bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 22
1 Kings 22
Krio (Krio Fɔs Oli Baybul)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
I tek tri ia nɔn fɛt nɔ bi bitwin Izrɛl ɛn Eram.
2
Bɔt insay di tɔd ia Jɛoshafat we na kiŋ na Juda go fɛn di kiŋ na Izrɛl.
3
Nain di kiŋ na Izrɛl aks in ɔfisa dɛn if dɛn nɔ no se na dɛn gɛt Ramɔt Giliad we dɛn jɛs fol an fol fut ɛn nɔ tek am bak na di kiŋ na Eram in an.
4
Na de i aks Jɛoshafat if i go jɔyn am fɔ go fɛt Ramɔt Giliad. Jɛoshafat ansa di kiŋ fɔ Izrɛl se, “Bo, mi ɛn yu na wan, mi pipul dɛn na yu yon pipul dɛn, mi ɔs dɛn na yu yon ɔs dɛn.
5
Bɔt fɛnɔt fɔs frɔm PAPA GƆD fɔ no in maynd.”
6
Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.
7
Na de Jɛoshafat aks if PAPA GƆD nɔ gɛt nɔn prɔfɛt de we dɛn kin aks.
8
Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.
9
So di kiŋ fɔ Izrɛl sɛn wan ɔfisa fɔ go briŋ Maykaya kam.
10
Da tɛm de, di kiŋ fɔ Izrɛl ɛn Jɛoshafat we na kiŋ fɔ Juda bin wɛr dɛn kiŋ klos sidɔm na dɛn chia na di ples we dɛn de mas Wit we dɛn dɔn avɛst am. Dis ples yaso bin de na di get fɔ go insay Sameria ɛn ɔl di prɔfɛt dɛn bin tinap bifo di kiŋ dɛn de tɛl dɛn fɔ go fɛt.
11
Na de Zɛdikaya we na Kenaanain bɔypikin mek ayɛn ɔn dɛn ɛn tɔk se PAPA GƆD se na di ɔn dɛn di kiŋ go yuz fɔ buk buk di Aramean dɛn te i dɔnawe wit dɛn.
12
Ɔl di ɔda prɔfɛt dɛnsɛf tɔk di sem tin. Dɛn se lɛ di kiŋ atak Ramɔt Giliad, PAPA GƆD go mek i win.
13
Di mɛsenja we go kɔl Maykaya tɛl am se ɔl di ɔda prɔfɛt dɛn tɔk gud wɔd to di kiŋ ɛn na di sem tin dɛn ɔl tɔk; so in de advays am se wɛn i go to di kiŋ na wetin di ɔda prɔfɛt dɛn dɔn se insɛf fɔ se.
14
Bɔt Maykaya tɛl am se wans PAPA GƆD de alayv, na wetin i tɛl am fɔ tɔk in go tɔk.
15
Wɛn Maykaya rich to di kiŋ, di kiŋ aks am se if lɛ i go fɛt Ramɔt Giliad ɔ lɛ i nɔ go. Maykaya ansa am se lɛ i go, PAPA GƆD go mek i win.
16
Bɔt di kiŋ tɛl am se ɔmɔs tɛm in nɔ dɔn tɛl am se i nɔ fɔ de tɛl am natin bɔt di tru tin we PAPA GƆD tɛl am.
17
Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛn; na de PAPA GƆD tɛl dɛn se dɛn nɔ gɛt gud lida so lɛ ɔlman go bak nain os.
18
Na de di kiŋ fɔ Izrɛl aks Jɛoshafat se if in nɔ bin dɔn tɛl am se Maykaya nɔ gɛt nɔn gud wɔd fɔ tɛl am.
19
Maykaya tɛl di kiŋ se lɛ i lisin naw to wetin PAPA GƆD gɛt fɔ se; i se in si PAPA GƆD sidɔm nain chia wit ɔl dɛn enjɛl dɛn de rawnd am; sɔm de nain lɛfan, sɔm nain raytan; dɔn i aks se,
20
udat go go mek Eab ful so dat i go mit in Watalo na Ramɔt Giliad. I se di enjɛl dɛn ɔl bigin de tɔk; dis de se dis, da wande de se dat.
21
Na de wan enjɛl go tinap bifo PAPA GƆD ɛn tɔk se
22
in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.
23
Maykaya tɛl am se na PAPA GƆD insɛf sɛf put laylay spirit na di prɔfɛt dɛn mɔt, ɛn i dɔn tɔk se i nɔ gɛt fɔ ɛnd fayn.
24
Na de Zɛdikaya, dat na Kenaanain bɔypikin go nia Maykaya ɛn gi am payn nain fes ɛn aks am se usay PAPA GƆD in spirit pas we i lɛf in go to am go tɔk to am.
25
Maykaya ansa am se na di de we i go si insɛf de go fɛn rum fɔ ayd fɔ in layf nain i go no.
26
Na de di kiŋ fɔ Izrɛl gi ɔda se lɛ dɛn kech Maykaya kɛr am go to Emɔn we na di gɔvna fɔ di siti ɛn Joash we na di kiŋ in bɔypikin ɛn tɛl dɛn se,
27
di kiŋ se dɛn fɔ put am na jel ɛn fid am wit ɛmti bred ɛn wata te i kam bak.
