am bikɔs i bin dɔn wɔn am.
27
Di olpa prɔfɛt tɛl in bɔypikin dɛn lɛ dɛn rɛdi in dɔŋki fɔ am ɛn dɛn du dat.
28
Insɛf go na di rod ɛn fɛn di dedebɔdi lidɔm na grɔn wit di layɔn ɛn di dɔŋki nia am. Di layɔn nɔ it in bɔdi ɛn nɔ du di dɔŋki natin,
29
di olpa prɔfɛt pik di dedebɔdi na grɔn, put am pan in yon dɔŋki, kɛr am go bɛr am ɛn munin fɔ am.
30
I bɛr am nain yon grev ɛn kray pan am se “E mi brɔda! E mi brɔda!”
31
Wɛn i dɔn bɛr am dɔn, i tɛl in bɔypikin dɛn se wɛn in day, nainsay da sem grev de dɛn fɔ bɛr am, dat na usay i bɛr di prɔfɛt. I se dɛn fɔ le in dedebɔdi nia di man in yon.
32
I se di mɛsej we PAPA GƆD gi am na Bɛthɛl bɔt dɛn ɔlta ɛn dɛn say dɛn we dɛn de wɔship lay lay gɔd na Sameria mɔs bi.
33
Pan ɔl we ɔl dis dɔn bi, kiŋ Jɛroboam nɔ stil nɔ lɛf fɔ du dɛn bad bad tin dɛn, bifo dat i stil de pik ɔlkanaba mɔtalman fɔ de mek sakrifays fɔ pipul sin. Ɛnibɔdi we wan fɔ, i rɛdi fɔ mek am man we de mek sakrifays fɔ pipul sin.
34
Na ɔl dɛn bad bad tin ya we Jɛroboam du mek i fɔdɔm we mek in ɛn in fambul dɛn sɔfa ɛn day.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22