bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 19
1 Kings 19
Krio (Krio Fɔs Oli Baybul)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Eab go tɛl Jɛzibɛl ɔl wetin Ilayja du ɛn aw i dɔn kil ɔl in prɔfɛt dɛn.
2
Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.
3
Ilayja fred ɛn rɔn fɔ in layf. Wɛn i rich na Biashiba na Juda, i mek in wokman wet am de,
4
dɔn in waŋren travul fɔ wanol de go na di land we pɔsin nɔ de tap. Wɛn i rich ɔnda wan tik we dɛn kin pul brum pan, i sidɔm ɔnda de ɛn pre to PAPA GƆD se in dɔn taya, in dɔn si bɔku trɔbul so lɛ in day wantɛm bikɔs in nɔ bɛtɛ pas in fɔstɛm-papa dɛn.
5
I lidɔm slip ɔnda di tik. Nain wan enjɛl kam mit am, i tɔch am, ɛn tɛl am se lɛ i grap ɔn it.
6
Wɛn i luk i si ɔt bred we dɛn jɛs bek ɛn wata de nia in ed. I it ɛn drink ɛn lidɔm bak.
7
PAPA GƆD in enjɛl mit am di sɛkɛn tɛm ɛn wek am se lɛ i grap ɛn it, ɔ nɔ so di rod go mɔna am.
8
I grap bak, i it ɛn drink; na da it de de nain bɛlɛ we gi am trɛnk fɔ fɔti de ɛn fɔti nɛt te i rich Saynay we na PAPA GƆD in mawnten.
9
I go insay wan kev ɛn slip de da nɛt de. PAPA GƆD kɔl Ilayja ɛn aks am wetin i de du de.
10
I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.
11
PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.
12
Afta dat faya kech, bɔt PAPA GƆD nɔ bin de na di faya. Afta di faya nain wan smɔl fayn vɔys bigin tɔk.
13
We Ilayja yɛri di vɔys, i kɔba in fes wit in klos ɛn go tinap na di kev in domɔt, nain wan vɔys aks am se wetin i de du de.
14
I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn, dɔn in waŋren we lɛf dɛn de fɛt fɔ kil insɛf.
15
PAPA GƆD tɛl am se, “Yuz di sem rod we yu yuz kam go bak na di land na Damaskɔs we pɔsin nɔ de tap, ɛn wɛn yu rich de, anɔynt Azaɛl kiŋ fɔ Eram.
16
Anɔynt Jeu we na Nimshi in bɔypikin, kiŋ fɔ Izrɛl; Ilaɛlsha we na Shafat in bɔypikin we kɔmɔt Ebɛl Mɛola fɔ tek yu ples.
17
Jeu go kil ɛnibɔdi we rɔnawe na Azaɛl in an, dɔn Ilaɛlsha go kil ɛniwan we rɔnawe na Jeu in an.
18
A dɔn kip sɛvin tawzin pipul dɛn na Izrɛl we nɔ wande wɔship Beal ɔ kis in lay lay gɔd.”
19
Wɛn Ilayja kɔmɔt de, i mit Ilaɛlsha we na Shafat in bɔypikin de wok in fam wit twɛnti fo kaw we dɛn jɔyn tu tu fɔ dig ɛn nain bin de kɔntrol di las tu. Ilayja go mit am ɛn ib di matirial we i kin ɛŋ rawnd in sholda pan am.
20
Ilaɛlsha lɛf in wok ɛn rɔnata Ilayja, ɛn tɛl am se i wan go tɛl in mama ɛn papa se in de go dɔn i go fala am go. Ilayja ansa am se lɛ i go bak in nɔ du am natin.
21
So Ilaɛlsha tɔn bak. I kil di kaw dɛn ɛn yuz di bod we i bin de tek dig mek wud fɔ kuk di bif, dɔn i sheb sheb gi ɔlman fɔ it. Afta dat i go wit am ɛn bi in asistant.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22