Job 31

Lugbara (E’yo Siza Alatararu Munguniri BIBLIA)

← Chapter 30 Jump to: Chapter 32 →

1Ma azi e’yo aziza mile mani be; ka’dini ma eco di ani zamva ma rua luzaru ngoni ogoni ya?

2Ka’dini afa Mungu ’buarini ogale fele maniruri a’dini ya? Ma te oga awuruso ngoniri a’i Okpoe’i dri engazu ’bua ya?

3Ovuni candi amboruri, ’ba e’yo kililiru kuri ’yepi ’diyi dri ku ya? Ovuni matuni, ’ba azi oozi ’yepi ’diyi dri ku ya?

4Eri odreni geri maoi ku ya? Lani aci mani ma kalafe ku ya?

5Ma ka ndra aci e’yo toko toko ’diyi be, ma pa ka ndra ozu lokiri vu mbele mbele;

6(Ma o’bi ma afa nziza o’bizu kililiruri ma alia, Muogu ma ni e’yo kililiru maniri ani beni!)

7ma pa ka odra geri ku ra, ma asi ka odra aci li ma mileni ma vutisi, e’yo onzi ma nyebileko ka i ebi ma dria ci;

8ka’dini ’yeke, ma ma ri ori’i, te ’ba andi ma te oyani; ada, ma onze afa kaza ma vile amvuari ola be pi.

9Oku ma e’yo ka ma asi obe ra, ma ka odra mu ri eri mba ’ba ma jo ejeleari ma jotilia;

10ka’dini bani oku manini anya ’izu ’ba azinini, ’ba azinini avuzu driniani.

11A’disiku e’yo ’diri te oga ovu onzikaoyaru tu; ada, eri te e’yo onzi ’ba e’yo lipi ’diyini e’yo lizu ’ba driari’i;

12te eri ovu aci ’ba vepi kpere Dri Jaza vuri’i, eri te nga afa kaza mani onze dria ola be pi pi.

13Ma ka ndra ati’ba mani agupiru ’diyi pi ma e’yo ’ba apara karu okuru ’diyi be, yini agata garia ma be;

14ka’dini ma di nga a’di ’ye, Mungi ka nga ega raria ya? Eri ka nga ’ba andri ra, ma cinga e’yo ngori omvi eri tia ’ya?

15’Ba ma rua edepi opojoani edeni vini erini ku ya? ’Ba aluri sini ama iri tro opojo ma aliani ku ya?

16Ma ka ndra ’ba alioru nde si afa erini leleri fezu ku, ma ka ndra fe awuzio ma mile ni orozu ma vu ti,

17ma ka ndra ri enya mani nya a’dule, imvoanzini nyakokoru

18(’dini yo, engazu mani ovuria karilauru, mva ’dinileri ze ma be tualu ekile i ati vurile, ma ri awuzio ’dinileri ma dre ce, kpere engazu mani efuria ma andri ma alia);

19ma ka ndra ’ba azini ndre dri jaria egbesi bongoni ovule yorisi, kani ’ba alioru afa suza akosi;

20eri ma opile ka ndra ma dri asi ndriza fe ku, kani ruani ka ndra dri kabilo mani ma enyisi ku;

21ma ka ndra ma dri enga ’ba ata kokoruri ma ruaa eri inzazu, mani ’ba ma aza kopiri ndrele kalitilia cirisi;

22ka’dini ma wusi fala ma tru i ti i pariasi ra, ma wu fala ma nyo vini ira.

23A’disiku candi engapi Mungu vuri ovu mani uriuriru tu, erini ovule inzizaru turisi ma econi e’yo azini ’yezaru aluni ku.

24Ma ka ndra mele ’ba ovuzu asi teza maniru, ma ka ndra ’yo mele alaruri ma tia, Mi asi ’baza maniri’i;

25ma ka ndra ovu ayikosi ma afani ovule turisi, ma drini afa isule kakaurisi;

26ma ka ndra etu ndre erini diria, kani mbani erini aciria mveria,

27inzita yi inzizuri ka ndra ma asi obe ndindiru, mani ani ma dri ndruzu ma tilesi;

28e’yo ’diri te nga vini ovu ezata ’ba e’yo lipi ’diyini e’yo lizu ’ba driari’i, ka’dini isu de di ma ga ndra Mungu ’buari si ’bo.

29Ma ka ndra ovu ayikosi ’ba ma ngupirini dri alerisi, ma ka ndra ma enga afusi e’yo onzini eri isule rarisi

30(ada, ma a’ini ma tileni e’yo onzi ’yezu mani eri trizu drazu ’dini ku);

31’ba ma vile hemaa ’diyi ka ndra ’yo kini, A’di eco ’ba trapi za erinisi kuri isuni ya? ’dinini ku

32(te ani’bo lani geria amve ku; ma zi ma jotile ’ba acipiri dri ra);

33ma ka ndra ezata mani oci ’bani adrile ’yelerile, mani e’yo onzi mani ziria kuria ma agatia ci,

34mani ’ba ongulumuru kakau ’diyi rulerisi, mani ovule urisi ori’ba ma onzomatara ma e’yosirisi, ’dini mani ani ovuzu ciri, fuzu jotilia amve ku-

35’Ba e’yo mani eripiri ka te ovu ci, onyiru tu fo! (Mi ndre, ma ti ma dri ’do! Okpoe’i ma omvi e’yo ma tia!) Ma ka te eco ovu asu ma ari’boni sile ’bori be, ’yeke!

36Ada, ma te nga eri ’du ma gbudria; ma te nga eri ombe ma ruaa oku sule driarile;

37ma te nga aci mani ma kalafe olu eri tia; ma te nga esi eri vu ogogo opile.

38Angu mani ka otre asu suzu ma ruaa, odutini ka owu tualu

39ma ka ndra efi kapi alenia ’diyi nya ofekokoru, ka ndra fe angu nde ma e’ipini odrazu ra;

40ka’dini oci ma zo di nganu ma pariani, amba ma zo vini anya ma pariani. E’yo Yobuni ’yole ’diyi asi ’dipi.

← Chapter 30 Jump to: Chapter 32 →