bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Kings 3
1 Kings 3
Lugbara (E’yo Siza Alatararu Munguniri BIBLIA)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Te Sulemani pi eci ti Farau opi Misiriari be wa’diru; eri ’du Farau zini okuru, ji eri aku Daudinia, tezu o’du erini jo i ngulupini pi dezuria, jo Yehovani pie, abi kaliru Yerusalemu ageia kuru kururi pie.
2
Te ’ba yi adri edeta ede pari uruleru ’diyia ’dani, a’disiku joni ovule nga sizaru Yehova ma rusi ecazu kpere o’du nderia kurisi.
3
Te Sulemani le Yehovani ra, eri aci azita i ati Daudini vusi; te di kiri eri adri edeta ede azini obiese ve pari uruleru ’diyia.
4
Te opi mu ndra uru Gibeonia edeta edezu ’dale, a’disiku ’dari ovu pari uru agapi turi’i; Sulemani fe ndra pari edeta edezu nderi ma dria edeta vezaru alifu alu.
5
Yehova e’da i Sulemani ma milia orobi alia inisi Gibeonia ’daa; te Mungu ’yo, Mi zi e’yo mini lele ma ma fe mi driri.
6
Te Sulemani ’yo Mi ece yiki ale be ambori ati’bo mini ma ati Daudi dri, lekile erini acile e’yo adarusi, azini e’yo kililirurisi, azini asi onyirurisi mi driliarile; azini mi mba yiki ale be amboru ’diri ma ta eri dri, mini mvini fele eri dri rizu oguna eriniri ’ma driarisi ekile andrurile.
7
Te di, Yehova Mungu mani la, mi ’ba ati’bo mini opiru ma ati Daudi ma paria, te ma ovu kiri mvaani; ma nini fuzu kani fizu ngoni ngoni yari ku.
8
Te ati’bo mini ovu suru mini opele ’diyi ma eselia, adaru suru amboru ongulumuru, ’bani ani ecole lazaru ku ’diyi, econi kalafe yini nizaru ku indi.
9
E’yo ’disi mi fe ati’bo mini dri asi onduaru suru mini ma e’yo lizu, ’dini ma ma eco e’yo onyiru pi ma esele cozu e’yo onzi be beni; te a’di eco suru amboru mini ’dori ma e’yo lizuni ya?
10
E’yo nde Sulemanini zileri fe ayiko Opi dri.
11
Te Mungu ’yo eri tia, Mini zile mi ngulupi dri ovuzu idriru izu kurisi, azini mini zile mi ngulupi dri ovuzu afa e’iru kurisi, azini vini mini zile ari’ba mini ma odra ra kurisi, te mini ondua zile ’dini mi ngulupi dri e’yo liza kililiruri amazurisi,
12
mi ne, ma ’ye ekile mini ’yolerile ’bo Mi ne, ma fe mi dri asi onduaru e’yo vazuri, ’dini mi drilia ’ba aluni yo ovupi ekile mile, azini mi vutia indi ’ba aluni ngani efu ekile mile ku.
13
Ma fe vini mi dri afa mini zile kuri drinia, lonyi pi inzita be iri tro, ’dini ewu minisi dria opi azini ’diyi ma eselia, ’ba ngapi ovupi mileni yo.
14
Te mi ka nga ad geri mani ma alia, azini e’yo mani azile ’diyi ma ta mbazu azita mani be, ekile mi ati Daudini acilerile, ka’dini ma nga ewu mini se izu.
15
Te Sulemani oru ra, te mi ne, eri orobini. Te Sulemani mvi Yerusalemua, eri so pa sanduku aziza Yehovaniri ma drilia, eri ofe edeta wezaru azini edeta asi anzuruni ’diyi ra, eri ’ba omu ati’ba erini ’diyi dri dria.
16
Te oku awuru ali o’bapi ’diyi iri emu opi vu, pa sozu eri drilia.
17
Te oku alu ’yo eri ria, Opi mani la, ama adri oku ’dori be jo alu ma alia; mani mva osiria de eri jo nde ma alia indi.
18
Eri eca ’dinile, o’du na mani osizuri ma vutia, oku ’diri osi indi; ama ovu tualu eri be, ’ba azini jo alia ama be yo, ama ovu eri be joa kiri iri.
19
Te oku ’diri ma mva dra inisi erini lale driniarisi.
20
Te iniayii eri enga agupimva mani ’duzu ma vusi, pari ati’bo minini o’du koria, eri ’ba eri i ma ogulupi ma agatia, la mva avu iniri ma agatia.
21
Te mani engaria o’bitisi ba feria mva driria, mi ne, ma isu de dra ’bo; te mani eri iniria o’bitisi, mi ne, eri ovuni mva mani, mani osileri’i ku.
22
Te oku aziniri ’yo ra, Yo, mva idriruri mani, avururi mini. Te aziniri ’yo ra, ’Dini ku, avururi mini, idriruri mani. Yi ’yo ’ dini opi drilia.
23
Te opi ’yo ra, ’Ba alu ’yo ra, Idriruri mva mani, avururi mva mini; aziniri ’yo ra, Yo, te mva miniri drapi ’bo ’di, mva maniri idriru ’di.
24
Opi ’yo ra, Mi eji mani sei. Yi eji sei opi drilia ra.
25
Te opi ’yo ra, Mi ali mva idriru ali ali, mi fe alini aluri oku aluri dri, alini aziniri oku aziniri dri.
26
Te oku mva idriru ma andriruri, eri ma asini lile mva erini ma e’yosirisi, ’yo opi tia, Opi mani la, mi fe mva idriru eri dri fo, mi fu eri aluani ku fo! Te aziniri ’yo ra, Ma ovu mani yo, mini yo jodi; ma ali eri ali ali.
27
Te opi omvi e’yo ’yo ra,Mi fe mva idriruri eri dri, mi fu eri aluni ku; mva andrini eri’i.
28
Te Israeli dria eri e’yo liza nde opini lileri ra; yi ru opini ani, a’disiku yi odre ondua Munguni e’yo lizu kililiruri ovu eri ma alia.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22