28
Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.
29
Di kiŋ fɔ Izrɛl wit Jɛoshafat we na kiŋ fɔ Juda go na Ramɔt Giliad.
30
Di kiŋ fɔ Izrɛl tɛl Jɛoshafat se in go disgays insɛf fɔ go fɛt, bɔt lɛ Jɛoshafat in wɛr in kiŋ klos. So di kiŋ fɔ Izrɛl disgays insɛf, dɔn Jɛoshafat wɛr in kiŋ klos.
31
Di kiŋ fɔ Eram gi kɔmand to in tati-tu karej kɔmanda dɛn se lɛ dɛn nɔ fɛt nɔbɔdi pas di kiŋ na Izrɛl.
32
Wɛn di kɔmanda dɛn si Jɛoshafat, dɛn se na di kiŋ fɔ Izrɛl, so dɛn rɔnata am fɔ fɛt am, bɔt wɛn Jɛoshafat ala, dɛn si se nɔto in;
33
so wɛn dɛn fɛnɔt se nɔto in, dɛn lɛf fɔ rɔnata am.
34
Bɔt wan man drɔ in bo ɛn aro ɛn jɛs shut lɛkɛ dat. Di aro pas tru di kiŋ fɔ Izrɛl in klos we i wɛr fɔ protɛkt insɛf ɛn chuk am. So i tɛl di man we bin de drayv in karej se lɛ i tɔn bak, lɛ dɛn kɔmɔt pan di fɛt bikɔs in dɔn wund.
35
Da tɛm de naw di wa bin de tɛns mɔ ɛn mɔ; dɛn es di kiŋ ɛn ol am fɔ lɛ i go ebul sidɔm na di karej, bifo di Aramean dɛn. Da ivin tɛm de i day, dɔn in blɔd bigin flo kɔmɔt pan di wund te go dɔŋ di karej.
36
Di vɛri ivintɛm dɛn sɛn wɔd go rawnd se lɛ ɔlman go bak nain kɔntri ɛn in siti.
37
Na so di kiŋ tek day. Dɛn kɛr am go Sameria ɛn bɛr am de.
38
Dɛn kɛr di karej go na wan watasay na Sameria usay dɛn rare gyal dɛn kin was fɔ go was am de. Dɔg dɛn go de go lik in blɔd. Ɔl dis bi lɛkɛ aw PAPA GƆD bin dɔn tɔk.
39
Ɔl di ɔda wok dɛn we Eab du; di ayvri os dɛn we i bil o, di siti dɛn we i bil o, dɛn ɔl rayt na dɛn istri buk bɔt dɛn kiŋ dɛn na Izrɛl.
40
Dɛn bɛr Eab usay dɛn bɛr in fɔstɛm-papa dɛn, dɔn in bɔypikin Aazaya tek in ples fɔ rul as kiŋ.
41
Asa in bɔypikin we nem Jɛoshafat bigin fɔ rul na Juda di ia we mek Eab fo ia as kiŋ na Izrɛl.
42
Jɛoshafat bin ol tati-fayv ia we i bigin rul ɛn i rul fɔ twɛnti-fayv ia na Jerusɛlɛm. In mama nem Azuba ɛn na Shili in gyal pikin.
43
Jɛoshafat du ɔl wetin in papa Asa bin de du, ɛn na wetin rayt na PAPA GƆD in yay i bin de du; bɔt stil di pipul dɛn bin de mek sakrifays na dɛn il.
44
Jɛoshafat mek pis wit di kiŋ na Izrɛl.
45
Ɔl di ɔda tin dɛn we Jɛoshafat du, di we aw i rul, di wa dɛn we i fɛt, dɛn ɔl rayt na di istri buk bɔt dɛn kiŋ na Juda.
46
I drɛb ɔl di ple bɔy dɛn we in papa Asa bin lɛf we bin de mek sakrifays to lay lay gɔd.
47
Da tɛm de nɔn kiŋ nɔ bin de na Idɔm, na wan asistant bin de rul.
48
Jɛoshafat bil ship dɛn fɔ de go bay gold na Ofir, bɔt di ship dɛn nɔ ɛva rich de bikɔs dɛn go rɛk na Ɛziɔn Gɛba.
49
So na de Eab in bɔypikin Aazaya tɛl am se lɛ i mek in yon siman dɛn jɔyn in di Aazaya in yon dɛn, bɔt Jɛoshafat nɔ gri.
50
Jɛoshafat day dɔn dɛn bɛr am nain Papa Devid in siti. Nain bɔypikin Jɛoram bigin rul afta am.
51
Eab in bɔypikin Aazaya bigin fɔ rul na Izrɛl insay Sameria di ia we mek Jɛoshafat sɛvintin ia as kiŋ na Juda. Ɛn i rul Izrɛl fɔ tu ia.
52
Na wetin nɔ rayt na PAPA GƆD in yay in bin de du jɛs lɛkɛ in mami ɛn dadi, ɛn wit Nebat in bɔypikin Jɛroboam we mek Izrɛl kɔmit sin.
53
Aazaya wɔship Beal ɛn mek PAPA GƆD, Izrɛl in PAPA GƆD vɛks bad, bad wan lɛkɛ aw i bin vɛks pan in papa.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22