bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 18
1 Kings 18
Krio (Krio Fɔs Oli Baybul)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Afta sɔm tɛm dɔn pas, dat na tri ia frɔm we ren lɛf fɔ kam, PAPA GƆD tɔk to Ilayja. I se, “Go sho yusɛf to Eab, a go mek ren bigin kam bak.”
2
Ilayja insɛf go sho insɛf to Eab. It biznɛs bin dɔn traŋa bad, bad wan na Sameria,
3
so Eab sɛn kɔl Obadaya bikɔs nain bin de inchaj ɔf di kiŋ in sto. Obadaya na man we bin biliv PAPA GƆD.
4
Di tɛm we Jɛzibɛl bin de kil PAPA GƆD in prɔfɛt dɛn, Obadaya na wan man we bin ayd wan ɔndrɛd pan dɛn na kev. I mek dɛn de fifti, fifti na wan kev ɛn bin de gi dɛn it ɛn wata.
5
Eab tɛl Obadaya se lɛ i waka ɔlɔbɔt na di kɔntri fɔ fɛn usay spriŋ wata de bɔs. I se sɔntɛm dɛn go fɛn gras fɔ gi dɛn ɔs ɛn myul dɛn fɔ it fɔ lɛ dɛn nɔ day bikɔs dɛn nɔ want kil dɛn.
6
Dɛn pik di say we dɛn fɔ go: Eab go wan say, Obadaya in go di ɔda say.
7
As Obadaya in de go, Ilayja mit am na rod. As i si Ilayja so i baw bifo am ɛn aks am se. “Masta, fɔ tru tru se na yu Ilayja a si so?”
8
Ilayja ansa am se nain, ɛn tɛl am se lɛ i go tɛl in masta se Ilayja dɔn kam.
9
Obadaya aks Ilayja uskayn bad in dɔn du so we fɔ mek in an am to Eab fɔ kil am.
10
I swɛ to PAPA GƆD se nɔn say nɔ de na di wɔl we Eab nɔ dɔn sɛn fɔ go luk fɔ am, ɛn ɛnisay we i sɛn we dɛn se i nɔ de de, Eab kin mek dɛn swɛ se na tru dɛn de tɔk.
11
Dɔn in de kam tɛl am fɔ go tɛl in masta se Ilayja dɔn kam.
12
I se in nɔ no usay PAPA GƆD in Spirit go kɛr am go i lɛf am, bikɔs, if in go tɛl Eab se Ilayja dɔn kam, dɔn Eab nɔ ebul fɛn am, Eab go kil am; ɛn i dɔn de wɔship PAPA GƆD frɔm we in smɔl.
13
I aks Ilayja if i nɔ yɛri se wɛn Jɛzibɛl bin de kil PAPA GƆD in prɔfɛt dɛn, nain go ayd wan ɔndrɛd na tu kev; fifti, fifti, ɛn in bin de sɔplay dɛn it ɛn wata;
14
we naw in de kam tɛl am fɔ go tɛl Eab se Ilayja dɔn kam; i se in nɔ de go bikɔs, Eab go kil am.
15
Nain Ilayja tɛl am se wans PAPA GƆD Ɔlmayti we in de sav de alayv, in de go sho insɛf to Eab da de de.
16
Obadaya go mit Eab ɛn tɛl am, nain Eab go mit Ilayja.
17
Wɛn Eab si Ilayja, i aks am if nain na di man we de ambɔgin Izrɛl.
18
Ilayja ansa am se nɔto in de ambɔgin Izrɛl, bɔt nain di vɛri Eab ɛn in papa in ɔda pikin dɛn. I se dɛn lɛf fɔ wɔship PAPA GƆD ɛn du wetin i se, bifo dat na Beal dɛn de wɔship.
19
I se lɛ i gɛda ɔlman na Izrɛl fɔ mit am na Mawnt Kamɛl, dɔn lɛ i kɛr di fo ɔndrɛd ɛn fifti prɔfɛt dɛn we de wɔship Beal ɛn di fo ɔndrɛd prɔfɛt dɛn we de wɔship Ashɛra we kin de it wit Jɛzibɛl.
20
Eab insɛf sɛn wɔd rawnd Izrɛl ɛn mek ɔlman go gɛda na Mawnt Kamɛl.
21
Ilayja go tinap bifo di krawd ɛn tɛl dɛn se dɛn nɔ go de ya, dɛn de yanda; if dɛn fil se na PAPA GƆD na PAPA GƆD, lɛ dɛn wɔship am; bɔt if na Beal na PAPA GƆD, lɛ dɛn wɔship am. Bɔt di pipul dɛn nɔ ansa am wan wɔd.
22
So i tɛl dɛn se nain waŋren nɔmɔ dɔn lɛf pan PAPA GƆD in prɔfɛt dɛn, bɔt Beal in gɛt bɔku, fo ɔndrɛd ɛn fifti.
23
So, lɛ dɛn go fɛn tu kaw. I se lɛ dɛn pik wan fɔ dɛnsɛf, kil am, kɔt, kɔt am ɛn put am pan wud, bɔt dɛn nɔ fɔ put faya pan di wud. I se insɛf go kil in yon ɛn put am pan wud bɔt insɛf nɔ go put faya pan am.
24
I se dɔn lɛ dɛn pre to dɛn gɔd, dɔn in go pre to PAPA GƆD. I se di gɔd we go ansa ɛn mek faya, bɔn di tin dɛn, nain na PAPA GƆD. Di pipul dɛn gri, dɛn se wetin i se fayn.
