bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Kings 16
1 Kings 16
Lugbara (E’yo Siza Alatararu Munguniri BIBLIA)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
E’yo Yehovani eca Yehu Hanani mvi vu Baasa ma e’yosi ’yozu,
2
Mani mi e’dule uru irifura ma aliasi, mi ’bale opiru ’ba mani Israeli ma driliarisi, te mi aci geri Yeroboamuni ma alia, mi fe ’ba mani Israeli ’ye onzi, adra engazu ma asia e’yo onzi yinisi,
3
mi ne, ma nga Baasani ini teke teke suru erini be ra, ma nga fe suru mini ma ovu ekile suru Yeroboamu Nebati mvinirile.
4
’Ba Baasani odrapi akua ’diyi, oce yi nga nyani, ’ba erini odrapi nyamua amve ’diyi, aria ’bua ’diyi nga nyani.
5
’Yeta azini dria Baasani, e’yo erini ’yele ’diyi pie dria, okpo erini pie, yi sini yi buku opi Israelini ’diyi ma e’yo sizuri ma alia ku ya?
6
Te Baasa la i a’bipi be, sa eri Tirizaa; te mvi erini Ela nya opi eri ma pariani.
7
Azini e’yo Yehovani eca vini nabi Yehu Hanani mvi vu Baasa ma e’yosi, azini suru erini ma e’yosi indi, e’yo iri ’diyisi: erini e’yo onzi ’yele Yehova ma milia adra erini engazu azi eri ma drini ’yelerisi, erini ovule suru Yeroboamunirilerisi, azini erini eri fule kairisi.
8
Ela Baasa mvi e’do ini opi nyazu Israeli ma drilia Tirizaa eli kali iri drini azia Asa opi Yudanirini opi nyazurisi; eri nya opi eli iri.
9
Te Zimiri ati’bo erini, asikari gari ombani erini ma esele awale iri ’diyi ma driliari, eri otu e’yo eri ruaa. Elani ovuria Tirizaa, erini atiria ewa mvuzasi Ariza ’ba aku Tirizaari ma driliari ma joa,
10
Zimiri fi, co, fu eri kai, eli kali iri drini aziri Asa opi Yudanirini opi nyazurisi, eri nya opi eri ma pariani.
11
Eri eca ’dini, eri ka fi opiru ’bo, coti eri ofu suru Baasani dria; eri kuni agupimva ori’ba erini ma eselia, kani agyi erini ma eselia aluani ku.
12
’Dini Zimiri ja suru Baasani ma dri dria, ekile Yehovani ’yole Baasa ma e’yosi nabi Yehu ma tisirile,
13
e’yo onzi dria Baasa pini mvi erini Ela be ’diyi ma e’yosi yini ’yeleri, azini yini fele Israelini ’yele indirisi, adra Yehova Mungu Israelinirini engazu e’yo toko toko yinisi.
14
’Yeta azini dria Elani, e’yo erini ’yele ’diyi pie dria, yi sini yi buku opi Israelini ’diyi ma e’yo sizuri ma alia ku ya?
15
Zimiri nya ini opi Tirizaa o’du aziri a’dule, eli kali iri drini aziri Asa opi Yudanirini opi nyazurisi. Isu de ’ba ongulumuru oku yi ngonde Gibetoni aku ’ba Filisitiaa ’diyiniri ma ageia a’di ’dizu eri be.
16
’Ba yi okupi ngonde a’di ’dizu ’diyi yi eri kini, Zimiri otu e’yo opi ma ruaa, fu eri indi; e’yo ’disi Israeli dria yi ’ba Omiri, ovupi asikari dria ma driliari, opiru o’du nderisi pari yini yi okuzu a’di tezuria.
17
Te Omiri tu uru Gibetoniasi tualu Israeli be dria, yi ace Tirizani kuru kuru.
18
Eri eca ’dini, Zimiri ka ne yi pa aku nderi ’bo, eri fi pari okporu opi vile jo ma alialeruria, eri ’ba jo ma ti i ngulupi ma dria acisi, dra ra,
19
e’yo onzi erini ’yelerisi, onzi erini ’yele Yehova ma milia erini acizu geri Yeroboamuni ma aliarisi, azini e’yo onzi erini ’yele erini fele Israelini ’yele ’diyisi indi.
20
’Yetu azini dria Zimirini ’yele ’diyi, ’lokiri erini e’yo otuzuri pie, yi sini yi buku opi Israelini ’diyi ma e’yo sizuri ma alia ku ya?
21
’Di ma vutia ’ba Israelini co yi ma esele iri; esele alu azini bi Tibini Ginati mvi ma vuti eri ’bazu opiru, esele aziniri bi Omiri ma vuti.
22
Te ’ba Omiri ma vuti bipi ’diyi yi aga ’ba Tibini Ginati mvi ma vuti bipi ’diyi ra; ’dini Tibini dra ra, te Omiri ovu opiruni.
23
Omiri e’do ini opi nyazu Israeli ma drilia eli kali na drini alu ewu Asa opi Yudanirini opi nyazurisi, eri nya opi eli mudri drini iri; te eri nya opi eli azia Tirizaa.
24
Te eri je Semeri dri oni Samariari onzi iri dahabururisi; eri si aku okporu oni nderi dria, eri ’da aku nde erini sileri ma ru Samaria, Semeri oni nderi ma e’i ma ru vusi.
25
Omiri ’ye e’yo ovupi onzi Yehova ma miliari, eri ’ye onzi aga ’ba dria ovupi eri ma drilia oko ’diyini ’yeleri ra.
26
Eri ad geri Yeroboamu Nebati mvini ma alia dria, azini e’yo onzi erini fele Israelini ’yele ’diyi ma alia indi, adra Yehova Mungu Israelinirini engazu e’yo toko toko yinisi.
27
Yeta azini dria Omirini ’yele ’diyi, okpo erini eceleri be, yi sini yi buku opi Israelini ’diyi ma e’yo sizuri ma alia ku ya?
28
Te Omiri la i a’bipi be, sa eri Samariaa; te mvi erini Ahabu nya opi eri ma pariani.
29
Ahabu Omiri mvi e’do ini opi nyazu Israeli ma drilia eli kali na drini aro Asa opi Yudanirini opi nyazutisi, te Ahabu Omiri mvi nya opi Samariaa Israeli ma drilia eli kali iri drini iri,
30
Te Ahabu Omiri mvi ’ye e’yo ovupi onzi Yehova ma miliari aga ’ba dria ovupi eri ma drilia oko ’diyini ’yeleri ra.
31
Te ’ acizu e’yo onzi Yeroboamu Nebati mvini ma aliari ovu eri ma milia e’yo wereni, te drinia eri ’du vini Yezebeli Etibaali opi Sidoniari zini oku iniru, eri mu azi ngazu Baali dri, eri inzizu.
32
Eri si pari edeta edezuri Baali dri, jo Baalini erini sile Samariaari ma alia.
33
Ahabu ede Asera. Ahabu ’ye e’yo aka adra Yehova Mungu lsraelinirini engazu aga opi dria Israelini eri drilia oko ’diyini ’yeleri ra.
34
Ewu erinisi Hieli ’ba Beteliari si Yeriko; erini aku ndu ’baria, Abiramu mva erini osipi okori dra ra, erini kalitile edreria uru Segubu mva vile asizuri dra ra, ekile e’yo Yehovani erini ’yole Yosua Nuni mvi ma tisirile.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22