bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Luke 19
Luke 19
Lugbara (E’yo Siza Alatararu Munguniri BIBLIA)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Eri fi Yerikoa, nga aga trei aleniasi.
2
Mi ndre, agu alu indi, runi Zakayo’i; eri ambo ’ba musoro okupi ’diyini, eri ’ba afa e’ini.
3
Eri ndru Yesuni ndrezu eri a’di’i ya, te eri econi ’ba ongulumuru dri ku, erini ovule alinarurisi.
4
Eri nga nzu drilenia, nga tu elio pati sia uru eri ndrezu, te eri ’ye aga geri ’dasi.
5
Yesu ka eca pari ’daria, eri nga lu uru, nga ’yo eri tia, Zakayo, mi si va mbele; te andru ma nga ovu mi vile joa.
6
Eri si va mbele, eri a’izu ayikosi.
7
’Ba dria ka ndre ra, yi ’ba ono kini, Eri fi la ’ba onzi vile joa.
8
Zakayo nga pa so, ’yo Opi ma tia kini, Mi ndre, Opi, ma afa mani ovuzu yi be ’diyi ma alini fe ’ba alioru dri; ma ka ’ba azini ma afa nze lokirisi ’bo, te di ma mileni omvi eri dri pale su.
9
Yesu nga ’yo eri tia, Andru pata eca jo ’diria ra, erini ovule alu Iburahimu ma mvaru indirisi.
10
Te Mvi ’bani emu ’ba avizaru ndruzu pazu indi.
11
Yini e’yo ’diyi eriria, eri ere e’yo drinia, nga e’yo o’beza ’yo ’dini, erini ecale Yerusalemua ogogorisi, azini yini egale kini suru Munguni ’ye i e’da cotirisi.
12
Eri nga di ’yo ani ’dini, ’Ba opiru azini mu angu ziria, opi nyaza a’izu i ma ngulupini, ngazu emvizu ndo.
13
Eri omve ati’ba ini mudri, nga dahabu fe yi dri o’biza mudri, eri ’yo yi tia, Emi ozi afa ’diyi kapani ezuzu de nga ma ecani ku.
14
Te ’ba suru erinia ’diyi ngu eri onzi, yi pe ojiou ti vutinisi, kini, Ama leni agu ’dirini ovuzu opiru ama drilia ku.
15
Eri nga eca ’dini, eri ka emvi dika erini opi nyaza a’izu ’boria, eri ’yo ma omve i vu ati’ba ndra erini dahabu o’biza fezu yi dri ’diyi, eri ma ni a’di isu orodri ini ngopi yari beni.
16
’Ba okori emu ’yo kini, Opi, afa o’biza mini ndrakari isu drinia afa o’biza mudri ’di.
17
Eri ’yo tinia indi, Mi ’ye ’yeke, mi ati’bo onyiruni! Mini i ovuria asi adaru be afa were turisiI risi, te ma fe mi dri okpo ovuzu aku mudri ma drilia.
18
’Ba iriri emu, kini, Opi, afa o’biza mini isu drinia afa o’biza towi ’di.
19
Eri ’yo vini tinia kini, Mi’i indi, mi ma ovu aku towi ma drilia.
20
Ati’bo aziniri nga emu, ’yo ra, Opi, mi ndre, afa o’biza mini, mani tani mbale kitambala ma aliari, eri ’di;
21
te ma ru mi, a’disiku mi ’ba okporuni; mi adri afa mini ’bale va kuri ’du ra, mi adri afa mini rile kuri ra.
22
Eri ’yo eri tia, Mi ati’bo onzini, ma nga di e’yo mini li e’yo efupi mi tiliarisi! Mi ni ra ma ovu,’ba okporuni, ma adri afa mani ’bale va kuri ’du ra, ma adri afa mani rile kuri lo indi;
23
ka’dini mi feni afa o’biza mani jo silingi ta mbazuria ku a’disi ya, mani emviria ma nga ani eri e’du silingi o’bale Idrinia ereniru ’diyi be?
