bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 16
1 Kings 16
Krio (Krio Fɔs Oli Baybul)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
PAPA GƆD tɔk to prɔfɛt Jeu we na Anani in bɔypikin ɛn gi am dis mɛsej ya fɔ Baasha. I se,
2
“Tɛl Baasha se, a pul am na gɔta ɛn tɔn am to mɔtalman fɔ lid mi pipul Izrɛl, bɔt bifo dat na soso Jɛroboam in bad trik i falamakata ɛn mek mi pipul Izrɛl kɔmit sin we mek a vɛks bad bad wan pan dɛn.
3
Na naw a de kam skata in os, ɛn jɛs lɛkɛ aw a dil wit Jɛroboam we na Nebat in bɔypikin, na so a go dil wit insɛf.
4
Na dɔg dɛn go it di dedebɔdi ɔf dɛn wan dɛn nain os we day na di siti, dɔn di wan dɛn we day na trit na bod go it dɛn.”
5
As fɔ di ɔda tin dɛn we Baasha du we i bin de rul, dɛn ɔl rayt na di istri buk dɛn bɔt dɛn kiŋ na Izrɛl.
6
Baasha day ɛn dɛn bɛr am na Tiza. In bɔypikin Ɛla tek in ples fɔ de rul.
7
Na prɔfɛt Jeu we na Anani in bɔypikin bin gi Baasha PAPA GƆD in mɛsej fɔ in ɛn in famili bikɔs ɔf di bad we i du na PAPA GƆD in yay we mek PAPA GƆD vɛks bad wan pan am; fɔ we i biev lɛk Jɛroboam ɛn kil ɔlman na Jɛroboam in os.
8
Di ia we mek Kiŋ Asa twɛnti-siks ia we i de rul Juda as kiŋ, na da sem ia de Baasha in bɔypikin we na Ɛla bigin rul Izrɛl, ɛn na Tiza i bin de. I rul fɔ tu ia.
9
Na wan pan in ɔfisa dɛn we nem Zimray we bin de inchaj ɔf in ɔs ɛn karej nain mek ku pan am. Da de de, Ɛla bin de to Arza in os na Tiza de drink drɔnk. Na Arza bin de inchaj ɔf di kiŋ in os na Tiza.
10
Zimray go insay di os ɛn chuk Ɛla ɛn kil am, dɔn i tek in ples fɔ de rul. Dis bi di ia we mek Kiŋ Asa twɛnti-sɛvin ia we i de rul.
11
As Zimray no se in dɔn sidɔm gud as kiŋ na di chia, i kil ɔl udat de na Baasha in famili. I nɔ lɛf wan man fɔ liv, i lɛk sɛf na fambul ɔ padi.
12
Na so Zimray tek dɔnawe wit ɔlman na Baasha in famili fɔ lɛ wetin PAPA GƆD bin tɛl Prɔfɛt Jeu bi;
13
bikɔs Baasha ɛn in bɔypikin we na Ɛla bin dɔn kɔmit bad bad sin to PAPA GƆD; dɔn dɛn mek di wanol Izrɛl insɛf kɔmit sin fɔ de wɔship lay lay gɔd.
14
As fɔ di ɔda tin dɛn we Ɛla du wɛn i bin de rul, dɛn ɔl rayt na di istri buk bɔt dɛn kiŋ dɛn na Izrɛl.
15
Di ia we mek kiŋ Asa twɛnti-sɛvin ia we i de rul as kiŋ na Juda, na da ia de Zimray bigin rul na Tiza ɛn i rul fɔ sɛvin de. Di ami bin mek in kamp nia Gibɛthɔn, wan siti we de na Filistia.
16
Di Izrɛlayt dɛn we de na di kamp yɛri se Zimray mek ku pan di kiŋ ɛn kil am, dɛn mek Omri we na kɔmanda fɔ di ami, kiŋ na Izrɛl.