25
Ilayja tɛl Beal in prɔfɛt dɛn se, lɛ dɛn fɔs pik dɛn yon kaw sins dɛn bɔku. I se lɛ dɛn pre to dɛn gɔd bɔt dɛn nɔ fɔ layt nɔn faya.
26
Dɛn tek di kaw, kil am ɛn rɛdi am. Dɛn pre to Beal frɔm mɔnin te santɛm. Dɛn bin de ala se, “E Beal, ansa wi!” Dɛn ala te dɛn trot wan bɔs, bɔt fiŋ dɛn nɔ yɛri. Dɛn dans, dans rawnd di ɔlta we dɛn mek.
27
We santɛm rich, Ilayja bigin provok dɛn se, “Una ala lawd, lawd wan! Bo na gɔd! Sɔntɛm i de mɛditet, sɔntɛm i de slip ɔ i de du sɔntin, ɔ sɔntɛm i dɔn travul sɛf.”
28
Dɛn ala mɔ ɛn mɔ ɛn bigin kɔt, kɔt dɛn bɔdi wit sɔd ɛn spia lɛkɛ aw dɛn kin de du te blɔd kɔmɔt.
29
Dɛn ala te san go dɔŋ, te ivin tɛm rich fɔ mek di ivintɛm sakrifays. Nɔn fiŋ, nɔ fɛ dɛn nɔ yɛri.
30
Na de Ilayja kɔl ɔl di pipul dɛn se lɛ dɛn ɔl go nia to am. Dɛn go nia am. Ilayja bil di ɔlta we dɛn bin dɔn brok bak.
31
I tek twɛlv ston; wan ston tinap fɔ wan pan Jekɔb in pikin dɛn Jekɔb, we nain PAPA GƆD bin dɔn se go nem Izrɛl.
32
I bil ɔlta wit di twɛlv ston fɔ PAPA GƆD. I dig ol rawnd di ɔlta we go tek lɛkɛ fo galɔn wata.
33
I fiks fiks di wud, dɔn i kɔt, kɔt di kaw pis pis, ɛn put am pan di wud. I se lɛ dɛn gɛt fo jɔg wata tɔn am pan di bif ɛn di wud. Dɛn du dat.
34
I se lɛ dɛn go gɛt ɔda fo kam tɔn am, dɛn du dat. I se lɛ dɛn go gɛt fo bak mek tri tɛm mɔ; dɛn du dat.
35
Di wata rɔn dɔŋ di ɔlta, sok di wud ɛn ful-ɔp di ol.
36
Wɛn di tɛm rich fɔ ɔfa di sakrifays, Prɔfɛt Ilayja muf go bifo ɛn bigin pre se, “E PAPA GƆD, di PAPA GƆD fɔ Ebraam, Ayzak ɛn Jekɔb, lɛ dɛn pipul yaso no tide se yu na PAPA GƆD na Izrɛl ɛn mi na yu savant, ɛn wetin a de du so na wetin yu tɛl mi fɔ du.
37
Ansa mi PAPA GƆD, ansa mi, fɔ lɛ dɛn go no se fɔ tru, tru yu PAPA GƆD na PAPA GƆD, ɛn yu dɔn rɛdi fɔ tɔn dɛn at bak to yu.”
38
PAPA GƆD in faya fɔdɔm kam dɔŋ ɛn bɔn di sakrifays, di wud, di ston dɛn ɛn di grɔn, ɛn dray ɔl di wata we bin de na di ol.
39
Wɛn ɔl di pipul dɛn si wetin bi, dɛn fɔdɔm flat na grɔn ɛn tɔk se, “Na PAPA GƆD na PAPA GƆD! Na PAPA GƆD, na PAPA GƆD!”
40
Ilayja gi ɔda se lɛ dɛn kech ɔl Beal in prɔfɛt dɛn lɛ wan pan dɛnsɛf nɔ rɔnawe. Dɛn kech dɛn ɛn Ilayja mek dɛn kɛr dɛn go dɔŋ na Kishɔn Vali ɛn kil dɛn de.
41
Dɔn Ilayja tɛl Eab se lɛ i go it ɛn drink bikɔs in yɛri lɛk ren wan kam.
42
Wɛn Eab lɛf fɔ go it ɛn drink Ilayja go ɔp Mawnt Kamɛl, butu in ed na grɔn ɛn put in ed midul in tu ni dɛn.
43
Dɔn i tɛl in wokman se lɛ i go luk to di si if i si ɛnitin. Di wokman go ɛn kam bak se in nɔ si natin. Ilayja mek i go luk de sɛvin tɛm.
44
Wɛn i go de di las tɛm we mek sɛvin, i se in si sɔntin lɛkɛ klawd we smɔl lɛk mɔtalman an de grap kɔmɔt na di si. Ilayja tɛl am se lɛ i rɔn go tɛl Eab se lɛ i go insay in karej ɛn rɔn go om bifo di ren mit am na rod.
45
Da tɛm de di ples dɔn bigin dak ɛn big, big tinada bin dɔn bigin de blo; wan tɛm nain ebi ren fɔdɔm. Eab go insay in karej ɛn go bak na Jɛzril.
46
PAPA GƆD in pawa kam pan Ilayja ɛn dat mek i bɛlt in klos ɛn rɔn go bifo Eab te rich Jɛzril.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22