24
Eri ’yo ’ba pa sopi ageinia ’diyi ma tia, Emi ’du afa o’biza erini, fe ’ba i ovupi afa o’biza mudri beri dri.
25
Yi ’yo eri tia, Opi, te afa o’biza ’erini mudri ciari.
26
Ma ’yo emi tia, ’Ba dria kinakina ovupi afa beri dri yi nga afa azini fe drinia; te ’ba! afa kokoruri dri yi nga afa erini ovuzu eri beri pa ra.
27
Te ari’ba mani lepi ma ma nya opi yi drilia ku ’diyi, emi eji yi ’doa, emi ofu yi va ma milia ’dia.
28
Eri ka e’yo ’diyi ’yo ’bo, eri mu drile, tuzu muzu Yerusalemua.
29
Eri nga eca ’dini, erini ecaria Betefage pi vu ogogo Betani be, oni Yini omvele Mizeituni,ri ma tia eri pe ’ba erini imbale ’diyi ma ti iri,
30
kini, Emi mu fi aku emi drilia ’aa’dasiria; emini firia ’bo emi nga akanyamva ’ba aluni nga tuzu rizu drinia kuri isu izaru; emi tru eri ejizu ma vu.
31
’Ba azini ka zi emi tia, Emi eri tru a’disi ya? emi nga ’yo ’dini kini, Opi le erini.
32
’Ba erini tini pele ’diyi mu ra, isu e’yo ovu kile erini ’yole yi tiarile.
33
Yini akanyamva truria, ’ba e’ipiru ’diyi ’yo yi tia, Emi akanyamva tru a’disi ya?
34
Yi ’yo, Opi le erini.
35
Yi ji eri Yesu vu; yi o’be bongo yini akanyamva ma ngukua, nga Yesuni ’ba eri dria.
36
Yini muria, yi nga bongo yini aja geri alia.
37
Eri ka eca pari gerini sizu oni Mizeituni ma driarisiri ma tia ogogo, ’ba ongulumuru erini imbale ’diyi dria ’ba ovu ayikosi Mungu inzizu O’dukoi urusi, tali okporu dria yini ndrele ’diyisi,
38
kini, Meleki emupi Opi ma rusiri ma ovu inzizaru! Asi anzuru ma ovu ’bua, diza ma ovu angu uruleru turia!
39
’Ba Farisaini ma azi ’ba ongulumuru ma eselia ’diyi ’yo eri tia, ’Ba ’ba Imbapiri, mi ega ’ba mini imbale ’diyi ma dria.
40
Eri nga e’yo omvi, ’yo kini, Ma ’yo emi tia kini; ’ba ’diyi ka adri ciri, oniefi yi nga di otreni.
41
Eri ka eca ogogo, ka aku ambori ndre ra, eri nga wu erisi,
42
’yozu kini, Mi ka te e’yo asi anzuru fepi ’diyi ni mi’i o’du andru ’disi, ’yeke! Te curu’do yi ovu ozizaru mi milia.
43
Te o’dui azini nga eca mi dria, ari’ba minini ngazu cenze osuzu mi ageia, mi acezu kuru, geri ogazu mi dri kalaasi dria,
44
yi nga mi gu va nyakua, anzi mini ovupi mi alia ’diyi be, azini yi ngani mi alia oni alu ku adrozaru i agyi dria ku mini ewu yini mi andrizuri nile kurisi.
45
Eri fi hekalua, eri ’ba ’ba afa olepi alenia ’diyi odro amve,
46
nga ’yo yi tia, E’yo si yi ’dini, jo maniri nga ovu jo Mungu zizaniri’i; te emi ’ba eri oni gule oguouni i zizu aleniariru.
47
Etuzu etuzu eri adri ’ba imba hekalua. Te ’ba ’wara kuhaniru ’diyi pi, ’ba azita sipi ’diyi pie, ’ba ’wara ’diyi pie ndru geri eri dri jazu;
48
te yi isuni e’yo yini ecole ’yeleri ku, ’ba dria yini yi ebile eri ruaa e’yo erini erizurisi.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24