bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 14
1 Kings 14
Krio (Krio Fɔs Oli Baybul)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
Da sem tɛm de, Jɛroboam in bɔypikin we nem Abija sik;
2
na de Jɛroboam tɛl in wɛf se lɛ i go na Shaylo to prɔfɛt Aija ɛn mek lɛk fɔ se in nɔto in wɛf. I se na da prɔfɛt de bin tɛl am se in go bi kiŋ.
3
I se lɛ i kɛr tɛn lof bred, kek ɛn wan bɔtul ɔni fɔ di prɔfɛt fɔ lɛ i go tɛl am wetin go apin to di bɔbɔ we sik.
4
Di uman insɛf du wetin Jɛroboam se ɛn go na Shaylo to Aija. Aija nɔ bin de si igen, in yay bin dɔn go bifo go wet am.
5
Bɔt PAPA GƆD bin dɔn tɛl am se Jɛroboam in wɛf de kam mit am fɔ aks am bɔt in bɔypikin we nɔ wɛl. I se i go mek lɛk fɔ se in nɔto Jɛroboam in wɛf ɛn i fɔ gi am di rayt ansa.
6
So wɛn Aija yɛri di uman na di domɔt, nain i se, “Jɛroboam in wɛf kam insay nɔ; wetin mek yu de mek lɛk fɔ se yu nɔto yu? A gɛt bad nyuz fɔ yu.
7
Go tɛl Jɛroboam se, PAPA GƆD, di PAPA GƆD we Izrɛl de wɔship se, nain i pik pan ɔl di pipul dɛn fɔ lid di Izrɛlayt dɛn.
8
Dɔn i pul di kindɔm na Devid in an ɛn gi am fɔ rul, bɔt i nɔ biev insɛf lɛkɛ in savant Devid we bin de du ɔl wetin i tɛl am ɛn bin de sav am wit ɔl in at ɛn du wetin rayt.
9
Di kayn bad tin we i dɔn du nɔbɔdi nɔ wande du am bifo am. I grap go mek gɔd fɔ insɛf wit ayɛn. Sɛf i dɔn ambɔgin PAPA GƆD bad bad wan.
10
I se Jɛroboam go sɔfa fɔ wetin i du. Na big big dombolo i go put nain os. I se in go kil ɔl di bɔypikin dɛn na Izrɛl ɛn nɔ kia if di pɔsin na slev ɔ fribɔn. I se in go bɔn Jɛroboam in os lɛkɛ aw dɛn de bɔn dɔti te i dɔn kpatakpata.
11
Dɛn wan we day pan Jɛroboam in famili na siti, na dɔg go it dɛn dedebɔdi, dɔn dɛn wan we day ɔp dɛn il na yuba go it dɛn yon dedebɔdi.” I se na so PAPA GƆD se.
12
I tɛl di uman, fɔ jɛs tɔn bak go om bikɔs as i de rich so di bɔbɔ de day.
13
I se ɔlman na Izrɛl go kray ɛn munin fɔ am ɛn gi am fayn bɛrin bikɔs nain na di waŋren pɔsin na Jɛroboam in famili we bin de waka tret na PAPA GƆD yay.
14
I se PAPA GƆD insɛf go fɛn kiŋ we go rul Izrɛl ɛn kil ɔlman na Jɛroboam in famili, ɛn dat go bi da vɛri de, de.
15
I se PAPA GƆD go pɔnish Izrɛl; dɛn go fiba dɛn plant we de flot na wata. I se in go pul dɛn kɔmɔt na di land we i bin dɔn gi dɛn papa dɛn ɛn skata dɛn ɔl te go biɛn Riva Yufretis bikɔs dɛn bil ples fɔ de wɔship Ashɛra.
16
I se in go pul Izrɛl kɔmɔt nain bɛlɛ bikɔs ɔf di sin we Jɛroboam kɔmit ɛn di sin we i mek Izrɛl insɛf kɔmit.
17
Jɛroboam in wɛf grap ɛn tɔn bak go na Tiza. A i de mas in fut so na di stɛp nain di bɔbɔ day.
18
Dɛn kray fɔ am ɛn bɛr am jɛs lɛkɛ aw PAPA GƆD bin dɔn tɛl prɔfɛt Aija.
19
As fɔ di ɔda tin dɛn we Jɛroboam du wɛn i bin de rul, lɛkɛ di wa we i fɛt dɛn ɔl rayt na di istri buk bɔt dɛn kiŋ na Izrɛl.
20
Jɛroboam rul fɔ twɛnti-tu ia bifo i day. Dɛn bɛr am dɔn in bɔypikin Nadab tek in ples ɛn bi di kiŋ.
21
Kiŋ Sɔlɔmɔn in ɔda bɔypikin we nem Rɛoboam bin ol fɔti-wan ia we i bigin rul as kiŋ na Juda, ɛn na sɛvintin ia i rul insay Jerusɛlɛm we na di siti we PAPA GƆD bin dɔn se na de in go de. In mama nem Naama ɛn na bin Amonayt.
22
Di pipul dɛn na Juda du bad bad tin we PAPA GƆD nɔ lɛk. Infakt dɛn mek PAPA GƆD vɛks pan dɛn mɔ pas aw i bin vɛks pan dɛn fɔstɛm-papa dɛn.
23
Dɛn bil ples fɔ de wɔship lay lay gɔd, dɛn mek ɔlta fɔ de mek sakrifays to Ashɛra, dɔn dɛn mek ples fɔ de wɔship am pantap ɔl dɛn il dɛn ɔnda ɔl dɛn tik.
24
Wetin wɔs na dat dɛn bin ivin de mek rare gyal ɛn ple bɔy dɛn de na di ples we dɛn de wɔship. Dɛn du ɔl dɛn bad bad tin we dɛn pipul we PAPA GƆD bin drɛb na di land bin de du.
25
Wɛn kiŋ Rɛoboam dɔn rul fɔ fayv ia, Shishak di kiŋ na Ijipt go atak Jerusɛlɛm.
26
I gɛda ɔl di dia tiŋs dɛn we bin de na PAPA GƆD in os ɛn di kiŋ in os. I tek ɔltin wit di gold big shild dɛn we Sɔlɔmɔn mek.
27
Kiŋ Rɛoboam mek ɔda gold big shild dɛn ɛn put sikyɔriti dɛn nain os in get fɔ de gyad dɛn.
28
Ɛnitɛm we di kiŋ de go na PAPA GƆD in os, di sikyɔriti dɛn kin pul di big shild dɛn ɛn wɛn i de tɔn bak, dɛn kin put dɛn bak usay dɛn fɔ de.
29
As fɔ di ɔda tin dɛn we Rɛoboam du wɛn i bin de rul, dɛn ɔl rayt na di istri buk bɔt dɛn kiŋ na Juda.
30
Ɔltɛm fɛt bin de de bitwin Rɛoboam ɛn Jɛroboam.
31
Wɛn Rɛoboam day, dɛn bɛr am usay dɛn bɛr in pipul dɛn na Devid in siti. In mama na Naama we ɛn na bin Amonayt. Na Abija tek in papa Rɛoboam in ples as kiŋ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22