bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Kings 3
1 Kings 3
Krio (Krio Fɔs Oli Baybul)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Sɔlɔmɔn mek padi wit di kiŋ na Ijipt ɛn mared in gyal pikin. I briŋ di uman kam na Devid in siti ɛn na de i de te i bil in kiŋ os ɛn PAPA GƆD in os dɔn, ɛn bil wɔl rawnd Jerusɛlɛm.
2
Da tɛm de na difrɛn difrɛn say di pipul dɛn bin de mek dɛn sakrifays bikɔs dɛn nɔ bin bil os fɔ PAPA GƆD yet.
3
Sɔlɔmɔn sho PAPA GƆD se in lɛk am bay aw i bin de go bay wetin in papa Devid bin dɔn tɛl am, bɔt na difrɛn difrɛn say nɔmɔ i bin de ɔfa in sakrifays to PAPA GƆD ɛn bɔn insɛns.
4
Wan tɛm i go na Gibiɔn we impɔtant pas ɔl di ɔda ples dɛn fɔ ɔfa sakrifays ɛn ɔfa wan tawzin animal de.
5
Na Gibiɔn i bin de wan nɛt we PAPA GƆD tɔk to am na drim se lɛ i aks am fɔ ɛnitin we i want, in go gi am.
6
Sɔlɔmɔn ansa PAPA GƆD se, “Yu dɔn du bɔku gud fɔ mi papa Devid we na yu savant, bikɔs i bin de fred yu ɛn raychɔs, ɛn i bin gɛt gud at. Yu kɔntinyu yu gudnɛs to am ɛn gi am bɔypikin we dɔn sidɔm nain chia tide.
7
“E PAPA GƆD we na mi PAPA GƆD! Yu dɔn mek yu savant bi kiŋ nain papa Devid in ples. Bɔt mi na smɔl pikin ɛn a nɔ sabi aw fɔ du di wok.
8
Yu savant de wit di pipul dɛn we yu dɔn pik. Ɛn dɛn bɔku, dɛn so bɔku dat i at fɔ kɔnt dɛn.
9
Gi mi sɛns ɛn di kayn at fɔ rul yu pipul dɛn, ɛn fɔ no wetin rayt frɔm wetin rɔŋ. Nɔbɔdi nɔ go ebul bay insɛf fɔ rul dɛn pipul ya gud”
10
PAPA GƆD bin gladi bad we Sɔlɔmɔn aks fɔ dis kayn tin,
11
so i tɛl am se, “Bikɔs na dis kayn tin yu aks fɔ, yu nɔ aks fɔ lɔŋ layf ɔ jɛntri fɔ yusɛf, yu nɔ aks fɔ lɛ yu ɛnimi dɛn day, bɔt yu aks fɔ lɛ yu gɛt sɛns fɔ de rul fayn,
12
a go gi yu wetin yu want. A go mek yu gɛt sɛns ɛn no wetin rayt ɛn wetin rɔŋ; sɛns we nɔbɔdi na wɔl nɔ ɛva gɛt ɛn nɔ go ɛva gɛt.
13
Dɔn igen, a go gi yu wetin yu nɔ aks fɔ sɛf, dat na jɛntri ɛn ɔna, so dat te yu day nɔn kiŋ nɔ go ɛva tan lɛk yu.
14
Ɛn if yu obe mi ɛn kip mi lɔ lɛkɛ aw yu papa Devid bin de du, a go gi yu lɔŋ layf.”
15
Wɛn Sɔlɔmɔn wek na da tɛm de i no se na drim i bin de drim. I go na Jerusɛlɛm ɛn tinap bifo PAPA GƆD in Kɔvinant Bɔks ɛn mek animal ɛn pis sakrifays; dɔn i mek pati fɔ ɔl in ɔfisa dɛn.
16
Wande, tu rare gyal dɛn go tinap bifo Kiŋ Sɔlɔmɔn.
17
Di wan se nain ɛn di ɔda uman tap na di sem os ɛn in bɔn in pikin bifo am.
18
I se tri de afta we in bɔn, nain di ɔda wan insɛf bɔn, ɛn na dɛn tu nɔmɔ de na di os.
19
I se di ɔda uman in yon pikin day na nɛt bikɔs i lidɔm pan am.
20
I se wɛn in de slip nain di uman grap midul nɛt go tif in pikin, dɔn i lɛf in yon day pikin gi am.
21
I se wɛn in grap na mɔnin fɔ sibɔt in pikin i si se na day pikin. Bɔt wɛn i tek tɛm luk am gud wɛn di ples brayt, i si se nɔto di pikin dat we i bɔn.
22
Di sɛkɛn uman ansa am se na lay, nain di sɛkɛn wan gɛt di layf pikin ɛn in di fɔs wan gɛt di day wan. Bɔt di fɔs uman nɔ gri, i se nɔ, nain di fɔs wan gɛt di pikin dɔn di day wan nain di sɛkɛn wan gɛt am. Dɛn bigin agyu bifo di kiŋ.
23
Nain di kiŋ ansa dɛn se wan pɔsin de tɔk se nain gɛt di pikin we gɛt layf dɔn na di ɔda wan gɛt di day wan; dɔn di ɔda pɔsin insɛf de tɔk di sem tin,
24
so lɛ dɛn gi am sɔd. We dɛn briŋ di sɔd kam,
25
di kiŋ gi ɔda se, lɛ dɛn kɔt di pikin we gɛt layf midul: wan go gɛt af, dɔn di ɔda wan go gɛt di ɔda af.
26
Di uman we nain bɔn di pikin fɔ tru, tru sɔri fɔ in pikin ɛn tɛl di kiŋ se lɛ i nɔ kil di pikin. I se bifo dat lɛ i gi di ɔda uman dɔn in go bia. Bɔt di ɔda wan in se nɔ, lɛ dɛn kil di pikin lɛ ɔlman fɔfit.
27
Nain di kiŋ gi jɔjmɛnt lɛ dɛn gi di pikin we gɛt layf to di fɔs uman lɛ dɛn nɔ kil am, bikɔs nain na di mami fɔ tru, tru.
28
Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22