bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Kings 11
1 Kings 11
Lugbara (E’yo Siza Alatararu Munguniri BIBLIA)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Te opi Sulemani le ndra oku kakau suru andini ’diyi, tualu Farau zi be: oku Moabuni ’diyi, oku Amonini ’diyi pie, oku Edomuni ’diyi pie, oku Sidonini ’diyi pie, oku Hitini ’diyi pie.
2
’Diyi suruti Yehovani ndra ’yole anzi Israelini ma tia yi ma e’yosi ’diyi kini, Emi ma fi ’ba ’diyi ma eselia ku, ’ba ’diyi ma efi emi ma eselia ku indi, toko ku yi nga asi emini oja adrou yini inzizu ecekokoru; te Sulemani ebi i yi vu alesi.
3
Oku erini ovu turu aziri, yi opi ezopi, azini oku ati’baru turu na; te oku erini ’diyi yi oja asi erini.
4
A’disiku eri eca ’dini, Sulemanini ovuria mbazauru,okuerini ’diyi yi oja asi erini adrou ma vuti obizu; asi erini lovuni onyiru Yehova Mungu eriniri vu ekile i ati Daudi ma asini ovulerile ku.
5
Te Sulemani bi Asitoreti adrou okuru ’ba Sidonia ’diyiniri ma vuti, azini Milikomu adrou onzikamyaru ’ba Amonia ’diyiniri be.
6
Te Sulemani ’ye e’yo ovupi onzi Yehova ma miliari, eri bini Yehova ma vuti asi driasi ekile i ati Daudini ’yelerile ku.
7
Te ewu nderisi Sulemani ede pari uruleru oni Yerusalemu ma driliari ma dria, Kemosi adrou onzikanyaru Moabuniri dri, azini Moleki adrou onzikanyaru anzi Amonini ’diyiniri dri indi.
8
Eri ’ye ’dini oku ani’baru adripi obiese vele veri vepi, edeta edepi adrou yini dri ’diyi dri indi.
9
Te Yehova ovu adrasi Sulemani vu, asi erinini i ojale Yehova Mungu Israelini i e’dapi eri vu pale iri ’bori kuzurisi,
10
Mungu nde azita fepi eri dri ndra e’yo nderisi, kini eri ma bi Mungu azini ma vuti kuri; te eri mbani azita Yehovani azileri ma ta ku.
11
E’yo nderisi, Yehova ’yo Sulemani tia, Mini ’yele ’dinirisi, mini aziza mani pi ma ta mbale azita mani, mani azile mi tia ’diyi be kurisi, ma nga opi nyaza nze mi driarisi ada, ma nga eri fe ati’bo mini dri.
12
Te di bani mi ati Daudi ma e’yosi, ma ngani e’yo nderi ’ye ewu minisi ku, te ma nga eri nze mi mvi ma driasi.
13
Te ma ngani opi nyaza nze pi ku; ma nga suruti alu fe mi mvi dri ati’bo mani Daudi ma e’yosi, Yerusalemu mani pele ’bori ma e’yosi indio
14
Te Yehova enga ’ba alu ma asi ovuzu ari’baru Sulemani be, eri Hadadi ’ba Edomuni; eri ovu opi Edomuni ’diyi ma suruti.
15
Eri eca ’dini, Daudini ovuzu Edomuarisi, ewu Yoabu ’ba asikari ongulumuru ma dri cepirini tuzu ’ba yini ofule ’diyi osazurisi, ewu erini agupi ofuzu Edomua driarisi,
16
(te etu ’dasi isu Yoabu pi Israeli be dria yi te ’dale mba azia, tezu ’ba agupiru Edomua ’diyi ofuzu dria);
17
te Hadadi apa muzu Misiria ra, eri’i ’ba azini Edomua ati’ba eri ati vile; ’diyi be tualu, de Hadadi ovu nga mva ganaru.
18
Yi enga Midiania, yi ca Parania, yi ’du ’ba azini Parania ’diyi yi be tualu, yi ca Misiria Farau opi Misiriari vu, eri fe eri dri jo, azi nyaka fezu eri dri, fe eri dri angu indi.
19
Te Hadadi isu asi ndriza ambo Farau ma milia, ’dini eri fe oku i vileri ma amvini ovuzu oku eriniru, adaru opi ma oku Tapenesi ma amvi’i.
20
Tapenesi ma amvi ti eri dri agupimva Genubati’i, Tapenesini ezole Farau ma joari’i; te Genubati ovu Farau ma joa Farau anzipi ma eselia.
21
Te Hadadi erini ovuria Misiria ka eri ra kini, Daudi la tualu a’bi erini be ’bo, te Yoabu ’ba asikari ongulumuru dri cepiri dra alu indi, Hadadi ’yo Farau tia, Mi ku ma mu mvi ma vile angua fo!
