bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Luke 13
Luke 13
Lugbara (E’yo Siza Alatararu Munguniri BIBLIA)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Etu nde ’dasi ’ba azini indi yi nga ’ba Galilia yi ma ari Pilatoni osale edeta yini be ’diyi ma e’yo oju eri tia.
2
Eri nga e’yo omvi ’yo yi tia, Emi ega emi asia kini ’ba Galilia ’diyi ovu ’ba onzini aga ’ba Galilia azini ’diyi dria ra, yini candi ’diri isulerisi ya?
3
Ma ’yo emi tia, ’Dini ku; te emi ka emi asi oja ku, emi dria nga dri ja ’dini.
4
Kani ’ba mudri drini aro jo izuru Siloamuarini i asuzu yi dria yi ofuzu ’dayi, emi ega kini yi ’ba mari beni aga ’ba ovupi Yerusalemua ’diyi dria ra ya?
5
Ma ’yo emi tia, ’Dini ku; te emi ka emi asi oja ku, emi dria nga dri ja ’dini.
6
Eri nga e’yo o’beza ’diri olu indi: Agu alu ovu elio pati be sale nga erini ma alia; eri emu efini ndru ruania, te eri isuni ku.
7
Eri ’yo ’ba pati raza edepiri ma tia, Mi ndre, ma emu eli nani ’disi efi ndruzu elio ’diri ma ruaa, te ma isuni ku. Mi ga eri va; eri angu eza toko a’disi ya?
8
Erini e’yo omviria eri nga ’yo eri tia, Opi, mi ku nga eri eli ’disi indi, de nga ma ofuni etini wara ’bazu ku.
9
Eri ka efi ’ya vilerisi, onyiru; ka ku, mi nga eri ga va ndo.
10
Eri ovu ’ba imbaria pari ’bani yi okuzu ’diyi ma azi alua o’du sabatonisi.
11
Mi ndre, oku indi ovupi orindi eri ’bapi okpo kokoruri be eli mudri drini arori; eri otra i nguluru, econi erini i ejuzaru uru aluni ku.
12
Yesu ka eri ndre ra, eri nga eri omve ra, nga ’yo tinia, Oku, ma tru mi azo mini ovuzu okpo kokorurisi ’bo.
13
Eri nga dri ti ruania; oku nde nga i eju kilili coti, nga Mungu inzi.
14
’Ba ’ba dri cepi pari ’bani yi okuzuriari nga ovu di adrasi Yesuni ’ba rua etile o’du sabatonisirisi, eri nga e’yo omvi ’yo ’ba ongulumuru ma tia, O’du azia ’bani ani azi ngazu yi alia ’diyi indi; ka’dini emi emu o’du ’diyisi emi rua atizu, te emi emu etu sabatonisi ku.
15
Te Opi nga e’yo omvi eri tia, Emi ’ba lokiri be ’diyi! ’Ba dria alu alu emi eselia adrini ti erini kani akanya tru licoasi eri jizu yi mvuzu o’du sabatonisi ku ya?
16
Oku Iburahimu ma zaaru, Satanini ombele, mi ndre, eli mudri drini aro ’diri, onyiru yi ma tru eri ombeza eri ma ruaa ’dirisi o’du sabatonisi ku ya?
17
Erini e’yo ’diyi ’yoria, drinza nga ’ba te agata gapi eri be ’diyi bi dria; te ’ba ongulumuru dria ovu ayikosi e’yo inzizaru dria erini ’yele ’diyisi.
18
Eri di ’yo ani, Suru Munguni eri ovu kile a’dile ya? Ma nga eri o’bi a’di afale ya?
19
Eri kile haradali efi aguni e’dule ’bele nga ini ma aliarile; eri zo ra, nga ca patiru, aria ’bua ’diyi nga jorovu si eri ma arakalaa.
20
Eri ’yo dika, Ma nga suru Munguni o’bi a’di afale ya?
21
Eri ovu kile akufi okuni e’dule zile nganufura afazu na ma alia, de nga pini dria kurile.
22
Eri aci aku ambo ambo ’diyi pi ma eselia aku were ’diyi be, ’ba imbazu, erini muria drile Yerusalemua.
23
’Ba azini ’yo eri tia, Opi, ’ba yi opapi ’diyi yi were ya? Eri nga ’yo yi tia,
24
Emi o’bi asi driasi fizu jotile luruarurisi; te ma ’yo emi tia, ’ba kakau nga le fi ra, te ngani eco ku.
25
Jo e’i ka enga uru, ka jotile opi ’bo, emi ka nga ’ba pa oso amve, jotile kpozu, kini, Opi, mi zi ama dri fo; eri nga e’yo omvi, nga ’yo emi tia, Ma nini pari emini engazuri ku.
26
Emi nga di ’ba ’yo, Ama nya ndra, ama mvu ndra mi milia, mi imba ndra ’ba gboko amani ma alia.
27
Te eri nga ’yo, Ma ’yo emi tia, ma nini pari emini engazuri ku; emi da emi ma vurisi ra, emi ’ba azi onzi ’yepi ’diyi dria!
28
’Dale awu pi nga ovu indi, si nyaza be, emi ka nga Iburahimu pi ndre, Isaka pie, Yakobo pie, nabi pie dria suru Munguni ma alia, de o’be emi ngulupi amve ’bo.
29
Yi nga enga geri etuni efurialeruri piarisi, etuni ’derialeruri pie, andraleruri pie, uruleruri pie dria, yi nga ri va suru Munguni ma alia.
30
Te mi ndre, ’ba ovupi vile ’diyi ma azi nga ovu ’ba drileru, azini ’ba ovupi drile ’diyi ma azi nga emvi ’ba vileru.
31
Etu nde ’darisi ’ba Farisaini azini nga emu, ’yozu eri tia, Mi efu ’diarisi, mi mu, Herodeni lele mi fulerisi.
32
Eri nga ’yo yi tia, Emi mu ’yo obalako ’dari ma tia, Mi ndre, andru dru indi, ma orindi onzi ofu amve, ma ’ba rua ati indi, te o’du nasi ma nga azi mani de teketeke i paria ra.
33
Te ti, ma ma mu geri mania andru, drusi, drozi; te econi nabini drazaru pari azinia amve ku, pe kiri Yerusalemua a’dule.
34
Yerusalemu, Yerusalemu, nabi ofupiri, azini ’ba yini tini pele vunia ’diyi o’bepi onisiri la! Ma le ndra anzi mini okuzu ma vu ekile a’u andrini i ma anzi okule opile ini ma etiarile ’dini pale si ya, te emi leni ku!
35
Mi ndre, jo mini fi di mi dri andruru. Te ma ’yo emi tia indi, Emi ngani ma ndre ku, de nga emi ’yoni ku, ’Ba emupi Opi ma rusiri ma ovu inzizaru!
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24