Luke 10

Lugbara (E’yo Siza Alatararu Munguniri BIBLIA)

← Chapter 9 Jump to: Chapter 11 →

1E’yo ’diyima vutia, Opi nga ’ba kali aziriazini ’diyi ope,ngayi ti pe iri iri muzu i drilia aku azini pari dria alu alu i ma ngulupini ’yezu muzuria.

2Eri nga ’yo yi tia, Anya kaza ka tu, te ’ba azi ngapi ’diyi were; e’yo ’disi emi ’ba matu Opi anya kaza ma e’i vu, eri ma pe ’ba azi ngapi ’diyi ma ti anya kaza erini ma alia.

3Emi mu leti eminia; emi ndre, ma pe emi ti ’balau eselia ekile kabiloanzile.

4Emi ma su okporo ku, jurua ku, enyiriko paari ku; azini emi ma zi ’ba ci ci geria aluni ku.

5Emini ngaria firia jo ngonini ma alia, emi ’yo okoni, Asi anzuru ma ovu jo ’diri ma dria!

6Mva asi anzuru beri ka ovu ’daa indi, asi anzuru eminiri nga ri eri dria; te ka ku, eri nga emvi emi vu dika.

7Emi adri jo ’diri ma alia, afa yini fele emi dri ’diyi nyaria, mvuria, te ’ba azi ngapiri fu dri oya a’izu ra; emi mu ovuzu jo vusi jo vusi ku.

8Aku nde emini fizu, yini emi a’izuria, emi ma nya afa ’bani ’bale emi miliari ra;

9emi ati ’ba azoru angu ndea ’diyi ra, emi ’yo yi tia indi, Suru Munguni eca emi vu ogogo ’bo.

10Te aku emini fizu yini emi a’izu kuria, emi fu mu gboko aku ndeniri ma alia, emi ’yo,

11Irifura nde ovupi aku eminia i ebipi ama pa ageleari, ama ewe e’yo eti nzezu emi dria; ka dini ti, emi ni ’diri, kini, suru Munguni eca emi vu ogogo ’bo.

12Ma ’yo emi tia, O’du ’darisi e’vo lizani nga ovu ewaru tu aku ’dari dria aga Sodomu driari ra.

13Candi mi dri, Korazini candi mi dri, Betesaida! tali okpo be ovupi ’yezaru emi ma alia ’diyi ka ovu ndra ’yezaru Turoa azini Sidonia, te’do yi oja yi asi ndra drio, koliba suzu yi ruaa orizu of uta alia candisi,

14Te e’yo liza ma alia e’yoni nga ovu ewaru tu emi dria aga Turo pi ma dria Sodomu beri ra.

15Mi’i Kaperinaumu la, yi nga mi ’du ’ba uru kpere ’bua ya? Mi nga si va kpere Pari ’ba drazaniri ma alia

16’Ba e’yo emini eripiri eri e’yo mani eri ra, ’ba emi gapiri eri ma ga, azini ’ba ma gapiri eri ’ba ma ti epepiri ga’i.

17’Ba ndraka kali aziri ’diyi nga emvi ayiko be, kini, Opi, ka tro orindi onzini ti, yi e’yo amani eri mi rusi ra!

18Eri ’yo yi tia, Ma ndre Satanini e’deria ’bua ekile ovini galerile.

19Mi ndre, ma fe emi dri okpo erinu pa tuzu uri pi ma dria otunukua be ’bo, azini vini okpo okpo dria juruniri agazu; afa azini aluni emi ’yepi onzini yo.

20Ka’dini ti, emi ovu ayiko be e’yo ’dirisi, kini orindi nde yini e’yo emini erilerisi, ’dini ku; te emi ma ovu ayiko be emi runi ovule sizaru ’bua ’borisi.

21Etu nde ’dasi eri ovu ayiko be Orindi Alatararusi, eri nga ’yo, Ma mi inzi tu, Ata, mi Opi ’bu pini nyaku beri, mini e’yo ’diyi ozile ’ba onduaru pi ma milia ’ba e’yo vapi kililiru ’diyi be ra, yi ecezu ’ba odekuaru ’diyi dririsi; e, Ata, ’yezu ’diniri ovu onyiru mi milia.