22
Farau nga di ’yo eri tia, A’di afa ace mini ma vuni ya, ’dini, mi ndre, mini lezu mvizu mi vile angua ani ya? Eri omvi e’yo kini, Afa aluni yo, te ti kiri kiri mi ku ma mu.
23
Te Mungu enga ’ba azini ma asi ari’boru eri be indi, runi Rezoni Eliada mvi’i, apapi opi erini Hadadazeri opi Zobaari vuri.
24
Eri oku ’ba i vu, eri eca ’ba ongulumu dri cepiriru, ewu Daudini ’ba Zobaa ’diyi ofuzurisi; yi mu Damasikia, yi ri ’dale, eri ovu opiru Damasikia.
25
Eri ovu ’ba Israelini be ari’baru ewu Sulemaninirisi dria, tualu e’yo onzi Hadadini ’yeleri be; eri ngu Israeli onzi, eri ovu opiru Suriaa.
26
Te ati’bo Sulemanini Yeroboamu Nebati mvi’i, ’ba Efiraimuni Zeredaari, andri erini Zerua oku awuzioruri, Yeroboamu nderi eju i dri indi a’di ’dizu opi be.
27
Eri eju i dri a’di ’dizu opi be ’eyo ’disi. Sulemani si Milo, azini eri ede aku i ma ati Daudiniri ma abi dika.
28
Te Yeroboamu ovu ’ba okporu omba ’dizu, te Sulemani ka ne eri ovu karilau azi ngapi inza kokoruri, eri ’ba eri azi dria suru Yusufuniri ma drilia.
29
Eri eca ’dinile ewu nderisi, Yeroboamu ka fu Yerusalemuasi, nabi Ahiya ’ba Siloari isu eri geria. Te Ahiya su bongo o’diru; yi kiri iri pari nderia.
30
Te Ahiya tru bongo o’diru erini sule i ruaari, eri osi eri esele be mudri drini iri.
31
Eri ’yo Yeroboamu tia, Mi ’du esele mudri ’diyi; a’disiku Yehova Mungu Israelini ’yo ’dini kini, Ma nga opi nyaza osi Sulemani ma driasi, ma nga suruti mudri fe mi dri.
32
(te suruti aluri nga ovu eri dri, ati’bo mani Daudi ma e’yosi, azini Yerusalemu aku mani pele suruti Israelini dria ’diyi ma eseliari ma e’yosi),
33
a’disiku yi ku ma ra, yi inzi Asitoreti adrou okuru ’ba Sidonia ’diyiniri Kemosi adrou ’ba bua ’diyiniri pie, Milikomu adrou Amoni anziniri pie; te yi acini geri mani ma alia ku, e’yo ovupi onyiru ma miliari ’yezu, azita mani pi ma ta mbazu e’yo mani lile ’diyi be, ekile eri ma ati Daudini ’yelerile.
34
Te ti, ma ngani opi nyaza pa dria eri ma driarisi ku; te ma nga eri ’ba opiru ewu erinia dria, ati’bo mani Daudi mani peleri ma e’yosi, erini e’yo mani azile ’diyi ma ta mbale azita mani berisi.
35
Te ma nga opi nyaza pa mvi erini ma driarisi rai ma nga eri fe mi dri, adaru suruti mudri.
36
Ma nga suruti alu fe mvi erini dri, ’dini ma ati’bo Daudi ma ovu tala be ma drilia ’dani Yerusalemu aku mani pele ru mari, ’bazu alenia ’daleria.
37
Te ma nga mi ’du, mi nga ovu opiru e’yo dria ma drilia ekile mi asini lelerile, mi nga ovu opiru Israeli ma drilia.
38
Te eri nga eca ’dini, mi ka nga e’yo dria ani azile mi driri eri ra, mi ka nga aci geri mania, mi ka nga e’yo ovupi onyiru ma miliari ’ye, azita mani ma ta mbazu e’yo mani azile ’diyi be, ekile ati’bo mani Daudini ndra ’yelerile; ka’dini ma nga ovu mi be, ma nga jo suru minirini si mi dri okporu ekile ndra mani sile Daudi dririle, te ma nga Israeli fe mi dri.
39
E’yo ’disi ma nga ori Daudini ecandi, te ’dani ’dani ku.
40
E’yo ’disi Sulemani nda geri Yeroboamuni fuzu; te Yeroboamu nga enga apa Misiria, Sisaki opi Misiriari vu. Eri ovu Misiria, dani cazu Sulemanini draria. Sulemanini drazuri
41
Te e’yo azini Sulemanini ’yele ’diyi dria, ’yeta erini dria ondua erini be, yi sini yi buku ’yeta Sulemanini ’diyiniri ma alia ku ya?
42
Ewu Sulemanini ovuzu opiru Israeli dria ma drilia Yerusalemua ovu eli kali suo
43
Te Sulemani la a’bi erini ’diyi be, yi sa eri ati Daudi ma akua; te mvi erini Rehoboamu nya opi eri ma paria.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22