bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 17
1 Kings 17
Krio (Krio Fɔs Oli Baybul)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”
2
Nain PAPA GƆD tɔk to Ilayja. I se,
3
“Kɔmɔt na ya. Go na di ist pat na Kɛrith Bruk nia Riva Jɔdan,
4
na di wata we de de yu go de drink. A dɔn tɛl dɛn revɛn fɔ de kɛr it go de fɔ yu.”
5
Ilayja insɛf du wetin PAPA GƆD tɛl am fɔ du. I go na di ist pat na Kɛrith Bruk go tap nia Riva Jɔdan.
6
Di revɛn dɛn bin de kɛr bred ɛn bif go fɔ am ɛvri mɔnin ɛn ivin, ɛn na di wata na di watasay i bin de drink.
7
Bikɔs ren nɔ bin de kam, di wata na di watasay dray.
8
PAPA GƆD tɔk to Ilayja. I se,
9
“Kɔmɔt na ya ɛn go na Zarɛfat na Saydɔn go tap de. A dɔn tɛl wan uman we in man dɔn day fɔ de fid yu.”
10
Ilayja insɛf go na Zarɛfat. Wɛn i rich na di get fɔ go insay di siti, i si wan uman de gɛda faya wud. I beg di uman fɔ gi am wata fɔ drink.
11
As di uman de go briŋ di wata, i kɔl am bak ɛn beg am fɔ briŋ bred fɔ am fɔ it.
12
Di uman swɛ to PAPA GƆD se in nɔ gɛt natin fɔ it, pas lili flawa ɛn kenkeni ɔyl. Ɛn na dat mek in de gɛda wud fɔ go mek smɔl tin fɔ it, so dat in ɛn in bɔypikin kin day we dɛn dɔn it dɔn.
13
Ilayja tɛl am se lɛ i nɔ fred, lɛ i go du wetin i mekɔp fɔ du; bɔt nɔmɔ wetin in want na fɔ lɛ i bek if na lili bred sɛf fɔ am fɔ it, dɔn i kin mek fɔ in ɛn in bɔypikin.
14
I se PAPA GƆD we na PAPA GƆD fɔ Izrɛl se, di flawa ɛn di ɔyl nɔ go ɛva dɔn te in di PAPA GƆD mekɔp fɔ sɛn ren kam bak na wɔl.
15
Di uman du wetin Ilayja tɛl am ɛn bikɔs ɔf dat it nɔ ɛva dɔn fɔ in, in bɔypikin ɛn Ilayja.
16
Di flawa nɔ dɔn, di ɔyl sɛf nɔ dɔn, jɛs lɛkɛ aw Ilayja bin tɔk nɔmɔ.
17
Wande, di uman we gɛt di os in bɔypikin sik. Di sik mɔna am te i day.
18
Na de i aks Ilayja se, “Prɔfɛt, duya, uskayn bad a dɔn du so? Tinkya yu kam fɔ tɛl mi aw a tan ɛn kil mi pikin?”
19
Ilayja tɛl am lɛ i gi am di pikin. I tek di pikin na di uman in an, kɛr am go ɔp nain yon rum ɛn le am nain bed.
20
Dɔn i bigin pre to PAPA GƆD se, “E papa GƆD mi PAPA GƆD, yu dɔn briŋ trɔbul kam na dis uman we a tap wit in layf we yu mek in pikin day.”
21
I tret in bɔdi pan di pikin tri tɛm ɛn pre to PAPA GƆD se, “E PAPA GƆD mi PAPA GƆD, lɛ dis bɔbɔ in layf kam bak pan am!”
22
PAPA GƆD ansa Ilayja in prea; di bɔbɔ in layf kam bak.
23
Ilayja es am kɛr am go dɔŋ bak ɛn an am ova to in mama, ɛn tɛl am se in pikin dɔn gɛt layf bak.
24
Di uman tɛl am se na naw in no fɔ tru tru se in na man ɔf PAPA GƆD, ɛn wetin kɔmɔt nain mɔt na PAPA GƆD put am de.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22