22Ma Ati fe afa dria ma dri ’bo; azini ’ba aluni nini Mvi eri a’di’i yari ku pe Ata’i a’dule, azini ’ba aluni nini Ata eri a’di’i yari ku pe Mvi’i a’dule, azini vini ’ba Mvini lele Atani ecezu eri driri’i.

23Erini ti coria ’ba erini imbale ’diyi vu, eri nga ’yo yi tia oyokolosi, Mileefi afa emini ndrele ’diyi ndrepiri ovu drilebaru!

24Te ma ’yo emi tia kini, nabi kakau meleki pie, yi le ndra afa emini adrile ndrele ’diyi ndre, te ndreni ku; yi le afa emini erile ’diyi eri indi, te erini ro.

25Mi ndre, ’ba azita imbapiri alu nga pa so uru, eri o’bizu kini, ’Ba ’ba Imbapiri, ma ma ’ye ngoni ka, mani idri ’dani ’dani isuzu awitaru ani ya?

26Eri ’yo eri tia, Si ndra azita ma alia e’yo ngoni ya? Mi la ngoni ya?

27Eri nga omvi ’yo kini, Mi ma le di Opi Mungu mini mi asi driasi, mi orindi driasi, mi okpo driasi, mi asisile driasi; mi ma le ’ba ovupi mi jo ejeleari mini mi ngulupi lelerile.

28Eri ’yo eri tia, Mi omvi e’yo ’yeke; mi ’ye ’dini, mi nga di ovu idri be ani.

29Te eri’i, erini lele i ngulupi ecezu onyirusi, nga ’yo Yesu tia, Te ’ba ovupi ma jo ejeleari a’di’i ya?

30Yesu nga e’yo omvi, ’yo ra kini, Agu azini enga Yerusalemua esi muzu Yerikoa; nga dri fu oguou afa opapi ’diyi be. ’Ba nde ’diyi otru bongo erini, co eri, mu di ra, ku eri de eri ’ye dra dra.

31Isu eri eca ’dini, ’ba kuhaniru alu nga si leti andraleru ’dasi; ka eri ndre ra, eri ali leti kalaarisi.

32’Ba Levini ’ye trotro ’dini indi, eri ka eca pari ’daria, ka eri ndre ra, eri nga aga leti kalaarisi.

33Te ’ba Samariaari alu erini aciria, nga eca eri vu; ka eri ndre ra, yiki nga eri fu erisi,

34eri emu vunia ogogo, nga odu pi osu patiefi ma su be bile erini ma milia, nga ombe bongosi; eri nga eri ’ba akanya iniri ma dria, nga eri eji jo ’ba acipi ad ’diyini Lazoria, eri nga eri agei teo

35Dru ’dini eri nze silingi iri, fezu jo e’i dri, ’yozu kini, Mi te di eri ma agei ci; afa mini ezale silingi ’diyi ma driari, mani emviria ma nga ariotini omvi mi dri ma’i.

36Ka’dini ’ba na ’diyi ma eselia, mi ega a’di ovu ’ba dri fupi oguou be ’diri ma agyi jo ejeleariruni ya?

37Eri nga ’yo ra, ’Ba yiki ’bapi eri vuri’i. Yesu ’yo eri tia, Mi mu ’ye ’dini indi.

38Yini aciria eri fi aku azinia; oku alu runi Marita nga eri a’i jo inia.

39Amvipi erini runi Mariamu’i ri Opi ma palaaleru e’yo erini erizu.

40Te Maritani de i ecandiria azi kakausi, eri nga emu vunia, nga ’yo ra, Opi la, mi egani e’yo ma amvipini ma kuzu au ngazu a’duleri ku ya? Mi azi eri ma ko ma aza fo.

41Te Opi nga e’yo omvi, ’yo tinia, Marita, Marita, mi asini oti oti mini otaria afa kakau ma ’yezasi;

42te di afa leleri ovu alu a’dule. Te Mariamu pe ini afa esele onyiru, yini ngale pale eri ma dria kuri’i.

← Chapter 9 Jump to: Chapter 11 →