bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Kings 15
1 Kings 15
Lugbara (E’yo Siza Alatararu Munguniri BIBLIA)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Abiyamu e’do ini opi nyazu Yuda ma drilia eli mudri drini aro Yeroboamu Nebati mvini opi nyazurisi.
2
Eri nya opi eli na Yerusalemua. Andri erini ma ru Maaka, Abisalomu zi’i.
3
Eri bi e’yo onzi dria i atini ’yele i ma drilia oko ’diyi ma vuti; asi erini ovuni dria onyiru Yehova Mungu erini vu ekile i a’bi Daudi ma asini ovulerile ku.
4
Te ti, Daudi ma e’yosi, Yehova Mungu erini fe eri dri tala Yerusalemua, eri ’ba mvi erini eri ma paria eri vutia, Yerusalemuni edrezu okporu;
5
a’disiku Daudi ’ye e’yo ovupi onyiru Yehova ma miliari, e’yo dria erini azile eri tia ’diyi eri ojani i yi vusi ewu erinisi dria ku, pe kiri Uria ’ba Hitini ma e’yo’i.
6
Te omba ovu ndra Rehoboamu pi ma eselia Yeroboamu be ewu erini ovuzu idrirurisi dria.
7
’Yeta azini dria Abiyamuni, e’yo erini ’yele ’diyi pie dria, yi sini yi buku opi Yudaa ’diyi ma e’yo sizuri ma alia ku ya? Omba ovu vini Abiyamu pi ma eselia Yeroboamu be.
8
Te Abiyamu la i a’bipi be, yi sa eri aku Daudiniria. Mvi erini Asa nya opi eri ma pari ani.
9
Asa e’do ini opi nyazu Yuda ma drilia eli kali iri Yeroboamu opi Israelinirini opi nyazurisi.
10
Eri nya opi eli kali su drini alu Yerusalemua. Andri erini ma ru Maaka, Abisalomu zi’i.
11
Te Asa ’ye e’yo ovupi onyiru Yehova ma miliari, ekile i a’bi Daudini ’yelerile.
12
Eri onze agupi ali o’bapi agupi azinisi ’diyi dria angu nderiasi, eri onze vini wura inzizaru i a’bipini edele ’diyi dria ra.
13
Eri nze vini andri Maakani pari inzizaru opi andriniriasi, a’disiku erini wura ngule onzi Aseraniri edelerisi; te Asa ga wura erini va, ve eri yi raza Kidroni ma tia.
14
Te pari uruleru ’diyi eri nzeni ku. Te Asa ma asi ovu dria onyiru Yehova vu ewu erinisi dria.
15
Eri ofi jo Yehovania afa i atini opele ndu ’diyi pi afa i ngulupini opele ndu ’diyi be, afa dahaburu pi, afa meleru pie, imvu pie.
16
Te omba ovu ndra Asa pi ma eselia Baasa opi Israelini be ewu yinisi dria.
17
Te Baasa opi Israelini tu a’di ’dizu Yuda be, eri si Rama, ’dini eri ma oga ani geri ’ba fupi Asa opi Yudani vusi ’diyi pi dri ’ba fipi eri vu ’diyi be dria.
18
’Di ma vutia Asa o’du dahabu dria acepi lonyi ovupi jo Yehovani ma aliari ma eselia ’diyi pi mele be dria, azini lonyi ovupi opi vile joa ’diyi be, eri fe yi ati’ba erini ’diyi dri; opi Asa pe yi ti Beni-hadadi Tabirimoni Hezioni mvi ma mva vu, eri opi Suriaa ovupi Damasikiari’i, ’yozu kini,
19
Aziza ovu ama eselia mi be, azini ndra ma ati pi ma eselia mi ati be mi ne, ma pe afa feza dahaburu azini meleru ma ti mi dri ’di; mi mu di aziza emini emi eselia Baasa opi Israelini beri anzu, ’dini, eri ma nga ma vusi ani beni.
20
Te Beni-hadadi eri e’yo opi Asaniri ra, eri pe asikari ovupi asikari erini ma drilia ’diyi a’di ’dizu aku Israelini ’diyi be, eri eza yoni pi, Dani pie, Abeli-beti-maaka pie, Cineroti pie dria, angu Nafutaliari pie dria.
21
Eri eca ’dini, Baasa ka e’yo nderi eri ra, eri ku Ramani sikokoru ja, eri ovu Tirizaa.
22
’Di ma vutia opi Asa oji e’yo Yudaasi dria, aluni peni i ku, yi o’du oni azini pari Baasani Ramani sizu ’diyi, ji ra; te opi Asa si ani afa ndesi Geba angu Benyaminiari pi Mizipa be.
23
’Yeta azini dria Asani, okpo erini pie dria, e’yo erini ’yele ’diyi pie dria, aku erini sile ’diyi pie, yi sini yi buku opi Yudaa ’diyi ma e’yo sizuri ma alia ku ya? Te ewu erini ovuzu mbazaururisi, azo ’ye eri paa.
24
Te Asa la i a’bipi be, sa eri a’bipi be aku i ati Daudiniria; te mvi erini Yehosafati nya opi eri ma pariani.
25
Nadabu Yeroboamu mvi e’do ini opi nyazu Israeli ma drilia eli iri Asa opi Yudanirini opi nyazurisi; eri; nya opi Israeli drilia eli iri.
26
Te eri ’ye e’yo ovupi onzi Yehova ma miliari, eri aci geri i atiniria, e’yo onzi erini fele Israelini ’yeleri ma alia.
27
Te Baasa Ahiya mvi, suru Isakariniri otu e’yo eri ruaa, fu eri Gibetoni aku ’ba Filisitiniria; isu de Nadabu pi ’ba Israelini be dria yi ace Gibetoni ma agei ombasi kuru kuru.
28
Adaru eli na Asani opi nyazu Yuda driliarisi, Baasa fu eri kai ra, eri nya opi eri ma pariani,
29
Eri eca ’dini, eri ka fi opiru ’bo, coti eri ofu suru Yeroboamuni dria; eri kuni ’ba aluni mile beni suru Yeroboamuniria ku, cazu erini yi ofuzu driaria, ekile Yehovani ’yole ati’bo erini Ahiya ’ba Siloari ma tisirile;
30
eri ovu ’dini e’yo onzi Yeroboamuni ’yele ’diyi ma e’yosi, azini e’yo onzi erini fele Israelini ’yelerisi, indi vini e’yo onzi erini ’yele aka adra Yehova Mungu Israelinirini engazurisi.
31
’Yeta azini dria Nadabuni, e’yo erini ’yele ’diyi pie dria, yi sini yi buku opi Israelini ’diyi ma e’yo sizuri ma alia ku ya?
32
A’di ovu ndra Asa pi ma eselia Baasa opi Israelini be ewu yinisi dria. Baasani opi nyazuri
33
Baasa Ahiya mvi e’do ini opi nyazu Israeli drilia Tirizaa eli na Asa opi. Yudanirini opi nyazurisi, te eri ovu opiru eli kali iri drini su.
34
Eri ’ye e’yo ovupi onzi Yehova ma miliari, eri aci geri Yeroboamuni ma alia, azini e’yo onzi erini fele Israelini ’yeleri ma alia.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22