17
Omri ɛn ɔl di Izrɛlayt dɛn lɛf Gibɛthɔn go atak Tiza ɛn kapchɔ am.
18
Wɛn Zimray si se dɛn dɔn kapchɔ di siti, i rɔn go ayd midul di kiŋ in os usay nɔbɔdi nɔ go kech am; i put faya de so in ɛn di ples ɔl bɔn.
19
Ɔl dis bi bikɔs ɔf in sin; i du ɔlkayn bad tin ɛn falamakata Jɛroboam in bad ɛgzampul we mek Izrɛl sɛf sin to PAPA GƆD.
20
As fɔ di ɔda tin dɛn we Zimray du we i bin de rul, we i bin de biev lɛk rebɛl, dɛn ɔl rayt na di istri buk bɔt dɛn kiŋ na Izrɛl.
21
Di Izrɛlayt dɛn bin kam gɛt tu gɛŋ: af bin de sɔpɔt Ginath in bɔypikin we na Tibni fɔ bi kiŋ, dɔn di ɔda af bin de fɔ Omri.
22
Di wan dɛn we bin de fɔ Omri kɔnka Ginath in bɔypikin we na Tibni. So Tibni day dɔn Omri bi kiŋ.
23
Di ia we mek Asa tati-wan ia we i bi kiŋ na Juda, na da sem ia de Omri bi kiŋ na Izrɛl ɛn i rul fɔ twɛlv ia. I tek siks pan da twɛlv ia de na Tiza.
24
Omri bay wan il na Sameria to Shɛma fɔ wan ɔndrɛd ɛn fifti pawns silva kɔpɔ. I bil big siti ɔp di il ɛn gi di siti nem Sameria. I gi di siti da nem de bikɔs di man we bin gɛt de nem Shɛma.
25
Omri insɛf du bad bad tin to PAPA GƆD. In yon bad pas dɛn wan we bin de bifo am.
26
I falamakata ɔl Jɛroboam we na Nebat in bɔypikin in bad trik we mek Izrɛl sin bad bad wan to PAPA GƆD we dɛn wɔship lay lay gɔd.
27
As fɔ di ɔda tin dɛn we Omri du wɛn i bin de rul, dɛn ɔl rayt na di istri buk bɔt dɛn kiŋ na Izrɛl.
28
Omri day dɔn dɛn bɛr am na Sameria. Nain bɔypikin we na Eab tek in ples.
29
Di ia we mek kiŋ Asa tati-et ia we i bi kiŋ na Juda, na da sem ia de Eab we na Omri in bɔypikin bi kiŋ na Izrɛl. I rul Izrɛl fɔ twɛnti-tu ia ɛn na Sameria in bin tap.
30
As fɔ Omri in bɔypikin Eab, in wɔs pas di wan dɛn we bin de bifo am pan di bad.
31
Di bad tin dɛn we Nebat in bɔypikin we na Jɛroboam bin du na smɔl tin fɔ am; in bit in rɛkɔd ɛn mared Jezibɛl, dat na kiŋ Ɛthbeal na Saydɔn in gyal pikin, ɛn bigin fɔ fala am fɔ de wɔship Beal.
32
I nɔ tap de, i bil ɔlta sɛf na di os we i bil fɔ wɔship Beal na Sameria.
33
Dɔn igen i mek Ashɛra di ɔda gɔd fɔ de wɔship am. I mek PAPA GƆD, PAPA GƆD fɔ Izrɛl vɛks bad bad wan pan am. Nɔn kiŋ bifo am nɔ wande du wetin Eab du.
34
Na di tɛm we Eab bin de rul nain Ayɛl na Bɛthɛl bil Jɛriko bak. Wɛn Ayɛl de le di fawndeshɔn, in fɔs-bɔy-pikin Abiram day, dɔn wɛn i de bil di get nain in las bɔbɔ Segub day. Ɔl dis bi fɔ mek wetin PAPA GƆD bin dɔn tɛl Jɔshwa we na Nɔn in bɔypikin bi.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22